lessandlessjamie的个人专页

俾咗百幾蚊比兜咁嘅嘢我，好似廚餘咁。肉又小賣相又差以後唔再幫襯，服務都唔係好，雖然冇expect過有好服務但係粗聲粗氣都唔係咁舒服。以前都冇咁差，係唔係似住多人幫襯可以越做越衰。…查看更多

服務實在太差，明白happy Friday 是比較多人，但是也不是又要人等1小時還未上菜的。7:12點的， 8:16還沒上菜，只來了兩杯酒和一碟小食，實在太離譜，不會再去光顧。這裏這麼多好評，我實在懷疑是不是酒吧找打手寫的。…查看更多

之前已經食過圓山台灣料理，想話改左名再試多次，睇下會唔會keep 住水準。同同事嗌左4道菜式，都覺得keep 住水準，同事都食得幾開心。皮蛋肉鬆豆腐 香濃滑溜的豆腐充滿豆香，與獨特的皮蛋搭配上鹹香的肉鬆，三樣食材配合埋一齊，口感特別，係絕對值得一試嘅開胃菜！蚵仔煎蚵仔煎同台灣夜市食嘅有啲唔同，質地較為實淨，蚵仔都大粒啲。口感結實煙韌，味道都唔錯。配上辣醬更惹味。小炒皇一向都係小菜的百搭，黎親都要嗌，因為一碟餸裡面有幾多唔同材料，有蝦乾、腰果、魷魚、韭菜花……，小菜唔咸，韭菜花清甜。炒得好惹味有鑊氣，令人胃口大開。避風塘炒蟹呢味菜一向都係重頭戲，未上台已經聞到香味，惹味炒蒜，將炒蟹堆在底層，蟹肉在蒜山中吸納了濃濃的蒜香味。夠鑊氣的避風港炒蟹實在是非常惹味，蟹膏結實，蟹肉新鮮，本身唔太食得辣，但真係炒得太香，就算辣都令人食到停唔到口啊希望下次會再食到咁好味嘅炒蟹…查看更多

去開銅鑼灣做嘢，做耐咗要嗱嗱聲食個lunch 返公司。諗住食個快餐，但係又唔想食麥XX,於是就揀咗burgeroom 睇吓有冇高質漢堡包😆睇相見到鵝肝漢堡包好似好正，本身唔太食動物內臟都忍唔住嗌。果然冇令我失望，漢堡包烘得香脆，鵝肝煎得焦香入口有油香，外脆内軟，雞扒厚身咬落啖啖肉勁Juicy配埋芝士嘅鹹香更加惹味，鵝肝同雞扒味道好夾。本身都大食，係嗌套餐，原來會包埋薯條同沙律。薯條炸得香脆香口，唔太咸，配埋清新嘅沙律食都冇咩罪惡感，中和返個油膩感。另外都嗌左單骨雞翼配蜜糖芥末醬，雞翼外皮酥脆，内裡柔軟，非常香口！再加上濃郁的芥末醬，真是絕配。盛意推介俾鐘意食漢堡包嘅朋友，想食高質快餐就要黎burgeroom, 上菜快，多菜式配搭，食材新鮮。下次會再嚟食，試吓其他漢堡…查看更多

提拉米蘇係意大利國民甜點，去過意大利食過正宗提拉米蘇，鐘意佢濃郁而令人陶醉嘅口味，咖啡的苦味與奶油嘅甜味融為一體。返嚟香港一直都搵唔到好味嘅提拉米蘇，質地一係太硬一係太苦，好難搵到口味適中，質地適中。好開心知道中環街市開咗一間新嘅提拉米蘇專門店，專登去睇下。由意藉店主Ermanno Lelli主理，以家族祖傳的意大利正宗Tiramisu為基礎，再創出多款口味的Tiramisu。今日就嗌咗三款同同事share 食，第一款係1960 Classic , 呢款最傳統口味最得我心，佢有著濃郁嘅咖啡同香甜的香草味道，絕對是提拉米蘇愛好者不能錯過的版本。朱古力粉佢係等到客人真係要買先灑上去，避免咗係冷藏中變濕，令口感變差。第二款係Thai Misu ,用左椰漿取代左傳統咖啡味，啖啖濃郁嘅椰香加上芒果肉，仲有少少椰絲，好有泰國風味，但口感都係Tiramisu好特別。第三款pistachio misu 都係私心推薦，選用100%意大利開心果，帶香濃Nutty風味，同tiramisu 好夾。配合西西里開心果醬，面上鋪滿開心果碎粒，口感好正仲有士多啤梨口味抹茶味同埋Oreo味，作為甜品控，一定會再黎試吓其他口味…查看更多

好掛住鄉下，但係又未攞到假返日本。今日去咗銅鑼灣行街，與朋友見到好有日本特色嘅shabu shabu舖頭就入咗去食。嗌咗極上黑毛和牛A4 套餐，職員都好有心機介紹，原來牛係來自日本熊本縣，用上肩脊肉，日本黑毛和牛大大塊，口感軟嫩，油脂平均分佈，肥瘦剛剛好，極上黑毛和牛油花分布更靚，非常濃厚牛味同油脂香，點日本生雞蛋都好香滑。湯底係壽喜燒湯底，唔太咸仲有少少甜，同牛肉好夾。套餐都有綜合時蔬，飯/鳥冬，沙律，綜合時蔬包括冬菇、金菇、芋絲、蘿蔔卢、粟米及娃娃菜。冬菇索哂湯汁，好香濃好味道。另外，都嗌左一個魚生丼飯（本），丼飯都幾常見到，但係質素都幾參差，有啲擺幾舊魚生都當係丼飯。本呢個丼飯都算係高質，炙燒比較少見。原來呢一個係新Menu，飯有拖羅、拖羅蓉、甜蝦、带子、鮭魚籽、油甘魚、三文魚、鰤魚腩同沙律松葉蟹柳，魚肉新鮮，拖羅油脂分布均勻，帶子甘甜，炙燒程度剛好，唔會太熟，食到魚生同時會有少少焦香。米飯係日本珍珠米，有著Q彈的口感，它的鮮味和甜味同魚生好夾。鍾意食日本嘢嘅朋友，不妨試吓，性價比都算高。環境都幾乾淨，坐得都幾舒服，lunch 黎個一人Shabu都唔錯。…查看更多

三年冇去Thailand 旅行，返黎之後都係好唔捨得泰菜，見到中環呢間泰菜嘅menu 都幾得意，就沖左入去食。我就嗌左虎蝦海鮮混亂杯麵，賣相相當吸引，好似倒瀉杯足料海鮮杯麵。海鮮有魷魚，青口，大虎蝦，麵以青椒洋蔥炒起，醬汁酸酸辣辣，應該係冬陰公汁，以為冬陰公只係當湯咁飲先好飲，估唔到用黎炒麵咁好食咁開胃。另外都嗌埋香辣紅咖喱軟殼蟹配雪糕筒，紅咖喱入面有菠蘿蕃茄同埋青檸。本身會以為好辣，其實只係少少辣，仲有少少甜香，可能有加左少少椰奶嘅關係。軟殼蟹炸得香脆可口，外脆內軟，蟹肉尚算新鮮。最搞笑係可以將紅咖哩汁倒落雪糕筒度食，又甜又辣，又脆又軟，係一個十分新奇嘅食法。我哋覺得個汁好好味，所以呢最後都加埋薄餅點嚟食，咁嘅配搭都唔錯又夠飽肚。嘢飲方面，我嗌咗泰國奶綠，其實就係就係綠茶加奶。飲落唔算甜膩，有淡淡嘅茉莉花茶香，真係幾好飲。朋友嗌左Baileys 朱古力沙冰，開頭以為係普通嘅cream，原來加左椰奶嘅，真係喜出望外。baileys 味好重同朱古力好夾，覺得甜左少少但都係可接受範圍。鐘意泰菜嘅朋友都可以黎呢到試下，菜式創意同味道都唔錯，擺盤同環境都好靚，只係奶綠粒冰都係葉子形狀，冰入面都係有塊真葉，足見心思，黎呢到有種渡假嘅感覺，推介大家中午放飯時間都黎試下，輕鬆下。…查看更多

同個岩岩返香港嘅朋友諗住食飯，去開MK行街，就諗住搵吓啲樓上cafe傾吓計。都見到地方乾淨整齊，安安靜靜就入咗去。個set dinner 都多野選擇，我就叫左黑松露帶子鮮菌燴意大利飯，朋友叫咗個煙三文魚惹菌忌廉繪闊條麵。初頭會以為好似其他樓上Cafe細細碟，所以都加咗錢加沙律同埋蛋糕。估唔到一上菜，都幾大份。意大利飯嘅黑松露味好濃郁，加埋帶子鮮味十足。意大利飯好難煮得好食，一係就會好生好硬，一係就淋pat pat, 呢一份都唔會好生或過熟。加埋芝士真係好好味，雖然咸咗啲。朋友嘅煙三文魚闊條麵都好足料好多塊三文魚。加埋忌廉同三文魚，配合得好香濃好好味。朋友點左神仙呢款花茶，有苿莉花，檸檬草杞子，桂圓肉。朋友share咗俾我飲，本身都怕花茶有草青味，但呢杯都唔會，反而清甜帶有花香，都可以解解啱啱食忌廉芝士嘅油膩感。我嗌嘅士多啤梨乳酪，都唔會好甜，加埋cream好啱打卡。最後加嘅new York cheese cake 都唔錯，口感有啲硬，但係好食嘅，presentation 都幾靚環境都好舒服，唔經唔覺傾咗兩個鐘，好唔捨得朋友又要返英國啦⋯⋯如果大家想搵好食又方便傾計，黎呢到就岩啦…查看更多

呢幾日食得多肉，想食下啲清淡嘅。經過中環一間主打沙律嘅 cafe，見 menu有寫低每樣食材嘅蛋白質和卡路里，非常適合減肥中的我。原來係聯同澳洲營養師及專業餐飲團隊共同研發創作嘅。就入去買咗份自選沙律，wrap 同杯咖啡。嗌左Lite Caesar Salad ，原來有羅馬生菜、粟米粒，牛油果、番茄、雞蛋、火雞胸肉，油煎麵包粒，純素凱撒醬。材料都好新鮮健康，醬汁跟食材好配搭。Wrap 就係Vegan Hummus Wrap, 菠菜、蘿蔔、羊奶芝士、牛油果，鷹嘴豆泥。加埋份沙律，就夠飽兼吸收全日所需營養，成為高纖低卡之選。飲品就選擇了Ginger latte, 飲落都有淡淡嘅薑味，口感smooth 同creamy. 同沙律食都十分配合。仲附送咗粒 Comvita 嘅 Lemon and Honey糖，蜂蜜具有多種健康功效，為顧客在鍛鍊前補充能量、增強免疫力及活化肌膚。所有餐點都由內到外咁健康，十分適合減肥做健身嘅你，做運動前黎補充下能量都好好👍🏽…查看更多

已經好耐冇去過荔枝角，純粹只係搵個好耐冇見嘅朋友敘舊。估唔到比我發現到一間隱世高質日式料理店。初頭以為只係賣普通嘅拉麵同豬扒飯，但發現個餐牌都幾有創意，於是都入去試吓。點咗兩款特製雞尾酒，其中一個係Orenji.以Gin 做base, 加入利口酒橙汁同埋檸茶。飲落估唔到有earl grey tea 嘅味道同埋有佛手柑嘅香味。朋友就點咗‘青’，伏特加做base，加入青蘋果汁菠蘿汁同埋新鮮山葵磨成茸。係幾有特色嘅飲品，開頭係睇得果酒味，飲到最後先感受到wasabi, 少少嗆但唔辣，食唔到辣嘅朋友都可以試一試。小食方面，就嗌咗炸日本明蝦，香脆可口，送酒一流。之後都嗌左炸池魚BB，點七味粉同埋點沙律醬都會令到味道提升。呢味菜喺香港日本料理店少見嘅菜式。朋友亦都點咗和牛叉燒串。肉質彈牙Juice，都係送酒恩物。如果想飽肚少少就可以嗌埋茄子大阪燒，亦都係一款創意料理，成條茄子加入大阪燒，十分有咬口。最後，亦都送咗自製嘅花生酥做甜品，花生酥都係鬆脆可口。環境唔係好大，但係都整齊清潔。人客唔係好多，但係靜靜哋嘅環境好適合朋友聚會講吓心事，識貨嘅人就自然會搵到😏總括而言，呢間係一間高質嘅日式料理店，下次都會再嚟幫襯。…查看更多

同同事黎開中上環做野，路經上環新開的特務主題餐廳「Pigsman」，從室內裝修到菜式和外賣包裝，都什有《007特務占士邦》影子，裝潢很有格調！美食方面則主打各款豬肉料理，我很快被吸引入去。嗌左招牌威士忌BBQ豬扒飯，厚切的豬扒口感軟腍，配上自家製微甜燒烤醬，帶有微微威士忌酒香，頗為特別的一款醬汁。我嗌左避風塘豬扒飯面層鋪滿炸蒜和辣椒，非常惹味，果然有驚喜。出面街上都搵唔到，咁有心思嘅豬扒飯。另加兩款小食，分別係手打豬肉丸同金手指。豬肉丸彈牙多肉汁，最驚喜係加了番茜，別有一番風味。金手指原來係炸豬柳條，外脆內軟。加上另配的法式芥末籽醬，黑松露山葵醬，梅子醬，與豬扒相得益彰。最愛係梅子醬，酸酸甜甜，十分開胃。一間有心思製作的店家，推介給愛食豬的朋友…查看更多

呢排天氣濕濕凍凍，想食吓啲香辣野，就揀咗呢間湖南菜館。地方細細，但係都乾淨企理。首先就揀咗喺蒸糯米排骨，都幾有特色，糯米軟糯，加上杞子，排骨亦都鮮味十足。怕辣嘅朋友都可以嗌呢道菜試下，吃起来清香不腻。我亦都揀咗涼拌青瓜，加咗少少辣椒，有少許麻辣，青瓜爽脆可口，都不失為一道開胃小菜。另外揀咗香辣 寸寸蝦，面頭勁多辣椒同蒜頭，本以為會好辣。原來先將蝦煎到十分香脆後再加辣椒，都十分香口，連蝦殻都可以咬碎吞落肚，廚師亦都細心去左蝦頭，方便食用。飯後甜點就嗌左黑糖糍粑。如果怕辣嘅朋友食左以上菜式覺得頂唔順，可以嗌呢道甜品去解辣。個人認為幾飽都要試，超級煙靭，外脆內軟，灑上黃豆粉沾埋黑糖絕配，一定要趁熱食！…查看更多

Poke在夏威夷當地有「切塊」的意思，也是指一種料理生魚片的方法，醃生魚蓋飯就係叫做Poke Bowl。香港唔係好多地方有高質poke bowl，估唔到上環蘇杭街就有一間高質嘅。地方細細但係乾淨企理，採用日式風格裝修，都不愧為輕鬆嘅食飯好地方。今日就揀咗signature bowl 中嘅creamy baby.Creamy baby 有三文魚魚生，三文魚子，雞蛋絲，青瓜，牛油果，木魚絲，沙律菜，糙米飯，豆腐，沙律醬。食材都新鮮好味，成碗poke bowl啱啱好一人份量。當然啦，如果你覺得唔夠可以再加食材。開頭以為糙米飯加沙律菜會好奇怪，但係其實夾落個味道，清新可口。成碗飯都包含咗成年人，一日必須要吸收嘅營養，包括奧米加3，蛋白質，膳食纖維⋯⋯低油、低鹽、低熱量，營養也相當均衡，減肥嘅OL必食之選。…查看更多

文青打卡之地，第一次嚟，感覺不錯餐廳環境舒適.飲落咖啡同牛奶味道既比例都好平均，選用既咖啡豆香濃得黎又易入口.菜式普通，醬汁有點鹹。知道是寵物友善餐廳，下次會帶同狗狗來…查看更多

湯底特別推介卜卜蜆鮮蟹魚湯鍋，以不同香料爆香蜆同蟹，再加入香濃嘅魚湯，呢煲精華盡滲嘅湯底真係好！好！味！胡爐牛拼盆，一份共有五種牛肉，有牛胸爽、安格斯手切牛、霜降牛粒、牛舌芯同極上手切肥牛，每一個部位都有唔同嘅口感，仍是高級而鮮嫩嘅牛肉…查看更多