Sharonnl的个人专页

今日收工突然想食拉麵🤤🤤見到呢間門面好有日式風情，又有唔少好評就試試。一入門口就見到有bar枱，坐喺bar枱會睇到師傅煮麵，好有日本小店嘅感覺。拉麵有四款，三款長期都有，另外有兩款期間限定😋😋 見到期間限定有紫薯咖喱湯拉麵，鐘意試新嘢嘅我就梗係要試下啦！另外仲加咗荀同叫咗小食，焗餃子。本身想試綠茶，不過賣晒無緣啦！有得揀口味濃淡，我就揀淡。拉麵嚟到賣相幾好，紫薯好似個雪糕球咁，起初有啲驚又紫薯又咖喱會好怪，點知又幾好食喎，紫薯好香，而湯底師傅都做到淡又不失香味，唔錯唔錯！食日或餃子最怕就係又硬又多油，但可能因為佢係焗唔係煎，所以一啲都唔油，皮都好脆👍🏻👍🏻👍🏻環境安靜，坐得舒服，食物唔錯，好滿意嘅一餐💖💖…查看更多

今晚同朋友搵食搵到嚟愉景新城🤣餐廳門面都幾靚有車仔擺設同朋友唔算好肚餓，所以就叫咗一個主食、兩款串燒同一個甜品主食叫咗三文魚腩海蝦章魚飯，有三隻大生蝦，好多肉好肥美😋😋😋餐廳好細心同塊葉隔開咗章魚粒同啲飯，唔好等啲水整到個飯濕晒👍🏻👍🏻刺身都好新鮮好味。一開頭睇落個碗好似細細個，但其實都好夠料，份量夠晒😋牛油果軟殼蟹飯卷，牛油果夠新鮮，軟殼蟹夠脆，唔錯👍🏻串燒叫咗雞軟骨同翠肉瓜，串燒處理得好好，燒得幾香又唔會乾身，味道唔濃唔淡啱啱好👍🏻翠肉瓜仲好厚肉多汁😍甜品叫咗抹茶紅豆拿破崙，一向都鐘意食抺茶紅豆，佢都冇令我哋失望，抺茶幾香，整體唔太甜，好味😋餐廳仲有個遊戲間，比小朋友玩幾有心思，建解可以加多幾件玩具☺️餐廳隔局分開一格格，私隱度高，唔會話同隔離枱坐到貼住晒，坐得好舒服，幾啱一家人/一班朋友gathering!職員都好友善又好主動幫忙加茶👍🏻👍🏻👍🏻👍🏻…查看更多

今日做完運動後要食嘢獎勵自己🤣🤣🤣同男朋友想食雞煲，又見到呢間個名好得意，就試下☺️一坐低先調較咗醬料先，火鍋配料充足，不過其實都冇乜點過，因為湯底已經好夠味我哋叫咗鴛鴦鍋，一邊係雞煲半隻，另一邊係龍蝦湯。雖然係細份半隻雞煲，但好多雞，又多配料。兩個人食完都半飽，抵食🤣🤣🤣火鍋料我哋叫咗桂花魚片、響鈴、鬼馬墨魚、香港蕉墨魚丸、雜菜籃、仲有小食麻辣牛展。桂花魚片幾爽口、新鮮響鈴係即炸，上到枱面仲熱，職員推介淋啲雞汁落去，聽到「炸炸」聲好似食鐵阪餐咁😂😂😂鬼馬墨魚係油炸鬼上面鋪咗墨魚滑，香港墨丸就係墨丸包心係香蕉，兩樣都係第一次咁食，幾特別麻辣牛展細細碟，但食落都唔少😂前菜嚟講都幾惹味開胃！見到飲品有鮮炸果汁，不過我哋就冇試到啦，各位朋友有機會嚟可以一試…查看更多

同朋友想搵個地方坐下傾下計，又食咗飯，又怕飲咖啡會瞓唔著。就嚟咗呢度食件cake.叫晒兩款是日推介嘅蛋糕1. 特濃伯爵茶蛋白忌廉蛋糕伯爵茶味幾出，淡淡香味，幾好幾好☺️☺️2. 經典老奶奶檸檬蛋糕食落口有好fresh,好清新嘅感覺，都唔錯😋舖仔細細，但又坐得幾舒服，見到都有其他客人嚟試咖啡，同店主有傾有講，又研究下咖啡豆。一路坐一路聞到好香咖啡味☺️☺️都想下次嚟試下咖啡，感覺係有心嘅小店，值得支持👍🏻👍🏻👍🏻…查看更多

今晚喺九龍城食完飯，行過見到覺得個名幾得意就睇下。原來有芋圓飲品，一向鐘意食芋圓嘅我就即刻買咗啦。叫咗芋香地瓜圓，少糖少𣲙。飲落味道冇好大驚喜，冇好大芋香味，地瓜圓軟硬適中，整體就不過不失。…查看更多

今晚同朋友去九龍城覓食，見到呢間閒日7點鐘已經人頭湧湧，就嚟咗試吓。好彩餐廳有兩層座位多，等左一陣就入得啦。見到隔離枱唔少食物都好吸引，奈何得兩個人，試唔到太多款。1. 泰東鴨肉生菜包雞牛豬嘅生菜包都食過，真係未試過鴨肉，原來又幾好味。中間仲有啲炸脆咗嘅鴨皮，食落口感好豐富，幾有心思😋😋😋2.泰象館招牌炒飯炒飯用蛋網包住，賣相幾靚。切開仲有好多料😍啲飯炒得好香，又唔會太乾太硬！3. 燒鰂魚即叫即燒嘅鰂魚，一上枱已經聞到好香☺️魚身入面釀咗好多香料，就咁食魚肉有淡淡香味，點埋醬汁，少少辣好惹味。其實條魚都幾大條，但因為好食，我哋好快清晒🤣其實仲好想試咖喱，芒果糯米飯，不過真係食唔落，唯有留待下次。仲要一提係全部職員都好斯文有禮，雖然客人多，但係非常之有禮貌，總括嚟講係非常舒服嘅一餐☺️…查看更多

今晚同男朋友都想食日本嘢，諗起之前嚟過嘅呢間都幾好，就決定食呢間😋1. 廣島蠔寄世鍋有蠔、蝦、細蟹鉗、蜆肉，同埋唔同蔬菜，用料都幾豐富，湯底同海鮮有鮮甜味😋2. 白咖哩烏冬見到呢個就覺得好特別，上菜後原來係咖喱烏冬上面舖咗一層忌廉。撈埋食之後又幾好味🤣烏冬配嘅炸雞都炸得啱啱好，唔會太乾👍🏻3. 芒果三文魚加州卷大大舊加州卷，芒果唔酸，三文魚都鮮甜，好味🥰4. 黑松露凍蕃茄沙律呢個沙律好有驚奇！份量唔少，黑松露都好多，每食一啖都有好濃嘅黑松露味👍🏻👍🏻5. 脆脆燒三文魚皮薄薄一塊好香脆，小食嚟講好開胃，正😋6. 阿法奇朵雪糕好香牛奶味，咖啡好香，咖啡少少苦味加埋雪糕甜味👍🏻👍🏻👍🏻👍🏻…查看更多

成日都聽屯門人講要試呢間咖喱，今日終於試到啦。餐廳侍應全部都係印度人，但用廣東話溝通完全冇問題😂👍🏻👍🏻一點半嚟到，都唔少人喎，好彩唔洗等位☺️我叫咗咖喱牛，牛腩嚟，煮得啱啱好👍🏻有咬口，但又唔會話咬唔開。咖喱辛辣度對我嚟講啱啱好，又好香。唯一唔好就係薯條唔夠熱，有啲淋咗，冇咁好食。份量超級大，有飯又有餅，我最後都食唔晒啲飯。如果唔係太大食建議叫少飯，唔洗浪費。價錢唔貴，份量夠大，味道又幾好，一定會再嚟食😋😋😋😋…查看更多

早前已經試過另一分店，今日lunch time 再來試試，這間分店正正在地鐵站隔離，地點更加方便👍🏻👍🏻店面一樣好多裝飾，設計好有心思🥰12點半左右來到，餐廳已經好多人了。飲品menu打開有驚喜，感受到餐廳的用心🥳餐湯是忌廉蘑菇湯，口味香濃，不錯！我叫了set lunch 的黑毛豬南瓜汁燴意大利飯。飯軟硬適中，又好香南瓜味👍🏻份量都不少喎！見到小食有黑松露薯條，又好貪心地叫埋，好大份啊！ 薯條新鮮炸起，又熱又脆，點埋醬好正🤣見到隔離枱有客飲沙冰好吸引，我又跟住叫。咖啡沙冰，味道灰會太甜，好飲👍🏻雖然人手可能不足，但也見到待應好盡責有禮貌，值得一讚👍🏻👍🏻👍🏻👍🏻…查看更多

朋友推介呢間舖頭，上次都試過一次，就覺得唔大驚喜。但因為朋友極力推介，所以今日嚟紅磡做嘢，又決定試多次😂今次我叫咗大排麵，朋友就叫嫩雞煨麵。我嘅大排麵都ok嘅，不過就唔係太大驚喜，覺得豬扒炸耐咗少少🙈🙈🙈🙈但嫩雞煨麵就比上次出色好多，上次湯底太淡，冇咩味，今次就好好多🥳🥳朋友第一次食都話正👍🏻👍🏻👍🏻👍🏻小店主要都係幾個阿姨打理，好親切有人情味，嚟開紅磡一定會再嚟😋😋😋…查看更多

星期六下午路經石峽尾，就同朋友來美荷樓行下食個下午茶。星期六都幾多人，不過餐廳都算大，幾多枱，所以都唔需要等。裝修好靚，好多懷舊擺設，不過因為人多，都冇咩影相。我哋叫咗all day breakfast 同南瓜餅芝士budger, 食物賣相都唔差嘅，但味道就真係麻麻喇。all day breakfast 嘅鬆餅咬好耐都咬唔開，炒蛋又唔知點解好甜收銀姐姐嘅態度就好似全世界人都得罪咗佢咁，拎完嘢食坐底都聽到兩枱客都話收銀好冇禮貌，另外都希望餐廳可以提供食水比顧客啦。…查看更多

咁啱同朋友都返妟，可以約食個brunch朋友介紹呢間唔錯，就一齊嚟試啦☺️☺️我哋好早就嚟到，餐廳都係開門無耐，又未到lunch 時間，所以可以任揀座位。Lunch set 都有唔少選擇，價錢都唔算貴，我同朋友就揀咗肉眼扒同黑豚扒。等咗一陣，嘢食就嚟啦。我叫咗肉眼扒，五成熟，跟餐配薯菜，份量都唔少，食完都幾飽啦。朋友都話佢塊黑豚扒唔錯👍🏻我哋都加咗甜品，特濃朱古力同Tiramisu, 一凍一熱，兩款都好味😋😋整體嚟講，餐廳環境好舒服，食物唔錯，好啱同朋友嚟飲杯咖啡，食下嘢傾計👍🏻👍🏻👍🏻…查看更多

今日跟朋友嚟搵食，呢度主打用木筒打邊爐。火鍋有兩款，一款係海鮮，定一個係藥饍，另外可以揀湯底同一款肉做主食，配料第一份都係跟人數配好畀我哋。我哋就揀咗海鮮、花膠雞湯底同羊肉。店員解釋木筒入面分造兩層，鍋底有礦物質石仔，側邊就有啲細窿仔，啲湯經過窿仔出返嚟就過濾咗，冇晒啲油同雜質。所以我哋如果想飲啲湯都要飲窿仔過濾咗嘅。 好欣賞呢個設計！湯底足料好鮮甜海鮮份量都唔少喎！樣樣嘢都大大隻同新鮮其他配料都好精緻，味道都唔錯。其實食完上面啲配料都飽得7788, 但好想食魚同菜，就加多少少。 任食嘅配料都唔少，菜類都好多選擇👍🏻👍🏻👍🏻👍🏻最後仲內份甜品送，奶凍裝係樽仔好可愛，食埋甜品真係大滿足！仲要一讚嘅係店員好有禮貌，好主動幫忙換碟，加湯👍🏻👍🏻👍🏻👍🏻…查看更多

今日難得收早，就喺黃埔附近搵食，見到呢間裝修唔錯，個名又幾得意就嚟咗食。 原來係食花膠，正啊。而家凍凍地要潤一潤🤣🤣仲有外間充電借，唔洗驚電話冇電！我就叫咗c餐，花膠燉雞鍋麵。 一嚟到已經聞到好香，用石鍋上可以keep到個熱度。湯底好足料，濃得嚟唔係得個鹹字，唔錯！最驚喜係真係有兩大塊花膠👍🏻👍🏻出面好多都係話花膠湯，但呢間真係有大大塊比你見到🤣即刻覺得抵晒😂😂 飲品叫咗羅漢果茶，甜度適中，好飲又夠晒養生，唔錯！…查看更多

今日約咗朋友去大館，去之前同朋友又想食壽司就入咗嚟試☺️☺️門面裝修都幾靚👍🏻2點幾去到都幾多人買嘢食，可以外賣可以堂食。舖仔細細，但座位算舒服唔用有壓迫感👍🏻MENU都幾多選擇，有餐廳配好嘅卷物，都可以自己自選！我哋都叫咗幾多嘢食🤣1. Philadelphia 呢款賣相已經好fresh 好吸引，有三文魚、牛油果、cream cheese、飛魚子配曼魚汁同蛋黃醬。食落好fresh, 又帶啲芝士香味 好味👍🏻👍🏻2. Beef-iyaki照燒牛肉加青瓜牛油果完全唔會覺得肥膩，加上青瓜同脆口嘅蒜片，口感好豐富。3. 自選卷物嚟到就緊係要自己配返個卷物😂基本上我哋都冇諗咩配搭，純粹自己想食咩就圈晒佢🤣🤣可以揀晒自己鐘意嘅配料，食落非常滿足😋😋4.帶子壽司帶子新鮮，飯量大小適中👍🏻整體嚟講都非常滿意嘅一餐，本新都驚係gimmick 嘢會唔好食。但食落又好味又好清新，而家感覺都好乾淨，值得一讚係員工非常好笑容都好好禮貌，值得支持！…查看更多