少林寺的个人专页

呢間嘢犀利，搞到我10幾年冇寫食評都要出聲。22/7 大圍圍方soft opening，公司有開舖，所以21/7 做開舖前準備，夜晚八點幾才離開。在附近找了這間飯店，見入邊都有幾檯人就入去食。20:30，一入去女侍應話佢哋收10點，我哋話冇問題，於是坐低。$28硬食前菜 - 啲鹽多到鹹你唔死嘅腰果薑蔥霸王雞- 一般，冇乜雞味，得D蔥切得幾靚家鄉釀豆腐- 豆腐有啲餿椒鹽九肚魚- 味道不錯，可惜一條九肚魚切開幾條來炸，細細條口感差少少加多一支青島一個白飯，三個人$611。侍應講嘢不是沒有禮貌，不過行為極之令人討厭。每碟餸一食完唔夠2秒就走來問我哋「係咪唔要喇」。最離譜嘅係碟雞，仲有隻雞腳同雞翼，都走來問我哋係咪唔要，我忍唔住望住佢同佢講仲未食完，當時時間係21:15，店入面還有幾檯客人在聊天。食到咁非常冇癮，見到每檯都有西瓜，都決定唔食埋單。埋單時都多口問一句乜有西瓜送咩？女侍應回答嗰啲係老細朋友。老闆人緣應該不錯，每檯都是朋友，不過我也確信，如果唔係朋友的話，咁嘅服務態度應該唔會有常客。我話過以後唔會幫襯呢間舖頭，亦都會同我朋友圈講唔好叫我嚟呢間食。做嘢做到好攰，都忍唔住要寫。寫完食評先發現之前已經有人話服務態度差，真係後悔冇睇吓OpenRice啲食評先入去食。…查看更多

到星期五，朋友必定會搵一間好啲嘅餐廳，對自己好啲，慰勞自己一星期努力嘅工作。呢一間係佢其中一個選擇，日本菜，其中一樣最好嘅，就係環境舒服同埋整體擺設有美感，令人食得比較開懷。午餐相對會比較抵食，我個個人覺得性價比幾高，好大機會會再嚟食。如果食(omakase お任せ)廚師發辦, 就建議坐吧枱，可以一路望住師傅逐件做俾你慢慢食，如果食普通set，咁就坐普通檯吧。魚生實在係好新鮮及肥美，我食吞拿魚每件都有油香，每一件刺身食完都有回甘。碎吞拿魚飯，係我最愛，個飯調味得非常恰當，唔會搶咗啲魚生味道，我一粒米都冇剩。麵豉湯同蒸蛋就冇特別驚喜，不過個重點都係食魚生，我極力推介。…查看更多

朋友住尖沙咀，閒日想揾間餐廳靜靜地食午餐，又想幫襯社企，於是搵到呢間籽樂。一入門口，就有塊版標示左一啲手語動作，方便客人與工作人員溝通，因為有部份職員係弱聽人士。地方唔係太大，但係啲位放得好寬鬆，大家可以坐得幾舒服。朋友叫咗個牛扒我就叫咗個比目魚。午餐會有蒜蓉多士同餐湯餐茶，今日個餐湯係蘑菇湯，煮個湯做得唔錯，蘑菇味濃郁，質感唔錯比較厚身，味道正合我心意。medium rare牛扒煮得比较熟，味道不過不失。比目鱼份量都大，外皮煎得香脆，魚肉好嫩滑，可以推介下。香港人把嘴刁，老實講，味道唔算特別出色，普普通通一個午餐，不過$250兩個午餐，坐左兩個幾鐘，都幾抵。…查看更多

K11 Musea 係近期首選的休閒地點，早前一直想去K11 Artus 或Rosewood住吓，在實行前，先試試Dinning 部分。這次試試的是K11 Artus 的The Commune。在K11的Apps 無意中發現這家餐廳，於是約埋阿妹來一個平安夜lunch，順便視察吓環境。被安排坐在窗邊位置，由於位於高層兼好好太陽，服務員細心講這裡較曬，有需要可以安排其他位置。老實說，真係好曬，不過想睇景，所以無換位。不過越食越熱，最後要求落多少少窗簾。先試試個set lunch， 有美味的麵包🥯，另外頭盤要了八爪魚，由於曬了一段時間，一吃到這個冰凍梅酒啫喱，配上木魚，八爪魚及帶子，真係透心涼，不禁一路食一路讚👍🏻。阿妹叫了Cod fish and potatoes,個presentation好漂亮，喜歡吃薯蓉的不要錯過，將魚和薯仔一起炸，有D 食croquette 感覺。我就食Rib eye, 睇到個樣都開心，牛排煎得不錯，份量不大，配以蔬菜沙律。兩人點了不同甜品，個poached pear 同想像中有差距，不過都幾有趣，但沒有什麼驚喜，賣相很好，最後當然也會有餐茶啦，由於太熱，忍不住叫了凍檸檬茶。Set lunch $330 / set ， 食物水準不俗，好明顯在這裡是吃環境，服務水準很不錯，服務員都十分親切，值得一讚。 如果不吃set lunch, 來這裡吃個burger或三文治當light lunch，享受一下美景也是一個不錯的選擇。 可惜暫時沒有afternoon tea 時段，如果有，我一定來high tea。…查看更多

與父母行K11 musea, 想搵一間坐得比較舒適的，見到此店環境不錯，所以試試。首先第一感覺非常良好，因為店員態度親切，服務態度好。環境燈光偏暗，座位舒適，食物整體質素不錯。咖哩蟹肉做得比較出色，淡淡蟹肉，咖哩不太辣，好香，加點一個蒜蓉飽，點住咖哩來吃，非常惹味，我老爸一個人食曬。生牛河不過不失，湯頭還可以。比較特別的係個鑊仔薄餅。 薄餅入面有豬腩肉，蝦，蔬菜等，由於好散，所以食起上來比較唔方便，份量幾大，所以記得要share食呀！…查看更多

沙田開分店，同朋友去試下兼聚舊，朋友排隊落order後入座等候，如果你有朋友遲D來，唔該一定要幫佢買埋，因為無得加單，要從新排隊俾錢落order。 賣相都算OK，味道沒有太大驚喜，可能由於本人之前都是在日本東京和金澤試過，所以去到香港店第一個感覺就是唔幸福的幸福pancake，因為沙田店環境比較open，像快餐店，另外係用紙盤，而日本店會比較有privacy，用瓷碟及鐵刀叉上，食得舒服D。由於有比較，所以都唔打算再來，如果未試過就一試無妨。…查看更多

睽別三年的香港藝術館從新開館，帶著媽媽感受藝術創作，逛了幾小時，發現在出口的Hue，剛巧可以walk in 就誤打誤撞試了美食。員工們的態度非常友善，幫我們存放大褸後，帶我們入座。在點餐的過程，基本上都是由外國人招待，餐牌是英文的，如有需要他們會請會廣東話的同事協助。午餐有 2 或 3 courses ，有些選擇項目是需要另外加錢，你也可以選擇a la carte，水是要收費的。雖然只是午餐，每上一道菜都會細心介紹一遍，令人更加深入了解每一道菜的材料。整個用餐體驗令人十分滿意，頭盤更是有驚喜。如到香港藝術館，必定會再選擇在此用餐。…查看更多

香港二十多年來都未有這樣亂過，但日子還是要過，飯還是要吃。難得朋友可以放下小朋友出來吃個飯，要避開危險地區，決定來D2Place。日本菜吃得多，這一家主打爐端燒，所以今天主要試試爐端燒。先講環境： 環境不錯，坐卡位，有布簾的，比較有自己的天地，私隱度比一般店鋪高，談天說地最好。服務： Serve 我們的是一個好熱情的大姐，她很有幹勁，不過只能說是我們style 唔同吧，態度比較casual，她走親切路線，不過點菜會唔記得我們第一道菜落什麼，又有漏單，我們未吃完就收碟（可能太黑吧），和朋友討論，作為老闆，我喜歡這個勤力的員工，作為客人，會覺得她有點冒失及over 左d。後段用餐基本上是又一位日本人上菜，上菜前也大聲講一下菜名，像身處日本吃飯一樣。整體服務是不錯的。女人掛住傾，好多都忘記拍照，吃了什麼？軟殼蟹卷· 三文魚籽壽司· 三文魚籽壽司· 鹽辛魷魚· 牛舌爐端燒· 雞翼爐端燒· 雞軟骨串燒· 燒粟米 ·燒茄子· 煙肉秋葵串燒·  煙肉蘆筍串燒  ·燒多春魚  · 明太子飯糰  ·汁燒雞翼。沒有照片的在此補充一下食後感· 鹽辛魷魚 -- 送酒一流，難得唔腥· 燒粟米 --就好像吃粟一燒，賣相也很好· 煙肉秋葵串燒 - 呢個要推薦，因為秋葵一向好多潺,用煙肉包住燒，竟然好好吃，意外驚喜· 煙肉蘆筍串燒 - 呢個就普通D，不過煙肉不會太鹹，剛剛好，點埋沙律醬，更惹味。下次想和三五知己傾偈，都會選擇再來，這次開車沒有喝酒，下次一定要喝Sake......…查看更多

元創方開了這麼久都沒有來過，於是的起心肝同媽媽來看看。這麼近九記牛腩，見不是太多人，又個個都讚好吃，點都試試。叫了咖哩牛筋腩麵及牛腩麵。牛筋牛腩真的很入味也好嫩，只是湯太少，有點乾，別看碗細細，份量其實十足。如果不能吃辣的就不要吃咖哩了，個個都吃到汗流浹背呢。…查看更多

朋友生日，想找個可以靜靜地談天地餐廳，有朋友說這裡還不錯，於是試試。工廠大廈內的餐廳，餐廳環境還算不錯。叫了兩個Set Dinner。 餐湯及麵包還不錯，最後的甜品是最好的，其他的就一般而已。餐湯-蘑菇湯--飲完已經飽了5成餐包-夠熱不錯頭盤- Prawn Cocktail -賣相不錯，味道清新      - Escargot Filo Roll -作為頭盤，有點太飽肚主菜- Scallop Chili Pasta - 不錯      - US Chicken Leg Roll ---好“鞋”甜品- Grand Marnier Souffle- 全晚最好吃呢個…查看更多

公司有Funding吃飯，同事建議來李公館，所以一行10人來試試。一星期前訂位，一天前預訂了炸墨魚丸，茶燻雞，螺頭湯及冰鎮咕嚕肉。環境不錯，因為被安排坐在房間，所以還算“鬆動”，如坐大廳，會比較迫。整體而言，每人HK$250左右，呢個價錢，在灣仔區食中菜，算是抵食了，味道雖然沒有驚喜，但想想去鴻星食飯，起碼都要HK$300per head ，呢個價錢，算是OK了。 所以如果大夥人，可以來試試。今次還有渣打信用卡優惠，有9折。整體而言，都覺得ok, 略嫌有D菜式不夠熱，這次來沒有預訂燻蛋，如果想試的朋友，記得預訂喇。…查看更多

響新城市食中菜，利苑係最佳選擇。但係因為想食炸大腸，所以想起了悅翠。三個人叫了一個＄238 二人餐再加一個炸大腸，每碟餸份量不大，如果係男生可能唔夠，應該再加個飯就差不多。滷水拼盤，有鵝肉，豆腐，豬耳，蛋。味道剛好，不會過鹹。雪菜茄子炆鮮竹 好食，返屋企要試吓煮。海鮮豆腐羹，湯一個.川椒龍鳳球 蝦大隻但係唔夠線味，雞就好滑。炸大腸 皮夠脆，大腸夠嫩。銀杏芋泥，不太甜，可接受。…查看更多

食完新斗記，快D嚟個甜品，嚟到大圍，朋友話傅師傅D甜品好食，緊係要試吓啦。個人最愛芋頭西米焗布甸，推薦大家。至於朋友們都讚焗酥皮香蕉好食。皮薄餡靚。心太軟呢個價錢有呢個水準，讚！炸雞翼好香，配西瓜好得意。燒賣同釣魚蛋一般。…查看更多

同朋友慶祝生日，一行十三人浩浩蕩蕩入大圍新斗記。地方不大，D檯擺得可迫，但係都坐得算OK舒適。至於食物質素。。。覺得有D名過其實。數餸都偏鹹，個個不停飲茶。每碟餸嘅份量都比較細，茶芥好貴吓，每位＄13，再加一，呢度唔係幾抵食.不過個乳豬亦值得一試。叫咗十一道菜，如下。乳豬琵琶豆腐蓮藕餅豉椒炒花甲油鹽水浸花甲香橙骨窩貼小棠菜蝦子柚皮啫啫唐生菜煲 豉油皇銀芽炒麵蠔仔粥4 可樂4 白飯茶每位＄9芥每位＄4…查看更多

澳洲牛奶公司十二點三已經要排隊。。。。。食咗廿年嘅澳洲牛奶公司，講真，食嘅已經唔係味道，因為說實話，炒蛋水準已經下降。去幫襯嘅原因係感情，去感受香港的效率，生命力，拼搏精神，伙計之間的默契。甜品燉奶已經轉投義順的懷抱。。。。。牛肉通粉，炒蛋，火腿，厚多士，熱杏仁霜…查看更多