phoebe_cmc的个人专页

餐廳不大，下午時段要排隊入座，餐廳內裝修很有台灣風味，木枱木櫈。大熱天時點了一個涼拌菜百頁豆腐，豆腐豆味濃，皮蛋流心，麻醬味香濃，木魚絲及蔥花香口。牛筋牛肋條麵，牛肉湯清甜，肉味香濃，牛肉軟腍，牛筋腍滑有口感，麵條煙韌。滷肉拌麵，滷肉半肥瘦，麵條煙韌，芽菜清爽有助去油膩感。…查看更多

同事介紹依間蛋糕唔甜又新鮮，一於買幾件返屋企做飯後甜品，揀咗幾款人氣蛋糕。千層蛋糕出色，每層都非常平均，可麗餅皮煙韌有口感，忌廉香滑，甜味適中。鮮忌蛋糕一般，忌廉同樣香滑，但中間士多啤梨甜度一般及有少許腥味，而蛋糕則過濕。脆皮朱古力蛋糕，朱古力味香濃。最出色係蒙布朗，中間粟子忌廉非常香滑，粟子味香濃質地幼滑，甜度適中，底層有一層薄薄脆餅增添口感，值得一試。…查看更多

舖頭不起眼，要走入一座大廈嘅地下先會見到。因為媽咪鐘意食所以每次經過天后都會買，但最好四點前去買否則會空手而回。今次芒果及士多啤梨拿破侖各一件，建議即日食因為酥皮放過夜就會淋。拿破侖有三層，酥皮出色，又香又鬆，鬆得嚟又唔會有一陣牛油羶味，另外中間吉士甜味適中，芒果香甜但士多啤梨則有少少酸。…查看更多

朋友想食濛粉，上網見有依間越式小店係附近，一於去支持一下小店。餐廳不大只有十個位，座位為bar枱型式，食物即叫即整。雖然食物款式選擇不多，但大部分都好有特色，有別於一般越式餐廳種類。湯底清甜，河粉好滑，慢煮牛肉質軟腍，牛味重。湯河當中配菜豐富，金不換新鮮、芽菜爽脆清甜。慢煮牛有別於一般生熟牛河嘅肥牛味道，值得一試。蝦新鮮有鮮味，蝦有炭燒香味，肉質爽脆唔會霉，蟹餅蟹膏味香濃，酸紅蘿蔔及白蘿蔔爽脆酸酸甜甜好醒胃，花生及蒜片香脆。…查看更多

排了大概十五分鐘，入座前需要先落單，餐廳不大，座位非常迫。每款甜品份量都非常少，價錢偏貴。期間限定薑汁豆腐花，薑汁味算濃但唔夠熱，豆花豆味濃，可惜芋泥係凍的，外暖內凍感覺非常奇怪。另外芋泥太實太硬，芋頭味欠逢。燒仙草完全溶曬係糖水中，味道有如涼粉糖水般，口感奇怪。芋圓及地瓜丸煙韌，芋泥同樣地又硬又實，外暖內凍。…查看更多

每次食完飯經過都見大排長龍試唔到，難得今晚經過見唔洗排到出門口決定試一試。同朋友兵分兩路大概十五分鐘就買到飛及有位坐。眼見每樣甜品都大大碗份量十足，絕對抵食。芋圓及地瓜圓煙韌，紅豆湯甜味適中，紅豆軟腍，芋頭大大件又粉又腍帶有芋頭味。可惜唔夠熱只係微暖。原來燒仙草只有凍沒有熱提供，如果唔想食凍的話可以叫走冰。燒仙草仙草味濃甜味適中，口感帶少許煙韌無涼粉般爽口。珍珠煙韌有嚼勁，蓮子及綠豆軟腍甜味適中。…查看更多

每次想食上海嘢都會第一時間諗起上海弄堂，餐廳不大，大概二十個坐位。雖然有點迫但餐廳乾淨舒適。韮黃鱔糊爽滑軟腍口感不錯，芽菜及韮黃香口，醬油香濃惹味，重點係唔油膩。菜飯有雞湯味，小棠菜新鮮。大大隻菜肉餛飩皮又薄又滑，內裡肉汁鮮甜，上海幼麵煙韌，湯底清甜。…查看更多

網上得知NOC打入亞洲50大咖啡店。難得今朝有機會係返工前食早餐，一於去嘆杯咖啡。咖啡店位於小巷內再加上簡約白色裝修，感覺悠閒舒適。咖啡豆有兩種可選擇，分別係nutty 及 fruity咖啡豆。今次選擇咗nutty咖啡豆嘅flat white，咖啡味濃不酸不苦，牛奶及咖啡比例剛好。牛角飽微暖，非常鬆脆，牛油味香濃，牛角飽夠乾爽唔會油淋淋。…查看更多

約朋友去維園賞花燈前先醫醫肚，見到依間台式麵店有藥膳湯麵咁特別一於去試一試。除了湯麵還有飯可選擇湯麵非常大碗，蕃茄湯底帶微酸非常醒胃，當中用料絕不馬虎，有蕃茄、紅棗、雲耳及杞子。牛肉腍滑帶少許肥膏味道不錯，蘿蔔清甜無渣，而台灣手工拉麵彈性十足。藥膳湯底有濃郁雞味及少許藥材香味，湯底有雲耳、杞子及紅棗。農場雞果然不錯，肉質嫩滑有雞味，台灣幼麵煙韌。餃子肉汁豐富不會夾雜過量肥膏，如白菜份量多一點味道更佳。…查看更多

朋友帶我到依間樓上法國餐廳慶祝生日。餐廳雖然不大，但枱與枱之間有足夠空間，坐得舒適，餐廳內的燈光加上音樂非常有情調。淡淡香檳味帶少少荔枝及香桃甜味。麵包送上時熱辣辣，焗得香脆。還有兩款自家製醬，一款帶有香草味另一款帶有肉腸味。生蠔優惠買一送一，服務員推介三款口味由淡到濃嘅生蠔。每隻都肥大鮮甜，帶子位爽甜，入口creamy，蠔味以Gillardeau最重。帶子新鮮肉厚非常鮮甜，表面海膽泡沫提升帶子鮮甜味。伴碟青蘋果沙律及白酒啫喱酸酸甜甜非常開胃。龍蝦味濃郁，湯裡龍蝦肉爽甜。白露旬爽脆清甜，荷蘭醬帶橙味醒胃。黑毛豬火腿經過烤焗鹹香味更出，一清一鹹味道非常夾。上主菜前送上番石榴雪芭清味蕾，番石榴味濃不過甜好清新。鵪鶉已起骨，肉質嫩滑，脾位焗至香脆非常香口，內裡啖啖鮮菇黑松露味濃，另外所有伴碟蔬菜非常新鮮。慕絲幼滑，榛子香朱古力味濃，甜度適中，餅底略嫌不夠脆。因慶祝生日關係甜品寫上生日字句及一張即影即有相十分窩心。去到尾聲仲有驚喜，送上一杯玫瑰苿莉茶、桂花蝴蝶酥及朱古力，為整個晚餐劃上完美句號。…查看更多

下午茶時段，少少餓，揾個地方坐下食少少嘢，見土司工坊下午茶有土司套餐都幾吸引，而份量又唔多不妨一試。下午茶時段人不太多，容易揾位。肉鬆吐司麵包夠厚，有輕微烘底，搽上少少牛油，肉鬆份量多，面加上煉奶，鹹鹹甜甜，味道不錯。半熟蛋兩隻，加上醬油，蛋黃香，不過蛋白好水，要加少少醬油先有味。南洋奶茶，紅茶加上煉奶及花奶。茶味濃，夠香滑，味道不錯。…查看更多

約朋友係尖沙咀食日本菜輕鬆一下，尖沙咀日本菜選擇多，同事介紹元氣一杯價錢合理味道夠地道。餐廳不大，7點嚟到已經全院滿座，而大部分係日本人，好有居酒屋嘅感覺。前菜為菠菜，菠菜加上芝麻及麻油，味道不錯。八爪魚粒鮮甜配上少量芝麻及洋蔥絲，不錯的佐酒小食但份量少。芝士、吞拿魚加上灑係面嘅紫菜味道好夾，可惜牛油果唔夠熟，好硬及出唔到牛油果嘅香味，口感及味道大減。薄薄一塊火腿可以炸得鬆脆又唔油，十分出色及有驚喜。串燒有豚肉、牛舌、雞肉棒、大蒜豚肉、雞軟骨、冬菇。但豚肉及冬菇燒得太乾，其他味道不錯。…查看更多

二十九度坐係office突然想食火鍋，港式火鍋太heavy，日式火鍋清清地，簡簡單單一鍋過，可以滿足一下依個複雜嘅心情！餐廳為日系裝修，中午加上自然光非常舒服，而餐廳大部分枱都望到海景，相信晚市嚟的話可以嘆埋個夜景。同事們一人一鍋唔洗爭，左上角秘傳月見壽喜湯、左下角有機豆乳湯、右邊北海道昆布湯。午市火鍋份量都唔少，有肉有野菜有蝦滑仲有烏冬。首先豆乳湯有淡淡豆漿味道，野菜新鮮有四款，而值得一提係紅心蘿蔔，爽口清甜。蝦滑彈牙蝦味一般，熊本豚肉嫩滑，有少少肥膏好香。最後食埋個烏冬，烏冬又滑又煙韌吸收曬所有嘅精華。整體用料新鮮，味道不錯。…查看更多

行到攰攰地揾間小店坐下嘆下咖啡，心目中想揾間有得睇下景嘅咖啡店。蘇廬正正合曬我心水。咖啡店開係棚屋內，坐位唔多，而所有坐位都係室外可以睇到兩邊嘅棚屋，望下風景吹下海風，周不時又有觀光艇經過，真係好寫意。咖啡味濃，略帶少少苦味但唔酸，細心之處係咖啡凍得嚟無加冰，唔會越飲越淡。店主會攞埋個咖啡壺係客人面前酙落個心型咖啡杯度，咖啡香醇唔苦唔酸，只係份量較少。是日甜品係豆腐芝士蛋糕，有啖啖豆味，芝士味唔重，質地細滑並非一般芝士蛋糕般厚實，蛋糕面撒上桂花，食落有淡淡桂花清香，牛油消化餅底鬆軟。焦糖面脆，燉蛋口感幼滑，雲呢嗱味濃，甜味適中。夾埋面頭嘅青蘋果一齊食，酸甜味夾雜好特別。…查看更多

臨坐車離開大澳前一定要買地道茶果試一試。茶果只有三款，甜嘅花生芝麻、鹹嘅花生眉豆同無餡嘅雞屎藤。好可惜今次六點先去買，鹹嘅眉豆已經賣曬。只好試另外嗰兩款。雖然已經六點差不多收舖，但茶果仲係暖暖地，証明係新鮮蒸起。皮薄煙韌，滿滿餡料，除咗芝麻同花生，仲有砂糖及椰絲，花生係淋身唔係脆口，而芝麻香口，整個茶果甜味適中。內裡無餡 質地比較實，有淡淡草藥味，帶微甜。…查看更多