食物中伏皇的个人专页

第一次食，侍應已經好冇禮貌，黑口黑面！明明有位但係夾硬將d客搭枱坐，感覺好差咁啱有人走就轉坐入去卡位嘅時候，有隻曱甴跑出來，超級唔乾淨！一路爬去其他食客，侍應即刻捉住佢，當冇事發生，同我道歉都冇坐落去嘅時候feel到啲櫈油淋淋，枱面都係黐黐立立，杯嘢飲表面係層油嚟㗎，好明顯係洗得唔乾淨！即刻食唔落嘢，超級唔衛生，真係冇下次！食物方便中規中矩，唔算超驚艷，味道可以食得落不過衛生程度好有問題，連個麵入邊都有頭髮🤮🤮…查看更多

5個人給張大枱(10人枱)距離有點遠，座位不太好當晚已經不多人，但上菜速度都不快我最嬲的是，我叫了個水煮魚，點餐時講咗2次「原條上」個店員都點頭話好上到菜見到有頭有尾我以為原條，食咗2塊唔對路，撈起晒出嚟睇，原來係切片，同個店員講返，佢反應係「下，你係要成條上呀？」請問你聽唔明咩叫原條上，咁你又點頭答好？仲要同你confirm咗2次，你都係答好。好嬲，之後仲要扮無野又唔換唔賠點解我咁執著要原條？因為佢切片後少咗好多肉，懷疑佢偷工減料，成鍋野得返5-6片魚，我5個人一人食到一片咋，百幾蚊食一片？下面全部都係用芽菜金針菇薯粉墊底真係以後都唔去食，大家都唔好去食其他食物都唔好得去邊第一：口水雞雞係霉又鞋，好大陣雪櫃味以前呢碟只係$50而家加到要$70幾，傻的嗎第二：宮保雞丁細碟咗勁多，份量勁少雞肉粒少到得一半，另一半就係花生咁都要$78第三：蔥爆牛肉炒粗麵非常油膩，粗炒淋嘅，完全唔似粗炒，似最cheap個啲烏冬不過佢價錢平過以上小食，$68算係咁但都係唔好食，一啲鑊氣都無，又油，食完會中風第四：香醋排骨最好食係佢，做到外脆內軟，但都係肥膏多而且份量又係好少，做$78，唔算抵，去茶記食平過佢有鑊氣過佢好食過佢！真係執得…查看更多

旺角有好多韓國餐廳，同朋友盲中中上去試新嘢可能Lunch time，人流比較靜，都有好多空位坐座位都好寬敞，坐得好舒服😌兩個人叫左兩個lunch set 都係二百幾埋單，ok la!每個套餐都會有3小菜、1湯、1飯，小菜基本上都是韓國特色的小菜，例如泡菜、芽菜、蘿蔔等等，飯前開開胃！🔸人蔘雞湯配白飯 $118職員推介他們家的人蔘雞湯的人蔘味會特別出味，是甘甘甜甜的味道，果然喜歡喝湯的你可以試這道，你會喝到濃濃的人蔘味！雞有半隻，它長時間煲所以肉質會比較硬，但注重喝湯的精華就好了～🔸牛肋骨飯 $128牛肋骨最可以反映到餐廳的質素，這間的牛肋骨都很高質，雖然細細碗，但裡面都有三至四塊肉和幾塊蘿蔔，牛肋骨的肉質鮮嫩，入口即溶，很易咬開，而蘿蔔炆得非常入味，是鮮甜的，沒有苦澀味！是眾多菜裏面最好吃的菜！🔸飲品飲品都韓國特色罐裝飲品，我選擇了雨前龍井茶及樂天檸七！…查看更多

見到有咁多好評於是入咗去食，呃人嘅，難食到嘔仲要有加一服務費，都唔知有咩服務… 叫人又無人應，成間店得個2個職員，落單都係掃qr code自助落單…👆🏻小食叫咗個炸花枝丸，叫做最正常個個，好彩個丸唔係粉唔係淋，都仲彈牙嘅，但好普通，同埋貴！👆🏻小食仲叫咗個韭菜豬肉水餃，超唔掂，個皮厚到呢，搞到無咩韭菜味又無咩豬肉味，淨係食到粉皮味，同埋貴👎🏻👆🏻川味紅燒三寶牛肉麵，超普通，啲人話好食一點都不覺得！麵又淋，湯底淡，價錢貴👆🏻終極大佬嚟啦～和牛炸醬拌麵都唔知食咗啲咩，諗住和牛係有一片片和牛片肉啦！點知係肉醬/肉燥，仲要滷豆腐仲多過啲牛肉，嬲咗😡咁嘅價錢唔值得咁嘅食物！味道又係好淡，和牛炸醬無味，不建議叫，搵苯！👆🏻做推廣送個珍珠奶茶布甸，叫做最好食但兩個人，係佢面前like晒fb，佢只係送一個上嚟，問佢唔係一人一個咩？佢先補多個，可能想側側膊慳返一個？🤔…查看更多

話說我都係上網見啲人推介呢間嘅杏仁餅於是老遠跑來上環去買啲返去第一次買，唔識野，問下原粒杏仁餅同粒粒杏仁餅有咩分別，職員已經不耐煩咁講，又無提供建議，所以我亂買，點知真係買錯咗周圍行下都好合理，職員好似當我地係賊咁🙄最後埋單俾錢，個職員超無禮貌，收完錢掉張收據落枱面，而唔係交俾我，連一句多謝都無講，完全無出聲好似啞咁😥😥😥仲話百年老店？街坊生意？完全唔會想再幫襯～食物方面都唔好食嘅，個雞仔餅又硬又唔好食！好普通，唔會專登去佢度買另外個杏仁餅都係硬到石頭咁，又無咩杏仁味，澳門鉅x都好食過佢！真係唔值得去買！…查看更多

上個月同朋友去呢間新開嘅日本餐廳試Omakase，食物中上，個日的服務都ok（但發生咗事情後個侍應態度轉變）事源一早book咗位慶祝朋友生日，book位個時問生日主角中意乜嘢，佢可以畫出嚟，但佢要叫雪糕先得（然後侍應話如果唔叫雪糕都唔緊要嘅…最多佢請佢食）心諗咁好服務嘅？咁未去之前已經加分啦！當日去到，叫$880舍，係lunch set最貴個嗰1點去諗住可以慢慢食啦～但中間等候上菜時間較多，因為師傅要一個處理兩枱客（隔離枱客大約2點到）然後去到尾聲時就好似趕頭趕命咁，收晒我哋啲嘢上其他嘢，時間控制方面可以好點！前菜及溫泉蛋，個蛋好普通，有少少碎，個沙律係柚子味，但啲菜唔多，細條一支支菜，有點難食個刺身係好食，俾咁多錢我諗最值得食就係呢個刺身，好欣賞佢個碟好靚，刺身都新鮮，不過$480都有呢個刺身，所以食平啲都可以享受到因為有十件壽司太多件放唔晒啲相，所以拼做一張，但點解得9格？因為師傅漏左一件，我當時其實有反問個師傅真係夠十件咩？佢話齊啦，所以我就由佢，返到屋企睇相時數來數去得9件，所以打返去餐廳確認，原來真係漏咗，個侍應有道歉但已經唔係booking個態度，有少少唔漏都漏左，你想點ge feel（可能我諗多左？）事後老闆娘有打嚟道歉，但佢解釋係個師傅前晚飲醉酒，第日身體唔舒服咁返工，同埋要同時整兩枱客，一時漏咗…叫我下次再去幫襯時候補返一件俾我，老闆娘都好好人的，話請我飲嘢賠罪！於是我呢個月又book咗星期六去食，諗住食$380個set，仲加多一位朋友去，book位時侍應聽，佢話星期五六日唔做$380，同埋係咁強調補返上次人數嘅件數（意味住多一位朋友個個唔會俾）我當下無講乜嘢，心裡只係覺得佢唔夠大方，明明係餐廳做錯咗，迫我要再幫襯，然後只係補返我應得嘅嘢…不過呢啖氣我吞咗落肚！侍應收線前都有話會通知老闆娘～於是去到再次幫襯嘅前一日，打嚟confirm booking，係個侍應，佢再次強調補返上次人數嘅件數，我個心炆咗，我話老闆娘知唔知我嚟？因為我expect佢打嚟同我confirm不過無。最後我取消左無去到，因為已經唔想再去，有咁多間omakase餐廳，我要去一間有信譽，令客人開心嘅，好容易！我係想提醒下，去食嘅要留意，可能餐廳會側側膊俾漏你，然後你去食，佢又賺你一餐錢，唔去食佢又賺你一件錢！食物方面：呢個價錢俾啲靚質素是理所當然吧！所以佢啲壽司都係好食嘅，不過係貴，俾少件，就貴上加貴！$880就會有呢個燒蠔，一般啦，燒完無晒蠔味，調味較多，唔值得食呢個吞拿魚蓉手卷要加$70，基本上無人唔加，佢過嚟sell講到係signature，唔食唔得！其實都好一般，都係數字遊戲，因為以前個餐係$980，可能就係咁平咗，呢度又叫你加返好普通的湯講到雪糕，我朋友點知真係無點雪糕，叫咗咖啡，侍應當然無請佢食雪糕啦，我就迫住點雪糕，讓咗俾朋友！所以侍應講嘅嘢唔好盡信！…查看更多

見到咁多好評，於是同朋友去試個lunch buffet啦，我都係俾生蠔、長腳蟹吸引咗！12:30準時開始，點知去到，係完全兩回事，超級失望！首先個日無長腳蟹食，已經感覺蝕本咗！仲個場細到一眼望晒，同埋唔知點解超多人，全部都係叔叔伯伯姨姨嬸嬸，超級無質素，連用部自助飲品機都唔識，但又無職員從旁協助，搞到排超耐隊先斟到杯飲品！仲要部機short short地，只出熱水，應該係機入面無晒粉，職員又補唔切！入座自動送上一人一碟4隻生蠔，我從.來.無.見.過.咁唔新鮮嘅生蠔！中間個位係變咗米黃色，cream狀咁，勁霉嘅味道，食完想嘔！同埋又鹹又有沙，好明顯處理生蠔好有問題！仲話主打係任食生蠔🙄食一隻都想走其他熟食都係唔好食架，款式又普通，粉麵變咗粥？無言。百幾二百蚊食呢d？我出去餐廳好過！甜品都係勁cheap又唔美觀！😓真係超唔值，你覺得平，但其實你去咗係最蝕！…查看更多

估唔到k11 musea咁高檔地方都會有咁差質素餐廳店內只有1-2名職員，點餐取餐都是自己做，呢個價錢我洗鬼係度食咩？我去返food playground食唔好？真係中晒伏兩人咁樣叫，已經$300又唔飽，我食車仔麵無咁嬲❌京都洋蔥和牛飯 $108呢個真心差，啲牛係最cheap牛肉，連吉X家牛肉都好過佢，佢呢d又無味又硬，仲話係和牛？呃人吧！擺個樣都衰過人，見到都唔開胃❌曼谷牛腩船麵 $98呢個正常d，味道可接受，但份量偏少，仲有配料好普通，完全食唔到難忘感覺❌小食拼盤 $98食左兩舊春卷先記起要影相報告大家（完整版睇返第一張相）呢個伏到爆，$98俾d咁嘅嘢，雞翼仲要單骨，肉硬無汁；串燒肉又鞋口又無味；炸魷魚好細條，無鮮味；春卷都係無味，食完想嘔！每一個小食好差，千祈唔好叫佢，又唔好食又唔抵食，換來成肚氣…查看更多

觀塘有好多選擇，一定唔會揀佢！❌❌個日黑仔，一句想試新野，就試左佢！食到柯左成晚，食物很差，我俾最貴嘅價錢$338食垃圾，又話無限時，9:05就派單話要賣單先，又話9:15 last order（咁早就last？）然後我聽佢話去賣單，賣完想再last order埋點知話已結單落唔到單（個時係9:08pm）呃人嘅！魚生無得encore，得個少少，質素又唔係特別好 酸菜魚係成晚最滿意，魚質都算滑其次係個牛小排，又係無得encore，勁cheap本來我叫美人鍋，花膠硬到死，最cheap嘅花膠，然後我落咗海鮮，點知蜆有沙，搞到成鍋湯都黑色，好彩個職員好人，主動話幫我哋換過鍋湯，換咗豬骨湯，但都彌補唔到食物質素差嘅憤怒，我俾最貴嘅價錢$338食垃圾$338可叫肉類款式唔多，只有牛肩胛、豚肉、羊肉，牛肩胛又俾得少，明明寫每次落單限3碟，但上菜只係俾2碟，我覺得奇怪就問個職員，佢話每次俾2碟，公司規定！咁你哋寫俾客人就唔好寫3碟，誤導客人！仲要佢個系統消失咗雞肉，明明話有雞肉點，我搵唔到叫左個職員幫我點，佢係人手點，佢都奇怪點解系統無！又係呃人最後上個甜品細到一啖食晒，不如甜品都唔好送啦！人哋食movenpick 配料完全係垃圾，一定無下次，加上會叫晒身邊朋友唔好食你哋，人哋「牛X人」料靚過你，價錢又平過你，一定唔會食你！…查看更多

咁岩係APM行街唔想搵其他地方，所以5打5撞去咗Table 18，點知伏到爆！服務差，食物差，價錢貴，1 d 都唔值呢個價，埋單要成$800，呢個價唔係佢呢度食啦！因為當日遲入，8:45-9:00入去個職員已經唔想我地入，9:50就趕我地走！前菜點個生蠔食，又薄又細隻，睇相都見到薄，咁都要百幾蚊，千奇唔好叫，非常中伏呢個benedict 全部食物中最好味道正常，不過個包皮有d硬，好難咬開，都算難食，好似$80-100咁上下呢個漢堡包都係難食，個塊牛肉又乾又無味，薯條最正常千奇不要不要叫飯食，個汁難食到嘔，伏到爆呢個燒腩仔得幾塊薄嘅，又硬，1 d都唔脆呢個係黑椒汁牛肉飯，但係牛肉硬到咬唔開不過個汁好味過樓上個個，但仍係好難食！最後杯飲品唔得之中嘅得，正常一杯藍莓飲，但味道好淡…查看更多