Calorie Hunter的個人專頁

哩個小山東賣既係傳統山東菜式 亦有老闆既創作墨魚餃食物唔錯 價錢亦相宜 我好喜歡.先講酸辣湯酸辣平衡得好 材料多 唔會水汪汪30蚊有咁大碗 分3個人每人有接近兩碗呀!豬扒擔擔麵豬扒 - 好食 好香 肉質好鬆軟湯麵 - 啲麵既軟硬程度岩岩好 有咬口 幾好食 至於湯底個人覺得個花生味可以再濃啲 相信成個湯底會更香芹菜餃 + 西洋菜餃兩款餃既涵都好足料 餃子皮唔會太厚 食落好煙un 食餃子果時點埋醋同豆瓣醬一流!最後係墨魚荸薺餃 係哩間舖頭大推既口味 佢聲稱係全港首創 所以決定試下. 真係有驚喜呀! 係好鮮好香既墨魚味 個涵配埋馬碲口感好豐富!今晚淨係試到咁多 下次黎試埋個京葱羊肉餃先!…查看更多

第n次黎哩度食! 真係 平! 靚! 正! 地方空廣 乾淨幾丁友/成班人都適合今次我同屋企人3丁友食真係唔好睇少個蒜茸包 食1.5條已經飽另外 舖頭出面係細街 揸車黎講都幾方便.每次6點幾去到都有位泊車不過因為附近都有幾間餐廳通常食到8點出面啲車位已經full晒如果揸車既就早少少食喇!…查看更多

好 好 食!芋圓好qq! 仙草好滑好香!好 扺 食!仙草百配乜都有! 入面有芋圓 仙草 薏米 紅豆 黑珍珠配埋少少花奶好香 有趙口 仲好大碗!好 健 康!食得出係仙草芋圓都係自家制佢地既所有糖水都唔太甜 食得健康 舒服又安心!…查看更多

抹茶控既我專登去一嚐好出名既matcha cheesecake 可惜綠茶味唔濃 有少少失望Thai iced milk tea我好食得甜 不我都覺得佢太太太甜咁多野食中最特別就係檸檬南非蜜茶本身好中二南非香料既我覺得哩個茶好特別好香熱茶配埋蜜糖飲落去好relaxing 環境休閒 不過好難搵位建議搵左位先order野食…查看更多

本人一向都好中二食台灣野 特別係魯肉飯不過好老實講係香港搵到好食既魯肉飯真係少之有少今日 終於比我搵到間又平又好味既魯肉飯啦!魯肉飯唔係好大碗 不過對於女仔黎講已經夠飽男仔可能真係要食碗半/兩碗先得D魯肉望落好肥好似好油不過本身個飯唔係好多汁果type食落去一啲都冇油膩既感覺D飯有少少豬油好香魯肉既嫩度岩岩好 唔太濕不過亦唔乾整體真係好香好好食絕對係必食之選! 鹽酥雞炸得好好唔係果D炸粉好勁唔會好油 D雞肉亦都好嫩幾好!珍珠奶茶茶味好香好飲不過珍珠就略為較甜冬瓜茶既甜味好清香 好飲!哩間絕對可以再幫襯! …查看更多

雞蛋仔同雪糕都出奇地好食! 初頭以為佢地既賣點只係雪糕同下面啲配料 諗住雞蛋仔應該普普通通點知雞蛋仔好好食外面好脆 入面都幾煙un 朱古力味都幾濃除左略甜之外成個雞蛋仔真係好食雪糕既朱古力味都好香濃食左幾啖之後有擔心過會好膩不過雪糕下面有香蕉蓉同埋柚子味既布甸中和番佢既份量已經唔成問題不過最好同人share因為都真係幾大份下…查看更多

深水埗店新開有九折flyer上既相望落又幾吸引環境又幾企理所以同朋友決定試下其實初頭只係抱住普通試下既心態黎食點知食左第一啖已經like哩間店!$41 - 真係好食同抵食Flyer話佢地係用比利時朱古力整朱古力味的確好香好濃香蕉又多 有6-8片(多過半條蕉)雪糕用dryers 個球都算大以咁既價錢整體份量都算多味道好 價值又相宜絕對會有下一次! …查看更多

堅尼地城站開左咁耐都無拜訪過上星期決定放假同朋友去行一行一岀站諗住先到海邊行下點知一直行之下俾我地遇到一間望落好舒適既cafe!我同朋友諗左兩秒就決定入去試下小店既設計簡單得黎夠特別配埋輕快既歐美流行曲 成個感覺好有格調 好chill雖然店內成個感覺較西式不過老闆娘原來係台灣人 非常親切就算佢既廣東話唔係頂級流利佢仍然好用心為我地逐一介紹各種特色美食未食野已經好buy哩度!Menu上好多野食都好特別有咸食同甜食既waffle, risotto ball, 用咖啡醃既ribs...不過舖頭叫'Waffling Beans'我地都係想試waffle同coffee先 希望嚐到小店特色!一上枱已經可以聞到好強烈既咖啡味飲埋落去 不論係espresso or latte 咖啡味都極其濃郁Waffle外脆內軟 充滿herbs既香味雖然比出面食開果啲實少少 不過口感幾特別 另有一番風味食完之後見隔離枱order既strawberry waffle都極為吸引只可惜我同朋友經已飲飽食醉...下次有機會一定會試埋佢地既甜waffles!…查看更多