香港阿豬媽的个人专页

由於參加了某會卡，所以嘗試去此餐廳，打了好幾日電話想做booking,永遠都係冇人接電話，所以就through open rice 去訂枱。到達目的地後，門口等了幾分鐘仍未有人理會，所以就入到餐廳內看看，已經係晚上七點了，仍然係小貓三四隻，坐低後，初級服務員就話今日果烤爐壞咗，所以就唔會有pizza 了！What! 你哋係意大利餐廳，點解如果冇Pizza吃，點解唔通知客人？所以我就叫初級服務員搵個經理問下，之後中級嘅女服務員，我問吓佢既然客人有聯絡電話點解你唔通知佢哋今日個爐壞咗呢？佢個回答：咁㗎啦你哋可以叫其他嘢食㗎？ 大佬呀！你哋喺酒店裏便嘅餐廳，唔係嗰啲普通嘅Pizza 店呀！我嚟得酒店食，梗係食呢個service 㗎啦！我同我心裏10分唔服氣，再搵個高級嘅經理問問，佢個解釋話今早個爐已經壞咗㗎啦，一路搶修都搶唔到！我哋問點解你哋有客人嘅電話，應該通知客人話你哋今日冇烤餅爐，而唔係等客人嚟到坐低話冇就冇！by the way, 你哋餐牌唔符合我哋嘅要求取消OpenRice就當我冇出席！今時今日咁嘅服務態度，唔怪得香港人飲食業會越嚟越差！就係多得你哋呢班咁服務員！Anyway, 我會black list 你地, no next run!…查看更多

本人絕對係丼吉日式吉列豬排嘅支持者！剛巧路過旺角，見到呢度開咗間分店，我勁開心！心諗以後唔洗去銅鑼灣同尖沙咀食，旺角家下都有，所以叫朋友食，又唔洗排隊，直入坐低（終於明點解）。我哋叫咗兩客招牌吉列豬扒飯再加75蚊一客刺身刺身食下、再叫兩杯巨峰梳打凍飲。點知D刺身賣相完全唔得，好似未溶晒雪咁，叫服務員過嚟睇睇，佢哋有禮貌咁同我講，換過俾我地。換完返嚟，都係感覺麻麻地，我朋友照食（無計）。好啦！主角出場，吉列豬排飯，賣相仍然好好，同其他分店冇分別。點知我一咬落口，waf!!! 點解D豬扒有豬臭味同油益味，再睇下點解咁多黃色嘅肥糕！！根本冇辦法吞落去！完全同係其他店嘅味道口感差好遠喎！服務員態度好好，話換過兩塊俾我地，但係我哋拒絕左佢地好意！你哋作為一間出名嘅吉列豬排店，點解唔做好啲食物品質？！我完全係接受唔到你地差品！呢間旺角分店，我決定例入黑名單，下次唔再去！…查看更多

看到東張報道後，話係無線花旦同男朋友一齊做的fusion 餐廳，所以尋晚同兩個朋友一齊去試吓！餐牌上，睇落好似好多菜品，其實來來去去都係果幾個，價錢方面，位於尖沙咀海洋中心，都算係中下平民價，可以接受。叫了幾款菜品後，D餸嘅擺盤都係靚嘅，不過味道就真係好一般啦！如果同朋友三五知己一齊去chill 下，唔介意food taste, 呢地方算係好好啦！起碼都有打卡位影下相。我希望佢哋快點將食物味道提升一下，會更好！…查看更多

同朋友行過見到旺角廣華街開咗間泰國船麵，好奇之下，入去試吓。我哋二人叫咗兩碗豬肉丸米粉和豬肉丸黃面，一碟泰式炸魚蛋同兩杯drinks! 等咗十分鐘後，兩碗麵來到，我一試， Wow!一飲落個湯底係我最鍾意的black soup,超级正宗、D食材好新鮮又超级好味！今次真係好開心，因為以後唔洗專登飞去曼谷食，都可以係香港食到呢碗泰國船麵！真开心🥳！我下次一定会再去光顾！#香茅班蘭茶贊#泰式奶茶都唔錯#Yummy…查看更多

一路都知道荃灣海之戀開咗一間新派賣粢飯豆漿嘅新店！所以今日特登出去朝拜打卡，店內環境可以，見人龍都好長，諗住都唔會差得去邊，點知食完覺得真心麻麻哋！我哋叫咗四樣嘢食，原味粢飯，黑芝麻豆漿同芋圓甜品！包括好精美，可惜食後感⋯⋯條油條太乾和有油益味、榨菜太少，肉鬆夠多不過救唔返成條粢飯！真心感到失望！支黑芝麻豆漿好飲可惜唔夠凍！失望！甜品芋圓亦都係唔夠凍！堂食竟然冇餐盤提供，搞到我要自己去手拎去坐位度！哎！反正我食過一次就算，唔會再去幫襯！…查看更多

當我知道葵芳開咗一間高級小小嘅咖啡店，本來都好開心㗎！所以特登去一去朝聖下。地方環境都幾好，D waiters 態度都唔差，可能我哋去嘅時間係平日下午5:30左右。我哋兩個人坐低嗌咗每人一杯嘢飲，一個蝦天使麵、一個牛油果迷利Pizza同埋一個軟殼蟹漢堡包。天使麵同牛油果Pizza都幾好食，可惜天使麵得兩啖仔，份量實在太過少！軟殼蟹漢堡包就真心麻麻哋，太油！兩杯飲品都覺得比較貴唔值呢個價囉同埋唔係咁好飲！呃like打卡就可以！性價比唔高，真係無下次！…查看更多

終於比我搵到好好味嘅冬甩啦！味道好，價錢又合理！我家下每次經過旺角、灣仔同中環都會買啲返屋企食！真係好開心同埋我都介紹咗比幾個朋友去試吓，佢哋都話好好味，希望呢類嘅donut 店，可以更加多分店去新界區會更開心。…查看更多

絕對不會再光臨！諗住海港城裏面啲餐廳差極有限！諗住食泰國菜都唔會差得去邊！加上門口高級，點知奶野！見佢價錢都係屬於中上，估唔到呢度啲嘢全部都好唔掂！哎！先講佢碗牛丸湯河$90啲牛肉竟然係酸（縮），可能我哋比較嘴刁一食食得出！好彩同服務員講佢哋都馬上玩返一碟扎肉俾我哋我食你都唔想再食第二啲嘢㗎啦！雜錦大拼盤個香葉包雞、啲雞竟然有（蘇）味，都冇處理好就煮俾人食！咖喱炒蟹$508啲蟹亦都唔新鮮！埋單要1700百幾（late lunch)我覺得係好唔抵囉！如果佢啲嘢好食$2000，我都覺得抵！可惜真係超級無敵難食！勁嬲…查看更多

终于被我係香港搵到一间味道比较正宗的湖南菜！虽然比起深圳贵好多好多但真係无计，都要去吃！深圳友友们都话赞！我下次一定要再次光顾因为样样都好好食，吃出湖南味！如果想食双色鱼头，记得同餐厅预订呀！仲有呢度有擂辣椒皮蛋，不过觉得如果可以多啲茄子会更好吃！…查看更多

如果鍾意食蛋嘅朋友，可以考慮吓嚟呢間咖啡或茶嘅高級茶餐廳！我覺得佢哋整得比較有心機同埋炒嘅蛋三文治都幾好食！我下次一定會試吓食其他食物！坐喺老闆好熱情招待客人，服務員都係好有禮貌！埋單后老闆話佢名叫Michael,我發現原來個老闆好似係少年廚神!上網一查，我原來真係有眼不識泰山!…查看更多

上星期六朋友請我食呢個lunch semi-buffet,其實舊年嘅12月去咗，係叫散叫！當時仲話佢開咗30年都仲係幾好食！大贊此店！不過今次佢真係令我好失望！第一，食材品質退步咗好多！免費甜品竟然係几件生果仔！以前都係俾雪糕或其他選擇！雖然服務員的態度仍然好好，但係你哋都要保持食物品質㗎！兩個人食咗$1400連埋free flow drinks,我覺得超唔抵!700一個人大把地方好食過佢！我對Kyoto Joe無take 2!…查看更多

半年无嚟吃，估唔到今次来吃退步了咁多！先讲下碟炒花甲，佢完全无乜chili係入面並且係暖冰冰的，果碟咸肉炒九菜花都係暖的，D九菜花咬落去仲感觉到生生地，唔熟。虽然九菜花可以生生地吃，但水凖不复从前好味！🙄谂住叫了两只细蟹吃下，点知又係暖的，D干蒜頭都係暖的！咬落去蟹肉感觉不生鲜，再叫了两碗白米饭，又係暖的，完全唔热！只有送的腐竹鸡蛋糖水是热辣辣的！真係有劲失望😞！以前嘅桥底辣蟹去咗边呀！？幸好D waiters都算比较有礼貌，不然的话，呢个价钱，真的不值。…查看更多

我经常来此coffee shop,觉得这里环境好舒服，食物品质有保证，价格合理。他们有时会一些promotion,好似昨晚上，有一个活动是叫生蚝半打以上就能七折並有两款香槟也同样可以折，所以我认为确实不错！…查看更多

突然想到吃日式炸豬排，覺得去尖沙咀銅鑼灣又遠，所以見到旺角附近有，就選擇試下呢間餐廳,見門口有些奬牌和得獎貼紙，諗住它曾經2017/2018攞過奬，此店應該唔會差得去邊，點知就奶野了！我個人嘅comment 係餐廳環境可以，服務員態度可以接受但係只是唔明佢地啲炸物會有油《益》味，係唔係證明佢地啲油是千年油還是什麼呢？我真搞唔懂！搞到我邊飲水邊吃，不想浪費食物，勉強完成八成就埋單閃人，返到屋企仲要嘔，搞到今早唔C服！下次一定唔會再去！…查看更多

一間充滿誠意的小店、本人誠心推薦!我刚路经此地时，被門口的告示牌吸引住，话什么八点十五分后才做walk in 客，心里想有什么好食呀？！于是乎好奇心下就排队了。入席后，点了一麵一饭作为我和朋友的晚餐。在等着食物来臨前，发现此店老板又是厨师又是侍应，怪不得这么慢啦！然后我地用心等待一小时十五分钟后，食品终于出场，快餓死的我马上进行试食…哗哗哗出来的食物非常好吃！超正！老板用心煮食我们用心等待，果然值得！…查看更多