jyp.fooddaily的个人专页

成日見呢間麵包店咁多人我地又去買咗啲泥食🙈而且佢好多麵包都可以試 試哂先買都得🙈咁就唔怕買完發現個包同自己想像有岀入喇📍蒜香法包$8個包係軟軟地 蒜味唔算好突出 同岀面食既蒜蓉包有啲唔同 但會有種越食越好味咁既感覺📍抹茶餐包 $30@5一袋有5個 但唔好見佢細細個就以為佢好普通！因為佢係抹茶紅豆麻糬包！食落去個抹茶味唔會太淡太重 係食得岀有抹茶味既而且唔會好假既茶味 而佢啲紅豆蓉都好多！食到中間仲有個麻糬 但唔會食到痴牙架 可以買一袋做早餐食都得吖 而且佢係實心架！唔係空心包 不過都有小小空氣位。📍黃金紫薯$18個紫薯蓉都好甘甜 都重手既 不過個包入面啲紫薯蓉就只係偏向一邊 另一邊就冇 唔平均🙁…查看更多

本人就好鍾意呢間嘅嘢飲同岀面清一色嘅珍珠奶茶鋪唔同佢嘅menu幾乎冇咩伏咁芋香鮮乳地瓜小芋圓$26佢嘅地瓜小芋圓鮮乳系列可以話係招牌咁而且唔會有伏 呢杯入面有三色嘅芋圓 有紫薯圓番薯圓同芋圓 佢哋都係軟軟地唔會太硬好似真係食緊芋圓糖水咁而且仲有好多芋頭粒！不過啲芋頭粒我就覺得可以整細啲因為太大粒好難吸上泥😿呢杯熱飲凍飲都好味 熱嘅話個芋香味會重啲🤤呢杯係我心目中嘅第一！竹炭鐵觀音白玉奶茶$26呢杯拎上手啲漸層好啱打卡😂其實佢杯杯都啱打卡🤪不過呢杯感覺特別啲呢杯個鐵觀音茶味幾濃以前飲就覺得好淡 依家睇泥係改善咗白玉啫係白色呢珍珠 好有咬口 煙煙韌韌咁整體泥講茶理史有好多其他飲品店冇嘅飲品而且都做得岀色 價錢都平民 仲大大杯性價比高 值得大家去試…查看更多

早排睇完醫生 覺得好耐冇食韓國菜就去咗附近呢間食 員工服務幾好 好熱情好nice個環境都唔錯我哋叫咗午市套餐 有三個餐牌好多個套餐俾你揀 而且啲價錢合理 套餐全部400有找 不過我哋有再叫其他嘢先貴啲😂套餐包飲品 我哋要咗梨汁 前菜有泡菜 薯條 芽菜 黃蘿蔔 紅蘿蔔同豆 仲會上埋啲醬料 上咗人蔘雞湯先 個人蔘味淡 不過雞就好嫩滑 個湯有少少油 雞入面仲有糯米 整體都唔錯嘅石頭鍋飯我哋揀咗牛肉都幾大份 份量同配料都多 飯又唔會太淋 待應仲會好貼心地俾辣椒醬你自己拌 可以拌岀自己鐘意嘅口味個套餐仲有份烤牛肋骨 待應會上埋生菜同醬汁俾你包起食個份量就相對起來較少 但就有少少油 不過就冇烤得太老嘅問題岀現 所以個口感都幾好食最後我地仲叫多左個紫菜包飯幾大份 味道都好味 不過就好鬆散 一夾起泥就散咗 建議可以卷實啲個紫菜包飯先會更好👀不過整體泥講 係尖沙咀 呢間就算係平少少嘅韓國餐廳 而且食物質素都唔錯 員工態度都好好 所以會考慮下次再去多次🤤…查看更多

早排去咗食生日飯🙈揀咗呢間旺角嘅泰菜，不過要提一提大家先，呢度切餅費係150蚊👀而且要提前訂枱會好啲，當日等位等左一個幾鐘👀芒果糯米飯 $78呢個真心推薦，糯米飯係熱熱地，個椰汁味道好濃郁，而且個芒果大大份仲好甜！係我覺得最好味嘅芒果糯米飯🤤珍珠蠔蛋餅 $88見到有好多枱都有落單，而且屋企人都鍾意食蠔餅就叫左，份量幾足，佢個口感係幾香脆嘅，不過我冇食好多😂大部分都係屋企人食水牛城雞翼 $88唔食得辣嘅朋友會覺得有小小辣，我覺得個汁有少少「傑」同咸咗少少，就唔多對我口味😅，但屋企人就話還好嘅香煎帶子蟹肉酥盒 $88呢個菜式好新鮮，係一啖過嘅size，食到少少青檸嘅味道，食落口感好清新，有啲意想不到嘅夾，值得一試🤤炸魚薯條 $138 個薯條就有點淋，不過個魚柳又ok嘅，不過就唔建議大家叫，因為同岀面賣嘅冇咩分別但貴好多🤫泰式拼盤 $108 人多可以叫泥share 食 ，有春卷，雞翼，蟹餅同斑蘭雞卷，我就覺得整體質素有啲普通，冇咩特別嘅地方🤔就係個雞好味少少咁😅黑松露BB菠菜麵 $128黑松露味重，個汁係唔錯嘅，仲有唔少菇同菠菜🤤不過意粉煮得太淋，如果冇咁淋個口感會好啲👀菠蘿炒飯 $118 配料幾多，不過整體份量就較少，同埋個飯乾身咗啲👀不過不失咁喇最後仲叫左個蒜蓉包 $68 一份有八件，不過送上枱嘅時候已經凍咗啲☹️總括而言，佢嘅擺盤幾適合打卡，環境裝修都唔差，適合啲約會慶祝之類嘅聚會，食物整體算普通，人手嘅問題好需要改善，員工同顧客比例係1vs10枱咁☹️個個舉手都冇人理，不過啲員工又幾有禮貌嘅🙈…查看更多

之前去銅鑼灣飲過一次 覺得幾好但佢開到西灣河之後 真係好令我失望我地叫左兩杯虎虎生風首先珍珠唔夠彈牙 黑糖味又淡然後杯野好似溝水咁淡味到一個點依家似係賣個名唔係賣質量…查看更多

早前心血來潮想食食泰國菜見西環呢間好似唔錯 就入去試下我哋叫左一個泰式牛肉金邊粉一個泰式扎肉雞絲金邊粉待應上菜嘅時候見佢細細碗但其實幾多料 細細碗食多幾碗唔同既都得個湯底幾濃郁 有啲藥材味同香料味散岀泥 似用左好香料同草藥煮岀泥嘅 同岀面其他泰國餐廳嘅味道唔同 應該算係佢自家嘅特色食之前記得要撈勻 如果細食嘅朋友食一個應該就夠唔夠飽可以叫多個小食或者叫多碗我哋就有叫一個泰式米卷 不過冇影相可以俾你揀 要雞、牛、豬三種我哋就揀左雞 同岀面啲米紙卷冇咩分別不過都係偏細件但足料口感都唔錯不過就食過一次就算 下次再食會叫其他小食…查看更多