麵包儀的个人专页

原本係想搵吓有冇上海菜館嘅，但找不到，所以入咗嚟食素。 由於只係6点過啲，所以得我同另一枱客。小食：1) 芋絲餓片 ($28)賣相幾靚，我好鍾意食芋頭，脆卜卜，正！2) 香煎腐皮卷 ($22)o.k.喇，都唔錯！3) 羅漢齋炒麵 ($48)好大碟，啲麵脆卜卜，都算抵食。喱度地方太小，後期開始多客，我見啲侍應叫啲客要撘枱，因為入嚟幾枱都係2位，但當時未full。…查看更多

星期六，7点幾嘅尖沙咀勁多人，好難揾位食飯。咁啱行過見喱間唔駛等位，所以入去食dinner。好似好耐之前嚟食過甜品......1) Set dinner $108香煎鱸魚鮮蘆筍意大利飯鱸魚煎得好香，個意大利飯好好味，唔錯。份量O.K.，夠飽肚。包一個湯 & 一杯飲品個餐都算抵食......2) 蒜香雞肉意大利粉 ($52)意粉好香，但好多油，影響咗。3) 士多啤梨拿破崙 ($38)賣相都幾靚，拿破崙夠脆，但略甜。…查看更多

今日約咗媽咪、細佬&女友去 I-Square26樓金殿海景宴會廳飲茶，因為細佬2011年會係度擺酒，所以我同媽咪順便嚟八吓。喱度環境真係唔錯，無敵海景，出面有個露天空中花園，不過太新喇！唔知服務点呢？不過今日lunch嘅服務都唔錯，点心上枱快，侍應加水亦勸快，見我隻碟食完有骨，都即刻幫我換新，而食食嘅蒸籠、吉碟都收得好快，唔錯！唔錯！点心款式都算多，味道唔錯！仲有7折tim，都抵食！開頭1点到都未係好多人，2点後勁多人，要等位tim......啲点心賣相都好靚，我尤其鍾意個蒜茸春卷，唔油，又香脆，正！煎腸粉煎得好香，正！蘿蔔糕勁多蘿蔔。我哋仲叫咗個鳳爪排骨煲仔飯，但啲飯略嫌乾身，有啲硬！…查看更多

同mum行完H & M，好攰lu，所以入嚟抖吓！我都係第1次試咋，啲嘢食又唔錯喎。 mum点咗kaya toast + 熱鴛鴦 好香脆，啲kaya夠香甜，甜道適中，細件咗啲，mum話唔夠喉，哈哈！我就要班蘭蛋糕 + 熱美祿蛋糕夠鬆軟，唔太甜，好香！…查看更多

今個情人節，極具意義，係我哋婚後首個情人節......亦都係大年初一，所以我哋揀咗食brunch buffet，夜晚就去拜年，哈哈！之前試過 Cucina，今次試吓 La Brasserie佢有2個choice，可以只食brunch buffet ($278)，另外加埋主菜就$338。由於未係太肚餓，我哋要咗1個主菜。Branch Buffet: (1130 to 1430 hrs)始終係年初一，都冇咩人，咁仲好，靜靜哋，二人世界......* fresh bread 坐低就會送上一籃，我好鍾意食脆脆麵包條:)* cream of mushroom soup 好濃味，唔錯！* mixed salad 好新鮮，好多選擇。* 風乾火腿 (風乾火腿係ka ho至愛):)* 咖哩酥盒* 香煎鵝肝 (每人一客)我哋兩個都嘛嘛哋...... 我就唔食架喇，ka ho頂硬上食咗少少......* 凍盤：龍蝦、大蝦、青口、mussels、生蠔、螺全部都好新鮮，yummy yummy!!!!! * 燒牛肉 & 香草蝸牛 我好鍾意食喱個蝸牛:)* 主菜：香煎鱸魚 煎食好香脆，但啲肉唔算滑，o.k.喇！* Dessert:朱古力噴泉Macaron, Black Forest , chocolate napoleon cake, Raspberry Truffle Tart, cookies, ice-cream , pancake, muffin, chocolate mousse, Warm Chocolate Pudding Cake......Yeah! I like it!!!!! 好搞笑！係buffet枱度竟然有益力多任飲，very funny!!!!!另外，可以加錢任飲香檳，但我咳得好犀利，冇試！而且好多甜品都唔食得，唯有下次再試......本身包餐茶，我哋叫咗主菜，再包一杯soft drink / juice其實平時嘅Brunch Buffet好似仲平 (好似$258)啲服務超正，個個都好nice......下次有機會會再嚟。…查看更多

原本好想食打冷，但又揾唔到，所以去咗食齋。1) 羅漢齋炒麵麵底好脆，份量好大，啲汁都唔錯。2) 鹹魚炒菜苗真係有鹹魚味，好搞笑。但啲菜勁多油。3) 五柳仙斑我嘅最愛，好味！喱度好似家庭式經營，即叫即炒，唔駛加一，都唔錯。…查看更多

同媽咪買完年貨，於是去食pizza。1) 吞拿魚特脆批 ($61)皮脆，多餡，，食完唔會太滯，唔錯。2) set dinner ($74)咖哩雞肉酥卷o.k.喇！酥炸雞扒意粉配咖哩汁好大塊雞扒，都幾鬆脆，唔錯嘅。仲有杯飲品喱個餐都算抵食......…查看更多

同媽咪行完街，會合老公一齊食dinner。点解會咁多人架？最後等咗半個鐘，終於有位喇！1) 霸王小籠包 ($28/4隻)推介！皮薄多汁，一個一口，正！2) 脆皮素鵝 ($49)皮夠脆，但太多油......o.k.喇！3) 韭黃鱔糊 ($75)太鹹.......一定要送飯食！4) 金華火腿扒津白 ($58)個獻汁太杰......啲菜太大棵，應該要切細啲先上菜。外面勁多人等位︳所以我未叫埋單已經遞張單埋嚟:(......最搞笑係我哋前面張枱投訴碟馬蘭頭伴豆乾"好大碟"(反話)......但又真係細碟咗啲嘅，同張相差得太遠。…查看更多

同媽咪去沙田行街街，到咗tea time，媽咪實要歎杯咖啡。一田實在太多人喇！見到麻布有位，一於去歎番個下午茶先。1) 炸雞軟骨 ($25.8)熱辣辣，但好咸晒咗！:(2) Tea set ($42.8)香蕉巧克力冰淇淋窩夫窩夫唔夠鬆脆，UCC好味好多，而且份量大好多......MUM話杯咖啡不過不失喇！…查看更多

食飽飯最好食甜品，近期知道喱度有間用石磨磨芝麻 / 合桃嘅糖水舖，所以同老公去試吓！1) 芝麻卷烏黑黑啲，賣相好似幾得！一咬落口，好濃郁嘅芝麻味，超正！2) 芝麻合桃糊再試埋個芝麻合桃糊，一樣好得。好杰，好香芝麻&合桃味，正！…查看更多

由於遲食lunch，所以都唔係太肚餓......見喱間都有啲小食，又有壽司，所以入嚟試吓！ 1) 煎餃子好香脆，唔錯！2)海鮮墨魚麵 (蕃茄湯底)茄湯好濃，墨魚麵夠彈牙，海鮮配料(蝦、魷魚、蜆、日式魚蛋、糖心蛋 & 粟米)都多。3) 壽司(三文魚、鰻魚、北寄貝 & 赤貝)赤貝最好食，因為新鮮、清甜。 原本諗著叫壽司拼盤，但老公發現價錢同散叫差不多，所以散叫好過。(平均$8-9一件壽司)喱間店冇咩特別，勝在地方大，價錢中肯，又唔駛点等位...;...…查看更多

同老公去八吓K11，專登嚟食吉列豬扒架！因為今期hit嘛！其實都成3点幾，但舖內都有好多人。 一入去坐低，見到枱上有3款醬汁俾我哋......1) 梅林豬扒汁2) 柚子沙律汁3) 青芥辣沙律汁侍應攞咗沙律(椰菜絲)俾我哋，点柚子沙律汁勁開胃。(係任食嘅，可以再添)1) 蟹料沙律 ($32)賣相好靚，唔會太多沙律醬，但份量太細。2) 炸蟹肉薯餅 ($58)嘩！我勁鍾意食蟹肉薯餅......好味！3) 梅林豬扒三文治 ($68)食豬扒三文治時勁落梅林豬扒汁，yummy yummy!!!!又真係幾好食bor......豬扒炸得鬆脆，又唔會太多油，正！Remarks:但坐得耐咗，就聞到勁大油煙味，佢係開放式廚房，師傅即炸豬扒，有待改善！…查看更多

去完圓方睇戲，順便試吓囍宴 滋‧選！但原來地方咁細嘅，有啲迫lor......由於晏就飲茶食得太飽，所以食唔到咁多嘢，唯有叫少少試吓先！好味下次再嚟！1) 招牌擔擔拉麵我揀咗唔辣嘅！好香花生味，醬料都豐富，可以試吓！2) 囍宴XO醬媽媽蘿蔔餅碟XO醬好勁，超辣！但好好味......3) 自家製雪糕，必食！和風人氣三寶(日式紅豆、小丸子、葛糕)配私房雪糕我揀咗香蕉雪糕，真係好食到不得了，唔會太甜，但好勁香蕉味lorNice!!!!!!!!!!!!咁我下次都會再試嘅！…查看更多

成日話想嚟見識吓，終於的起心肝喇！好開心！嘩！估唔到真係咁多人，好多都係熟客，招呼會好啲！茶：我飲白牡丹，老公飲普洱......專登叫佢用茶盅泡茶，如果唔係佢會用茶壺上！好懷舊嘅点心紙，好得意！1) 雲腿焗雞夾酥皮好正，夠香脆！但食完好滯！2) 春卷啲餡好夠味，皮夠脆，正！3) 北菰糯米雞喱個反而冇咩特別，但我見open rice啲人勁推介，話好香荷葉味，但我唔覺 law。同埋啲餡唔夠汁，好乾呀！4) 蛋黃麻蓉包麻蓉超香，勁鍾意！超級推介！Good Good Good!!!!!!!!!!!5) 脯魚蝦燒賣都好食，但唔係主打......特登嚟喱到見識吓！都冇令我哋失望......但可能我哋坐咗房，又係生客，有時要叫佢先會加水，但整體服務都o.k.嘅。…查看更多

我哋VU嘅聚會，今次揀咗楓林，我第1次嚟食咋！老牌小館，試吓喇！1) 椒鹽蝦 (招牌菜)但我覺得唔夠椒鹽2) 豆豉雞 (招牌菜)冇咩特別，O.K.喇！3) 紅燒乳鴿個樣幾靚嘅，但我唔食乳鴿嘅......4) 炸子雞都係冇咩特別......5) 煎封豆腐 (招牌菜)乾得滯，我覺得唔夠味......6) 香酥鴨 (招牌菜) 芋頭，我最鍾意......7) 蓮藕餅 喱味最驚喜，超好食！8) 合桃糊湯丸 送嘅，真才實料，唔係開粉嘅可能嚟之前對佢期望過高，所以有啲失望......侍應都係老伙記，招呼都唔錯嘅！其實價錢都略貴......…查看更多