cancan.wan的个人专页

之前試過堂食，係無要求情況下俾左燒鵝脾我～今次試外賣，份量依然十足，質素同樣咁好～又係有鵝脾，仲有雞胸，淡淡肉，鵝皮好香脆，唔好食皮既我都忍唔住要食埋佢鍾意飯個汁帶微甜，唔係好鹹既豉油，同埋份量適中，唔會浸到啲飯淋晒唯一係啲飯唔夠熱，希望可以改善～～不過呢餐真係大滿足！如果細食既女生，應該可以一盒兩份食～有好多茶餐廳甚至燒味餐廳，都好鍾意搭雞翼、得啲骨既膊頭位，根本送唔到飯，好滿意呢間餐廳係有誠意俾足份量，抵讚！…查看更多

見新開，唸住質素都會好啲三文魚、三文魚子同飯係新鮮但份量真係少，外賣黎到見到個碗咁細都心知不妙，唸住如果裝滿都夠飽。點知打開個盒，即刻呆左，得半碗，飯深度無一寸（個碗直徑仲要係越底越窄），啲飯仲要痴實個盒（日本米好黏，仲要用呢隻紙盒。。。），夾硬刮又驚食埋啲紙，食完好空虛。。平時食飯要食成個鐘先食完，呢盒我15分鐘就KO左。。。原本要求醋飯，點知完全唔酸，或者俾錯白飯，因為想食醋飯而叫呢間既我好失望。。。…查看更多

朋友係網上見到foodie介紹呢間餐廳新出既不同口味菠蘿油，就帶我一齊去試～我地點左開心果醬味，估唔到咁夾，好欣賞佢唔太甜，個味好清唔膩，初時都驚會中伏。牛油好軟好香，唔係雪到硬崩崩，牛油既鹹味同開心果醬甜味互相提升。好，重點黎，就係個菠蘿包，可以話係我食過最好食，個飽夠熱，個皮好香好脆，但個飽係好軟，真正外脆內軟，又唔會死甜，夾住果醬同牛油，真係超好食！！！我同朋友另外一人叫左一個餐，佢叫左「男人的浪漫」，有熱狗+腸仔雞扒意粉+一杯茶，都只係$65，熱狗超大個，朋友俾左半個我，脆皮腸好香脆，不過我本人唔鍾意濃味，所以覺得鹹左啲。個飽又係外脆內軟，好怕啲好硬果啲，或者硬脆會𠝹嘴果啲，裡面仲加左牛油真係超香，淨食包都覺得好正。我就叫左蛋米，蛋炒得好滑，唔錯～間野有啲隱蔽，要入左棟大廈，係中間轉左行出去先搵到。…查看更多

堂食試過幾次，不過有一段時間無去今日唔係好餓，想食light啲，唸住銀雪魚西京燒定食都唔會太大份，點知呢個外賣咁夠份量銀雪魚非常厚身，由於係外賣關係，雖然魚皮已淋左，但仍然好香；魚肉雖然俾個盒焗得過熟，但味道仍OK（係我太高要求～）啲飯先係最夠份量，我唸有堂食兩碗半，雖然我當日胃口欠佳，但由於啲飯太好食，又熱又煙韌，唔想做大嘥鬼既我都堅持要食晒佢另餐廳按我要求俾啲酸薑我，仲俾咁多，啲薑舒緩左我啲痕咳…查看更多

今日同事帶我黎食，佢話個個月都要黎一次初時唸住蛋包飯都無咩特別，點知真係咁好食同事叫左烤特上一吋牛脷，俾左件我試，真係好好食，牛脷好厚身好有口感，軟軟淰淰，炭燒味好香～佢配左日本十六穀飯，我試左啲，味道同口感似紫米，有咬口得黎又夠軟熟易入口，因我怕好硬既飯會胃痛我自己叫左烤特上M4和牛腰柳，又係超好食，燒得好香，啲肉好嫩，軟軟熟熟啲蛋好滑，好多蛋汁我配左北海道七星夢美人白飯，煙韌得黎有夠軟熟，最重要係夠熱！啲配菜都係好好食，成件事好健康！個奶油蘑菇汁真係好香，無論點牛、飯、配菜，都會提升左啲食物既味道，食完好想再食～環境都好舒適，木系傢俬，有自然光，好有文青feel～…查看更多

即興生日飯，原本係去第二度食tea慶祝，點知間嘢提早收，臨時轉plan揾餐廳食dinner訂檯時cs好細心，問我有無慶祝活動，佢知我已經買左蛋糕，話可以即刻send俾餐廳雪住先，即刻解決左我當前既問題呢間餐廳除左食物質素超好，服務真係無得彈～❤️先講食物：🌟Bread n Butter個餐前麵包已經好吸引，熱騰騰，超軟熟，本身已經好香牛油味，再搽埋牛油，真係好正！🌟Steak Tartare牛肉好juicy，混埋魚子醬，鮮味提升晒本人本身唔好tartare，覺得好血腥，不過呢個組合令我感覺似食魚生，越食越開胃本人不喜愛薯片，但呢個薯片真係好好食，好薄好脆，又唔會𠝹口，好香口但無味精感，夾住啲tartare食口感好豐富，第一次食薯片食到停唔到口🤣🌟Oyster Rockefeller個煙肉菠菜芝士汁好creamy，稠度剛好完全唔膩，好怕啲好稠既～入面隻蠔仍然保留海水味，好飽滿多汁，有食生蠔feel，唔會煮到實晒🌟Pumpkin Soup好creamy，入面有好多嘢，南瓜籽、麵包糠等，口感雖然複雜左啲，但感覺好健康🌟Delmonico Ribeye本人偏好淋身又多脂肪既steak，侍應介紹呢個完全符合我期望用炭燒既steak真係好香，個邊位香到呢，但完全無燶到硬晒果啲medium rare但唔會血淋淋，無血腥味脂肪分佈好均勻，軟淰淰，啲肉汁好juicy，連無左幾隻牙既長者都話食得到上菜時有whisky flame，打卡一流！🌟Charred Broccoli本人覺得呢個偏硬，同埋本身唔好炭燒蔬菜既味道，不過同檯親友話好食🌟Truffle Mashed Potato好creamy，每淡薯蓉滲出陣陣既黑松露既香味，好惹味，雖然開始飽但都食到停唔到🌟Profiterole好驚喜，chef好細心咁加左生日字句（仲有埋我個名），仲有蠟燭～至於味道，由於掛住打卡，大概感覺係個朱古力puff味道鹹鹹地，類似salted caramel既味道，夾住whisky味雪糕味道好有層次，加埋好香滑又唔會死甜既朱古力sauce，味道同口感再提升，同檯唔好朱古力既親友竟然清晒啲sauce😅❤️講到服務：✅細心照顧您需要又俾到空間您，唔會覺得成日比人mon住✅專業得黎又好似朋友咁親切，走既時候個個都同我講生日快樂，好warm🥰✅觀察入微，完全唔駛問邊個生日就知個蛋糕同個甜品放邊☺️✅仲好有heart咁幫我地影相，即使我地自己影都主動幫我地打燈✅原本訂檯時話限定用餐兩小時，但我地食左差唔多4個鐘，完全無趕人走，按您既節奏上菜，成餐飯食得好舒服自在～估唔到一餐咁即興既慶生飯可以食得咁開心滿足，誤打誤撞揀到間咁好既餐廳，成個過程都係享受，可見呢間餐廳每位staff都係好well-trained，謝謝餐廳每位staff令我有一個有驚喜同難忘既生日飯！❤️…查看更多

之前有同事帶我去堂食，發覺食物好有質素，夠份量，同埋茶餐廳黎講環境算乾淨。之前佢無外賣速遞，今日無意中發現佢係一個外賣平台出現，所以即管試下佢既外賣。一見到佢個包裝就覺得好企理，入面全部食物都包裝妥當，啲盒全部好乾爽。我全部特別要求都做足，肥叉同轉米粉。由於我好鍾意食較軟滑既米粉，所以佢呢個米粉真係一流，軟滑得黎亦有少少彈牙。叉燒半肥瘦，軟軟淋淋，好有蜜味，燒得好香有燶角（雖然我個人不太好燶角）。好欣賞佢個丹麥吐司，牛油味好香，唔會有一陣「花香味」（唔識形容陣味，大概似President牛油的味道吧）唯一隻煎蛋熟左啲，不過味道都好食。…查看更多

復活節同屋企人嚟過食lunch，初時老竇都唔肯嚟，話啲Portion太細，又成日同喺日本食過嘅魚生比較，點知嗰日佢喜出望外，話啲份量比以前多咗好多，質素又好咗。於是佢今日主動話要嚟呢度食dinner。因為佢始終對啲刺身念念不忘，所以今次佢指定話要order特上刺身拼盤。原本我今日唔想食刺身，但見佢係咁讚不絕口，我都忍唔住要食返幾件。果然全部魚生都非常新鮮，特別係個厚切三文魚刺身，非常肥美，加上嗰陣魚油甘香，老竇話第一次食魚生食到唔捨得吞，想等嗰陣甘香喺個口腔入邊再迴盪多陣。另外甜蝦非常大隻完全唔腥，仲有其他例如拖羅同帶子等等全部口感都非常好，厚厚的，軟軟腍腍。至於海膽，都屬於有質素，有鮮甜味同有口感，唔會一pat嘢，但比起喺日本當地食嘅北海道直送海膽，鮮甜味都會爭咗少少。我自己就叫咗炙燒左口魚裙邊壽司同埋炙燒三文魚壽司，仲有三文魚芝士青瓜卷，又係好新鮮，好厚身，咬落去嘅口感好滿足。阿媽叫咗壽司拼盤，賣相不過不失，我淨係試咗三文魚子軍艦，滿滿嘅三文魚子喺口裏面爆開真係好滿足。佢另外仲叫咗三文魚腩壽司，又係非常肥美甘香。今餐比較遜色就係靜岡高糖度蕃茄配黑松露鹽，個蕃茄好細切得好薄，同埋冇乜黑松露鹽味，不過個蕃茄係好鮮味好甜，食完好開胃，尤其當食完啲壽司覺得有啲膩嘅時候，食一片蕃茄感覺好Refreshing。今餐大家都食得好滿足，老竇話好掛住件三文魚刺身，真係第一次聽佢講話好掛住啲日本嘢…… …查看更多

好鍾意食酸菜魚既我每次都會黎呢間，因爲day 1就覺得佢調配個味係與別不同，唔太麻（出面多數都太麻），而佢秘製既香辣油加埋炸蒜同芝麻，真係好香好開胃，配埋酸菜子薑，隨時送幾碗飯。不過老實講，佢個配方成日都調整，有時我會覺得太鹹、有時會唔夠香辣，不過整體個味道都係度既。今次佢都整得好味，啲魚都滑，不過如果全部都薄切起雙飛就好，有啲厚切就口感「鞋」一啲，感覺唔新鮮。今次叫左佢個二人套餐，都好抵食，有三小碟、燉湯、酸菜魚、小炒、小籠包、甜品。酸菜魚既份量都幾大，我地三個人都夠食。套餐裡面其中一味餸係干扁四季豆，其實啲配料好香口，但啲四季豆未吸收到配料既味道。因爲驚二人餐唔夠食，另外加左海參燒蹄筋，驚喜位係蹄筋炆得好軟糯，不過我個人覺得太鹹，海參都炆得夠淋，欣賞伴碟既小棠菜有走過油，不過有部分未夠熟有菜青味。由於我經常都光顧，經理都請多個甜品我食，係欣賞既。…查看更多

有一段時間無黎，因爲有一陣子覺得食物份量比其他分店少。但今次黎，唔單止份量多左，食物質素都好左好多，魚生好新鮮，全部厚切，特別係三文魚，肥美有鮮味。銀雪魚燒得剛剛好，好滑，味醂既比例剛好，鹹甜適中。每樣食物都feel到廚師既用心。服務都好左好多，明顯侍應全部換晒人，好親切好有禮貌，時刻留意客人需要，每次我覺得杯水凍左，侍應就剛好走埋黎幫我加水，好似會read my mind咁。可能我用餐既時間比較早無乜人，我覺得環境都舒服左好多。當我差唔多埋單既時候，就開始full house了，不過有質素既食肆係應該要多啲人支持既。…查看更多