OMingsze's Profile

開左OPENRICE咁耐，真係好少會寫負評，而係今次真係忍唔住12:32分網上落單，等到1:35分先有得拎1) 韮菜豬肉餃拼雲吞 (8隻) 配上海湯麵 (鮮味濃湯)變成韮菜豬肉餃拼雲吞 (6隻) 配上海湯麵 (紅蘿蔔粟米湯)2) 鳳城水餃拼芫茜豬肉餃 (6隻) 配特製蔥油撈麵 變成 芫茜豬肉餃 (8隻) 配特製蔥油撈粗麵 時間長、食物錯都算，仲要唔好食............韮菜豬肉餃同芫茜豬肉餃食唔出有咩分別，肉部份都唔夠味，上海麵同湯都唔夠熱，同事表示撈麵都唔好食最後成個LUNCH剩得10分鐘食，搞到完全無時間休息慘被白白浪費左一個LUNCH…Read More

封左晚市咁耐，等到放寬左，梗係要去嘆返下啦！平時我多數自己黎食，今日帶埋先生一齊試，真心係正既！呢度有得食又有得玩（場內有一張桌球檯同兩部飛鏢機）海鮮bar、沙律、甜品、串燒都係自助形式任食，每人可選一客主菜，我地今次試左羊扒，唔係講笑，咁厚既羊扒可以做到完美七成熟，表面又煎到岩岩好，羊味夠重，加埋個醬真係無得頂！沙律同海鮮都好新鮮！三百幾蚊食到咁既質素，真係超值題外話，呢度個個員工服務態度都係一流，超nice…Read More

難得去九龍灣睇戲，朋友介紹呢間大排檔好食又抵食，咁就梗係要帶屋企大小皇帝黎試下啦！叫左個鮑魚比阿仔試下，雖然幾十蚊貨仔，而阿仔話都唔錯喎！炸豬手，唔怪得係呢度既招牌菜，皮脆肉嫩！正到不得了！黑椒牛仔骨，侍應未放低落檯已經離遠聞到香味，味道夠濃、肉質又唔"UN"！配菜既青椒更加係一流！馬拉盞生菜，熱辣辣一向都係大排檔既賣點，配上馬拉盞咸咸既味道，呢個生菜真係無得頂，阿仔食完一碟本來仲想ENCORE，而因太多野食，驚食唔晒，所以無再叫到！鹵水就比較普通，同出面既差唔多，而呢碟只需要65蚊，真係抵到不得了，出面食最少都要過百蚊啦！總括黎講，呢度真係又抵食又好食，下次再黎九龍灣既話，一定會再黎！…Read More

荃灣一鍋堂一向都出名抵食，見到旺角開左分店，梗係去試下啦！我地一行四人星期日晚九點半walk in，好彩都唔係等左好耐，大約半個鐘度就入得！比起荃灣已經算快左好多了！麻辣湯底普通，唔夠辣，無咩特別，而另一個美人鍋足料，參味重，超正用apps落單，方便都無漏單情況！讚隨左出面有多款野食可以自己拎，肉類海鮮就要落單叫！海鮮類新鮮，蜆鮮甜，脆肉鯇爽口彈牙，魚頭有超大魚雲！唔係間間有的肉類都新鮮，肉味濃，蔬菜都超鮮甜，配埋湯底超好味…Read More

難得平日有日假期，去左佐敦翻新左既The Astor, 午餐只需兩百幾蚊，集合左幾個不同國家既特別菜式，最重要係竟然午餐都有三個國家既生蠔，係三個國家！！真心抵食！下次一定要黎試下晚餐！…Read More

兩個月內黎左三晚，真心覺得抵食，環境氣氛好棒，服務員好禮貌，時間充裕！食物仲正呢度有我最愛既法國生蠔，海水味重，爽口完全係我杯☕️長腳蟹肉質鮮甜，帶點點海水咸帶子刺身爽口鮮甜，唔似平時食果d帶子係淋淋地既口感芝士我最鐘意食香草蒜蓉味，可以食唔停架！熟食都不錯，因為我自己本身唔係好食肉類，而老公話羊架同牛扒都好食！片皮鴨皮脆肉嫩！ 其實熟食仲有好多款，我唔夠時間逐一影相雪糕係獨立細盒裝既movenpick，方便唔洗排，仲可以自己揀味道！超最抵係個價錢已包紅白酒、果汁汽水任飲！一定會再黎！…Read More

喺長沙灣都搵到好抵食嘅西餐，＄10 1隻法國生蠔質量仲要唔差，晚上八點半之後仲有個半價嘅手工啤酒set，個set已經有半隻德國鹹豬手＋1個小食仲有一杯德國手工啤！真係抵到爛呀老公叫咗個西冷牛扒七成熟，而係因為個位置係近筋位，所以都比較un 叫左半打法國生蠔，雖然唔係好大隻而口感鮮甜，微微海水味！雖然牛扒有啲un，而佢既套餐都真係幾抵！有沙律、羅宋湯、蒜蓉包、主菜、餐飲再加一個牛奶布甸，都係百幾蚊嘅價錢。絕對收貨啦！…Read More

住咗喺長沙灣幾年都未試過呢一間火鍋店，有次朋友介紹話呢度嘅牛柳粒超好味，所以一於黎試下！今晚同老公試左豬骨湯底！個湯底一上枱！勁多料，如果唔係任食，我諗食呢個湯底裡面既料都飽嚕！豬骨已經加工，可以輕易食到骨髓！朋友介紹既牛柳粒，真係冇呃我喎，好有牛味！真心不錯👍魚皮，食到魚香味，又脆！讚另一樣至愛就係蝦滑，一睇個樣就知道係堅用蝦打成！佢比我既感覺係，一粒唔洗剝殼既鮮蝦墨魚滑正常，而墨魚味不太重，口感都彈牙的！呢度食物款式都唔少！價錢ok！食物不錯，下次再黎過…Read More

蠔痴出動經開沙田見openrice有優惠，就黎試下book左八點果個時段，準時八點入座，唔洗等！不錯！生蠔係法國蠔係我鐘意既type海水味重，質地爽口！凍海鮮有蟹腳，青口，凍蝦，蟹腳size細，無咩肉，而海水味都有既，青口凍蝦普通貨色冷面顏色幾吸引，而因為掛住食生蠔，所以無試到芝士有幾款，我最鐘意軟芝士果款，奶味非常重！冷盤小食同刺身賣相不錯，可惜肚腩都無位置食熱盤試左羊架同意大利飯，羊架ok, 整意大利飯果個哥哥仔好有心機，而飯質有點硬甜品有賣相都ok架！下次再試題外話，找不到話係主題既龍蝦😞同兩小時確實係唔係好夠有機會會再黎既！…Read More

放工同寶貝仔出去揀聖誕禮物，諗起好耐無去番本食放題，之前d野食真心覺得唔錯！所以就book位去食啦！價錢算普通價位！刺身：帶子同榮螺阿仔話好食，甜蝦，三文魚無咩驚喜！象拔蚌感覺唔係好鮮味！一人加十蚊有得任食生蠔，呢款生蠔完全唔係我杯茶，極鐘意食生蠔既我都只食到6隻！蘿蔔蓉味同生蠔一d都唔match!感覺仲有d嘔心！人參雞湯好真材實料！超好飲！雞軟骨香脆爽口蒸氣鍋材料可以接受，蜆size較細，而味道算鮮！蝦一般，有少少係霉霉地！龍脷柳肉質滑帶少少咸味，不錯！扇貝一般！蒸氣蓋設計有問題⋯⋯細到要掂住d食物先蓋到！感覺不太衛生！總括黎講，食物比之前差左d，最大問題係.....由零晨五點開始肚痾下次要諗諗會唔會再黎呢度了…Read More

難得一日假期可以同寶貝仔撐下檯腳，揀左間屋企附近，食評不錯的卡莎338！揀呢間餐廳都係因為佢地既十蚊生蠔不錯，我同阿仔都係愛蠔之人！所以決定一試😍十蚊生蠔來自法國，肉身不算大隻，而口感爽口，海水味重！正正合我地杯茶！我地兩個總共食左兩打半如果平時鐘意creamy口感同無咁重海水味既朋友，呢隻可能未必咁岩口味了！叫一個set dinner可以加$88任飲手工啤1.5小時，當晚試左幾個口味，個人覺得青檸味不錯，有啖啖既青檸味，配生蠔係不錯之選而有隻芒果味既就個人覺得有d似藥水味，不太喜歡了黑松露薯條顧名思義賣點係個黑松露醬，有淡淡既黑松露味配埋熱熱既薯條，一個字叫左一個set dinner既西冷，呢個main course反而無咩驚喜，同普通餐廳既無咩分別！芝士pizza，感覺上無食到d咩咁，芝士味不算濃，而pizza都偏薄，同食片餅乾無咩分別全晚最開心晚係可以有不同既board game同寶貝玩，而多個遊戲都比較殘舊，如果可以換批新少少既就一流了！總括黎講，生蠔抵食，其他菜式普通，而都會再黎既…Read More

朋友介紹呢間蠔bar 有十蚊一隻既生蠔，我呢個《蠔痴》梗係黎試下啦！點知。。。一試就出事好食到要連續食兩晚，所以以下既相係兩餐晚餐！我兩日內食左超過七十隻蠔而我無任何腸胃不適好睇下最正既蠔先十蚊隻都食到產地法國既生蠔，海水味濃，雖然size唔太大，而咬落去爽口，正正係我杯茶呢個海鮮拼盤有四個國家既生蠔，其中法國同美國都分別要加十蚊同廿蚊一隻，我始終都係鐘情法國既味道同質感，加廿蚊一隻都真係值得炸魷魚，呢個炸粉比較厚，同炸出黎比較硬，我個人覺得麻麻地最愛呢d扒⋯⋯旁邊既配菜，燒既程度岩岩好，鮮甜juicy，正主菜唔係唔好食既，而唔係特別突出，如果呢個價錢，可以係出面食到d更高質素既扒總括黎講，十蚊生蠔抵食好味，而其他熟食同刺身，收得呢個價錢應該要更加進步埋單兩個人共1600蚊…Read More

每年既週年紀念都會搵啲既自助餐去慶祝一下！今年因為同事話呢間既生蠔價錢又抵<openrice仲有coupon添>！所以決定黎一試真偽，睇下係咪真係平靚先得！我地book左六點半，準時到達，所以只需五分鐘已經入到座成晚最美中不足就係被安排左去一張好熱既檯，一路食一路流汗安排好座位就梗係第一時間去拎野食啦！睇下有咩野食先沙律選擇多，蔬菜亦十分鮮嫩爽脆，無啲霉dum dum既菜葉！Sauce既選擇都有成6，7款可以揀！芝士唔記得影添，都有4，5款唔同口感架，有兩款好岩我口味，軟硬適中，奶奶味重！Hams 同莎樂美腸都好味，唔會太咸！跟住到我最最最愛既海鮮啦！生蠔係法國蠔，雖然細細隻，而肉質爽口，海水味重！最重要係after taste既鮮味唔會食完就無左，配番啖白酒。。。真係無得頂！題外話，紅白酒係可以加$98一個人任飲架，果晚我淨係飲左白酒，果味濃，唔太酸帶點甜，易入口！配生蠔真係好！其他冷盤海鮮都唔錯架！長腳蟹係成梳架！唔係好似出面咁得一隻隻腳仔！咁就唔怕被人拎晒啲肥美既淨番晒啲瘦小既係度啦！蟹肉鮮甜，無雪味！螺都唔錯！爽脆無沙！其他既海鮮就無試到，因為留肚食生蠔！哈哈😂刺身同壽司賣相都唔錯，我無試到，老公話刺身都新鮮！因爲我主力食海鮮，所以熟食無乜試，而老公話，最好食既係牛仔骨，可惜好早已經無晒:(場內仲有即煮粉麵同生滾粥！賣相同味道都唔錯架，生滾粥我試左一碗，粥地好綿，大家如果肚腩有位置既話，不妨試試！甜品仲有Movenpick雪糕同幾款蛋糕總括黎講！食品種類多，新鮮！用膳時間有四小時！岩晒我地呢啲慢嘆既食客！侍應既服務仲態度都好好！一定會再黎…Read More

位於九龍站附近，環球貿易廣場103樓既Cafe 103，九龍站一出，沿住指示係圓方裡面行大約十分鐘就搵到！一進入ICC，已經有個靚女問"有咩幫到您？"話佢知想去Ritz-Carlton食buffet ，就指示我地點行，服務同態度都真係一流上到去103樓，雖然遠D，而都睇到海景，環境舒適！到步後即刻有侍應招呼我地坐既位置，仲介紹有咩野飲，紅白酒、汽酒、鮮榨果汁、汽水都係任飲，超值我今晚試左白酒，易入口，果味濃，不太甜，配海鮮真係無得頂安頓好晒梗係立即出去睇下有咩好食啦！先食冷盤，除左普通既沙律之外，仲有幾款已調味既冷盤可以揀，選擇多！讚Parma Hams味道唔錯，唔會太乾，咸味適中，夾埋蜜瓜食真係一流除左Hams, 仲有煙三文魚、啫喱凍肉同莎樂美腸，因為肚子唔夠位，所以無試晒，而賣相睇落都唔錯食完Hams，梗係要大戰海鮮類啦，今晚係美國生蠔，海水味較重，size偏細，味道ok，蝦同長腳蟹普通貨色，未見突出，龍蝦就麻麻啦，好淡，食唔到任何龍蝦味！反而花蟹肉質鮮美，啖啖肉，好味最後就大戰甜品啦，款式超多，我覺得最出色既係燕窩芒果布甸同馬卡龍！燕窩芒果布甸有重份量燕窩同新鮮鮮甜芒果！馬卡龍呢度做得好好，唔會得個死甜，口感舒服！其實仲有好幾款熟食，同即煮麵食，而肚子位置有限，無試到，留番下次再試總結黎講食品質素可以，服務態度一流，環境舒適，有機會會再黎過…Read More

今日阿仔學校放假，返左婆婆屋企食飯，咁我地兩公婆梗係襯機會拍下拖，食下好野啦！之前呢度仲係7080既時候已經想試，而一直都未有機會試到，今日就係最好時機啦！因為驚會好多人既關係，所以我梗係BOOK定位啦！點知...上到去只有3成人，同LIFT既一對情侶無BOOK位都入到！我地食大約7點半至9點半，呢個黃金晚飯時間成間餐廳都只有幾成人，真係少左D喔！一埋位梗係睇下有咩好食先啦，只有一張ORDER紙，可以燒既食物款式唔算好多，未夠30款，而豬、牛、雞、海鮮蔬菜都有得揀！算係唔錯！飲品可以自己出去雪櫃拎，而我揀左呢支米酒就要另外比$50！頭盤最鐘意大豆芽，爽身得黎帶濃濃既麻油味！好味！泡菜OK，未算係特別！首先上場既係海鮮，帆立貝味道鮮甜，燒完出黎仲有D彈牙！生蠔味鮮，如果有蒜蓉放面燒會更正！蝦一般，有幾隻有D霉！平時唔食鰻魚既我，都試食左兩舊，快手燒一陣，甜甜既燒味，嫩滑既肉質！好好味架！牛仔骨都不錯，而未見特出！肉類正常，無咩特別既地方，而最值得一提既係五花腩加埋蒜片、辣椒同韓式麵豉醬，真係一大絕喔！呢度既服務都好好，侍應會自動過黎幫你換燒烤板，唔似得出面果D要叫先不情不願咁去幫你換！最後總括黎講，食物OK，服務OK，只係有一個最大問題，就係食完之後勁口渴，半夜渴到要起身飲水！所以如果呢度可以放少D味精就更好啦！有機會都會再黎幫襯既！…Read More