pris84的个人专页

食物味道和其他連鎖芽莊差唔多冇乜特別今日俾個樓面鬧咗我幾次又故意唔俾枱面落單QR code我舉手舉咗10分鐘冇人理行出去問佢攞QR code，佢話佢執緊枱好忙等咗幾分鐘，我行咗出去收銀問佢攞QR code中間加水我都要自己行出去加 斟水睇返OpenRice都有好多負評關於呢間餐 去到收銀俾錢， 我發現幾個員工都係黑口黑面。 總之行入去食飯就好似加重佢哋工作量咁。下次唔好去…查看更多

朋友嗌嘢食個阿姐鬧人， 好大聲鬧佢，。你冇睇字嘅咩？ 加埋個阿姐啲唔鹹唔淡的 廣東話話鬧咗一陣。我哋真係唔知佢講乜嘢。 其實嗰一刻真係想起身走。不過猶豫咗一陣。 落order嘅時候，佢聽咗四五次都聽漏聽錯。我都想問返佢， 你冇聽字嘅咩？ 真係過分。收錢嘅時候唔清晰有疑問， 佢就大大聲鬧返你， 加湯圓唔使錢啊？ 前面有個阿哥俾錢付款嘅時候俾啲散銀佢， 都俾佢鬧咁多散銀， 超大聲超冇禮貌。 係你自己間舖頭寫住只收現金咋喎 ！ 睇返OpenRice先知道咁多負評， 不過可能大部份人都好似我咁，直接衝入去， 特登寫返篇文，留返個體驗比其他網友！…查看更多

早幾日食過好食， 諗住再返轉頭再去多一次。 唔知係咪復活節假廚師放咗假。 碗麵水準差咗好多， 湯底冇乜味，可能加多咗水。 班蘭咖啡上一次好好飲， 今次完全好似飲水咁。 我唔知我自己究竟食咗啲乜嘢😖 其實一間餐廳水準穩定都好緊要…查看更多

成間舖頭人手唔夠， 等落單等好耐， 上菜都等咗好耐。 枱面壺茶定係水冇晒， 舉手叫人換一壺， 第一個阿姐話好， 轉個頭又去做其他嘢唔記得， 同第二個阿姐講佢又話好， 轉個頭又係唔理我做其他嘢， 等咗差唔多20分鐘， 自己拎個水壺行出去斟水。 自己拎返自己張枱。間舖頭， 抽風系統有啲差， 食完飯出咗門口去到商場， 發現我哋身上一大浸油煙味， 可能餸菜落咗好多豬油炒， 啲味已經吸到去衣服上面。 油煙太犀利， 抽風系統唔係好足夠。食物一般啦，選擇唔算好多，但係真係好油。…查看更多

食物味道可以（ 個人覺得好）, 點咗焗魚腸同埋陳皮牛肉餅 較為特別嘅食物. 經理很好, 門口接待處的男經理很好, 訂咗枱, 早咗到都畀我哋入座, 可能附近都係街坊生意, 餐廳啲經理都好人性化 , 好nice. 上菜d姨姨就慢咗少少, 要講兩三次先明. 上菜嘅時間都快, 會推薦這間餐廳！ ！ …查看更多

由定枱到食飯全個體驗都很好, 門口女經理特別一讚, 又快又醒.見到同行有老人家，會安排冷氣機 無咁大風的位置。 出街食飯主要睇用餐體驗. 這間餐廳很好, 菜品都好味（ 食過2 次only ）等位時間不會太長. 上次來主要因為樓上餐廳排長龍, 才試到這家. 下次會再來, 希望水準保持！…查看更多

入去食飯之前未睇OpenRice食評， 可能餐廳當眼處又走腳就衝咗入去。 原來好多朋友都寫咗差評。首先員工態度好差，大部份都黑面人手又唔夠， 食飯張枱冇紙巾，連續問三個人，問左第三次先至有人拎過來。 食物淡而無味， 完全好似冇煮過咁， 然之後放咗喺個蠟燭盤上面用個蠟燭熱住上菜。豆腐煲又係排骨又係放咗半個鐘，終於有少少味入咗落個餸度， 點解個廚師唔煮耐啲先攞出嚟呢？全部餸都唔入味再評論佢個茶人蔘烏龍都係同出邊飲嘅唔同沖第二炮， 已經係淡晒冇晒味。 呢個情況都唔知叫佢換唔換茶好。 算啦，食咗一次唔會再嚟啦…查看更多

星期三晚上八點幾， 在OpenRice check過時間， 見這一間店收10 點，又近近地， 就行咗入去食晚飯，本身我哋想坐室外 ， 因為冇人帶位，我哋自己坐低，有個女侍應就叫我哋坐返入去室內， 我哋坐低咗唔想搬嚟搬去，佢又話室外要坐第二張枱，因為闊啲， 根本每一張枱長闊高都係一樣，我真係唔知佢講乜，坐低咗就企喺我隔籬拎住支筆吹我落單， 真係未見過有餐廳咁樣逼人落單，行開1分鐘俾人睇一睇都唔得，趕收工。 茶都唔可以俾你， 俾咗一壺白水。入去問過男人， 收銀處裏的， 佢就話茶要另外收錢，咁嘅人都有？ 成千蚊一餐飯都食得起真係睇唔起人俾唔起茶位咩？ 你係咪照收囉，趕時間收工都唔使咁㗎，真係受氣，啲餸菜嚟咗唔夠一陣就不停收碟， 食物從來背脊骨落如果你要收工咪唔好再俾我哋行入嚟囉， 入嚟之前有問你同你哋再三確認， 係咪閂門先俾我哋入？錢又要收， 食物同服務又唔提供…查看更多

喜歡這家餐廳， 有效率， 有禮貌， d食物🥘又好食， 好地道泰國菜， ！！！！！！！！！！快靚正， 不過餐廳晚餐時段成日好full 。 幫襯。左好多次了， 大角咀 、奧運的常去餐廳！鍾意呢間餐廳嘅冬陰功， 辣到適中， 蝦同埋青口都幾新鮮…查看更多

之前冇睇到大家寫嘅食評， 有一次中伏嘅體驗。首先講吓食物嘅質素， 近呢幾年越嚟越差，啲湯好似溝水咁淡而無味。不過算食個快餐都唔講咩質素，而家係除咗啲嘢食冇味。公仔麵浸到淋晒 ， 水吧d朱古力，杏仁霜淡而無味。員工態度又散漫。嘢食擺咗喺出送嗰個位又唔送餐，等到啲食物凍晒先送過嚟，成個地板都係癡粒粒， 油冧冧。同埋有陣怪味. 以上純屬個人感受!…查看更多

我自己係翡翠拉麵小籠包金會員，我都幾鍾意呢間餐廳，其他尖沙咀分店都好好食。我無諗過嚟到中環國金商場，呢間分店反而難食到咁，食物係淡茂茂無味道的，冷氣又勁凍，餸菜15分鐘之內就即刻涼了,除非你趕時間，唸住半個鐘頭內入座兼且埋單，食快餐。唔係千祈唔好嚟。同埋真係唔好點套餐，好求其，好難食！！因為唔想諗食乜，所以點匯豐嗰個優惠套餐。中伏了！！！之後見到中環這間店舖咁多差評，後悔自己冇睇openrice就入咗去🙈。真係好多好多個劣評㗎。 如果唔係靠呢個集團，真係做唔住。補充一句呢度啲員工服務態度都可以，只是食物質素嚴重有待改善。…查看更多

見到啲相咁靚，諗住過嚟試下 手工火鍋， 一入到去未坐低 ，.有個 中年男 侍應 急不及待過嚟介紹 火鍋湯底 ， 最恐怖嗰件事係佢 自己揸主意幫你 揀埋湯底 。 我叫佢等一陣我自己揀。 牛肉選擇少 我哋問服務員 在menu哪一版？ 個男人 又衝過嚟， 一 翻翻咗去最貴嗰版海鮮 拼盤 不停介紹 然之後 叫你落單， 有冇聽清楚我哋係問牛肉 ？！ 再講一次我問嘅係牛肉，不是海鮮 ！！！佢再返去牛肉嗰板介紹和牛拼盤 又係最貴嗰個。 埋單 三個人total三千多元， 平均消費每人一千蚊， menu上面印住明碼實價， 客人點揀 都好， 閣下自理。但係最討厭係好煩好煩有個人一直喺你身邊煩住曬 ，真係好討厭！ …查看更多

整體來說食物偏鹹 ，這個 純粹 係個人 我自己的感覺已。 試了幾道菜， 普遍都係偏鹹。 食物都比較細份，迷你的色， 職員可能比較忙吧 ，舉手都冇乜點樣理你， 要等一段時間 如果坐窗邊 為環境係 靚嘅。…查看更多

好少食過咁難食嘅酸菜魚, 一陣草腥味, 唔辣嘅川菜真係好少食到. 個湯底完全都唔掂！ 可能係師傅改 進咗, 改到 冇乜花椒八角 , 連酸菜都唔夠 真係唔知道我自己食緊一盤酸菜魚同埋啲魚唔知係唔新鮮定點樣一陣草腥味. 見到之前咁 多差評 ,都知伏伏 地.…查看更多

今次的體驗，可以話係滿分。 上星期啱啱食完中午飯 ， 隔咗冇耐再嚟試第二次。 三點鐘開始的下午茶 ，大家有時間的話不妨一試。 地方大 座位足夠 不用排長龍依然都係大角咀 奧海城分店…查看更多