conniecheung的个人专页

元朗開左潮庭，諗住去試下，好彩不用等位。我們坐近門口的房入面，原來入面都幾大。糯米包有4小件，紫米的，幾軟身好味，不用太甜福建炒飯好大碟，份量好多，上面d料都好豐富，蝦，雞肉，紅蘿白，青瓜粒，冬菇粒等，都不是好濃味，下面是炒飯底。口感豐富。正呀。炸蝦角，4隻大大隻，啖晱蝦肉，加埋沙律醬一齊食好夾。下個星期又來多一次，今次叫了叉燒包，兩隻的，軟綿綿，叉燒OK唔多醬。牛肉腸足料夠滑身，腸粉唔會厚韮菜果，煎到外面脆裹面d韮菜好多，每惔也是，好正呀。蠔仔肉碎粥，足料，好多蠔仔肉碎，好滿足啊。…查看更多

約左朋友family食飯，搵到這裏的評語好好，就訂座了。一心諗住用openrice訂座QR code入座，朋友先到把QR code女部長，她問這個是甚麼，然後話他們是用手提電話確認的。朋友沒給她因已經有QR code確認訂座，然後還說你朋友的電話你冇可能唔知道吧！！我在看menu，女部長又來問我電話確認訂座，menu只是一個套餐同孖寶的menu，但之前在openrice是看到有另外的比較優惠的菜式，只是6月底的食評。問女部長，她不願意理我的態度，就叫另一男仕應去找下櫃筒底會否還有那個餐單。。。之後消失了，冇再跟進。看了又看等了又等。冇人回來說menu的事情，有另一女仕應就問我們食唔食孖寶，然後我們就唯有在冇乜選擇情況下叫了兩個孖賢。加一個小炒皇同乾炒牛河，3個點心。落了一個上湯龍蝦+酸菜魚，因有朋友未到就話叫起。唔知點解叫起的酸菜魚來了，明明叫小辣但也好辣，份量足夠的，也是好味的，魚，酸菜，窩笋，雲耳，薯粉也有。勁多辣椒！另一個孖實係蒜蓉粉絲蒸元貝+半隻燒雞元貝算大隻，有四隻，好多蒜蓉同粉絲，不會老身，好味！燒雞也大份，半隻也多。味道也是夠嫩，啖啖肉。不會太濃味。尚苑小炒皇，正常份量，入面有蝦，蒜芯，腰果，蝦，蝦干，帶子，炒得惹味同口感豐富。干炒牛河顏色是好深色的，不是好淡色那種，河粉入味，牛肉不鞋，芽菜，韮菜同芝麻令味道豐富。奶皇馬拉糕，有花紋的，軟綿綿，入面d奶皇也不會好甜蝦餃新鮮，晶瑩，有金邊的。鳳爪也是新鮮樣，脹卜卜咁。食到差不多，仕應先問我們那個龍蝦伊麵可以起未，完全忘記了，原來叫起係講龍蝦伊麵準備走就去埋單，我俾張單收銀姐姐，佢問我做咩，我一早已說埋單，佢看了一下問係咪埋單。。。佢問那個女部長是否只加茶錢就可以。之後我們便起身走，女部長又叫住我叫我係張收據度簽名確認，仲話我係試食的要簽名確認，我話我唔係試食，係咪唔使錢。終於明白openrice點解一個月裏面有咁多好評，原來全是試食。。。…查看更多

這間餐廳在商場露台那一層，環境很靚很舒服，又寧靜，有室內同室外的位置，我們坐室內。主要食燒烤為主，我們有叫燒烤，另外叫左三文魚沙律。大蝦墨汁意粉，好多隻大蝦，爽口好味，墨汁意粉也好彈牙爽口，不會過淋，車厘茄好甜。這個炸物十分香口，加埋d忌廉醬一齊食好夾好味。特色飲品比較甜，好大杯的，不過就一般般了。這個燒烤拼盤好豐富好吸引，我們另外叫左燒羊扒，拼盤有牛扒，粟米，大啡菇有蒜蓉一齊燒好香，漢堡包有兩個，漢堡扒幾淋好味，香腸好大條好香唔肥，仲有蘋果批好香酥皮，夠鬆化，蘋果蓉好味，羊扒有兩件的，幾好唔係好酥，夠淋身。…查看更多

這間麵包店開左一段時間，成日都想試，最近見到有布甸蛋撻，好多人排隊，好想試，好吸引，今天有機會，就買了半打試下，坐了一程巴士後。蛋撻仲熱的，個盒係長形的，有六個小孔排氣，咁蛋撻就唔會有水氣啦。急不及待要試下，一打開個盒就聞到好香，蛋撻好大個又好厚身，表面有少少焗燶帶金黃色的，出面是牛油皮的，入面是布甸蛋，食一啖先，真的好味喎，蛋又香又夠滑，又唔會很甜及好漏。食一個真是好滿足。入面的蛋好滑的，用焗爐焗熱之後食仲正。…查看更多

新開的貓貓cafe，環境夠大，有一間玻璃房入面有幾隻貓可以同佢地玩。餐牌也有貓圖，早餐是全日供應，有午餐又有下午茶餐。我們叫了午餐同早餐。黑椒牛柳絲炒意粉，牛柳也淋，少少辣，幾好味。紅燒牛肉麵，好濃的湯底，少少辣，牛肉好淋好好味。WW全日早餐，黑松露炒滑蛋，比目魚，腸仔，煙肉，薯餅，大啡菇，黑醋，車厘茄，應該有牛油果，但漏了。整體味道也幾好，比目魚煎到金黃香脆，薯餅也好香脆。有貓貓可以入去同佢地玩，好得意呀！…查看更多

今晚同同事食飯，去了柏景食dinner buffet，有7折好抵，折完之後不用500元海鮮有琵琶蝦，青口，螺，蝦，蜆。海鮮算新鮮的，蝦爽口，青口螺蜆也鮮甜呀。仲有pama ham磨菇湯好好味，有粒粒磨菇，好香，忌廉味不重。我鍾意呀。熟食有黃金炸魚片，估不到咁好味，夠香脆同熱住的，所以唔會淋，燒牛扒淋身，BBQ區有燒三文魚鮫，菠蘿也好好味。刺身試了甜蝦及八爪魚，好味新鮮。燒菠蘿好juicy好正，有火雞添，pizza及雞翼DO好味。即溶芝士加薄餅，芝士好濃味，好咸香，即燒龍蝦啖啖肉好味。即煎鵝肝，好正的呀，如果入面可以再淋d仲正。Morenpick雪糕，有好幾款口味，我食左士多啤梨同雲尼拿。好滑好味。…查看更多

V City有間西餐廳，之前Lunch Set是包餐湯，餐包，主菜同飲品。今次再來，就已經冇包餐湯同餐包，要另外加錢，因為屋企人說那磨菇湯好好飲，所以都有到。午餐有9款選擇。叫了汁煮豬軟骨石鍋飯，熱辣辣，好香呀，豬軟骨淋身，有海帶紫菜絲，加埋d汁正，仲有飯焦添。All Day Breakfast，好豐富好吸引的賣相，有pama ham，炒蛋，蕃茄，腸仔，焗豆，菇，沙律菜，半隻牛油果，多士。全部也很fresh，多士很脆，還有d乾果，似蕃茄乾，好好味，pama ham唔咸，蛋夠滑。磨菇湯+多士，粒粒磨菇，好好味，唔會好濃。呢個配撘十分飽肚。龍蝦汁海鮮意大利粉，海鮮有青口，魷魚，蜆，蘆笋，好味。整體感覺很好。…查看更多

環境十分之漂亮的樓上咖啡店，餐廳在2/F，地點在一個不起眼的大廈，不是刻意去找，肯定不會發現，地點十分之大，有一部分是正常座位，另外一部分是要除鞋坐上去的，桌子較矮，適合輕食同飲嘢，主食建議也是坐在正常座位。班尼迪蛋三文魚雜殼酸種麵包，賣相好靚，一隻班尼迪蛋。一層三文魚，一層牛油果，一層蕃茄，生菜，酸種麵包，配撘好fresh。全部也好清新，加埋感覺健康。焙茶特飲，很大杯，很凍，入面有茶啫喱，不太甜，好味，下次記得小冰牛油果烤雞胸沙律，這個很健康，一定要加d汁一齊食，唔係就係食到原本食物的味道。日式安格斯牛肉飯定食，一碟豆腐，一碟牛肉，一碟沙律菜，一碗飯，牛肉加洋蔥係好好的配撘，好味的，不過性價比不高。自家製安格斯牛肉漢堡配薯條，個包係黑色的，生菜蕃茄生鮮，漢堡比較細塊，也是好juicy的。薯條份量太少。整體感覺是可以飲杯嘢坐下，但當正餐就不太適合，性價比不高，價格比較貴，如果有set會吸引些。…查看更多

6大人1小童，因為多過6人所以要分兩張枱，叫了一個6人餐。白肺湯，好鮮甜呀，唔會腥。蒜泥白肉，蒜蓉整成cream狀，好特別，肉爽口又夠薄，酸菜魚，魚肉夠滑，唔算好辣，份量夠多，有d芽菜，薯粉等等。炸鴨血，幾特別的，細細粒好易入口。胡椒大蝦，勁大隻，胡椒勁多，蝦好爽好味呀，胡椒夠惹味。炸鮮奶，這個好味，入面的奶好香，炸到金黃色，正！！上湯浸時菜，夠凊同鮮甜炒飯，夠乾身，有隻太陽蛋煎到半生熟正。芝麻卷好香，唔甜既！…查看更多

留意到openrice這間日系西餐廳好靚，食評很好的，喺海之戀。今天有機會同同事來食！12點多已經幾多人，環境感覺很舒服，原來仲有室外的，可惜用餐時間只有45分鐘，我們就坐室內。午餐有兩種選擇，可以選2個頭盤+1個主菜+珍珠飯+餐湯+伯爵茶或是1個頭盤+2個主菜，其他就一樣。我叫了鮮蝦藍莓雜果沙律，日本帆立貝泡菜+香草大啡菇。賣相精緻，蝦好爽口，沙律好味夠fresh，啡菇大隻又夠juicy。帆立貝好食呀，泡菜幾香唔太辣。南瓜湯cream.y呀。同事叫了和風蛋卷，慢煮燴牛面頰+香草大啡菇，牛面頰好淋身，小小肥。…查看更多

同事話這間台灣菜新開，在路德圍，今日同佢去試下，落小巴就係隔離，地點好方便，店名叫你妳，好特別的名字，紫色為主，地方不大，幾張枱。午餐有麵或飯選擇，我們想食台灣牛肉麵，但係冇晒，12點先開但冇晒店員話冇來貨，又唔想食藥膳，所以我們也叫魯肉飯，小食有4款選擇，我揀了鮮蝦卷拼花枝丸，同事就揀了鹽酥雞配甜不辣。我的古早冬瓜茶，凍的，都幾大杯，唔太甜，Good。這樣擺盤的，有半隻溫泉蛋，青瓜片拌碟，魯肉飯，炸蝦卷同花枝丸，魯肉好味唔太油同肥，蝦卷好味喎，有啖啖蝦肉的，夠香口，花枝丸也是好香同有墨魚粒。同事的雞都好食，炸到乾身，甜不辣就比較實同乾。仲外賣了香芋紫薯同肉鬆香芋吐司，唔甜的，不過有d漏，吐司要熱食先好味，凍了麵包就淋了。…查看更多

今日去了南丫島行下，係索罟灣開始行過去榕樹灣， 喺榕樹灣諗住搵午餐食，原來呢邊係冇海鮮食架，係索罟灣嗰邊先有，呢邊就比較多細細間嘅餐廳，行行下見到有一間食印度菜的，喺門口仕應話.啲咖哩唔辣㗎，見到有午餐，跟住我哋就入咗去食。小小似Bar Feel。仲有outside午餐包一罐汽水，飲檸檬雪碧。咖哩雞，跟薄餅，有三塊薄餅，咖哩雞，燒雞，咖哩角，蕃薯天婦羅，真的唔辣喎，咖哩用來配薄餅好夾好好味。燒雞少少辣不過好香，咖哩角入面係蔬菜，好正。咖哩羊，跟飯，印度米好長身又散身的，不是太慣。羊不酥的，Good。黃咖哩魚，茄子天婦羅，咖哩角，燒雞，印度飯等餐時間比較長。…查看更多

今天同同事一齊叫外賣，本來想試另一間，但太早未有得訂，就揀左呢間西餐，選擇也多喎。我食黑椒牛柳粒意粉，加左杯芒果紅茶，原來餐有湯送喎。幾大份賣份也吸引。仲有好多汁，黑椒唔算辣，有洋蔥同蒜片，牛柳好淋好入味，好味呀，意粉也幾好，不會過熟，有西蘭花同椰菜。忌廉湯好好味，好足料，有d薯仔粒， 甘筍粒，又不是好濃好結身，啱啱好。芒果紅茶原來唔係茶包，好香又不是太甜。白汁龍俐柳意粉，好大條龍俐柳，唔腥，同事話好味道。…查看更多

新店開張，本來諗住食晚餐，但勁多人等位，之後放棄了，第二天就去食早餐，都有人龍的，不過就不用等咁耐，幾個字就有位。感覺新店的座位多好多，全部分店也一樣的佈置一樣的裝飾。隔離是麵包店，可以買入來食的，我們叫了三隻迷你葡撻，夠熱，唔算好油，又不太甜，表面焗到金黃，入面d蛋好滑。鮮雜菌蕃茄湯通粉，好多菇，有雞脾菇，冬菇，湯底不算十分濃，通粉啱啱好，不會過淋。不過我麻麻鍾意上面d葱絲.火腿濃湯通粉，濃底夠味，火腿絲ok，上面也是有d葱絲。蒜香牛油多士，多士金黃香脆，厚身，烘到剛剛好，好好味呀熱華田好飲，不會好淡。夠香濃。熱奶茶夠滑又香。茶味突出。…查看更多

韓樂在海之戀地下，之前食過牛肉石鍋飯，覺得幾正，同事又話粉絲都好味，今日自機會再去，可惜已經冇牛肉石鍋飯，咁就叫豚肉，凍檸檬茶係冷壓的， 我覺得幾好飲，又唔係話好酸，又唔係好甜呀，啱啱好。幾大杯呀。溫泉蛋，豚肉，石頭鍋珍珠飯，好吸引，夠晒colourful又夠晒熱，加d醬汁及辣醬一齊撈，好正，一隻溫泉蛋，白蘿蔔同紅蘿蔔粒，菠菜，泡菜，豚肉，芽菜，魚仔，十分豐富，魚仔好香，全部嘢撈埋一齊食，好好味，仲有飯焦添。同事的韓式牛肉野菜炒粉絲，好大碟，好似好正咁，有一些菜， 牛肉，椰菜， 紅蘿蔔，粉絲吸曬啲汁好好味。不用加一，抵食及好吃…查看更多