Aucifer28的个人专页

招牌越南仔無骨雞配黃姜飯套餐（HKD 89）無骨雞又嫩又滑配上一個甜甜的醬汁，非常啱我口味，再配埋個黃姜飯，淡淡黃姜味同香濃椰香味，齋食都好好食。河內蔥油三味配黃姜飯套餐（HKD 89）三味系爽口豬頸肉，濃濃香味炸豬扒和扎肉，配上香濃黃姜飯，份量大味道好。另外套餐配2小食+雞湯無骨鳳爪沙律，鳳爪凍凍地又爽口，味道偏酸非常開胃。手撕雞檬紙捲配越式酸辣汁，非常好味。士多啤梨奶套餐+8蚊：淡淡草莓味，味道不過不失。凍鴛鴦拉茶套餐+12蚊：茶味香濃，淡淡咖啡味，無苦澀味，非常good。…查看更多

10安士肉眼扒陪忌廉薯蓉（HKD 268）7成熟的肉眼扒，牛扒靚厚切，一D都唔韌，牛味香濃，有濃濃碳香味配牛扒醬汁，十分掂。一般薯蓉我都唔食，但系尼個薯蓉好特別，有少少流質好滑，一D都唔涸喉，好好食。海鮮香草茄醬薄餅 （HKD 188）超多醃三文魚，大蝦和魷魚好新鮮，用料十足，配上香脆餅底，超級好食，因為系即叫即整等候時間較長，lunch趕時間就要預留時間。Pineapple Juice （HKD 38）菠蘿🍍汁，唔系太甜，有少少果肉，不過不失。Caramel Latte （HKD 38）奶味重微微咖啡焦糖香味，好適合我尼D鐘意咖啡香味又唔鐘意咖啡苦澀味D人。整體來講店鋪座位舒適，環境好，服務好，價錢適中，食物質素高。…查看更多

聽講深水埗有間價錢平質素高牛扒餐廳，我立刻約埋牛魔王（我個friend）一起去試下，餐廳裝修工業風，整潔乾淨，座位闊落。安格斯級封門柳套餐（200個）HKD 190封門柳外表煎得十分焦香，7成熟切開超多肉汁，肉質嫩滑粉紅色，牛味超濃陪黑椒汁，非常好味😋好驚喜咁嘅價錢咁高質牛肉牛魔王坐低先講她過敏唔可以食牛🐮，最後她選擇左食魚烤比目魚排配阿根廷香草醬套餐 HKD 170錯有錯著，比目魚扒都有驚喜，魚皮烤得十分香脆，魚肉超級嫩滑，一Ｄ都唔腥又無骨，啖啖肉，配上清新香草醬真系好好食🤤套餐包括薯條🍟+汽水🥤薯條系細薯條，熱辣辣非常香脆好味，重點系薯條任食，唔夠可以一直加。相當值得去試下平價高質餐廳…查看更多

位於國際廣場25樓高檔海景川菜館霸王川莊，全餐廳270度維多利亞海景，裝修高雅有格調，座位闊落舒適，最重要系服務好，所有員工有禮貌有笑容，只要有需要一示意立刻有人過來服務。午市套餐霸王三小碟清甜爽口萵筍，蒜蓉涼拌木耳，最驚艷的是甜酸炸魚，一點都不腥，甜酸可口超級好食。瑤柱鮮魚羹魚羹用料十足，鮮滑的魚肉，配上切碎的菇粒，好多瑤柱，配上少少芫茜，好鮮味。正宗四川回鍋肉（套餐價：HKD 158）五花肉肥瘦相間，肉質嫩滑，配上辣椒、耶菜、青椒一起炒有鍋氣，辣度微辣帶小小甜味，相當野味，符合廣東人偏甜的口味。歌樂山辣子雞（套餐價：HKD 178）超級香辣辣子雞，雞肉去骨，炸到酥脆，配上大量乾辣椒🌶️，食落口相當香辣，越食越想食，越食越開胃，食埋成碗飯，辣得好過癮。八寶茶最後飲杯八寶茶解解辣，非常完美的午餐。…查看更多

剛剛同阿女去完泰國曼谷返來，佢又話要食泰國菜，就同阿女來屋企附近試下泰北菜。Restoran SAYA裝修復古帶異國風情，阿女一入去就話好靚好似去左泰國，店員熱情有笑容。泰式咖喱蟹汁軟殼蟹配香草蒜蓉包（HKD 188）咖喱汁相當有驚喜，味道香濃有Ｄ似黃珍珍Ｄ咖喱汁味，軟殼蟹炸的非常酥脆，配賣個咖喱汁非常正！阿女最愛香脆蒜蓉包配上泰式咖喱汁，食到停唔到口。印度飛餅（HKD 38）兩大塊飛餅，好酥脆有Ｄ似手抓餅，但系比較乾身，唔似手抓餅咁油，配咖喱汁一起食正！飛天炒通菜（HKD 78）每次食泰國菜必點通菜，微辣有鍋氣，咸淡適中，非常Good芒果糯米飯（HKD 75）造型好友心思好靚，芒果香甜，糯米飯香滑，配埋香濃椰汁甜甜咸咸，好好味。…查看更多

朗豪坊12樓12號鋪一間有水準味道正中川菜館，服務非常好，因為本人大頭蝦糕錯左Ｄ野，但系Ｄ服務員熱心同積極幫我完美解決問題，中成日同我Ｄ女玩，整個食飯過程在輕鬆愉快加上店鋪裝修雅致，座位非常闊落，感覺十分舒服。烤魚（江團魚）320烤魚有4種口味選者，我選擇左我最愛酸菜泡椒烤江團魚，江團魚刺少，新鮮一Ｄ都唔腥，肉質緊實，湯底麻和辣可以按照自己喜好選者，湯底酸辣適中層次分明，帶少少麻，有辣有麻，辣得好過癮。招牌霸王炒飯 118炒飯用料十足，有蝦，肉粒，火腿，四季豆等，米飯炒到粒粒分明，十分有鍋氣，非常野味…查看更多

我女日思夜想漢堡店Winner Burger一間位於太子站C2出口步行1分鐘就到，店鋪唔大，主要系做外賣。WB經典漢堡（HKD 62）漢堡扒可選擇牛或者豬，我女系牛魔王選擇左牛漢堡扒，好大一個漢堡包🍔大到唔知道點落口😂一啖咬落去爆汁，流心煎蛋爆蛋汁。好彩我已經幫我女墊曬紙，上次食就系滴都成條裙都系。黑松露煙肉牛堡（HKD 88）漢堡包份量大，我一個人更本食唔曬，一樣咁多汁，漢堡扒煎得好香有多汁，最出色就系個流心煎蛋每次都系爆汁，次次都保持到甘高水準。南蠻雞堡（HKD 72）上次已經想食，可惜全部賣曬，今次終於食到啦，炸雞相當脆，入味又熱辣辣，配買一個自制蔬菜沙律，味道相當唔錯。整體來講好抵食，價錢相宜，份量大又好味。…查看更多

今日介紹一間良友冰室位於深水埗醫局街198號嘉裕居地下1及2號舖，店鋪懷舊港式裝修，座位相當闊落，一Ｄ都唔逼，Ｄ姐姐非常健談，門口仲有位可以泊車，相當唔錯。乾炒牛河（HKD 53）乾炒牛河十分出色，有小時候的味道，牛肉嫩滑，份量十足，超有鍋氣又唔會好多油，好乾身，超級好食。西炒飯（HKD 53）阿女話有番茄炒雞蛋味道，她超級中意，大大碟，飯炒得好香，又有鍋氣，一個人根本食唔曬，大件夾抵食。焗咖喱牛腩飯（HKD 54）咖喱香濃，牛腩玟得好淋，配上一個超級有鍋氣蛋炒飯，熱辣辣香噴噴，又大大份，我老公都食唔曬。套餐+8蚊有特飲，+3蚊轉凍飲買單時候2:30，聽到Ｄ人話下午茶40蚊一個餐，外賣9折，我又順手叫多左一個揚州炒飯連罐裝可樂都只要系40蚊。…查看更多

系香港日式韩式烧烤食得多啦，川味烧烤真系第一次食，位於尖沙咀尖東站P3出口帝後廣場地下7-8號鋪川味亭，位置非常好搵😊如果帶小朋友唔食辣，川味亭就啱曬啦，有川式車仔面，幾十款配菜任選，可選擇清湯，適合唔食辣的朋友，3款配番薯粉加埋凍飲只要58，好大一碗，好抵食，個番薯粉又粗又彈牙，好好食。川式燒烤特別出色，介紹幾款我覺得最值得食的生少：No.1 燒白鱔：我又細都到大特別鐘意食鱔，對鱔都特別挑剔，今次Ｄ鱔又肥重要系爽鱔就真系難得，又唔腥我給100分No.2脆香鮮雞皮：雞皮烤到好似薯片咁脆，配買Ｄ川式燒烤調味料，好野味。No.3 有機菠蘿：燒菠蘿外面裹住一層焦糖，又脆又甜有多汁，非常出奇咁好食。仲有大大只扇貝，流心芝士年糕，好多新鮮菠蘿的菠蘿冰，都相當唔錯。…查看更多

今日接完阿囡放學經過活化項目618上海街，上海街600-626號14幢分別於20年代及60年代建成的唐樓，被活化成文創空間，好多餐廳，最後選擇3樓一間西餐廳。店鋪裝修以藍白色為主調，店鋪內外都布滿乾花，有地中海田園feel，座位相當闊落，好舒服😌weekday lunch set AA9 自家制安格斯牛肉漢堡包配薯條🍟（HKD 108）南瓜湯：南瓜湯淡淡的南瓜甜味同奶味，香濃幼滑，暖暖地最適合今日凍凍地天氣。沙律🥗：蔬菜新鮮配上日式麻醬，酸酸地好開胃漢堡包：超厚漢堡牛扒配煙肉、番茄、生菜，沙律醬，好好味😋。薯條🍟：最特出的就系薯條，帶皮，又香又脆又滑，好食到難以形容。套餐+10蚊配菠蘿汁：普通菠蘿汁，不過不失。整體上食物同環境都非常good…查看更多

旺角越男仔店鋪面積唔大，店內裝修好友越南特色，中午lunch人比較多需要等位，食物款式選擇多。招牌越南仔無骨雞配黃姜飯套餐（HKD 89）每次我必點，無骨雞又嫩又滑配上一個味道偏甜的醬汁，非常啱我口味，再配埋個黃姜飯，淡淡黃姜味同香濃椰香味，齋食都好好食。原隻軟殼蟹配黃姜飯（HKD 115）原隻軟殼蟹炸得有酥又脆，好多炸蒜，避風塘口味，微辣非常野味，再配上椰汁香濃黃姜飯，好好味。另外套餐配2小食：無骨鳳爪沙律，鳳爪凍凍地又爽口，味道偏酸非常開胃。手撕雞檬紙捲配越式酸辣汁，非常好味。套餐+12蚊轉冰凍水果茶：茶味偏淡，少甜，半杯新鮮菠蘿，味道十分清新。套餐+15蚊轉利賓納青檸蘇打：味道偏甜，配上新鮮檸檬，阿女好鐘意。法式芝心蝦多士跟餐+39蚊蝦肉厚身又彈牙，味道鮮味，多士炸得十分酥脆，中間夾左流心芝士，超級好食…查看更多

系尖沙咀天文台道8號地下2號鋪發現一間墨西哥餐廳，出於好奇特意來試下墨西哥菜，店鋪旁邊就有一個地下停車場，渣車來都好方便。店鋪裝修有格調，座位闊落好舒適，店鋪還有水煙，有興趣的朋友可以試下。Mexican Beef Taco Salad 墨西哥牛肉玉米餅沙律（HKD 138）超級豐富的沙律，有牛肉碎、牛油果、小番茄🍅、沙律菜、芝士碎、配上酸忌廉同沙沙醬，最特出就系石榴，石榴清甜導致成個沙律都好清爽，真系非常好食😋Quesadilla Spicy Beef，Buffalo Sauce墨西哥水牛城辣牛肉酥餅（HKD 152）墨西哥香脆的酥餅夾著辣牛肉同勁多拉絲的芝士，配上Buffalo Sauce又酸又辣，又香又脆，好野味同好開胃。Grilled Beef Fajitas鐵板燒牛肉（HKD 198）熱辣辣鐵板牛肉，配上大量洋蔥🧅系低，香味濃郁，牛肉厚切好有後感，牛味非常濃，配上3種唔同醬汁，在配埋墨西哥薄餅卷埋一起食，非常好食😋Peach Ice Tea 冰蜜桃茶（HKD 68）非常清爽蜜桃茶，配一塊乾檸檬🍋又好睇又好飲…查看更多

九龍灣樓上鋪法式風情餐廳French Lab，店內裝修有品位，店員服務好，食物水準高。香煎牛柳炸菇配薯蓉（HKD 128）炸菇非常香脆，菇仲有汁，外脆內軟，牛柳7成熟，牛味十足，非常嫩滑，底部配上薯蓉份量剛剛好。油封鴨髀太陽蛋配黑松露意大利飯（HKD 108）封油鴨髀鴨肉好嫩滑，但系鴨皮煎得好香脆，我自己好少食鴨，因為我最怕鴨騷味，暱個油封鴨肉髀一Ｄ都唔騷，好好食，黑松露意大利飯濃濃奶油味配個太陽蛋，非常好食😋蘑菇牛肉漢堡包配薯條（HKD 118）漢堡扒好厚，咬落去好多肉汁，有炭燒香味超級好味，個包好脆，配Ｄ醬汁蘑菇酸黃瓜生菜，好好食，薯條大大條好掂。另外店內提供免費凍檸檬茶，茶水，熱飲非常貼心。…查看更多

最近朋友介紹左一間位於太子站C2出口步行1分鐘就到Winner Burger漢堡包店。店鋪唔大，主要系做外賣，只有兩張枱給人堂食。本來我系想食芝士菠蘿雞漢堡，可惜當日炸雞扒已經全部賣曬，生意相當好。WB經典漢堡（HKD 62）漢堡扒可選擇牛或者豬，要左牛漢堡扒好大一個漢堡包🍔大到唔知道點落口😂一啖咬落去漢堡扒好多汁，煎流心蛋好香，配埋Ｄ生菜番茄同WB醬汁簡直絕配，我從來都未試過食漢堡包咁多汁滴到成件衫都系🤣🤣🤣黑椒芝士漢堡（HKD 68）漢堡包份量大，我一個人更本食唔曬，一樣咁多汁，漢堡扒煎得好香有多汁，最出色就系個黑椒醬，黑椒味好濃，有夠辣，非常野味。炸雞翼（HKD 15）2隻雞翅好入味，炸得有夠脆，非常好食😋整體來講好抵食，價錢相宜，份量大又好味。…查看更多

沙田越南仔店鋪唔算大，店內裝修好有特色，人比較多需要等位，食物款式選擇多。招牌越南仔無骨雞配黃姜飯套餐（HKD 92）飯有香濃椰香同少少姜味，齋食都好好味，無骨雞又嫩又滑配上個醬汁甜甜地，咸咸地非常好食。另外套餐配2小食：無骨鳳爪沙律，鳳爪凍凍地又爽口，味道偏酸非常開胃。手撕雞檬紙捲配越式酸辣汁，非常好味。套餐+12蚊轉冰凍水果茶：茶味偏淡，少甜，半杯新鮮菠蘿，味道十分清新。三鮮PHO椰汁酸湯檬套餐（HKD 142）湯底味道香濃，有好濃椰香味，微酸好似泰式味道湯底，檬粉好滑，配上三鮮（生蠔+大蝦+滑雞）海鮮好新鮮，配上湯汁好野味。另外套餐配2小食：椒鹽脆蛋魚柳，我無食到，我3個女食曬，話超級好食😋牙車快沙拉，超級酸木瓜絲用蘿蔔絲配生菜，鐘意勁酸一定要試。套餐+3蚊轉越式拉茶：茶味濃微微苦澀味。整體來講價錢相宜，食物質素高，味道好分量足。…查看更多