Yingalicious's Profile

一直都係Lady Nara嘅捧場客, 見有一排都離港消費，所以特登過嚟尖沙咀食lunch。見open rice 話星期六12點開門，但12點到都未開門，出面起碼有20個人等緊。等到12點09分，先有職員開門，全程冇解釋。坐低想叫一個二人餐，但掃完QR code都唔見有，等咗5分鐘先問到一個職員，職員話佢新來嘅乜都唔知，但唔緊要都肯幫我哋落單。落單等咗30分鐘先慢慢有嘢食，中間全程冇Service，中間想搵個職員，上甜品，哎埋單都起碼要10分鐘。嗌完埋單等俾錢都要等15分鐘。強烈建議有好多時間嘅人先好去呢間餐廳。…Read More

今日喺冇預約嘅情況下嚟到呢間餐廳食brunch，喺等位期間眼見唔係好夠人手，大大影響出餐同入座時間，有啲位係冇人book嘅情況下空置左10幾分鐘都冇人安排入座，拖長左等候時間，見到好多人都等唔切走咗。除咗唔夠人手之外，侍應感覺都唔係好熟手。呢間餐廳要用app下單，但係服務麻麻嘅情況下仲收加一就感覺有啲少貴。食物質素ok，但唔係好夠熱同有d飲品要催先上，如果之後都係要等咁耐先可以食，我應該唔會再嚟了。…Read More

去完附近行山，就出發去太安樓揾嘢食。呢間餐廳喺油站隔離，門面幾靚，可以坐得好小小同耐小小，menu有好多選擇，各式拌麵、臭臭鍋、蛋餅、台式火鍋都有。今次叫左慢煮雞肉併滷肉飯，有小食同飲品都係$72。 因為慢煮嘅關係，雞肉非常腍而且鮮嫩多汁，加上一大碗滿滿嘅滷肉飯，多汁多肉，送飯一流。飲品都有好多選擇，因為天氣凍，所以我揀熱冬瓜茶。食完有滿滿嘅飽足感，強烈推薦想食台灣嘢嘅人來試試，一定有surprise。…Read More

好耐無返來香港，日日都fully pack 有好多task 要做，今日難得有少少空閑時間，lunch 可以有d me time。呢間Starbucks已經有好幾年歷史，以前喺度返工嘅日子，每個星期總會喺呢度spend 幾餐。今次哎左mocha latte 同chicken mushroom muffin。食物保持一定水準，impress 嘅係員工服務態度，令我覺得喺xmas 感到一絲温暖 ❤️…Read More

星期六做facial 前只有好短時間食lunch, 見都幾多選擇，所以就入咗去呢間試吓韓國菜。佢嘅份量都幾大份，男仔都一定夠飽。每個set都一定會跟碗例湯，湯就正正常常。試咗三個main:🥘烤肉石鍋飯：石鍋飯配上濃濃嘅烤肉泡菜汁，豬肉燒得好入味，用醬汁撈飯完全係可以食晒兜飯🍛牛肉石頭飯：比起其他店家，呢度嘅食材份量好豐富，牛肉都有好多🍲韓式雞肉拌飯：店主以自家製嘅韓式辣醬加芝麻油整成醬汁，雞肉超級入味呢間餐廳性價比高，短時間都可以返兜…Read More

屋企人有幾年喺外國，無食過沙嗲王，今次返香港指名要食返呢個童年回憶。我哋3個人試咗幾款野:❤️必食白咖喱香茅豬扒飯: 同細個食嘅味道同份量一樣，都係有3塊大大舊嘅香茅豬扒，豬扒冧得來好有質感，白咖喱多汁，送飯一流😍另一必食沙嗲肥牛粉絲煲: 沙嗲王另一招牌之選，有濃濃嘅沙嗲，食完成碗都唔會覺得漏👍🏻小食方面就嗌咗海皇焗蟹蓋，XO醬炒蘿蔔糕，脆蝦棒。呢幾款都係經典小食，全部都冇令人失望佢都仲有推出好多新款式，期待下次再encore…Read More

星期五晚去牛大人，要早一個月book定！😋 湯底有唔少選擇，我哋揀咗鳳梨雞湯同麻辣鍋兩款。我鍾意鳳梨雞夠清。🥳 牛就揀咗極上和牛套餐，大概三百幾蚊，大力推介牛肩同牛小排，肉味重小油脂，食極都唔膩。☺️ 試左幾款飲品，但最值得推介都係牛大人自家製冷泡茶，為咗響應政府走塑，牛大人推出自家環保水樽，方便循環再用，值得一讚。😍 甜品系列當然唔少得雪糕，佢有好幾款dreyers 甜筒、movenpick雪糕、kitkat 脆皮雪條系列，大推佢近日同dreyers聯乘嘅新出開心果雪糕，可以食無限雪糕，簡直係回本之選。…Read More

呢間潮館主打潮州菜，都有點心，星期五嘅晏晝都唔算好full。重點介紹呢四樣: 👍🏻 迷你滷水小四拼: 有滷水鵝、豬耳、豆腐同魷魚，滷水幾入味😍 XO醬炒蘿蔔糕: 重點推介XO醬炒蘿蔔糕，賣相唔錯，外脆內軟。唯一缺點係冇乜XO醬味，肉眼都唔係好覺有XO醬😋 瑤柱珍珠雞: 而家好少地方有得食，珍珠雞幾入味⭐️ 白灼菜心: 分量比起其他酒樓多，呢樣值得一讚可能地方大，枱同枱之間都比較迫，環境比較嘈，六人枱都要大大聲講嘢先聽得到。呢點要扣分。…Read More

星期一中午經過天后，想揾嘢食，見到呢間門面ok，唔使等位，就一行3人入去食。😍 豚肉泡菜鍋定食 ($108): 定食有茶碗蒸、麵豉湯同白飯。茶碗蒸好滑，夠熱又足料。豚肉泡菜鍋定食 大大份，好多豚肉，男仔都一定夠食。😋 牛肉壽喜燒定食 ($148): 壽喜燒好夠味，牛肉好滑。❤️ 吉列豬扒便當 ($88): 吉列豬扒新鮮炸起，非常脆口。店員服務態度良好，夠主動，而且會不斷收碟。唯一係冷氣唔夠，食嘅全程都出汗，呢點要扣分☹️。…Read More

朋友想試呢間吉列牛，早幾日可以成功電話預約。星期五嘅晚上都唔full。原來唔full係有原因嘅😢。3個女仔哎咗呢幾樣，份量ok:🫠 吉列牛定食套餐 + 香辣忌廉烏冬 ($256): 好耐以前食過銅鑼灣總店，d吉列牛大大舊，又夠厚。今次發覺d牛薄咗好多，無乜牛味，份量偏小。十分一般。忌廉烏冬比較漏。😐 蕃茄濃湯黑豚肉shabu shabu ($126): 另外加$18 烏冬，夠熱，但十分普通☹️ 雞軟骨餃子 ($48): 有新意，仲唔太夠熱，而且太油，後悔哎咗成個用餐經驗麻麻，冷氣無開，我哋一路食一路標汗。服務態度一般。個人唔介紹呢間。…Read More

期待已久嘅楓糖班戟漢堡 McGriddles 喺日本試完念念不忘，香港一宣布推出，我當然唔執輸。嗰日大概9點幾喺APP落order，大概個半鐘都攞到。因為APP 顯示5-10分鐘攞得，我落到去，職員都不斷提示大家需時1.5小時，又幫有需要嘅顧客做退錢，不斷講唔好意思，我諗如果有人氣產品推出，麥當勞管理層都要認真研究下前線嘅承受能力。 講返嗰包先，楓糖班戟漢堡系列分咗兩款口味，有蛋同無蛋嘅選擇。我今次就叫咗楓糖班戟豬柳蛋漢堡，呢款漢堡味道及外觀，同日版一樣，包面印有m記標誌，並加入楓糖漿的楓糖班戟漢堡代替傳統鬆餅，再以豬柳、軟滑芝士及嫩滑雞蛋組成，提供又鹹又甜的獨特滋味，食完超級滿足，期待8月正式加入regular menú! …Read More

已經係第二次嗰嚟呢間位於將軍澳的韓式餐廳「Seoul Mate」每次嗰嚟都令人充滿驚喜！👍🏻 餐廳餐的裝潢設計融合了現代工業風與自然元素。木質桌椅搭配黑白幾何圖案，營造出簡約舒適的用餐環境。🤤 首先是「韓式醃菜八爪魚冷拌稻庭烏冬」($98)。醃菜的辣香氣息和海鮮的鮮味完美融合，稻庭烏冬夠曬彈牙，喺呢個炎熱嘅天氣，簡直一流。🤤 另一道主菜「椰香叻沙雞肉意粉」($88) 同樣精采。濃郁的椰香與叻沙香料相得益彰，雞肉鮮嫩多汁，整個組合既豐富又美味。🤤 跟餐有兩杯嘢飲，韓山什莓和紅棗茶，不過不失。對於喜愛韓式fusion 料理的朋友,呢度絕對值得一試！…Read More

太耐無食越南菜，上個月去咗旺角試呢間都幾多好評嘅餐廳。3個女仔哎咗3個main, 1個小食: 鹹檸豬頸肉撈檬 ($72): 鮮嫩多汁的豬頸肉配上酸甜爽口的檸檬調味, 肉質柔軟有彈性, 配上鹹鮮的調味,令人難忘。粵式咖喱牛肋條配斑蘭椰香飯 ($88): 濃郁醇厚的咖喱包裹住了多汁的牛肋條, 再配上清香沁涼的斑蘭椰香飯,形成了絕佳的搭配。扎肉紙米卷 ($65): 紙米卷比較一般，可以skip。南越法式麵包 ($78): 麵包外脆內軟，味道及口感與我在河內試的一樣！極度推薦 大部分菜式都令人驚艷。如果鐘意越南菜，一定要試！…Read More

星期五的晚上想食泰國野，就拉住兩位好友諗住試下呢間新開的fusion餐廳。睇餐牌就發覺有好多唔同亞洲地方嘅美食mix埋一齊，款式十分多樣化。炸軟殼蟹：炸得十分香脆，軟殼蟹食得出有鮮味炸子雞：水準之作，雞肉唔會太肥，好快就清晒碟牛肉串燒：串燒都係泰菜必食的，肉質好軟腍，完全唔會overcook柚子雞翼：炸得好香，柚子味好突出，一d都唔油膩三重芝士肉餅：芝士同肉餅出奇地夾，芝士控必食泰式菠蘿炒飯：原隻菠蘿盛上快滿瀉嘅炒飯，飯粒乾身又有頗多的配料蒜蓉包：新鮮焗好熱辣辣好好食正餐後當然要食甜品，要左一客芒果糯米飯，黑糯米煙煙韌韌，清新的芒果加埋椰奶，甜味啱啱好。最驚喜的是芒果糯米飯的賣相，原來今日主廚試菜，睇得出十分用心去準備，整體賣相十分精緻吸引呢！…Read More

為左答謝細妹張student card幫我係topshop慳錢又陪我睇牙, 我就帶佢來呢間人氣爆棚的Coffe Alley試下佢最鐘意的waffle…睇完牙已急急趕來，大概係11點10分到，已經排到樓梯底，結果要等第二round, 差唔多排左2個鐘頭先入到去。首先飲品點左必點的冰鮮果茶，補充維他命C，今次唔太酸，仍然果味濃郁！唔知係米張抬唔夠大，所以職員好細心無用tray上。細妹點左strawberry smoothies，牛奶味好濃，但溶得好快，唔夠果味，質感唔似飲開的smoothies....到主角啦----> 玉米里肌起司可頌，牛角包暖粒粒，溶溶地的芝士配以火腿、生菜、番茄、煙肉粒。有齊曬我最鐘意食的野，must-order!!----> 當人人都點草莓冰淇淋鬆餅，我地來個反傳統點左鮮果冰淇淋鬆餅，生果有奇異果、蘋果、橙、火龍果，配料有藍莓蓉&柑桔醬 &芒果雪糕。鬆餅外脆內軟，就算單獨食唔加任何配料都好ok!----> 因為啊妹好掛住學校的crepes，所以就點左草莓法式卷餅，有士多啤梨雪糕、新鮮士多啤梨加士多啤梨醬，薄薄的皮包住custard，略嫌太甜，但整體算唔錯！…Read More