hkgirlfa的个人专页

踩單車入咗去科學園，估唔到有茶樓喎！就飲下茶先。 估唔到又唔錯喎👍🏻 地方寬敞，大堂好光，裝修新淨，有氣氛卡邦尼大蝦球伊麵個大蝦夠彈牙，有口感幾好食。 個汁都幾creamy，但係如果個汁可以再杰啲就好啦。 伊麵入曬啲味，大口大口食，幸福滿滿。咖哩汁蒸土魷好有街頭風味嘅，個咖哩汁唔會太辣， 但係十分惹味。土魷新鮮， 新鮮就係最好食。原隻鲍魚燒賣皇/特呢個真心推介，鮑魚勁大隻。 食返回本。佛跳牆灌湯餃/ 超餡料豐富 ，個湯汁好夠鮮夠甜。 仲有大大隻鮑魚同埋冬菇好入味。1 隻/ 脆皮皇子鸽超級脆皮，裏面啲肉多汁夠嫩， 想再叫多隻。椰香棗皇糕 /中重棗香，小朋友至愛。柚子蜜脆蛋散/中估唔到踩單車去到科學園都有得飲茶，真係好幸福呀，下次再 encore。#薈聚軒 #中菜 #科學園美食 #香港科學園 #沙田科學園 #香港美食 #香港探店…查看更多

冇去一排，科學園又多咗好多新餐廳， 今次試咗八方棧。 對住個海好似度假咁，非常之有feel。 餐廳嘅座位好闊落，乾淨，坐得好舒服。 冰鎮鮮果咕嚕肉 $138推介，佢嘅冰鎮做得非常好。皮薄，而且非常脆，裏面多汁，有啲肥膏， 好有咬口。 佢上面鋪切咗 啲彩色嘅糖條，同埋燈，真係又睇得又食得。正！琵琶乳鴿 $28超值～～$28/隻。兩位可以點一隻，四位可以點兩隻， 炸得啱啱好，薄皮超脆，而且好多汁，肉嬾。 八方小炒皇 $128魷魚，香蝦好香口， 夠鑊氣，送啤酒一流。 澳洲龍蝦伊麵 $398上湯焗好入味，龍蝦好新鮮，而且大舊，好彈牙。正。…查看更多

唔使去泰國都有泰國風味一坐低會奉上蝦餅一份，需要收15蚊 ，有少少辣但係超級可口。👍🏻沙田的泰國風味，地方寬敞坐得好舒服👍🏻泰式椰子雞湯$108 Tom Kha Gai 食過返唔到轉頭，成日心心念念想去食椰子雞湯 。 實在太好味喇。 充滿南薑同埋檸檬葉嘅香味，酸酸甜甜，好重椰奶，加上少少辣十分開胃。送飯一流👍🏻 鷄好滑～～～～菠蘿肉鬆海鮮炒飯 $128仲有佢個菠蘿炒飯好有誠意有肉鬆 提子 果仁 一隻大蝦 超多菠蘿🍍 蝦餅三件$58炸得超脆，香口蝦味，正。 芒果軟殼蟹米紙卷$118芒果份量不多但係勝在夠甜。配上炸得剛好的 軟殼蟹 ，簡直絕配👍🏻泰式生蝦 $138食泰國嘢必點嘅泰國生蝦，但係呢個醬有香菜, 蒜頭, 辣椒 。辣，係好辣👍🏻 辣得好過癮，一隻接住一隻根本食上癮。食吾停。…查看更多

行過旺角肚仔餓，見到有晚市 一人餐干鍋，供應時間為晚上六點到十點半。 一個鍋底加四個配菜都係98蚊， 奉送飲品加白飯。 係旺角親民價。 一人鍋嘅構思幾好，因為跟朋友食嘅辣度唔相同，所以 一人一個鍋唔使遷就別人嘅辣度。 一坐低 侍應就畀張點心紙我自己點。 餐廳叫做「川辣皇」當然要食頂級辣，睇佢有幾川辣。 叫咗個「好X辣」， 配菜叫咗羊肉 、豬肚、豆卜及芋頭。叫咗「好X辣」，心臟一定要好強大。真係辣到噴火，但係又好過癮。好滅壓，尤其工作辛苦咗一天，就係特別想食辣， 頂級辣度， 越食越流口水， 越食越開胃。講返佢啲羊肉，沒有羊騷味，而且好嫩滑。最正係個豬肚，好爽。豆卜入曬啲辣味，簡直係精華所在， 芋頭都好入味，總體成個鍋炒得幾好。配白飯一流。而我朋友唔食辣就點咗個洋蔥炒牛肉。 呢個洋蔥炒牛肉鑊氣非常夠，牛肉好入味。下次想試下酸菜魚 …查看更多

尖東或尖沙咀站L1出口 對面就係，超級無敵方便 。裝修好靚好有日本風味。和朋友各點了一 個午餐，好高質。 特別推介棉花糖壽喜燒。日本產和牛肩胛肉 and 和牛舌涮涮鍋 $298/一人份 🩷🩷🩷🩷🩶 一個餐有兩款 嘅涮涮鍋， 牛舌好薄忡有啲彈牙。牛肩胛肉好濃牛肉味， 油脂分佈啱啱好 ， 而且仲要好新鮮 ，口感正。啱曬牛魔王。 個涮涮鍋配料都好足，睇下個蔬菜盤就知。仲要配蛋糕，麵豉湯  沙律以及一碗烏冬。烏冬超彈牙， 好有咬口 ，好想狂encore。 一個人食呢一個餐係好夠飽。棉花糖壽喜燒$268 日本產a5等級牛胛肩🩷🩷🩷🩷🩷 識食一定係食日本產嘅牛， 係完全唔同level， 肉質實，輕輕淥一下，牛胛肩非常幼嫩而且有牛肉味 。 仲可以配上溶緊嘅棉花糖，點一點簡直係最高嘅享受。呢個親民嘅價錢，可以食到日本產a5級牛肉， 而且顏值又咁高 ，真係好抵。餐廳無論環境同埋服務質素都係一流  非常推介。 我見到原來晚市有七折優惠係openrice訂座，和朋友已經約好下次晚飯🤣…查看更多

新城市啱啱開咗個新嘅 公園 Dinosaur Park ，帶小朋友玩完順便去食泰國嘢，因為小朋友好鍾意食菠蘿肉鬆海鮮炒飯， 仲有一開始上嘅小食（（蝦餅）），小朋友食到唔停口，非常可口。小朋友至愛嘅菠蘿肉鬆海鮮炒飯128🩷🩷🩷🩷🩷 呢個菠蘿炒飯都好多料，肉鬆提子都有齊同埋想個讚個菠蘿，真係好甜好多肉多汁，小朋友刮曬嚟食。 好有誠意，上面有大蝦 ， 係超級無敵大隻而且好彈牙 。炒飯好香口食極都唔夠。泰式椰子雞湯108 🩷🩷🩷🩷🩷呢個又係要力推， 多材料，而且個味道好 接近泰國食到嘅， 嚟遠已經聞到香。  我好鍾意食佢啲菇， 而且佢啲雞係真係好滑好正。香脆芝麻豬頸肉88 🩷🩷🩷🩷🤍好香脆，好有咬口，好惹味。泰式魚餅98 🩷🩷🩷🩷🤍香脆蝦餅98 🩷🩷🩷🩷🤍仲有媽媽至愛嘅泰式生蝦138🩷🩷🩷🩷🩷生蝦好彈牙，新鮮，好鍾意食呀呢個 ，係我每次嚟都會叫。…查看更多

超值二人套餐 同個朋友chillchill ，去咗旺角打邊爐， 因為真係好想打邊爐 😝😝😝😝試咗個超值二人套餐，$598，呢個真係抵嘅。 佢有條烤魚，然後就當打邊爐咁加配料，有海鮮有牛，肉，自己睇相，分量真係幾多。同埋佢啲牛都幾高質，好有牛肉味。 海鮮好新鮮， 蝦有手掌咁大，超多肉又彈牙， 食得好滿足。烤魚好少骨 ，有骨都係大骨 所以唔使驚哽親，佢嘅魚好鮮嫩好入味， 一啲都唔腥。叫了少少辣，食到麻麻地好刺激，烤江團魚鍋烤，好推介。呢個價錢兩個人嘅份量，都幾多，食到好飽。…查看更多

牛魔王必食嘅麻辣火鍋朋友介紹話呢間麻辣火鍋嘅牛肉真係好高汁，於是我就嚟試。 油麻地地鐵站出口行三分鐘就到，好方便。佢就喺三樓，一打開門已經聞到陣麻辣味， 食辣嘅朋友一定要嚟。 佢裝修好新淨地方好大。 因為朋友推介我食牛肉，於是我叫了三款。 我叫咗個鴛鴦湯底， 麻辣嘅湯底真係好正，食到個口麻曬， 而另一半就係鮮菇湯底個湯底好清，好大陣菇味，好多配料。我想講佢個牛真係好得，我嗌咗三款牛， 款款都各有特色 ，牛味好出眾， 唔會過於肥膩，而且可以入口好嫩，一啲都冇渣。 絕對係好高質素嘅牛肉，而且份量都好多。 仲有一定一定要叫過鴨血，鴨血滑到呢， 滑一滑，非常濃郁嘅鴨血味， 非常之嫩，好易入口。 呢個一定要推介仲有仲有個豬黃喉， 滾兩三分鐘 恰到好處，非常入味。正正呢間真係好重口味嘅正宗成都麻辣火鍋。正…查看更多

行過旺角同朋友想搵個地方坐下，見到呢間評論不錯就上咗去食。佢地方唔算大，但係勝在有梳化位坐得幾舒服，而且可以慢慢吃，又有書及遊戲可以玩。叫咗個黑松露意大利粉，呢個真係推介，好重黑松露味，仲有好多菇。意大利粉熟成程度啱啱好好，煙韌好creamy。 鍾意食黑松露嘅朋友一定要試下💖💖仲點咗三個炸物，炸雞翼 ，炸魷魚鬚，炸雞軟骨。 因為啱啱炸起，好脆， 炸粉適量 ， 咬落口脆卜卜嘅 ，而且份量都唔少 。最後叫咗兩杯飲品。 可以慢慢傾計 ，坐喺度hea一個下午， 呢個價錢超值💖人均二百多。…查看更多

之前永年都食過，估唔到佢晚餐有鐵板餐，又想試下喎。 鐵板佛跳牆車仔麵, 牛油果薯仔蝦沙律, 砵酒牛尾$246， 包飲品估唔到有啲咁嘅野，配菜非常之多，粟米，菇，蕃茄，乜都有，份量夠。牛尾夠淋，好入味。仲有隻鮑魚 好入味，啲麵又夠脆夠乾， 感覺好懷舊☺️ 即使個牛油果蝦沙律都好有心嘅，大大份，啲牛油果仲要好靚好滑。 呢個沙律真係推介要試下👍🏻仲追加咗個永年大碗麵$97追加懷舊蝦多士$28，有三件，個蝦好彈牙，而且唔會油淋淋，細細塊 好香口。 埋單408蚊，人均消費200蚊，食到好飽，而且佢個環境好寬敞， 全落地玻璃好光猛，喺新城市廣場。我覺得好方便👍🏻…查看更多

Weekend dim sum set menu原本每位388$，如果十二點前埋單，早鳥優惠就$288真係超抵食呀。佢係一個套餐，我最推介係個龍蝦湯灌湯餃。 龍蝦味都幾重味，然後灌湯餃好大粒，多料，皮薄。雪菜火鴨絲煎米粉 係我第二推介，真係好好食，米粉有少少脆，未到焦但好脆， 唔會過於乾身，個口感好正 。再配火鴨絲，小鹹得嚟又吊得起啲味。個點心都好正呀，叉燒酥好脆好酥。最後個甜品好似好潤，有少少過甜。環境好服務好係一個好好嘅體驗，因為我都好早起身，所以十二點前結帳完全唔係一個問題，平啲又少人啲，都幾好。我會推介呢個套餐有質素👍🏻…查看更多

地方大，環境舒適，乾淨，點心幾抵，好食。仲有加68蚊可以叫酸菜魚 。不過一台只可以追加一次。雖然68蚊，但係份量都幾多。而且啲魚好滑，無骨。 點心款式都幾多，我特別鍾意松露叉燒腸粉。 配上松露又幾盞鬼，松露味真係好香，而且腸粉皮好滑，叉燒夠味又唔會乾爭爭 。抹茶奶黃流沙包小朋友好鍾意。不過個重慶口水雞就唔好食，雪藏味兼且好鞋。 蝦膠煎釀虎皮椒都推介，可以去試下。overall ， 呢個價錢，呢個環境質素真係唔錯。…查看更多

行過旺角見到全落地玻璃嘅cafe，落地玻璃好光猛，入去hea 飲杯咖啡都好 ，雖然地方唔大但係都幾乾淨。見到佢個下午茶超抵仲連飲品，無加一。All day breakfast $62 連飲品顏值高，份All day breakfast幾多嘢食。同埋真係幾好食嘅，尤其是佢個香腸係好好味。煙三文魚碎蛋沙律比高 $55 連飲品沙律菜好新鮮，碎蛋非常嫩滑，有啲洋蔥三文魚夠多，比高正。呢個價錢同朋友坐低飲杯咖啡，食下午茶 hea hea，真係超值…查看更多

酸菜魚係有種魔力，久唔久就會想食，真係中曬毒。 搵到呢間位於銅鑼灣鬧市嘅川菜， 銅鑼灣C出口，對面就係，行一分鐘都唔使。方便到呢。 金湯酸菜魚$188梗係食佢個招牌「金湯酸菜魚」啦。兩個人食$188，超大碗。兩個人都食唔曬。我叫咗中辣。OK應付到。 雖然係辣，個湯底仍然飲到鮮甜嘅魚味， 衝擊著醒神嘅酸菜。正。 一定要講下條魚，條魚係連皮上嘅魚片。彈牙爽口，而且非常滑！重點係無骨！唔使驚啃親。 佢裏面有好多配料㗎喎，菇，萵荀呀，酸菜呀，令成盤嘢更加有層次同埋更加豐富。當然唔少得有我最鍾意食薯粉啦，索曬啲汁，又夠彈牙滑身。 仲有佢啲菇，有幾類，重菇味，菇迷一定要試。 藤香雞 $66超滑隻雞，而且啖啖肉皮下脂肪剛剛好。 孜然牛肉(配6 嬤嬤皮)  $88呢個真係一流， 配上薄薄而且新鮮出爐熱辣辣嘅麼麼皮，包住食好正。牛肉嘅超嫩， 夠火喉，炒得好。洋蔥索曬啲汁， 撈飯一流。兩個人食咗一個酸菜魚，藤香雞，炒牛肉，兩碗白飯，兩個飲品，都係四百蚊。仲冇加一，人均消費200蚊。…查看更多

小朋友好鍾意貓貓，今日帶咗佢去旺角睇貓。地點好方便，就係旺角東地鐵站出口行5分鐘。  始創對面。 如果搭港鐵，喺太子站B2出口，行4分鐘。 裏面環境好衛生，職員要我哋先洗手及除鞋先可以入去。 用手機落單，勁方便。 餐廳只係提供飲品，但都有好多選擇。 好多貓貓，貓貓好溫柔。 初頭都害怕貓貓會唔鍾意小朋友，但佢哋竟然好有愛心，小朋友都玩得好開心。 收費係平日首小時$98，其後每小時$38，小朋友仲可以減5蚊。 我哋用咗$6，叫咗半份貓貓糧餵貓添。 餐廳仲好細心，可以免費借用逗貓棒可以同貓貓一齊玩。 雖然有咁多貓貓，冇諗過係可以咁乾淨， 因為職員不停去掃地，掃毛，即使玩完一啲唔覺得污糟。 我同小朋友都玩得好開心，下次一定會再嚟過㗎。…查看更多