Stella.cc的个人专页

今日即興喺OpenRice訂咗六折嘅晚餐buffet去到餐廳職員好友善幫我哋安排理想座位食物種類都唔少 飲品需要另外加購不過有蘋果茉莉花茶（唔知有冇記錯）免費任斟另外有雪糕咖啡、迷你刺身飯，都係其他自助餐比較少見Ham and cheese配料亦算齊備不過甜品選擇唔多雖然人流偏少但服務員依然好殷勤而且定時定候會推出限時食物例如火焰龍蝦、斧頭扒驟眼睇差唔多全場嘅人都係用OpenRice嘅折扣仲有4小時免費泊車計埋人工同材料費應該酒店都要蝕啲錢🥺…查看更多

之前晚市食過招牌肉餅飯、蝦頭油炒飯同沙嗲腸粉已經被佢嘅味道同份量驚艷到🤤個炒飯大碟到擔心餐廳會蝕錢🤣之後都一直心心念念佢嘅沙嗲腸粉最近發現原來下午茶有沙嗲牛肉麵！於是今日就專程喺下午茶時間過嚟幫襯😋沙嗲湯底可以揀通粉、米粉同公仔麵配菜可以揀牛肉、豬扒同雞扒全部都配蘭王雞蛋🍳我就叫咗沙嗲牛肉麵果然唔會令人失望 因為湯底好濃郁好香🤤絕對同其他舖頭嘅沙嗲牛冇得比隻燶邊蘭王雞蛋好食就不在話下牛肉腍身易入口 公仔麵底就算掛住傾偈食耐咗都唔會發脹👍🏼最鍾意呢度有珍珠奶茶飲🧋茶底的味道、珍珠的口感都贏過好多台式飲品舖根本係比肉餅耽誤咗嘅珍珠奶茶舖😂而且佢仲係外賣杯🥤咁上唔怕一餐飯飲唔晒會嘥咗喺呢度可以一次過滿足晒飲珍珠奶茶同食沙嗲牛嘅兩個願望🔮…查看更多

呢間野之前經過幾次都好多人食，已經想試好耐，就趁今日早左放工去試下。墨西哥🇲🇽菜自問之前真係無乜點食過，呢度選擇好多，我地叫左兩份前菜，一個係Nacho Macho，一個係Stuffed Jalapeños。兩個都勁好食，個墨西哥薄餅脆卜卜不在話下，有芝士嘅部份又好正🤤 Stuffed Jalapeño就係青椒填滿左d芝士，再加一層煙肉卷住，完全冇諗過咁夾又咁好食😍Main叫左一份Baby back pork ribs，可能因為係BB豬的關係，d肉好腍身有咬口唔會靭，食落好香口，點埋個蘋果醬先係重點，成件事fresh哂完全唔罪疚🤣仲有個墨西哥芝士薄餅，睇佢個樣細細份但其實好飽，入面好多唔同材料，加埋d溶哂的芝士，超滿足😚見到隔離枱有叫西班牙油炸鬼，好想試，可惜眼闊肚窄，費事做大徙鬼，唯有下次再食😋得閒食下啲異國菜都係生活中嘅小確幸💓最後每人埋單都係$200左右，實在抵到爛👍🏼👍🏼…查看更多

我知宮崎呢間野同日本宮崎呢個地方無關係；我知好多日本餐廳會用日本地方名做自己餐廳名，但呢間野真係好垃圾，食物差，態度差，比錢買難受首先，佢地聲稱00:30閂門，我地11點入座，落完第一輪order，野食啱啱到就話我地知last order，閂舖前1小時15分鐘L/O唔緊要，缺貨嘅嘢食又唔講，等左一輪，問個侍應先知冇。我明白星期日好多客，野食會賣哂，但至少講聲啊，仲要已經過咗L/O咁我哋唯有食僅有嘅嘢食，包括雞翼、豬頸肉、腸仔等等，黎到已經覺得完全冇醃過，仲係街市買返嚟冇分別，食落當然無味啦，不過冇肚痛都當賺左星期日二百幾蚊放題係算平，不過如果喺入左前同我地講仲有15分鐘就L/O會好d囉⋯仲要狡辯話係公司唔俾講總之一句，呢間野真係不可一不可再…查看更多