HungryCherry的个人专页

今日下午同細妹去左葵涌廣場掃野食，例行食事就必定係我最喜歡的酸辣粉，食辣野之前我地會先去買定飲品先，通常方便快捷的話會選擇旁邊既share tea。但今日見到身邊路過既人有好幾個都拎住同一杯飲品，一杯上面白色下面綠綠地既野飲。我細妹就好奇問左其中一個女仔究竟杯嘢係邊度買㗎？個女仔好好心咁話俾我哋聽係一樓買嘅，然後我哋就去咗一樓買啦～付錢後個靚姐姐就好細心咁問我地係唔係第一次飲？然後佢就教我地要打開蓋飲，連埋芝士奶蓋加抺茶一齊飲先好味，唔好咁快用吸管住。我地試飲左一啖，好濃厚既芝士味加埋抺茶果然好好味呀味道好夾呀！抺茶唔會太甜，好正但啲Oreo 碎有啲阻住曬，飲個時唔係咁方便，差啲吸入鼻好後悔加左Oreo 碎，下次會再買，但一定唔要再加Oreo ！…查看更多

依家新開既食店通常都係噱頭行先，人人都貪新鮮，羊群效應，自然吸引到人群排隊去試，但人氣過後，好食既當然留得低，得個樣唔好食既就bye bye ！以前係旺角區返學，放學後每逢經過都必食之鹵味店「肥姐小食店」，開店咁耐，今時今日都一樣要排大長龍先食到，果然係寶刀未老！大熱天時食返串冰冷冷既鹵大腸，亦屬消暑良品黎㗎味道依然存在，可惜價錢就回唔到過去了。…查看更多

今日係長沙灣試左間新開食台灣野既餐廳，叫「一碗肉燥」，顧名思義主打係肉燥，餐廳裝修簡單舒適，杯子同埋碗碟都印有唔同既可愛公仔圖案，值得讚既係椅子下面有個籃仔可以擺放手袋/書包，唔係間間餐廳都有咁既設計，其實呢啲少少設計方便到客人我覺得係幾窩心的。我同朋友分別叫左一個肉燥飯同肉燥麵，之後再點左三個小食，有蚵仔煎、煎餃子、串燒魚餅。首先講下肉燥，味道係ok既，肥瘦比例正常，但肉燥份量少⋯⋯大約一湯匙左右，蚵仔煎好食，蚵仔好肥美，餃子就普普通通，七味串燒魚餅入面有豆，豆香加埋魚香味，不錯。飲品點左杯凍泡沫珍珠奶茶，估唔到佢少冰得黎又夠凍，糖醬分開上都幾細心，自己可以調教合適嘅甜度。…查看更多

食燒烤一身味就預左，但係唔係燒烤味，係汗臭味，個冷氣勁熱勁細，通風唔好成個焗爐咁，食完成身濕哂。同行既朋友都頂唔順飲左4杯野飲，飲料好甜但都飲哂，因為真係太熱太熱了。當我地踏出門口，就好似放監既囚犯咁「千其唔好返轉頭」。總括：食物不錯，服務不錯，可惜冷氣真係唔夠，環境舒適度會大大影響到品嚐食物的人，心情唔好食龍肉都無味，所以今次唔太理想，埋單7舊，都幾貴今次真係不值了。…查看更多

今日由住元朗既朋友帶我去食好西，佢話一定要試試元朗地道車仔麵喎去到人流一般，鋪面都算乾淨，車仔麵有分三個唔同既價錢，分別係細碗（$25），大碗（$27），加大碗（$29），可以選擇五個餸，姐姐落單好快手，等左兩分鐘就有得食啦！碗麵一黎到面前就有少少嚇呆左，因為真係好多料，大大碗到好似差唔多滿瀉今次我點左豬紅、大腸、魚蛋、蘿蔔、雲吞，啲餸全部都好美味，特別推薦豬紅、大腸同埋蘿蔔，豬紅好滑，大腸好入味，蘿蔔嫩唔會有渣碗湯好「杰」身，咖哩味，整體黎講都唔錯㗎:)…查看更多

每次去葵涌廣場第一時間都會先上三樓既美食天堂，掃平貨之餘當然要醫飽個肚先啦，咁先有氣力shopping。平時我都會食碗酸辣粉，但今次試下新野，係三樓吉野家隔離就有間台灣小食店「阿佳拌麵」，佢地有七款拌麵，四款夜市小食可選擇，今次我選擇左鹽水雞拌麵，沙茶醬汁。鹽水雞本身有少少咸味，撈埋醬汁一齊食好惹味，油麵質地煮到剛剛好軟硬適中，鹵豆腐口感好驚喜，唔似一般豆腐咁軟淋淋喎，好彈牙似食緊魚蛋咁，全部撈埋一齊食，口感好豐富，配菜仲有酸蘿蔔好爽脆。…查看更多

原本今日約左中學同學去打波，但點知落好大雨，俗語話打波先黎落雨，唔通連個天都唔鐘意我。回想中學時期，放學後多數都係留低學校打陣波先返屋企，打完波我地都鐘意去食傷心酸辣粉，今日終於有機會邊食酸辣粉邊傾下往事。我地兩個人叫左二人套餐，選擇左兩碗酸辣粉，口水雞下例，干撈牛肚，紅油黑木耳。皇牌口水雞肉質十分之嫩滑，雞皮薄唔肥膩，加埋麻辣醬汁味道簡直係完美食到唔停口，食過其他餐廳既口水雞始終都係傷心酸辣粉的比較出色。干撈牛肚，只有辣味，其他不予置評⋯⋯紅油黑木耳，酸酸辣辣，口感不錯，爽口多汁又入味。酸辣粉煮得太淋，而且湯好淡，今次失水準椰奶簡直係食辣野既好伴侶見到枱面貼的推廣期小食好似都好吸引，於是叫了一份，果然不俗，炸得脆，甜薯本身甜味足。…查看更多

平時7點至8點既時候經過悅來坊定食8都見到好多人排隊，但都未曾一試，琴晚9點先去食晚飯，岩岩好見到無咩人排隊就入去一試啦。佢地個餐單會依照季節變化而轉換菜色，基本上會有8款定食選擇，另外有單點小食。今次我選擇左岩鹽牛排定食，牛排份量比想象中多，旁邊仲放有開胃冷盤，飯，湯，甜品，擺放精緻。牛排燒得適中剛好，切開牛排中間仲見到少少紅色，第一塊我無點鹽食先試試原味，食落口牛肉味慢慢滲出，口感軟嫩不發柴，第二塊點鹽食，味道更加提升見到隔離枱既赤蝦刺身好似唔錯，之後我地都叫埋一份。果然無叫錯，赤蝦夠凍而且好鮮甜，配埋個秘制醬汁，鮮味一流。溫馨提示：有些小食餐牌可能見唔到有，去到收銀位先見到有其他額外單點小食可選擇。炸物小食我地叫左兩樣，第一樣係海苔多春魚。多春魚炸得好脆，咬開入面好多魚籽，真係好味另外一樣炸物係多春魚籽蝦球，咬落彈牙，但同一般蝦球一樣味，所以無驚喜，一般一般。呢度有自助區，白飯任添，仲有三文魚湯任飲。…查看更多

朋友話呢間係元朗好似好出名，依家荃灣都開新分店，於是一齊就黎試下啦。我地兩個人食叫左個大雜錦，即係咩都有，一次過試曬咁多樣野食。鋪頭得兩個鹵味切割員，一個收銀，有人龍都起碼要排十五分鐘隊左右，係櫥窗睇到食物都尚算乾淨。鹵水雜錦到手都幾多份量！啲特制醬汁係曬底部，只有下面先點到汁，最上面好少汁，另外我地仲加左芥茉醬同埋甜醬。只要點到底下啲醬汁基本上都好味，所以個醬汁出色！扎肉紅腸生腸都好爽口，豬心豬脷豬耳豬頭肉腎臟個啲原身腌得好入味，味道夠但口感方面就有分別，腎臟同埋牛柏葉切得太大片，而且好硬一啲都唔爽口，食一舊起碼花成五分鐘𡁻碎佢⋯⋯食完成盒鹵味，𡁻到牙都攰。…查看更多

以怪獸仔做主題既呢間爆谷店的確創意十足，爆谷加埋雪糕食，配搭新奇。每個怪獸公仔設計得都有其食物材料特色，相信唔少女生都會俾佢地得意既樣子吸引而購買。（連我都唔例外）我選擇左芝士焦糖味爆谷，又咸又甜幾特別，食厭左甜既又食返粒咸既，中和一下。淨係食爆谷有啲口干，當然要買返杯飲品啦，我選擇左杯韓式柚子檸檬特飲，甜甜酸酸，無咩特別，只係顏色比較靚，紫色的，因為一般都係橙黃色。總括而言，呢間爆谷店除左主題吸引，配搭選擇多之外，食品既味道其實一般般，價錢比較貴。…查看更多

同朋友係淘大商場影藝戲院睇完戲後，就到附近的「甜入心」食糖水。我點了Top 1的焦糖布甸椰皇子 （可選凍食 / 暖食）我選了暖的，原個椰王送來 内裏有個焦糖布丁係面，賣相可愛而椰奶下層的是凝固了的椰子水，吃落似大菜糕感覺，甜度適中朋友選了榴槤飄香椰皇子，都是原個椰子上枱，榴槤肉很多，飄來陣陣榴槤香氣，配上水晶粒粒 ，凝固的椰青水及椰奶，口感相當豐富…查看更多

上星期六同朋友到海港城LCX「度小月」食晚餐，聽講係台灣好出名，但未曾一試，今次係香港開店就吸引左好多人幫襯！7點鐘到達拎籌，等左一個半小時才能入座招牌擔仔麵，湯底鮮甜無比，內有肉燥、蝦、蒜蓉、芽菜，口感好豐富一定要試要試！祖傳肉燥飯，肉燥與飯一起撈來吃，啖啖肉粒，很香口唔會好油膩又唔會太咸黃金蝦捲，炸得外脆內軟，內有蝦肉碎，外層面粉薄唔厚身，配上wasabi 醬油櫻花蝦高麗菜，椰菜加上櫻花蝦，略為普通。三杯雞煲，雞肉尚算嫩滑，但不夠入味:(普普通通。…查看更多

放工後同男朋友係荃灣行行下街，又傾下去日本旅行既事宜，突然拉麵癮起，之後就走左去食拉麵。去到剛好係旺場，都幾多人排隊，排左大約二十分鐘左右。呢間拉麵主要有三款湯底：濃厚醬油豚骨湯、伊勢海老豚骨湯、濃厚雞白湯。每款限量發售，我地原本打算選擇伊勢海老豚骨湯，可惜排到入去侍應姐姐同我地講伊勢海老已經賣曬唔排都排左咁耐啦，唯有選擇過第二款，但我地對雞湯無咩興趣，即係得返醬油豚骨湯⋯⋯我地坐吧枱位，位置都寬敞，仲可以見到少少師傅煮面既情況。枱上有其他調味料，但就見唔到有前菜。（點解見其他食評會有前菜既，因為本人都幾鍾意食日本既腌製食物㗎）辛口特盛叉燒味玉醬油豚骨湯拉麵好味我點左拉麵麵質係硬身，濃味湯底，走蔥。第一時間緊係嘗啖湯先啦，濃郁既豚骨味滿滿地包圍住舌頭湯濃但不肥膩，口感稠密，可以掛麵。拉麵硬度剛好係我鐘意既，叉燒肥瘦適中，食落有碳燒味男朋友話要飲啤酒，之後就叫左杯冰凍泡沫生啤（蜜桃），平時少飲酒既我都忍唔住俾啲泡泡吸引左試左一啖，飲落真係有淡淡既桃味話咁快就食完碗麵其實湯唔算多，可能因為稠既關係，食拉麵既時候都帶走唔少湯，最後得返幾啖飲。總括而言，呢餐好滿意心思思都係想試埋伊勢海老豚骨湯拉麵，於是第二日都係黎食返呢間拉麵，一定要試埋伊勢海老！但可惜有啲失望！湯底比較淡味，而且海老味唔出，無驚喜另外呢款麵會有兩粒蝦肉餃子，埋藏於拉麵中，但味道一般唔夠特別。還是醬油豚骨湯底比較好味！另外，仲叫左兩款無骨雞翼，雞翼無味，只係炸得比較脆而已，唔抵食。…查看更多

今個星期天氣真係十分之悶熱午餐都唔多想行出去食，平時叫開外賣既同事就推介了簡單小廚。餐單每日有唔同選擇，可以上餐廳既Facebook 到睇有啲咩食，基本上有五樣餸選擇，今日我選擇左兩餸飯，柚子汁雞中翼&滑蛋蝦仁扒豆腐，飲老火靚湯。清補涼豬骨湯，:)足料靚湯，唔似味精湯。雞翼炸得剛剛好，肉好滑，唔會太厚粉加埋甜甜酸酸既柚子汁，新奇配搭我都係第一次食到。滑蛋蝦仁豆腐，整體好滑，清清淡淡，想象中以為蛋好多點知......可能今次蛋唔係主角（因為同事特別推介炒滑蛋，佢話平時好大份的，量很多，而且真係好好味。）下次一定要再試炒滑蛋～…查看更多

今日lunch冇自備飯盒，但出面落緊大雨行出去街食一定變落湯雞公司附近嘅九龍城法院入面就有間餐廳有得叫外賣，今次係我第二次叫呢間嘅外賣。我選擇左三餸飯：招牌至尊豬扒，黑椒翠玉瓜炒牛柳粒，沙嗲金菇玉子豆腐，飲中式老火靚湯。豬扒有炸過但又唔會炸得好乾身，一啲都唔硬，好鬆軟好入味沙嗲金菇玉子豆腐好滑又多汁，用黎撈飯一流翠玉瓜炒牛柳粒黑椒味濃郁，可惜偏咸⋯⋯整體來講，都算唔錯嘅外賣，下次唔記得帶lunch的話會再試其他菜式…查看更多