minnanotabo22的個人專頁

呢間嘢開咗好多年，因為在屋企樓下所以一直都有幫襯。對於一個三餐外食的人來說，我大大話話食過成百次以上。譚仔食物就不用多說，畢竟中央廚房處理間間都差不多。分別就係每間的出餐質素，服務水準，衛生等等。1）首先呢間出外賣的水準認真有問題，已經不只一次也不只10次做錯餐，少咗餸，唔同餸，三小辣變咗小辣，小辣有時又變咗微辣。今日呢單最經常發生就係米林d就變咗米硬d。最大鑊係今次仲比少一大羹湯，想用湯浸淋d米都唔得。2）出餐方便，近半年d外賣全部放晒入鋪𥚃面廚房出餐位的手推車上面，結果所有等外賣嘅人都湧晒入去鋪入邊等。唔好計阻唔阻住啲位做生意淨係啲人個個圍住個出餐位，又攤晒喺度等餐玩手機睇片，都覺得佢烏煙瘴氣！而佢個外賣屏幕啲號碼仲係成個鐘頭前嗰啲，又冇取消，個個要入去問先知出咗未。3）人手方面，樓面三個人做晒收銀出餐包外賣清潔，佢咁多人幫襯，可想言之幾咁亂。香港而家咁多餐廳支持唔住，一間上市公司集團的餐廳分店仲可以做到漫不經心咁，就不如就咪鬼做呢間，將啲資源放喺其他出色的分店好過。…查看更多

以百多元(加一前）的任食火鍋來說尚算不俗。食物品質可以，環境舒適寬敞。整體衛生環境理想。汽水，甜點，雪糕也有很多選擇。這個價錢來說，CP值非常高。特別係d蜆，非常鮮甜，值得推介。仲有壽司放題。小朋友來都可以有不同的選擇。湯底選擇也不小，鍾意佢哋個飛魚湯，好鮮味。主菜牛肉豬肉來講，算係正常發揮，話晒我哋都係試佢個入門級的set。不會奢望有手切本地肥牛呱。如果對肉類有要求的人就應該叫佢哋個高級版本，有黑毛和牛。…查看更多

個樓面長頭髮馬尾呀姨可覺得我阻住佢收。收十一點，我十點半前入去坐低，佢話十一點前要離開，ok冇問題，立即落單趕快食。叫小鍋米線小辣，來既係bb辣，我問下有冇得加辣，佢叫我枱面辣椒油自己加。好奇再問乜吾係廚房入邊有酸辣湯加落去咩？佢答佢地廚房煮嗰時都係加呢啲辣椒油之嗎。「唔係你話仲有啲咩辣汁可以加？」 ，我答佢：「我唔知架，我見其他米線舖都用啲特別醬料去煮」，而我只好無奈dup 低頭繼續趕快食……..件事仲未完……佢隔1分鐘左右又喺廚房門口向我大聲問「咁你話仲有啲咩辣汁可以加先？」我再答「我吾知架，我知就做咗廚師啦！」件事仲未完……佢再過一分鐘左右又離遠再問一次。如是者一共問咗4次。咁冇辦法啦，我真係要爆啦⋯⋯哈，係咪覺得我斯文好下𧎚d呢。不過我都只係講句「你問夠未呀」！之後佢就繼續企喺廚房門口自言自語……算啦，呢啲街坊餐廳你都吹佢唔漲，你受得氣嘅咪繼續去幫襯囉。…查看更多

話說餐廳9:30pm截單，我9:26pm已登記完安心出行坐低咗，女侍應Sabrina過來說唔好意思截咗單了。我很奇怪說：平時我都是9:30pm來仲可以堂食架。女侍應一邊送我出門一邊回覆說：先生而家都9:27啦。（其實我出到門口都仲係9:26pm)係囉，真奇怪明明仲有3分鐘喎，你仲好意思講出口嘅！我唔同佢理論咁多啦，因為要趕住去第二間買外賣，再講落去可能連飯都冇得食。乜而家香港飲食業真係咁好生意咩？做到要趕客架。集團式經營理應好有系統，呢啲服務質素就應該要正視一下。…查看更多

忍不住要分享一下.........我由新開張一直幫襯到現在, 大大話話都有四/五年, 近呢三年仲平均每星期幫襯一次. 食物水準其實不過不失. 我一向外出用膳都很少有額外要求, 例如少甜, 走青, 走油, 加底扣底, 多汁, 碎上等等…..不過自從呢兩年日日帶口罩令呼吸道過敏, 醫生建議少飲凍野, 以免經常咳嗽. 但我又一向唔習慣飲熱飲, 所以唯有每次都要叫少冰. 我明白大部份餐廳/茶餐廳水吧都未必次次理會, 不過係呢度, 我每周都幫襯一次, 每次都叫少冰, 而仲可以有七成機會送來正常或"多"冰的, 即係叫四次才會中一次少冰. 同樓面經理反映過無數咁多次, 人都換咗五六個, 依然一樣.  如是者都兩年幾, 我依家都費事出聲了, 叫定個碗自己隔開好了.(我明白"少"嘅定義係因人而異, 不過平均裝滿大半碗, 夏天有時仲裝滿一碗, 咁都仲算少）…查看更多

幫襯左佢10幾年, 越做越差. 真係去到要發帖分享的一個地步. 諗住裝修完之後會改善, 點知都係同一班員工打理.服務態度差, 傾計多過做嘢, 出餐慢, 半間店舖被長者及露宿者佔據⋯⋯這些已經是一般香港麥記的常態, 所以不足為意. 只要你d食物做番正常的麥當勞水準便好了. 可惜這𥚃連食物也做得很差. 呢度d包, 唔係堂食的話, 帶返屋企(5分鐘內的路程)通常都已冰凍及變硬了. 而且十次有五次個包回家後是散晒的. 其他問題如落錯單, 汽水斟到漏晒出來, 新地唧到一pat pat咁...都已經是少事了. 可惜本人很喜歡吃麥當勞, 所以逼住都要幫襯佢. 其實麥記有冇申請iso的, 有咩方法可以幫佢哋提升食物質素？…查看更多