candie_mons的个人专页

因為沿路見到幾個人食藍色雪糕, 豆胃貪得意又想食, 最後係元朗圖書館附近發現左呢間舖!有唔少口味, 不過豆胃俾好似中毒咁嘅藍色吸引住, 所以要左一杯海鹽藍軟雪糕**好好食** 軟雪糕好滑好滑好滑!!! 雲呢拿味好香, 鹹味唔會好勁~~食左一半, 覺得太好味要分享下, 所以只能影到咁嘅樣 XD…查看更多

去到登龍街，求其揀一間食肆，就入左呢間鳥本，落樓先知原來係出名食廚師發辦 ⊙ω⊙*環境*(隔離係間酒吧，出電梯第一時間係見到間酒吧先，我地差啲以為去錯層...... 餐廳入口其實係右邊)整體環境唔錯，我地無訂枱，所以坐普通位，眼見有高枱、室外位(呢晚太大風，雖然有火爐，但有一枱人坐左一陣都轉返入室內)同貴賓房(開頭見到房入面有好多酒，仲以為係有間房專放酒XD)*食物*3款魚生，好新鮮另外叫左7款熟食，豆胃最鍾意食芝士秋葵毛胃最鍾意溏心蛋豬肉捲同和牛橫隔膜肉 (溏心蛋似乎係呢間餐廳嘅得意之作，基本上有溏心蛋既都有廚師推介)掛住食，完全唔記得影相 ╮(╯_╰)╭ (上)牛舌(左)芝士秋葵(右下)食剩最後一粒雞腎最後叫左個甜品，炸蕃薯配雲呢拿雪糕，蕃薯條炸得好香口，呢餐有個好完美的結局另外值得一提個芝麻醬，每人一碟，點串燒食嘅，豆胃食唔停口(≧ω≦)*服務*豆胃其實好滿意侍應嘅服務，殷勤、親切，你問佢有乜推介都會好詳細答你不過，有啲朋友大概會覺得佢地太隨性，唔夠專業，例如佢地會係客面前傾計講笑，挨身挨勢，或者係室外座位區入返室內時，會擺出好誇張嘅「凍到震」表情，然後個身跟住震(真心係誇張，唔係真凍到震，其實佢嘅肢體語言幾好笑，豆胃睇得幾開心)；最差一個應該係倒水嘅時候倒瀉一大灘水，整濕左毛胃個電話，但佢完全無發覺(ー_ー)!!…查看更多