full tung的个人专页

之前知道一幻嚟咗香港開分店之後一路都好想試，同朋友喺海港城行街經過就排隊入去食，果然冇令到我失望！🥰首先環境好乾淨企理，我走好彩可以坐到望海嘅位置，令成個感受再昇華🈵🈵我嗌咗一個蕃茄蝦湯拉麵，食完之後就知點解咁多人鍾意食✨首先湯底真係好出色，蕃茄同蝦嘅味道平衡得好好，蝦嘅味道濃郁但係又唔會搶咗蕃茄嘅鮮甜味，入口令人好舒服好開心🤩面嘅質地都做得好好，軟硬適中同個湯底天衣無縫😋我最鍾意係入面茄蕃，感覺得出有用心製作，蕃茄吸收湯底之後軟身得來又唔會太水，成件事配合得好好😋😋整體而言無論係環境同食物都做得出色，價錢都唔算好貴，絕對會再食多次，不過建議同樣想食嘅大家要提早少少排隊，繁忙時間條龍真係會有啲長😵‍…查看更多

之前上網見到呢間啲居酒屋做主題嘅日式餐廳有得坐榻榻米，所以同朋友嚟嘅時候都幾興奮～嚟到之後原來要坐到榻榻米唔係特別容易，所以有少少失落，想打卡嘅朋友記得要提早預約🥹嘢食部份就真係有少少失望啦～嗌左佢哋嘅天婦羅丼，以收費嚟講，份量普普通通唔算特別大，而且海鮮都唔係特別新鮮，整體而言不過不失。另外都有啲配菜，亦都係冇乜特別之處，以佢嘅價錢都唔算平，但就冇乜令我驚喜嘅地方😵‍💫嘢飲方面我同朋友嗌咗手工黑糖熱牛奶同埋蜂蜜梳打，平均都要50幾蚊一杯，但味道亦都係正正常常，建議大家可以唔使嗌嘢飲🙈整體而言餐廳嘅環境好靚，但係食物同價錢就唔太吸引如果想打卡嘅話可以不妨一試👌🏿👌🏿…查看更多

首先間餐廳嘅環境真係裝飾得好靚，所有餐具同埋紙巾嘅設計都好有心思，令人覺得食得好開心好舒服😆😆然後食物嘅質素都非常之好，價錢唔係好貴但係質素超晒班，新式得來亦都好符合香港人嘅口味🥰🥰我哋嗌咗求求期期蒲燒鰻魚蛋飯包，鰻魚質素好，而且個蛋同埋飯配合得好好，完全唔會覺得口渴！另外仲嗌咗軟殼蟹芝士pizza，蟹嘅份量好夠而且芝士都好濃味好好食😋😋最後仲嗌左薯條同埋雞翼全部嘅份量都好夠，亦都好脆好好食🥰絕對會再嚟第二次！如果想來食嘅人記得要提早book定🤩🤩…查看更多

本身知道呢間係過江龍，好出名食pancake所以特登同朋友一齊嚟食，但係食完不太明點解啲人會吹捧🤥我哋嗌咗招牌疏乎厘pancake，食落口淡淡個質感又有啲奇怪，牛油同埋糖漿加埋落去淨係覺得有啲油膩😵‍💫朋友嗌咗Tiramisu pancake，但係食落唔夠味，可可粉同酒味唔夠濃，有啲失望。。。。本身真係有好大期望但係食完之後剩係得失望。。。…查看更多