Pitarkui的个人专页

到了這家阿食神韜韜吃過都大讚的達榮魚翅湯麵吃魚翅撈飯。魚翅撈飯點都試下，另外點了一個魚翅湯麵和一碗魚翅淨湯。這碗東西賣 MOP 32 我覺得還給佢！幾條芽菜什翅就說自己是真材實料，我情願吃 $10 碗的假翅做的碗仔翅囉！這魚翅撈飯還可以，但絕對不能夠用個好字！還點了香脆魚翅球，說是鯪魚球混了魚翅做的，但我丁點魚翅都吃不到。這碟還膽敢賣 MOP 20得過幾粒，好過分！服務一般，完全沒有興趣再來。…查看更多

知道這店常常訂不到位，所以今天碰碰運氣。幸好還有一張，雖然只剩下門口的位置。打開餐牌。於是我們點了炆牛肋骨煲及BBQ豬肉，但待應聽後馬上幫我們打開桌上的鐵板，但被我們制止了，因為我們不想動手烤任何食物，弄得一身油煙。沾上韓國燒烤的油煙，是很可怕的事。因為那股味兒，會依附著你的頭髮、衣服，反正就是個個也知道你剛吃了韓國燒烤...於是改了雜菜粉絲飯，他們的冷盆不是特別出色。但炆牛肋骨煲就做得非常出眾，這個很值得推介。最後送上的甜品，是芒果味雪榚一磚，但我可告訴你，若你趕時間，可先起行。因為這磚雪榚，堅硬如鋼，匙羹是無法插進去的！你唯有一下一下的鑿，才能嘗到它的甜美。…查看更多

一人一爐的shabu shabu，我們點了黑豚肉和松葉蟹腳套餐。挑了昆布木魚及豬骨湯底。(可惜兩款都無味架！-_-')。每個套餐都有前菜、迷你蔬菜拼盤、烏冬。但是份量也不算多，我覺得男仔食完應該是不會產生「飽」既感覺的。而個烏冬，我地都無乜搞過，但老闆走過來查詢意見時，我們當然給予中肯既評價啦！他說我地用既烏冬係好野黎架！唔係出面一般果d喎！咁我未即刻淥左兩條黎試囉，但都無乜特別既？？都係去大型快餐店一人一鍋好過~…查看更多

一行八人，今天走去太平館。和同事share了瑞士汁炒牛河餐和咖哩牛肉餐牛河賣相有點嚇人，河粉又碎又一餅餅，加埋牛肉、豆角，再淋上瑞士汁，搞幾下，上枱食得~反而咖哩牛肉不錯，這個像點樣。很久沒有食過那種原始的餐包，可惜羅宋湯好淡喔！這裡的伯伯侍應也很勤快友善！驟眼所見，光顧的都是上了年紀的人，我們這一檯顯得有點嘈吵。走時，我跟立得好行頭蠟既伯伯講，唔該晒你喔！他靦腆的跟我說：慢行呀！呢句對白，我諗宜家應該好少人會講喇掛！…查看更多

拿！如果有得揀，我唔會揀呢間野飲茶！不過凡事總有第一次既又！唔黎過又點知佢那麼不濟呢！！！叫左以下食物:-炸雲吞：D餡少到鬼咁！叉燒穌：不過不失啦！算好架喇！四寶扎：得平時size的1/3，腐皮包住雞，火腿，魚肚及雞批菇，好聽d講係精緻，難聽d講係縮水！春卷腸粉：個名本身好長既，但我唔記得喇！一黎到，成個外形好似炸兩咁款架！食落就真係絕無驚喜可言喇！都算喇！正正經經兩樣野未好囉！腸粉包住舊春卷，但不倫不類在於，佢用西餐既長碟盛著，懶係糅合中西fusion菜咁，但係確實失望！荷葉飯：呢個就真係要XYZ喇！一個小蒸籠盛著一隻珍珠雞咁款，收我成28蚊，把鬼！馬來亞喳咋：呢個好味！料都足！蓮茸焗布甸：上桌時，覺得賣相非常過癮！開頭食落感覺奶味極濃，食到戲肉，嘩！D蓮茸甜到呢~~~我好似要食藥咁呀！一路食一路灌左3杯水，乜事呀！大哥，好重手下播！我嗜甜都頂唔蒲呀！膩到無人有，甜度高出正常標準九阿幾倍，正常人絕無可能食到。短期內，蓮茸焗布甸唔會係我既選擇，係咁多！結賬：HK$200/2人…查看更多

自從它搬了去對面香檳後，我都沒有來過。我想試試很久的芝士撈公仔麵！點了招牌的豬頸肉芝士撈公仔麵、勁辣川椒牛肉煎蛋飯、凍白啡、凍利賓納。阿哥仔這次芝士落得非常重手，他務求讓整碗麵的麵條與豬頸肉都黏附芝士，如此鋪天蓋地，應沒多少人能招架得住，哈哈但我反而覺得勁辣川椒牛肉煎蛋飯，值得一試。牛肉很入味，辣度也適中。白咖啡，也是這裡的招牌，中規中矩啦！凍利賓納，不願置評。是日晚餐，二人只九十大元！抵！…查看更多

一場來澳門就當然去嚐一下地道的正宗葡國菜。正好我們住黑沙環那邊的，去完龍環葡韻遊覽順路到酒店附近一家試試~~點菜後，侍應先奉上麵包/橄欖，麵包是烘過才上枱，外脆外軟，一流!~我們點了葡式燒乳豬、炭燒沙甸魚、燒魷魚、海鮮飯泡菜。先講是乳豬烤的皮脆肉嫩又香口，一點也不覺肥膩。伴碟的薯片及旁邊配菜更是不可放過！炭燒沙甸充滿炭燒的香氣，吃時可加橄欖油和白醋，一來可除魚腥味二來整條魚的味道都得以提升，不消一會已被我們吃光。串燒魷魚其實份量不大但烤得軟稔，差不多是不用嘴嚼就能吞下。吃時醮那碗白醋和洋蔥來調配的醬汁加檸杧汁更加美味。最後海鮮飯泡飯十分足料包括有蟹蜆蝦等海鮮，那淡湯鮮味十足。讚！總知是十分滿以畢竟山長水遠來食葡國菜，加上服務幾好可以給八十分。買單四人共 MOP420，每人都是百多元，扺！…查看更多

近排雜誌廣告成日賣大閘蟹宴，急不及待要去幫襯下啦!!!上年幫襯鴻星都唔彩，今年"返卓"幫襯。今年個菜單略為改左少少，但都OK！大閘蟹宴如下:1) 生拆蟹粉小籠包2) 原盅雞燉翅3) 清蒸江蘇大閘蟹 (每位三隻)4) XO 醬炒帶子5) 原隻鮑魚袖皮6)飄香臘味蒸糯米飯 7) 燕窩杏汁蛋白露 蟹粉小籠包:-樣靚多汁, 但無乜蟹味, 如果淨當佢係小籠包, 都唔錯嘅原盅雞燉翅:-翅只得好少, 湯底味道一般清蒸江蘇大閘蟹:-個人覺得蟹公係好食過蟹乸,隻隻都有5.兩重, 多膏, 好味XO 醬炒帶子:-不過不失原隻鮑魚柚皮:-柚皮整得好好入味，鮑魚都易入口飄香臘味蒸糯米飯:-等左成晚為左lee啖飯，上年食過勁好味！今年都一樣咁好味，足料臘味好香同糯米好有咬口再加埋個煮過嘅豉油，一淡都唔可以放過。燕窩杏汁蛋白露:-一啲都唔甜嘅杏仁茶味, 唔多鍾意。總結$398一位咁多野係唔錯嘅，會再食!!…查看更多