yauyukwok的个人专页

公司樓下開咗新飲品店 開喺電氣道清風街交界 小個角落 以前好不起眼 換咗呢間之後成個感覺唔同哂 靚咗好多 幾好幾好👏🏻👏🏻👏🏻 嗰日中午想食棋哥 點知勁多人等緊 咁就算啦諗著走 對面就見到呢間Take Your Time 有幾個人等緊 一入去睇原來有smoothie 賣！太好了 返咗香港之後無飲過 以前美國讀書成日飲架😢 叫咗杯草莓優格果昔 店員係用新鮮草莓即時攪拌 好正！杯嘢個顏色好靚好似雲石紋咁 飲落去感覺好新鮮 香濃嘅牛奶味同新鮮嘅草莓溝埋一齊 只係$32 之前飲過另外一間飲品店要成50幾蚊一杯草莓牛奶 呢度嘅性價比真係好高 雖然唔係連鎖式嘅大品牌但係比大品牌更有心 靚女店員又好有心機幫你選擇你喜歡嘅嘢飲 值得推介！…查看更多

呢間東坡豬手店 係鰂魚涌同天后中間 平日午餐時人頭湧湧 今日咁啱公眾假期去無咩人 就入去試下招牌菜 豬手飯 豬手個汁其實還可以 不過唔係好夠汁 而豬手就煮得硬左小小 骨多過肉 食到最後要用枱面的xo醬送飯 ⋯⋯順便讚下個xo醬 幾香！同行友人就叫左梅菜扣肉飯 試左啖 反而仲好食 可能因為個醬汁比較有味同夠多！ 價錢呢 係呢個區都算係無得彈架啦 36元仲送熱飲 凍飲只係加兩蚊啱哂我呢啲無凍檸茶不歡嘅人！ 現場見比較多人叫湯飯 都係貴幾蚊 下次可以試試！…查看更多