meowfoodie12的个人专页

本來去之前已經見到呢間野啲 社交平台 留言有啲猖狂但因為唔想轉餐廳就試下啦⋯⋯前菜：Parma Ham 配 Foccacia Foccacia 硬過我條命Parma Ham 好厚所以2樣加埋一齊食係好唔夾都亦都好唔知想點因為個 ham 一啖又咬唔斷個包又硬到會整親個咀簡單啲講就係：自己喺 M&S 買嚟整仲好之後我哋 order 咗兩個意粉1: Carbonara with handmade pasta2: XO醬八爪魚短通粉公平啲講短通粉係唔錯但份量真係好少 ⋯⋯個 carbonara 嚟講其實佢個汁同豬腩肉都做得好好會煎到個豬脆哂先但係佢個 handmade pasta ….啲質感係平時 cheap cheap 烏冬咁嘅咬口完全無意粉嘅彈性/好香蛋香味所以佢係完全浪費咗成個汁 😀重點嚟啦呢個 Tirimisu 難食到痴線第一張相大家都可以睇到個餅浸到 bi 哂啲汁出嚟已經搞唔掂 ⋯⋯ 仲要我唔知佢用咗咩咖啡啦我好似飲緊苦茶咁好似用苦茶浸咁 （我平時係飲咖啡㗎）第二張相你又會見到個餅都係浸唔透係真係勁難食😅😅😅😅野飲就不過不失但如果118蚊杯都難飲我應該會再食得嬲啲總括嚟講 我望住廚房出菜嘅位但我無影相啦 好似茶餐廳咁樣佃廚房勁亂就唔好 show 出嚟我食成餐飯就無其他人咁唔好彩有不禮貌待遇嘅不過成餐飯我無論坐咩位（調咗一次位）都一定有個女人望實我食野就真係幾唔舒服下😂可能大家唔會因為咁而被影響我唔係 foodie 但聽聞食評係要 Po張單出嚟 😝唔敢相信2個人食咗700幾蚊高級版意樂我寧願食薩利亞，起碼啲雞翼都滿足到我…查看更多

我哋 book 咗 8:30食飯落單唔夠5分鐘就已經有野食係好開心！我之前食過火夫一次上次嘅體驗都唔錯，值得我再同朋友再去 ⋯⋯點知 😓😓😓😓上次食個蝦麵都覺得啲麵太淋不過起碼個汁都好香蝦味今次個麵都照係好淋！但個汁得小小蝦味最重要係個汁好鬼酸 唔知啲酸味點嚟，蓋過哂啲蝦味酸味 80%，蝦味20%係咪開得耐咗多人嚟咗做響咗個名喇 ⋯⋯啲食物嘅水平開始 hea？之前食都覺得好食嘅（大概一年前）今次真係每樣都好平平無奇無啲咩咁特別😓😓😓呢個價錢我不如落街食串燒宵夜仲抵仲好食😅…查看更多

今次已經係第二次食，第一次食試咗吉列豬扒味增烏冬覺得不錯～ 啲烏冬彈牙、味增湯濃郁但唔咸、吉列豬扒炸粉夠薄今次食第二次就試下個平烏冬啦！叫咗個《黑豚肉平烏冬》（冷）因為嚟到個樣不太討好就無影相😊 我第一次食冷烏冬無 wasabi，都唔緊要！！ 咁可能個冷麵汁夠濃郁，怕遮咗陣味先唔比 wasabi😉 個汁淡到⋯⋯ 我都幾肯定自己去超市買隻3倍濃縮自己溝出嚟仲好食過佢⋯⋯咁我就問店員有冇 wasabi啊？無！個湯無味，可唔可以幫我調濃啲啊？「無啊，因為個汁係喺樽倒出嚟所以無得再調較⋯⋯⋯⋯⋯⋯⋯⋯⋯ 下刪唔知幾多字」因為太重口音，所以我都唔係太聽得明 😀仲要平烏冬唔比add -on ，加隻蛋都好啊😀 唔比！諗住快快趣食埋個烏冬就走，點知個豚肉 😅😅 難食到喺超市是但拎包急凍都好食過佢，如果呢碗野50幾蚊我心甘命抵食垃圾，但佢係$88/$98？仲要服務態度極差，見到啲豚肉食踎落個湯無味，無諗住幫個客同店舖改善 ～ 只係用佢啲極重嘅口音喺到煩我，其實係藉口嚟⋯⋯ 點會同個客講啲湯喺個樽倒出嚟？係都話廚師自己一早調製過啲份量我亦都唔知係咪因為個邊多大陸客所以要請個完全聽唔明佢講乜嘅阿姨翻嚟啦。但唔好意思，我聽咗幾次都唔知佢講乜，仲要態度唔係好。Sorry 附上嘔心豚肉相…查看更多

態度差唔會再幫襯！！開業無耐去咗幫襯，book咗8:00枱。我哋一行三個人8:15分就落咗單，點知等到8:35個侍應嚟話我哋知，我哋order個4樣嘢有2樣都無。因8:30 last order 關係，所以都無得再落單（入座時無講過8:30 last order）。爭拗一輪後，佢哋又比我哋落翻order。我哋就叫翻2樣啦，到8:45又話我哋order其中一個又無哂😅 最後9:05分到先嚟齊所有嘢食。喺用餐途中，因為soft opening 老闆都在場。佢眼見我哋食得好唔愉快，但佢就坐喺我哋隔離枱掛住同佢啲朋友吹水，餐廳嘅 service 同廚房都就快做到冧檔佢都無幫手，坐咗咁耐水都唔比杯我哋 😅😅我哋就同佢反映，佢啲態度好友善嘅～ 不過佢話「我都知你哋食得唔太開心，你都會周圍同身邊嘅朋友講唔好嚟幫襯。咁我哋都無所謂嘅！！😊」我聽到呢句都呆咗 😅我諗住佢哋啱啱新開張，搞到七國咁亂就體諒佢哋，比多次機會啦。隔咗一個月去，因為我哋拖住狗仔嘅關係，所以要坐室外嘅枱。今次叫乜有乜嘅，不過我哋食完餐飯要我哋出聲先問比杯水我哋，仲要外面30度比杯熱水我哋😀😀😀我哋決定以後唔會再幫襯，都分享咗呢個經驗比身邊住喺將軍澳嘅朋友講 ☺️…查看更多