bearmuimui的个人专页

燒烤堂主打各式燒烤串，每次去都吃得超開心😆！不只有常見的雞牛羊豬，仲有唔同整法，港式日式韓式四川式，咩都有，次次食都有surprise呀！👉🏽柚子兵衛酒今次唔飲買一送一嘅生啤，叫咗支柚子酒，酸酸地愈飲愈開胃🤣👉🏽和牛棒 $58呢個新嘢未試過，免治和牛棒口感，外層微焦，有燒汁味，加埋濃厚既生蛋，配上松露一口飯，幾特別👉🏽檸蜜牛油包 $20呢個推薦，塊包烘到表面好脆，厚厚牛油🧈又甜甜地，係有啲邪惡，但係好好食👉🏽雞皮墨魚滑 $38呢個次次必叫，創意組合！雞皮烤得香脆，內裡啖啖肉，好香嘅墨魚滑，超有滿足感👉🏽鹽燒赤雞頸肉 $22雞頸肉唔係到到有，比豬頸肉清爽不油膩，輕輕加啲鹽咁燒已經好好食👉🏽厚切牛舌拖羅 $48厚切牛舌好彈牙爽口，滿口油脂好香👉🏽鹽燒雞皮 $22好似食緊薯片咁脆，暫時我無食過一間串燒店係可以做到咁薄咁脆😍👉🏽蜜糖燒菠蘿🍍 $18菠蘿串大塊又甜，完美收尾！…查看更多

自從喺日本食壽喜燒之後，我就愛上呢種甜甜的、要慢慢品嚐嘅肉肉🤤，見到原來香港都有專門食壽喜燒嘅店舖，就黎嘗一嘗睇下質素如何。一人前套餐已經包咗前菜、野菜、和牛、蘭王蛋、日本米飯或者讚岐烏冬以及甜品。套餐成盤上枱已經好豐富。我哋叫咗赤身同埋牛板腱嘅壽喜燒套餐，前菜唔馬虎架，有蜆肉以及青瓜，主角赤身有五大塊，至於牛板腱有塊，和牛既油花紋理好靚😍，肥到都流曬口水🤤，呢度既自家製壽喜燒汁唔算好甜，和牛煮好點蘭王蛋食，一入口有溶化既感覺！另外想要追加肉肉嘅話而家Follow 社交平台加影相就有多一碟赤身和牛送🤩食完肉肉就加入昆布湯，煮熟野菜嚟食，食到最後店員會送上凍凍的蕨餅😛…查看更多

牛大人以「黑白盛宴」做主題，由湯底、熟食、飲品到甜品都有專屬既黑白食物😛。湯底揀咗雪白御鮮豆腐鍋，有三文魚又有豆腐，夠曬蛋白質😍。而特飲芝麻豆漿黑旋風係有珍珠喺入邊㗎，芝麻味濃，不過就要額外加多$25。熟食嚟講，梅甘酥脆薯都幾有驚喜，炸薯仔配梅子粉，幾fresh既配搭。鹽酥美乃雞都得意，係鹽酥雞加沙律醬，食落唔會dry🤭。最重要嘅肉肉🥩，食最貴嘅餐：日本黑毛和牛A4，當然要點最貴嘅肉，黑毛和牛A4每一啖都係牛香味😍，豬既話都有高質嘅選擇，伊比利亞黑毛豬油花靚。另外套餐包左重牛味澳洲和牛牛丸以及海鮮拼盤～甜品方面，雪糕、雪條都有，Movenpick除咗普通嘅朱古力🍫味、士多啤梨🍓味，仲有檸檬雪葩同埋薄荷朱古力味😆…查看更多

最鍾意就係好放肆咁食放題啦😆今次幾欣賞熱食，細細碟，魷魚🦑調味啱啱好，炸蠔炸得香脆😋。最有驚喜係黃金蝦，外層蛋黃有起沙蛋黃粒，好香口，入邊仲要係已經剝殼嘅蝦🍤，忍唔住叫咗兩碟嚟食😆。另外，烤榴槤都好好食，烤完嘅榴槤好甜好綿、暖暖哋。至於刺身都係一如既往嘅多選擇，三文魚、油甘魚、大蝦、泰式生蝦都係我嘅最愛😻飲品方面，朋友一嚟就斟咗梅酒嘆嘆🤭雪糕嘅款式都幾多，由貴價嘅Movenpick 到Häagen-Dazs再到雪條、甜筒都有，雪糕櫃上面就係熱飲櫃，通常食到雪糕好凍就會搵熱飲嚟飲吓🤭熱飲有茶、麥精、朱古力奶等等。…查看更多

👉🏽蝦仁鮮肉雲吞 $54先講湯底先，係雞湯黎😍，有味得來又唔算油膩 ，雲吞都幾大粒，8隻食到飽飽😛。👉🏽芫荽雞麵 $56招牌雞湯麵有唔少配搭，蟲草花、花膠、芫荽等等，睇自己鍾意食咩配搭，我哋叫咗芫荽雞米，雞肉滑嘟嘟😚。👉🏽醉雞菜飯 $58 午市隨餐會送一個前菜，揀咗鮑汁豆腐，有兩大嚿😆，醉雞係分開上，有菜飯叫我覺得好加分啊，健康啲都唔錯。飲品方面，我哋叫咗👉🏽自家製花茶，👉🏽蘋果茉莉花茶以及👉🏽桂花元肉烏龍茶，個人覺得甜咗少少🤣🤏…查看更多

今晚食韓國菜，呢間餐廳都幾多人食，平日晚上都坐滿，我哋六點幾去到咁岩有卡位剩，卡位有個帳篷冚住，有個屬於自己既小小私人空間🤭首先上既係4款前菜，分別有泡菜、芽菜、蘿蔔、菠菜，泡菜比較甜，都幾啱我胃口😆👉🏽芝士🧀蛋卷蛋捲有驚喜，一夾起蛋捲，已經見到芝士拉絲，加埋紫菜香、蛋香，係滿足嘅感覺🤤，配搭埋酸酸地嘅沙律汁，食落唔覺得滯😚👉🏽薯仔🥔排骨湯排骨湯算係每次去韓國必食嘅，呢度嘅排骨湯一鍋起碼有四嚿大骨，排骨湯調味唔辣，入邊有薯仔、娃娃菜等等嘅配料，記得薯仔要煲耐少少先夠入味！👉🏽花卷濟洲五花肉豬肉鋪滿晒成碟，而燒豬係有侍應哥哥幫手燒㗎，啱晒懶人，豬🐽肉味幾香👍🏻另外我哋叫咗兩杯Cocktail👉🏽Magic Time似飲緊士多啤梨奶，唔會好甜，又帶有士多啤梨香另外既👉🏽Red Enchantment飲到最後外面既糖溶左就有點麻煩🤣…查看更多

每次黎都牛站食嘢都覺得好開心🥳，因為選擇超級多，前菜、菜類、肉類🥩、飲品、甜品、水果🥭，都一應俱全，總會搵到自己嘅心水，今日係五點嚟到食，7:30前離座平D!一入座見個碗幾好用喎，可以將啲湯汁流晒落底，而且有紙巾同埋濕紙巾提供，搣蝦夠方便。湯底我哋叫咗海鮮鍋，鍋內有兩隻大頭蝦及蜆肉。肉類係自己order嘅，網站寫得好清楚每碟有幾多片，而值得一讚嘅係，每一round上嚟嘅肉都可以keep到水準，美國極黑和牛片可以睇到肥膏唔多，可以放心啖啖肉咁食落肚，女仔食多啲都唔怕肥🤭。另一個好欣賞嘅地方就係有田雞腳！田雞出名脂肪小、蛋白質高，係優質肉類之一，平時喺屋企媽咪會嫌麻煩唔買，喺呢度有得食，要食返夠本啊😆。海鮮方面我就推介叫大大粒嘅帶子同埋冇骨嘅脆肉鯇。至於自助區，生果嘅選擇都唔少，有菠蘿🍍、西瓜🍉、蓮霧等等。雪糕部分movenpick有兩隻味，朱古力同埋椰子， Häagen-Dazs有四隻味：經典嘅曲奇味、朱古力、藍莓同Nuts,，另外支裝嘅雪條都唔少，仲有軟雪糕添。飲品方面酒鬼有福啦，啤酒🍻、日本果酒、清酒、梅酒任君選擇。我自己就鍾意飲茶多啲，冷泡茶、紙盒裝茶同埋珍珠奶茶都有🤪。…查看更多

燒烤堂主打食燒烤串，我每次去都食得好開心😆，因為燒烤串唔係普通既雞牛羊豬，而係有好多唔同既食材加入，令到串串都好多變化，有特別既口感。👉🏽豚肉節瓜波棒糖🍭 $38外形整到波板糖咁幾得意，咬落軟腍腍，有好多層，最緊要係有一隻蛋附送埋，沾黎食🤪👉🏽蒜蓉燒生蠔 $48兩隻都算大隻嘅生蠔，蒜味好濃👉🏽麻辣墨魚鬚 $22呢個真心辣🔥，食完一粒要係咁飲水，如果你鍾意食辣嘅話呢個岩曬！👉🏽雞皮墨魚滑 $38呢個係幾新奇既配搭，雞皮燒得香脆，好似平時燒雞翼脆脆既外皮咁，入面係滿滿嘅墨魚滑，都幾滿足。👉🏽尖椒皮蛋燒豆皮 $22豆皮外層加左調味粉，烤到脆一脆，入邊有皮蛋碎，兩者食落都幾夾👉🏽鹽燒白鱔 $48白鱔有驚喜喎，超肥美，又沒有骨😆👉🏽惹味爽口雞腎 $23補充蛋白質之選，煙煙韌韌👉🏽明太子雞腿肉 $28成條獨食就咸左D，因為上面全部都係明太子醬🤭，對比起鍾意鹽燒雞腿肉，啖啖肉👉🏽鹽燒赤雞頸肉 $22豬頸肉食得多喇，雞頸肉就第一次，雞頸冇豬頸咁肥膩～👉🏽蜜糖燒菠蘿🍍$18菠蘿大大嚿成串上，夠甜👉🏽即打芒果乳酸 $28份量都唔少，酸酸甜甜的…查看更多

入座首先叫湯底先，魚白湯三文魚豆腐鍋仍然深得我心，豆腐夠滑，配埋三文魚夠健康。「黑毛和牛A4+吃到飽」套餐包咗每人兩粒牛丸以及一盤海鮮拼盤，牛丸嘅牛味好重😋，海鮮拼盤上面有蟶子、鮑魚、帶子、蠔。等緊水滾嘅時間就食小菜先，今次叫咗BB辣雞軟骨，少少辣，雞軟骨size大小適中，幾有咬口，另外酸辣土豆都好開胃。我地仲叫咗炭燒鹽蔥鮑魚，雖然係炸鮑魚嚟嘅，但保留到鮑魚軟腍腍嘅口感🤪。到主角啦，和牛嘅油花好靚，最開心嘅係可以喺出邊攞隻蛋，撈埋生蛋一齊食超級滋味！另外花雕雞件、封門柳、牛板腱都唔錯。唔同味道嘅海鮮漿eg 旗魚漿、章魚漿、墨魚漿都好有特色。飲品我叫咗珍珠奶茶🧋，雪糕除咗有我鍾情嘅Movepick，而家仲有Kitkat脆皮雪糕。…查看更多

每次嚟莆田食都覺得每碟餸菜好有特色，煮法係出邊比較少見嘅。入座後一邊嘆菊花茶，一邊睇吓餐牌先～👉🏽酥炒芋芯 $98每次黎到都會叫呢碟🤪，甜甜地，脆脆地，忍唔住一嚿又一嚿咁食。👉🏽金湯時蔬 $88充滿蛋黃香味，又唔會太咸。👉🏽熟醉大閘蟹 $138嚟到大閘蟹嘅季節，當然要叫大閘蟹食啦。凍食既醉大閘蟹我好少食，今次都係第一次，大閘蟹甜味多，蟹肉係軟綿綿嘅，唔似得熱食嘅蟹咁煙靭彈牙。👉🏽油煎大閘蟹 $138自己都係鍾意熱辣辣既大閘蟹多D🥰，油煎更加香，食既膏實在D😆。食完大閘蟹之後，餐廳會準備返薑茶暖下身🥰…查看更多

好少行到呢邊食野，呢日揀咗一間鬧市中嘅小餐館，環境靜靜地，啱晒同閨蜜約會或者拍拖黎～👉🏽48個月手切風乾伊比利亞黑毛豬火腿一入口瞬間感受到豐厚既油潤感，鹹香、甘香、脂香，味道層次好豐富。最特別既係，餘韻中感受到堅果同埋橡果既香氣👉🏽 法式海鮮濃湯外面有隻香煎大蝦好吸晴，飲落濃郁👍🏻，但又唔會好Creamy，比較流質啲、冇咁飽，可以留肚食主食。原來做法好講究，將龍蝦、虎蝦、蟹🦀等海鮮炒香，再研磨成粉，加入甘筍、洋蔥、茴香、西芹、蕃茄&蒜煮幾個鐘，上菜前，再加少少干邑白蘭地！👉🏽 手製馬里蘭蟹餅呢個蟹餅我都幾鍾意❤️，一咬係一絲絲嘅蟹肉，夠晒真材實料！👉🏽自家乾式熟成45日美國 USDA Prime 肉眼扒肉眼扒店員推薦3成熟，我哋就照跟，中間食落去嘅時候仲好淋，保持到鮮嫩多汁，天然酵素令牛扒既油脂食落有Cheese嘅味道，好特別👉🏽龍蝦千層麵 配 6 安士波斯灣龍蝦尾龍蝦拆晒肉，啱晒我呢啲懶人啊🤭，6安士既龍蝦果然超級大隻，蟹肉咬落好有口感，唔會過韌亦唔會過淋，質感啱啱好🤪，加上芝士同埋香草焗到香噴噴。至於千層麵係一層一層捲埋，彈牙嘅龍蝦🦞肉同埋乾蔥蕃茄汁，都幾得意😎。…查看更多

今日食咗個「月光族急救吃到飽」套餐，顧名思義，就係月尾冇咩錢嘅時候，而又想食燒肉放題嘅餐🤭。雖然話就話係月光族，但係選擇都唔少。 呢個餐分為S1 & S2兩個套餐，S2就多少少肉既選擇（午市會員價$188，非會員價$208；晚市會員價$208，非會員價$228），牛亦靚D、肥肉少啲，係嫩肩板牛肉同牛仔骨。除咗肉之外，有多春魚叫，而奶油金菇都好香。等緊燒肉期間就食住熟食先，食左椒麻雞翼&魚酥涼伴豆腐😋。自助區就有櫻花蝦拌飯區，櫻花蝦、海苔等等配料都係自己想加幾多就幾多，真係開心🥳，我自己就鍾意爆多紫菜，整左碗紫菜蓋過白飯既拌飯🤪。自助蔬菜區🥬最好嘅係菠蘿🍍同埋生菜，燒菠蘿夠甜又好fresh，生菜攞黎夾肉肉食一流😚。飲品有台式手搖飲品，我飲左百香果綠茶、紅火冰茶😆，平時一杯都二三十蚊🤭，另外自助區仲有汽水、冷泡茶。最後每人可選一款Häagen-Dazs 雪糕🍦。…查看更多

呢排天氣涼涼地，同朋友出街就會諗起打邊爐，咁啱經過見到一間叫一鼎嘅火鍋放題店，見到個Menu睇落都唔錯就決定試吓我哋決定食澳洲200日穀飼牛肉個餐，一入到去環境幾闊落，我哋兩個人張枱都幾大，湯底就一人一鍋，我同朋友就揀咗店舖推介嘅紅燒火牛同蕃茄為主嘅湯底，蕃茄湯酸酸地幾開胃，而紅燒湯入面有幾舊和牛粒，小小辣味湯底亦唔會好鹹好重味一嚟到會先上幾種肉類，有牛舌、穀飼牛、北海道四元豚，喺侍應上菜嘅同時我哋梗係出去buffet吧拎嘢食先啦，佢嘅buffut吧主要係拎蔬菜丸類同埋主食其他配料可以掃QR code落單，配料小食種類好多，例如有炸物、涼拌小食、海鮮，當中最吸引我嘅就係花椒魚皮同埋梅子粉地瓜條佢呢度其中一個嘅賣點就係手搖飲品任飲，仲要係即刻沖㗎，呢樣嘢就已經係一個吸引之處另外仲有生啤任飲，啱晒鍾意飲酒嘅朋友咁嚟到食火鍋梗係主力食牛肉啦，佢嘅穀飼牛肉味道好濃，食落有種獨特的香味，推薦👍🏻！食飽飽之後出去拎整杯雪糕，有乳酪雪糕同牛奶雪糕兩款，仲有個生果吧，食完滿滿的牛肉就可以消滯解膩一下，呢餐真係好豐富好滿足！…查看更多

今日點左魚白湯三文魚豆腐鍋，湯底真材實料，有三文魚粒同豆腐粒，同時有薑辟腥味，湯底充滿三文魚香，食材唔洗再點豉油都好夠味😆而今次叫既set係最貴既日本黑毛和牛A4套餐，和牛係一大盤黑色碟咁上枱，見到和牛油花咁靚就流晒口水了🤤，一咬入去溶於口🥰，超香牛味🙌🏻超滋味！呢個餐仲包左海鮮拼盤同埋鮑魚，本身怕炸鮑魚會咬唔開，點知冇，淋得黎仲好厚身😸另外我鍾意手切封門柳，食完和牛膩完就轉攻脂肪較少既封門柳，充滿牛香又大大舊🥳飲品方面，我都係揀左茶🤭最後食左Haagen Dazs雪糕作結，當日有咖啡、雜莓、馬卡龍味🫶🏻…查看更多

如果你好似我咁，好鍾意台式飲品、台式小食❤️咁呢間就好岩你黎，別忘了既任食火鍋🍲。平時喺香港飲一杯台式飲品都要30幾40蚊，呢度俾你一次過飲飽飽😆。由最classic既珍珠奶茶🧋，到水果茶🍎同埋各種茶類四季春、鳳梨綠茶、百香果綠茶等等，呢度都有🤪。而台灣夜市常見既小食：鹽酥雞、宜蘭蔥肉餅都有得點。甜品方面，有紅豆🫘窩夫、仙草凍、榴槤炸彈，仲有每人一杯movenpick雪糕。咁肉既質素又點呢？當晚我地點左2小時既Set B澳洲M7（$308），而鍋底揀左椰子鍋&麻油雞，奶白色椰子鍋超重椰子🥥味，呢個餐有M7牛胸腹食，我覺得都唔錯👍🏻，而牛板腱我都鍾意點🤭，少肥肉。另外每人可以叫一隻蘭王蛋點肉肉食，超正😍…查看更多