Rolab1的个人专页

呢間餐廳之前都有去過，都唔少分店，但之前同朋友去時都知道呢間餐廳食物比一般同類既餐廳偏貴，所以平時都少去...今日行到咁上下，見呢間餐廳唔太需要排隊，所以就入左去食。點知真係無咩人排隊係有原因...晚餐餐牌上有個豬軟骨撈烏冬，因為食物名中文同英文都無提及用咩醬汁撈，所以我就諗住問下侍應，點知佢既回答係：「我講唔到俾你聽wo... 係我地既秘制醬汁。」真係聽到呆左😧咁即係咩？😧我再問：「咁係鹹定甜？係豉油定番茄醬？😅」佢先好敷衍咁答，係甜甜地既... 連自己公司既食物都唔識介紹或形容，客人更加唔會知係咩黎... 到食物黎到，豬軟骨有4件，燶左2件😅秘制醬汁其實同甜豉油無咩分別...今次用餐既體驗真係好差... 食物唔得，服務態度又差，仲要收呢個價錢，唔值得亦唔推薦👎…查看更多