KinkiCheng0812的个人专页

今個月同老公慶祝結婚週年🎎，最後揀左呢間係土瓜灣嘅車站居酒屋🚋🚋，門口有個好適合打卡嘅日本車站，一入到去比頭頂一串日本燈籠🏮吸引住，當下以為去左日本咁，我哋揀左Bar枱坐，望住師傅忙碌咁整食物好治療😍👍🏻👍🏻特選刺身盛入面有7款刺身，大拖羅、油甘魚、牡丹蝦、鯛魚、帆立貝、三文魚、赤身，每款刺身都好鮮甜，特別係牡丹蝦好爽口，蝦膏甘香，肉身好肥美😋👍🏻👍🏻赤貝刺身師傅推介赤貝，剛剛空運✈️到港一定要試，顏色燈紅亮麗，帶有獨特嘅濃厚味道，口感外層爽脆，內裡貝肉卻又軟又嫩👍🏻👍🏻😍十戶杯一上菜就比佢賣相吸引左，金光閃閃，師傅好有心機擺盤，杯底係赤醋飯，上面有海膽同吞拿魚蓉，另外配有紫菜同滿滿一杯三文魚籽，將所有配料一口氣放入口，鮮甜味衝擊住味蕾👅，真係好好味😋，而且每𢳂一匙三文魚籽都好有儀式感，好好玩🍣🍣鮪魚壽司盛大拖羅、中拖羅、赤身各2件，都係用上赤醋飯，大拖羅經過火灸上面放左蒜汁，帶出咗大拖羅嘅鮮味👍🏻👍🏻蘋果烤鵝肝好好味，外皮燒至焦脆，入面仲保留住震下震下嘅質感，而且一咬好多汁流出。酸酸甜甜嘅蘋果片🍎同鵝肝一齊食，正好中和咗鵝肝嘅膩👍🏻👍🏻燒馬友一夜干燒後魚表面好香口，魚肉好嫩滑，配上一細碟柚子醋帶出食材鮮味，後來同師傅傾偈先知原來成個醃制過程都由佢操刀，聽到後即刻心心眼😍，唔怪之得食味同我係出面食嘅一夜干唔同👍🏻👍🏻士多啤梨豚肉卷一聽個名覺得好新奇所以叫左嚟試，佢除左豚肉片卷住士多啤梨🍓之外，仲有一碟煉奶。日本人食士多啤梨會點D煉奶食，但估唔到士多啤梨豚肉卷點煉奶又幾好食喎，佢帶出左士多啤梨嘅甜味，士多啤梨又解左豚肉嘅油膩感，幾夾👍🏻👍🏻炸池魚仔 甘香酥脆，炸皮好薄，一D都唔腥，味道好鮮，成條連骨食到，送酒一流👍🏻👍🏻燒免治雞肉棒免治雞肉棒之中，混入刴碎咗嘅雞軟骨，啖啖肉兼有咬口，口感好豐富，外層微焦香脆，內裡雞肉脆嫩多汁，沾上日本蛋汁🥚好滑👍🏻👍🏻燒雞皮燒得好脆口又有彈性，送酒一流🍺👍🏻👍🏻燒雞脖肉位於雞脖周邊嘅頸肉，一隻雞只切到少少肉，好稀有，脂肪少、充滿彈性，食落口特別Juicy👍🏻👍🏻炸舞茸整整一棵舞茸，而且炸衣薄脆，炸嘅時間啱啱好，咬落去仲有好多菇汁今次叫左3款酒 — 三諸杉純米吟釀、電照菊 金 純米大吟釀、Highball 🍶🍶三諸杉 純米吟釀 聞落好香桃同梨味，飲到尾少少酸香，好帶到魚嘅鮮味🍶🍶電照菊 金 純米大吟釀 輕盈嘅香氣，口感清爽，飲落好順滑易入口🍺🍺Highball 去日本好鐘意飲威士忌梳打，但同過往咁多間相比，佢嘅威士忌佔比多啲，濃郁啲今餐晚飯整體嚟講真係十分滿意，估唔到香港仲有間咁有誠意嘅日本居酒屋，下次一定會再去…查看更多

當初佢哋開係屯門時已經成日聽人講好食，但佢地賣晒就閂門，所以一直係屯門店時都無食過，知道佢搬左去旺角，決定點都要試一試。我哋揀左平日中午時間去，可能熱潮過左，唔算好多人排隊，好快就入得。一入到去環境好細，感覺好迫，而且冷氣唔夠，仲食住碗咁熱嘅拉麵真係好辛苦🥵。叫左一個原味濃拉麵同清湯醬油拉麵，叉燒係慢煮叉燒，望落去有啲粉紅色，但食落好嫩滑👍🏻。原味濃湯底太厚，個人覺得濃得滯🤢，試過之後加醋都好膩，清湯醬油會好啲。但整體都無其他人講到咁好食，有啲失望😔。同埋麵底份量好少😞，兩個女仔去食，都覺得唔飽肚…查看更多

近排無咩胃口，突然好想食辣野開一開下胃，就近近地去左十二味。環境都寬落，本身商場唔多人流，所以餐廳晚市都唔算多人，兩個人都可以安排卡位坐。入到去叫左幾多餸…..麻辣香鍋🌶️🌶️，一定要最少叫5個餸，為起上嚟都$2xx-$3xx，點再肥腸，豬肉片，窩筍，蓮藕等，炒得好惹味，份量好多，次次去十二味食飯都有淨打包聽日食，今次都一樣有淨。👍🏻👍🏻另外再叫左個黃金皮蛋🥚，都一樣好食，不過少少甜，但還可以。…查看更多

去完旅行返嚟好肚餓，喺附近搵食。叫咗一碗牛腩牛肚麵🍜，牛腩牛肚都好入味，牛腩唔算好柴，蔥花好足。但湯底比較濃味，有啲鹹，返到屋企要飲多啲水整體來講都幾好味，下次會再幫襯…查看更多

因為今日要去尖沙咀拎野，所以就係K11搵食，行過見到呢間裝修幾別緻，餐牌上嘅食物又岩食就決定一試🐓泰式鹹蛋黃金單骨雞翼單骨雞翼，炸得幾脆身，配上邪惡鹹蛋黃，咸香美十足，我同朋友都食到唔停口，沾上魚露另有一番風味，差D要叫多一碟添。🦀椰汁青咖哩軟殼蟹軟殼蟹外脆內軟炸得啱啱好,唔會好油膩！🍲阿閒泰冬蔭功濃湯野米糙米飯看到野米糙米飯，感覺比較健康。糙米飯煮得不錯，不會過硬，而且飯粒滿載冬蔭功濃湯汁，有足夠的汁令糙米飯不會感覺乾硬，更容易入口。冬蔭功濃湯微辣，青口和大蝦也有濃濃的冬蔭功味，大蝦很爽口，整體做得出色。附有椰汁和青檸，個人覺得椰汁已足夠，不用再加，而加點青檸汁更能提升其海鮮的鮮味。🧋阿閒泰奶茶配自家奶茶雪條呢杯泰式奶茶好得意,除咗賣相吸引之外,仲要有得玩有得飲！飲品插住支雪條,店員話將杯奶同支玻璃樽裝住既熱茶都倒埋入去,並待支雪條溶到起碼一半先至夠味！不過可能因為人多，侍應們都好忙，要搵到人有啲難…查看更多

因為住附近太近，有時都會同老公去食晚飯同飲茶，今日行過見到佢出左羊腩煲🐏🐏，因為我同老公都鐘意食就決定坐低試吓。份量好足，有支竹同馬蹄等配料，全部羊都係羊腩，有啲仲痴住舊骨，好淋，一d都唔柴，真係好好味，再點埋個腐乳醬真係無得彈👍🏻👍🏻。羊腩煲仲有一碟生菜送，生菜都新鮮，碌落羊腩煲到，索晒啲汁，正👍🏻👍🏻。再叫左兩隻乳鴿🕊️🕊️，由晚事特價到而家改為正價，都繼續食，皮脆入味。📍另外一提，羊腩煲星期六日貴$20，外賣平啲不過無生菜送。…查看更多

星期六約左朋友行上山頂之前食返一個好豐富嘅早餐，食飽先開始行山⛰️去到環境好舒服，枱與枱之間好寬，好多空間唔會好迫，餐廳種左好多植物感覺好放鬆。而且假日11點唔會好多人，到12點打後就好似多人流點左個煙三文魚牛油果餐，好足料，女仔食好飽肚。牛油果好新鮮，好綠，生熟岩岩好，好香牛油果味，Waffles 外脆內軟，有楓糖漿提供，好味🧇朋友點左All Day Breakfast, 我試左條腸都好食服務好好，我覺得凍佢都安排另一個無咁大風嘅坐位比我👍🏻…查看更多

朋友生日揀左呢間西餐廳，好有驚喜，菜名全部都古靈精怪，點餐時好搞笑海龍皇Pizza🦞成個龍蝦頭係pizza上，賣相好靚，除左賣相靚之餘，龍蝦肉都好多，而且好彈牙鮮甜，好味蟹膏蟹肉龍大利麵🦀好多好多蟹子，而且蟹肉同蟹膏都好鮮甜，好足料，好抵食，不過有少少蟹殼，但感覺良好，因為證明真蟹肉👍🏻美利堅草字肉眼扒牛肉味濃🐃，都有肉汁，但有少少柴豬頸肉肉碎蛋包飯好惹味，好好送飯，但唔食得辣🌶️就要注意，都幾辣Waffles❌點左一個曲奇味，一個焦糖脆脆，但當日食有苦味，Waffles overcook 左，雪糕都好麻麻…查看更多

今日要幫公司去深水埗買聖誕飾物🎄，行過見到間牛舌專門店就去試吓。叫左個牛舌二重鐵板燒🐃，平日仲免費升級牛舌飯，即係有三款牛舌，最初以為三款牛舌都係用一個味，但原來三款都唔同調味，唔同煮法，食落無咁單調牛舌芯最厚，亦係最好食👍🏻，食落唔會柴，上枱時生生地，要係自己係鐵板煮，生熟情度自己控制牛舌飯雖然免費，但一d都唔輸蝕，加左味醂好有日本居酒屋嘅味道👅每份都有一碟調味料，店員話係青椒麵豉，味道唔會好辣，但可以減輕牛舌肥膩感…查看更多

本來相約2個朋友一齊去吉野家打邊爐，3個人打算叫3個邊爐餐，再追加其他食物，我們分開3次落單，自己叫自己既餐點，其實等同分別3個不相識的客人落單一樣，後面並沒有人等待，但帶眼鏡的男收銀員鄙視我們為何要分單，惡言相向，態度非常惡劣。而且我們使用吉野家的手機app上的優惠卷時，收銀員完全不懂使用，一時又說先掃描優惠卷才點餐，一時又說先點餐後掃描優惠卷，明明就是店員對操作唔熟悉，一張優惠卷分別唔同情況至少掃描5次，我們都沒有出聲，反而怪我們分單。原本是一個開心既聚會，但竟被人無惡對待，如此大型既連鎖食店，竟然有如此問題的員工，公司應該多加留意…查看更多

完全不能接受刺身唔新鮮，無鮮味，蝦頭臭燒蠔大隻但好多隻都係臭幾兜蜆煮左一個鐘都唔開口，完全唔新鮮，清酒蜆個蜆落左好多糖送既海鮮拼盆入面既蟹膏，甜到不得之了，唔係鮮甜，係落左好多調味料個隻甜，全部人無食燒蝦第一次送黎又大隻又甜，但後加既蝦，全部霉霉散散，完全唔得叫既刺身唔足數量，一大迫埋係一隻細碟，又無冰坐底壽司d飯未熟，硬，好過份飲品小選唯一覺得龍蝦煲既粥真係好食真係要讚佢地既服務好好，好好笑容，有禮貌…查看更多