lttyyyyyy的个人专页

幾好坐嘅一間cafe，位置就腳食物質素都唔錯～👅Avocado toast ($98) 7.8/10上枱嚇親，睇相係唔會想像到佢有幾大件🫠sourdough 勁厚，邊位硬身但唔乾，面頭舖滿creamy嘅牛油果同好新鮮嘅kale，水波蛋都整夠兩粒比你（流心程度剛好！）面頭嘅紅椒粉同feta cheese 令到佢清淡得嚟有返啲鹹香～蛋汁mix埋牛油果同sourdough 真係超夾(⁎⁍̴̛ᴗ⁍̴̛⁎)👅Baked Portobello with Black truffle scrabbled egg burger ($105) 7.3/10成間嘅最出名嘅打卡burger，但我會話望落比實際放落口吸引xd 黑松露味唔重，滑蛋應該有溝水，味道偏淡🥹本身大啡茹都冇咩調味，建議用個重味啲嘅source吊一吊味🫥不過個包烘得夠脆身唔會好濕，同埋啲蕃薯條真係加咗好多分～👅Latte ($46)正常味道，不過個拉花幾fun xd👅Creamy black ($46)好少見香港cafe有creamy black 飲～簡單啲嚟講就係打咗泡嘅齋啡，順滑圓潤嘅口感會中和咗個苦味，少飲black嘅人都可以接受的！———————————————整體嚟講性價比唔錯～朋友嚟傾吓偈都幾好，嘢食嘢飲唔會失望，但唔好expect 驚為天人的美味xd 經過尖沙咀唔知食咩好可以嚟食吓(˶‾᷄ ⁻̫ ‾᷅˵)味道：7.4/10環境：7.5/10服務：7/10性價比：7.5/10…查看更多

唔知大家鍾唔鍾意食中東菜😗肥西對印度/中東呢啲落好重香料嘅菜系都幾有好感。今次嚟到bedu食lunch，超鍾意食pita bread嘅肥西期待咗好耐，點知佢轉咗lunch menu，貴咗成舊水不特止，仲由3 courses 變咗做2 courses🥲anyways 一齊睇吓呢間so called 全城第一中東菜有冇料到🤑 🥢STARTERS🥢👅Mezze 中東小吃拼盤 7.4/10個pat粉紅色醬望到都r 晒頭，睇返menu先知係紅菜頭乳酪醬，酸酸哋都幾開胃，連埋啲flatbread 一齊食moist 返塊包，正常嘢。👅Sweet potato falafel 炸蕃薯豆餅配香草鷹嘴豆蓉 8/10呢個有驚喜❗️個幾粒望似巨大化腰豆嘅嘢其實係炸蕃薯豆餅，炸到熱辣辣，食落幼滑得嚟又有豆嘅確喉感😗下面白色嘅hummus連埋Tahini（即係中東白芝麻醬，同亞洲好重芝麻味嘅麻醬唔同，更多地表現出堅果嘅油脂感，好earthy😂）一齊食勁開胃飽肚。伴菜有啲pickles 、醃蘿蔔同埋醃椰菜花，酸甜爽口嘅伴菜中和咗豆泥嘅膩，令到口感豐富咗好多。👅Chili roasted corn 7/10簡單啲嚟講就係硬嘅粟米粒+紅蘿蔔泥+ 杏仁塔布勒沙律🤡調味少少辣啦，但個人對上面三樣嘢嘅好感都不大，不過不失嘅開胃菜。🥢MAIN🥢👅Garlic prawn mujaddara（+$15）8/10三大隻蝦彈牙爽口，只可惜肥西唔食洋蔥，如果唔係撈埋啲小扁豆飯一定正到癲🤑飯粒偏硬身，加埋啲小扁豆，煙煙韌韌幾得意啦個口感～惹味得嚟唔重口味，份量都ok👅Rack of Lamp（+$30）6.8/10Dllm難食到講粗口，I mean 以我對佢嘅期待值嚟講，唔收貨囉😮‍💨冇問過我地想食幾熟，上到嚟大概係medium well 咁上下，算燒得香口，但舊羊冇乜羊香味，羶得嚟同啲蒜味乳酪同香料油唔太夾……肉質唔鞋但除咗近骨位有少少韌，soft啲會好食啲🥲總括嚟講呢兜嘢得個樣🤑👅Cumin roasted chicken skewers 8/10雞肉嫩滑，面頭好多孜然粉，就咁食都唔乾有肉汁☺️連埋啲長形嘅扁藏紅花飯，正！！！成件事好match😗推介～______________________________可能太高Expectations所以少少失望，位置來講唔算遠，上環站行6分鐘就到。但prefer舊Menu，又平又抵食，仲包埋甜品，連埋彼得包簡直完美😋下次都係試返NPC，好想食咖喱！！！不過抵讚嘅係我個朋友遲咗九個字，我哋坐喺度等佢冇嗌嘢食都冇俾人催(⁎⁍̴̛ᴗ⁍̴̛⁎)btw想問大家覺得呢到係中環定上環xdd味道：7.5/10環境：8/10服務：8/10性價比：6.8/10…查看更多

呢間嘢可謂全港數一數二好食🥰睇見啲枱同水牌都知有返咁上下歷史，餸嘅選擇頗多，不過要留意佢酸辣/麻辣/小鍋都當一樣餸LOL👅酸辣腩肉豬脷米線（$5x）8.3/10唔記得咗幾錢lmao😅三餸米線$52起，腩肉個啲就貴啲，自行mix & match 啦大家😗啲餸多到睇啲米線唔到，仲有勁多炸醬酸菜個啲，唔係講笑湯底係杰身嘅，濃郁足料，頭個幾箸筷子都有啲難摷到底🤪湯底超重花生味，酸味偏重，辣得嚟好順口～食到爆汗好爽！！米線係彈牙有咬口嘅，唔會一夾就散。豬脷驚為天人，好有豬味（明嘅會明🤣🤣），份量超多，大大塊，口感偏軟身。啲人話呢間啲腩肉好正，所以嗌咗，不過我本身麻麻地腩肉，但呢間腩肉嚟講算做得唔差，肉質firm得嚟唔乾柴，肥瘦適中。飽到上心口都要食晒成碗🤪___________________________幾廿年嘅舖頭，講真環境同衛生都麻麻，但食米線又唔係fine dine，好多街坊嚟食😌總之係一間我會想食過返尋味嘅米線，有少少難揾，千色店一期隔離轉入去嘅角落位🥵不過都值得嚟食啊各位！！味道：8.3/10環境：3/10服務：6/10性價比：7/10…查看更多

又嚟到肥西最愛的burger🤡人地有名你叫honbo，係香港唯一入選過2020最佳漢堡嘅餐廳😗年幾前肥西係佢得一間分店個時食過灣仔個間，個時真心驚為天人覺得好好食🥺但不嬲好少翻兜同一間餐廳嘅肥西最近同屋企去食南豐紗廠個間，唔知係分店問題定期望越大失望越大，只好慨歎一句：果然人生的一切美好只應留在回憶中🧘🏻👅Honbo ($128) 8.1/10單叫就$98，但食burger冇理由唔加side and drink🤓以餐廳名命名嘅honbo其係係兩塊2oz嘅肉夾埋啲cheese pickles lettuce 同秘制source(同千島醬有九成相似）如果問薄扒同厚扒比有咩好，我會話舊肉係keep到口感嘅同時個邊會做到微脆嘅效果，同埋中間冇咁生，適合啲唔食生牛肉嘅人/小朋友。就咁聽落好似好正，個問題出咗係個包到，鬆軟同少少濕潤，有少少牛油香，但真係呢兩塊包凍到，好心你啦啲料唔多（一睇就知個burger唔厚）就煎耐少少烘耐少少個包🥺中間啲醬同漢堡扒幾好食都冇用嗚🥲👅Cheese burger ($128) 7.8/10問題同上，啲餡都一樣㗎啦，唯一唔同就係換咗舊4oz嘅手打漢堡，食落鬆散過2oz個舊，但肉汁都夠同埋好食嘅。不過冇咩特別囉真係🤡👅Tater Tots 7.2/10如果話啲burger係無驚喜但好食嘅話，啲sides就真係有改善空間。全部都大大份新鮮炸起，不過薯寶咬外脆中空，又未至於完全冇嘢咁誇張，但prefer加返啲大粒啲嘅薯粒增加口感，全部用晒啲超幼身嘅薯蓉真係唔知自己食咗啲乜xd👅Fries 7.4/10Erm 新鮮炸起嘅m記薯條，長度粗度都一樣㗎啦，要讚嘅就係份量多啲同埋熱啲？？？😂😂仲有呢到啲茄汁偏甜，想dip酸啲🥺👅Crispy chicken pops (+$30) 7.4/10呢個要加錢轉，大概有七八舊雞，炸粉唔太厚，有啲似金沙骨個層衣，雞肉都嫩嘅，唔會好乾身，不過肉汁都冇乜㗎啦。個調味肥西個人唔太鍾意，唔夠惹味，但我阿妹就好鍾意食啦haha所以應該啱細路仔口味多啲😌____________________________嗱其實係唔難食可以一戰嘅，esp 佢係海港城都開咗分店，seems幾好view🤪只係冇回憶中咁好食所以失望咗一陣，因為成日都心掛掛想食多次😞屋企人都覺得係正常好食冇咩surprise。個包唔夠熱冇咗食burger 嘅滿足感，同埋佢個size都冇burger 應有嘅個種一啖咬唔晒/望到都飽嘅衝擊🤨不過算啦定價都唔高嘅😂味道：7.8/10環境：7/10服務：8/10性價比：7.5/10…查看更多

南澳風vegan cafe👅想去食個sweet potato pancake好耐，去到先知pancake flavour 成日轉，仲要得一隻味冇得揀嗚🥲anyways 佢地主打vegan pancake，所以食落飽肚得嚟又冇咩罪惡感😗👅Sticky dates almond pancake ($118）7.6/10諗咗好耐嗌唔嗌好🤓見到椰棗有啲卻步，但為咗試pancake而嚟冇理由唔食。vegan pancake口感真係幾有趣，一食就係健康嘅嘅味道😀面頭煎到微焦，咬落chewy 得嚟又會漿住個口，佢唔係fluffy/鬆軟，都唔係麻糬個隻煙韌，未試過係唔會想像到個口感，有啲似好食嘅擦膠lmao🤣但橙味吉士好輕盈一啲都唔膩，濕潤得嚟又酸酸地幾開胃，不過真心飽，千祈唔好自己一個挑戰🥶冇咩見過邊到有大棗呢隻味，大家可以嚟try try，等夏天會想再嚟食個sweet potato pancake~👅Berry bliss ($62) 7.5/10椰子同莓味，朋友嗌嘅，唔甜幾fresh，啲椰子片有啲咬口，不錯喝哦。but I’m not fan of berry anyways😂👅Chocoholic ($62) 7.8/10Tbh I’m a real chocoholic😂永遠食咩飲咩如果有朱古力味實係諗都冇諗就會揀個個item，所以今次都唔例外😌完全零甜，勁濃黑朱古力味，少苦，加埋香蕉同oat好飽肚。不過都係個句，定價頗進取~____________________________Cafe裝修好靚，勁chill，本身間嘢落咗地下半層，坐窗邊望住啲人行嚟行去好寫意🤪不過少少難揾，係條巷仔中間，肥西搭uber 去先冇蕩失路，不過店員好靚好nice，會主動介紹有咩食，cashier隔離仲有啲vegan cake scone cookies，太飽食唔落，有機會嚟試下啲mains同cake😌味道：7.7/10環境：8/10服務：8/10性價比：6.5/10…查看更多

Bookmark 已久嘅餐廳，六月見到有black series (set dinner $248/one) 即刻🐶衝，無限回訪pizza店😋（下列價錢為正價）🥢Starters🥢可能見我地坐得耐都未揀好食咩，d staff 好nice 咁拎咗啲嘢畀我地食住先😗（之後再去食都冇🥲）👅Garlic Knots (圖4）9/10呢個garlic knot 真係好好食，係好撚好食🥲本身garlic+herb+olive oil呢啲千(超)年(級)不(肥)敗(胖)組合唔使放落口都知好食㗎啦，但只可以話motorino 嘅pizza dough 實在太出色，所以焗出嚟嘅knot 外脆內煙韌🤤如果唔係朋友㩒住肥西驚我一陣食唔落，我實成碟清晒😮‍💨🥢Antipasti🥢(圖5）如果唔係black series 包晒成個set，每次嚟都一定只專攻pizza🤓不過呢到嘅antipasti 都幾好食嘅😗👅Mixed green salad （$108）7/10正正常常好食大份嘅salad，菜新鮮，黑醋汁夠酸，無咩好講🌚👅Roasted Squash 7.5/10本身就麻麻地食南瓜，不過店員極力推介呢個新出（定唔知期間限定）嘅香烤南瓜，比個面都要試吓嘅😌點知放入口有驚喜，南瓜軟糯嘅口感，加上橄欖同red onion，配埋微酸嘅番茄醬涼拌，好fresh好醒胃🤙🏻🥢Pizze🥢一入餐廳就畀中間嗰個巨大嘅焗爐吸引，呢個由意大利搭飛機過嚟嘅Stefano Pizza Oven (圖8) 有成400幾度，唔怪之得啲pizza 放入去90秒左右就食得😗Motorino主打嘅正宗拿坡里pizza —— 中間放餡料嘅部分餅底超薄身，係整嘅過程中會將dough 堆落邊位，所以冇餡料嘅邊位會相對厚身😌都係個句，佢地嘅pizza dough實在太出色，帶有微微炭香嘅邊位表面香脆，中間chewy得嚟帶有少少空氣感，話佢係全香港最好食嘅餅底都不為過🤙🏻👅Margherita ($188) 7.8/10最經典嘅口味點都要整返個🤫啲番茄醬同mozzarella 多到好似唔使錢咁🌞佢地用嘅番茄醬偏酸，加埋bazil 同芝士嘅鹹香，果然classic 就係classic🙏🏼覺得呢個口味好食就梗㗎啦，不過就冇咩驚喜😗👅Quattro Formaggi （$208） 8/10特級四式芝士，飽到唔記得影close up，可以係圖3嘅後面揾到佢嘅身影😉兩條囡各自食完一塊Margherita 已經飽飽地（full size 一開四….），但black series就係癲到包一人一個full size pizza🤑身為芝士控嘅一咬落去就覺得驚為天人，後悔點解冇留肚食多幾啖🥲半溶唔漏嘅牛奶芝士同羊奶芝士底，間唔中咬到嘅gorgonzola (blue cheese)又畀到少少衝擊個味蕾，估佢用嘅係dolce gorgonzola ，所以奶香重啲冇咁臭🤪最後加埋淡味但瘋狂拉絲嘅Provolone，一個字：正❗️不過戴返頭盔先，咁多芝士就點都會有啲鹹同濟㗎啦～建議多人啲share/加返幾滴辣油中和返陣味效果更佳👍🏻同埋一定要趁熱食，啲芝士硬咗就冇咁正👹👅Prosciutto di Parma （$238）7/10之後有再返兜motorino，叫咗個有parma ham 嘅試試佢(sor都係冇相😮‍💨) 薄切火腿分量夠多，相對嚟講都偏鹹，面頭仲鋪咗海量牛至，陣味未必個個鐘意😌個人比較推薦上面兩款pizza🤓🥢Dolci🥢👅Nutella Calzone ($98) 6.8/10有forearm 咁長嘅Nutella 餡餅，上枱時嚇親我地兩條囡，本身已經飽到傻….. Basically 佢就係一個摺埋嘅半月形甜pizza🌛店員係我地打完卡之後幫我地切開，啲溶咗嘅棉花糖同Nutella即刻流晒出嚟，睇到我地哇哇聲😗佢餅皮都係照舊用返pizza dough，夾埋海量nutella 同棉花糖，第一啖食落真係好好食，不過真係太太太甜啦，兩個人食真係會食到想死🌝螞蟻人一定要去挑戰吓～👅Tiramisu ($78) 8/10估佢唔到咁好食嘅tiramisu🤙🏻手掌咁大嘅份量夠兩個人share 有突。咖啡、朱古力、酒嘅味道夠balance，啲cream smooth 得嚟唔係太甜，成舊嘢畀我嘅感覺係好輕盈，完全唔膩😋已經飽到想嘔嘅我都忍唔住食完一啖又一啖🌚————————————Motorino 係香港最愛pizza店之一，地點方便，裝修classy，全部staff 都好nice 好熱情，廚師又靚仔😗早少少去到walk in 都會有位～味道：8/10服務：8.5/10環境：7.5/10性價比：7.5/10…查看更多

//每晚看舊影片伊力盧馬冬天故事吃盡各種米線那是我的自由意志僅此而已還可以如此//——《散步之年》My little airport米線同餃子都係肥西吧comfort food，住係荃灣呢個米線集中地實在太幸福🥰荃灣米線導賞團嘅第一站就帶大家嚟到雲家小鍋米線😌👅墨魚頭豬頸肉小鍋薯粉（$63）7.4/10Struggle 咗好耐食薯粉定米線好，嗰日想揾嘢咬吓🤓講咗湯底先，中規中矩啦，呢間嘢辣度偏低，肥西叫咗中辣但唔係好夠辣，湯頭幾濃花生味，食完都幾口渴（重味精）🥲不過份量好大，飽到上心口。啲餸又係多到cls，因為一丁友去食，叫唔到最出名嘅涼拌墨魚頭，唯有轉做餸，好多咬口，但冇咗涼拌個汁就偏腥啦😌不！過！豬頸肉係好食到癲咗，有烤過嘅香味，完全唔柴，厚度適中，爽口得嚟又有油脂感，食極都唔夠皮想即刻encore💯_________________________米線同湯底嚟講，呢間嘢唔高分㗎，但個豬頸肉令我食想再返去食，大家去食記住一定一定一定要食豬頸肉，其他就隨心啦，冇伏但唔好太高expectation😌小店都係坐得迫㗎啦，同埋佢啲搭枱方法小奇怪，唔係左右分，係前後咁𠝹開😂加埋塊板真係冇咩位食嘢，但冇咗塊板就要同對面唔識嘅人你眼望我眼地尷尬進食orz味道：7.4/10環境：5/10服務：6/10性價比：7/10…查看更多

無辣不歡嘅肥西鍾意食川菜就梗架啦😌最近食酸菜魚嘅頻率都幾高，平時就唔食魚嘅，但滑溜無骨唔腥嘅酸菜魚/水煮魚就ok🤪👅老壇酸菜魚（$258 for 2) 8/10可以用$28加一個配料，肥西加咗鴨血、萵筍同薯粉。嗌咗中辣，湯底酸菜頗多，夠酸得嚟都好多花椒同乾辣椒，所以食落小小痹，偏辣😌魚嘅份量足，滑身冇咩刺，間唔中一兩條細骨，好嫩小心一夾就散。個湯本身有啲蘿蔔/冬瓜（？），煮到好淋勁吸湯😚鴨血麻麻，比較易散，口感一般。萵筍絲分量唔多，但爽口清甜，真係必嗌。薯粉係扁身個隻，超煙韌，掛湯得嚟又飽肚，浸耐咗都唔會冇咗個咬口，最愛之麵食！！兩個人食完飽到傻🤣____________________________Openrice book 枱有八折，不過一人收$10茶錢，可能因為我地早食所以冇乜人，姐姐勁熱情，全部都係卡位有梳發，坐得幾舒服，座位闊落，地點都好方便係正地鐵出口隔離，埋單每人百八蚊，銅鑼灣晚市嚟講算抵食😌紅磡個間肥西都食過，但味道同環境方面都係cwb略勝一籌😗味道：8/10服務：8/10環境：7.5/10性價比：7.5/10…查看更多

👅青醬雞胸沙律配檸檬醋醬（$83）8.5/10肥西每次必嗌嘅嘢食🤙🏻睇相都知份量幾足啦🤑夠膽話喺全香港最好食嘅雞胸，微暖嘅雞肉超軟熟嫩滑，配上惹味但唔重口嘅青醬，幾時都話羅勒同雞肉係best friend🤪爽口嘅沙律菜加上酸甜嘅車厘茄同黑橄欖，淋上滿滿嘅檸檬醋同橄欖油，唔開胃就假，連肥西唔鍾意食菜嘅細妹都話要食多幾啖😗👅Alchemy all-day breakfast ($138) 7/10一個好豐富嘅全日早餐，除咗普通都會有嘅煙肉腸仔滑蛋薯粒牛角包同雜菇之外仲有半個牛油果同一大舊密瓜～煙肉偏硬腸仔偏油同細條😌薯粒同滑蛋普普通冇咩記憶點，但炒滑蛋應該用咗兩三粒大蛋，勝在份量夠多。牛油果好熟一啲都唔生，不過肥西本身就麻麻地牛油果陣味所以no comment no judging 喇。牛角包算大舊，如果可以烘得脆啲同重多少少牛油香就perfect池😉不得不提成個餐最出色嘅炒雜菇，微甜嘅醬汁加上爽口嘅菇菇真係食到肥西停唔到口😩整體嚟講係一個不過不失嘅全日早餐😌👅Cappuccino ($42) 7.5/10餐廳有兩款咖啡豆提供，肥西揀咗佢地嘅house blend —— 厚實嘅chocolaty 味道加埋少少nutty，撞上綿密嘅奶泡，係一杯好順口嘅cappuccino，好喝🤙🏻至於拉花就正正常常nth special👅Iced Americano ($39) 7/10同上面個杯揀咗同一隻豆，唔酸但都唔香咖啡味，係一杯好易入口嘅americano，不過肥西飲開triple shots 所以覺得呢杯太淡了～👅Honey bee ($46) 6/10就係梳打水加啲青檸蜜，一杯成五十蚊，自己諗🌞————————————呢間cafe 有三間分店，兩間喺尖沙咀一間係荃灣，肥西三間都去過晒🌞最鍾意美麗華個間，雖然裝修最唔特別，但勝在多位同開得夜，坐係到食幾耐傾幾耐都唔會畀人趕🤙🏻而荃灣嘅呢間有落地窗個景幾靚，不過會畀出面行過嘅人望到晒你做咩（如果你好似肥西咁喜愛被窺探嘅感覺呢到都正🤫）但服務就實在麻麻地，星期日朝早嚟到同屋企人諗住chill吓傾吓偈做吓嘢，明明冇客等緊位但啲staff都係咁睥住晒（可能有time limit?)最後頂唔緊坐咗陣都轉咗場🥱想坐得耐啲嘅話建議都係去返尖沙咀嗰兩間啦～味道：7.5/10服務：5/10環境：8/10性價比：7/10…查看更多

個日上完Pilates trial就random 咁係openrice揾咗間幾chill嘅cafe食dinner，但都唔錯，平平地have a nice chat and food there😙👅香烤焗日式味噌澳洲豬鞍架（$188）8.2/10本身想食油封鴨髀，朋友話想食豬鞍多啲，嚟到當堂畀佢個份量嚇親😳切開放入口個吓都冇失望，豬肉啱啱好熟幾嫩口，keep到肉汁，唔乾柴得嚟又唔肥膩👍🏻有黑黃兩隻source，冇㗳錯嘅話應該分別係黑醋同芥末，肥西覺得both都夾。除咗薯蓉同伴菜之外仲有一舊黃色間條cube，原來係薯仔同蛋嘅combo，面頭仲有芝士，第一次食啲咁嘅嘢，飽肚得嚟幾好食😌👅香煎北海道刺身帶子墨汁意大利飯（$148）8/10炙燒過嘅帶子清甜唔腥，有少少煙燻香，size中等。唔好以為個飯望得細兜，我哋兩個食極都仲有🤡飯粒硬身，墨汁調味偏甜，間唔中會食到洋蔥同魷魚碎，唔係意大利餐廳所以唔評價正唔正宗啦，當佢一個飯咁食係唔錯嘅✅👅香蕉朱古力奶昔（$48）6/10普通嘢，冇咩香蕉味，比較甜。👅藍莓法式班戟（$68）6.8/10個晚係肥西生日前夕，朋友係冇離開過個位嘅情況吓畀咗個生日surprise我，認真佩服&少感動 xd 美中不足嘅係我地唔係叫藍莓味但佢落錯單……(係我地least prioritise 嘅味）但人地趕住十點閂都唔好意思叫佢整過了，所以就主觀地低分啲㗎啦個甜品。其實佢餅皮都ok 嘅，煙靭有少少咬口，唔係好淋個隻，不過實在太甜同太飽（同埋唔想食莓味嗚嗚& I prefer a crispy/fluffy pancake instead of crêpe)🤣個雪糕要畀錢加，但真係甜過美少女，唔係螞蟻人都唔好加雪糕🤡___________________________間嘢比想像中細，但裝修都ok，食物質素唔差，觀塘元朗九龍灣都有分店，大家得閑可以去食，價錢都好合理，嘢食份量頗大👍🏻除咗趕收舖之外服務都正常啦，坐得幾舒服闊落，幾啱兩個人拍拖/吹水🤣有機會都會返去試吓個油封鴨髀～味道：7.8/10服務：7/10環境：7.5/10性價比：7.2/10…查看更多

👅冷稻庭烏冬拌柚子醋（$58）6.5/10同朋友食咗啲嘢先嚟唔太餓，想叫個開胃啲嘅主食，冇諗過上枱咁大碟仲有大量玉子燒同紫菜碎係面😳不過撈埋柚子醋一齊食就完全唔heavy🤙🏻朋友覺得可以濃味啲，肥西就覺得啱啱好，不過烏冬嘅texture絕對係最大敗筆😮‍💨餐廳選用扁身嘅稻庭烏冬，個人偏好煙韌有咬口嘅麵體，一咬落去又粉又冧嘅口感，少少失望啦👅日式豚角煮（$38）6/10想食肉所以嗌個豚角煮，點知一上枱成碟都係蘿蔔，肥膏都唔見多滴🌚但蘿蔔煮得好淋好入味，而且唔鞋，朋友覺得幾好食嘅～👅明太子芝士玉子燒 （$38）7/10厚切玉子燒加上明太子醬同酸甜嘅芝士，實無死嘅組合🤓輕輕燒過微焦嘅玉子燒加分👍🏻略嫌個蛋太熟無咩層次，如果多返啲汁同layer一定好正🌞👅Summer beer ($98) 7.5/10身為一個無酒不歡嘅肥西，見到有cocktail即刻嗌返杯😉酸甜嘅菠蘿遇上清甜嘅椰子，再加埋清爽嘅soda water，成杯嘢就係summer vibe🤪杯嘢嘅🍍味唔算出，但椰子味就好搶，鐘意椰子嘅你千祈唔好錯過🥥但我實在飲唔出有酒味，所以唔好酒嘅朋友都可以放心嗌（不過$98我就覺得唔太抵🥴）除咗cocktail仲有其他酒類，當然唔少得咖啡同梳打👍🏻———————————————總括嚟講呢到裝修幾靚，坐得都舒服嘅，門口同座位都可以畀港女們打個卡🌸星期六晏晝同朋友係到傾咗幾個鐘偈都冇比人趕，仲有staff 不斷幫我地refill water，同時都見到有人買杯嘢飲就坐低做成日嘢，服務唔錯🤙🏻但嘢食質素就可圈可點，賣相正常水準，有進步空間😶‍🌫️如果為咗食好西嘅就唔使專登嚟了（畢竟都唔係一個就腳嘅地點😖）味道：6.5/10服務：8/10環境：7.5/10性價比：7/10…查看更多

有13‘ 同18‘ 兩個size 揀，仲可以叫half-half試兩隻味😗第一次同一個聲稱最愛pizza 嘅朋友嚟，三條友膽粗粗咁叫咗個18‘ pizza 加芝士蒜茸包，出盡奶力都食唔晒，嘥錢又嘥嘢食🌚今次再訪，四個女仔知衰食少少好啦🌞老規矩講返個餅底先，有人話過佢係香港揾到最近似意大利嘅味道，肥西未去過🇮🇹食pizza 就不作評論～但同樣主打正宗嘅Neapolitan pizza，個人就認為motorino 嘅餅底好食得多，老母pizza 嘅餅底食落比較軟身同濕潤，冇乜咬口，第一次嚟食個時係有啲失望嘅😌👅Summer of love 1967 （$228）6.9/10朋友話好想食有菠蘿嘅pizza🍍 所以叫咗呢個有新鮮菠蘿、意大利肉腸、谷巴火腿嘅味，可能我地唔好彩，個日啲菠蘿微酸，肉腸幾辣但偏鹹，谷巴火腿香滑唔鞋（如果可以畀多啲就好了嗚嗚）芝士同番茄醬基本嘢，加埋chili infused honey吊一吊陣味，我會話係一個不過不失嘅pizza，冇咩驚喜😌👅My Parma（$248）7.4/10嗰日好想食Parma ham 所以點名要呢嗰，火腿嘅份量無令肥西失望～加埋海量芝士，一放入口就被佢嘅鹹香治癒咗，就算唔鐘意箭菜陣味都食到我lam lam 脷😋個人覺得呢隻味好食啲🤙🏻👅Mama’s Garlic Cheese Bread ($148) 8/10肥西會話佢係我再返嚟食嘅唯一原因🙏🏼份量係估你唔到咁多，但一上枱都瞬間清咗大半。可能因為佢嘅pizza dough 係近似麵包鬆軟嘅口感，拍住半生熟嘅蒜茸同瘋狂拉絲芝士簡直係超過一百分🤩鍾意食蒜嘅朋友（例如肥西）一定會一試傾心，覺得膩嘅都可以點吓番茄醬，不過味道偏酸同淡，肥西就覺得乜都唔點最好食啦🤫———————————————呢間嘢個人認為係overrated 嘅，冇book位嘅話絕對唔值得花個幾鐘去排🌞而且佢哋用餐時間得75mins，如果想同朋友傾吓偈坐耐啲就唔建議啦~ 過去pizza project 食坐得仲舒服啲同平啲添😌（有機會再講呢間性價比爆登嘅pizza 鋪）味道：7.2/10環境：6.5/10服務：7/10性價比：7.5/10…查看更多

山長水遠，終於食到呢間bookmark咗十世嘅餐廳😎卷蛋果然名不虛傳，但值唔值專登走入去食呢？大家可以睇完諗諗🤓👅黑毛豬肋肉 · 日式煲仔飯（$168）7.6/10有一半係為咗呢個飯而去，份量足，温泉蛋+雜菇+唔鞋嘅豬肋肉，自己加啲秘製醬汁，撈起時仲見到啲飯焦👍🏻飯粒硬身，粒粒分明，食落有啲油食，整體偏濃味，味道層次唔算豐富，但絕對可以一戰🉐👅炸軟殼蟹海鮮芝士咖喱鍋（$238）6.8/10有齊青口魷魚蝦蜆，加埋酥脆嘅軟殼蟹，微辣嘅咖喱，但汁唔多，仲碟好淺。上枱時會有火係底燒溶啲cheese，加埋薯仔個啲，一百分飽肚💯但真係漏到傻，食得好辛苦🥶👅烤油餅（$28）7/10本身個咖喱有跟兩塊餅，唔知包埋嘅我地又加咗兩塊，就係正常嘅餅😂👅參巴辣蝦醬炒牛舌粒（$75）7/10Hmmm啲牛舌本身夠脆好食嘅，但唔知點解勁大陣蕃茄味，個人麻麻地陣味，辣辣地偏重口嘅一個snack🤓👅丸久小山園抹茶日式卷蛋（$58）8.5/10好好食，啲cream smooth 得嚟超濃茶味，名不虛傳😆👅玫瑰芋泥日式卷蛋（$58）7.7/10唔伏嘅玫瑰dessert，芋泥有粒粒，飽肚唔膩😌👅朱古力千層蛋糕（$58）7.9/10千層中間有mouse，大人嘅朱甜力味，朱古力控嘅我收貨✅皮薄餡靚😋__________________________整體嚟講甜食比鹹食出色，宋皇台站行幾分鐘就到，唔算好偏僻，住附近可以去食。不過啲甜品好快賣晒，每日限量，訂位個時最好remark 留定👍🏻味道：7.6/10環境：7/10服務：7/10性價比：7/10…查看更多

天氣凍最啱打邊爐🤪呢間裝修行復古宮廷風嘅尖沙咀樓上鋪，肥西去食過幾次，水準都算穩定，價位中等，午市仲有六八折超抵！！係時候帶大家去景德宮坐吓~ Ready? Let’s go🤪👅平陽公主· 消暑冬瓜瑤柱鍋（$198）8.3/10呢個湯底一拎上枱簡直係驚為天人，大佬，邊個估到無啦啦多咗個冬瓜盅食😳飲得出係雞湯底，冬瓜入面仲有海量蝦球同雞肉，最正係啲粉絲💦比你打完卡就會有大嚟剪返開個冬瓜，細細舊方便煮同食。唔係講笑湯底勁清甜，一人飲咗兩碗先開始落料🤡冬瓜無咩渣，份量多到無可能食得晒，不過真係越煮越正，建議留肚最後食多幾舊🉐👅泰順公主· 泰式冬蔭公卜卜蜆湯鍋（$198）7.5/10呢個又係癲，雖然張相睇唔出，但一撈就feel到啲蜆到多無位落火鍋料😅起碼百幾二百粒，不過size算細同唔厚肉。冬蔭公少少少辣，香茅味好出，飲到蜆嘅鮮甜，幾足料，如果再濃味啲就好，但無味精嚟講合格嘅⭕️👅長平公主· 豬軟骨蕃茄湯鍋（$198）7.8/10望落好多紅但蕃茄味唔算好重，都係清甜嘅，勝在有海量薯仔同豬軟骨，加咗分。薯仔口感夠粉，越煮越正🌞豬軟骨大大舊，仲要煮到最後都唔會好老好柴，抵讚🤪有🉐即好西，花雕系列點嗌都唔伏，好香酒味，份量慷慨🤤丸同餃高質但性價比唔高。全部牛肉唔差份量都正常，睇budget同喜好嗌便可。咩油炸鬼同響鈴勁油大伏，請不要輕易嘗試🤮雙拼滑抵食，質素ok。午餐肉好撚好食，就咁食都正，新鮮炸起，外脆內軟🤑👅手切頂級安格斯牛肉 (200g)👅酒香陳年花雕浸牛肉🉐 👅珊瑚蚌👅香香宫煮餃子拼盤 8粒🉐👅魚滑雙拼(任選兩款）🉐 手打蟹子蝦滑 手打黑松露魚滑👅豬頸肉👅陳年花雕醉雞🉐👅香香宮煮雜菜拼盤👅公主油炸鬼👅厚切午餐肉🉐👅蜂巢冰豆腐👅炸芋頭👅日本稻庭烏冬👅薯粉___________________________湯底正嘅邊爐太多，但淨食湯底都五成飽嘅，我諗數唔出幾多間🧐同埋無味精點飲都唔口乾，普遍嚟講都冇咩伏，全部都鮮甜嘅，四個人嚟叫一個鍋真係抵到爛🤪…查看更多

酒店地下屹立不倒嘅人情味小店，住hall嗰時諗唔到食咩就會去食，就算而家冇hall住，肥西都會專登返去食🥺👅糖醋排骨麵 ($59) 8/10呢間嘅糖醋排骨係cls 咁好食，仲要成大碟熱辣辣咁上😗炸粉厚度剛剛好，仲要啲排骨有肉唔鞋，keep到些少肉汁。淋上黑醋味濃嘅糖醋醬，但完全唔影響排骨嘅香脆，一啲都唔油膩，我願意就咁叫一碟自己啪晒佢🥲講返碗麵，唔好以為佢睇落好清，但紅燒湯底夠味，啲麵幼身得嚟都有啲咬口，不過浸得耐會變淋，記住快啲食～👅雞絲粉皮 （$38）7.5/10海量超濃花生味嘅麻醬，晶瑩剔透嘅滑嫩粉皮，加埋雞絲同芝麻，真係難啲唔好食🌞如果雞絲可以多啲同滑啲就更好，不過要讚啲粉皮厚薄均勻夠爽口，唔似出面個啲淋到河粉咁🌚👅肉絲春卷 ($26) 5/10係到食過唯一一樣伏嘢🤡又油又少餡，廢事嘥口水講佢，總之唔好嗌🙏🏼👅冰豆漿 ($8) 7.8/10大杯順滑好飲唔甜，不過點都好，食麵飲凍豆漿是常識吧？👅總結肥西食過無數次嘅經驗，最好食嘅麵絕對係無咩人講嘅蔥油拌麵，好多人都推介嫩雞煨麵，但creamy 嘅奶白湯底肥西唔喜歡🥲仲有大排麵嘅排骨都正！！_______________________鋪位唔大，位唔多，但全部四方枱夠大，坐得唔會太舒服但未於迫，繁忙時間就預咗要搭枱㗎啦😌細細聲講句廚房煮飯個男人好charm，落單姨姨巧nice，希望到六十歲仲可以嚟食，Amen🙏🏼…查看更多