daaa3的个人专页

行過肚餓諗住整個格仔餅食叫咗之後店員話要等咁我就話轉頭返嚟攞大概過咗10分鐘返到嚟竟然同我講話整燶咗🤯佢話再整過叫我等3分鐘咁就等啦，終於3分鐘有個正常嘅拎俾我點知一攞已經唔對路，好似條冧咗嘅毛巾咁一食落去，喂，中伏第一啖係無味嘅麵粉漿個口感差，靠啲花生醬煉奶都救唔到唔想浪費食物，所以都咬咗一半但之後都係頂唔順扔咗咁就$23，仲要勁浪費食材無心做就唔好攞住咩香港美味小食個名無心做就唔該快啲執笠！…查看更多

約咗幫朋友慶祝生日！朋友想食泰菜，見到其他人話呢間幾好坐就選擇咗，喺OpenRice book仲有正價88折！本身自己買咗蛋糕過去，不過諗住唔喺餐廳食，所以膽粗粗問職員可唔可以幫手雪住先，佢哋好好咁幫我手，亦話唔喺度食都冇問題。當日塞車朋友遲咗少少，餐廳職員無催我叫嘢食，到達之後我哋叫咗個二人餐（要咗一個冬陰功湯，魚餅，半隻海南雞，仲有炒金邊粉，包埋兩杯嘢飲）再加一個馬拉盞炒通菜，同埋豬頸肉炒飯！全部嘢都好好食，我哋全部都讚不絕口，特別係個炒通菜同埋炒飯，唔油亦好香口。最後因為叫咗過$600，所以免切餅費，我哋最後都係餐廳切埋蛋糕，問職員攞返個蛋糕嘅時候佢哋好細心，問我係要攞返定係佢送上枱！😂你知啦，好多餐廳都會唔問清楚就直接送過去，搞到冇晒驚喜！佢哋好幫手，又話可以有火機借，仲俾隻碟我放好個蛋糕！我哋食蛋糕嗰陣，職員亦都自動送上餐碟同埋餐具！真係十分細心，亦好有禮貌，下次會再幫襯！Btw，我哋食晚餐嗰場都幾full！大家話香港飲食業越嚟越差，其實仲有好多好嘅餐廳，需要大家支持…查看更多

第一次寫食評，因為真係太難忘今晚諗住同屋企人去將軍澳食飯，阿爸鐘意試新嘢，見呢間開咗好多年，門面幾高級，加上未食過就入去試吓點知中大伏！我哋叫咗兩個魚生飯，帶子三文魚親子丼，極上四色刺身丼，一個鐵板牛舌，醬油濃雞白湯拉麵，香芒大蝦卷。丼飯份量少得可憐，刺身嘅新鮮程度一般，入面得一隻細細嘅蝦，半隻帶子，三片三文魚，同一啖仔嘅呑拿魚蓉，飯又少，係女仔都感覺唔夠食:(帶子三文魚丼，阿爸話不過不失，都係份量唔多。拉麵湯底係好濃好杰，媽媽話濃味得滯，我就覺得味道一般，同埋麵質好麻麻，無乜口感。鐵板牛舌切得好薄，但係好韌，阿爸阿媽完全咬唔到，我呢啲後生就覺得OK嘅都有口感，不過阿爸阿媽話咁薄好少會煮到咁韌，出面食過都唔會係咁:(最後個香芒大蝦卷味道就正常啦，個樣好睇嘅總結來講，呢個質素埋單六百幾真係唔係好值，無下次啦:(…查看更多