wongck112的個人專頁

A Disappointing Dining ExperienceMy recent dinner at No Money So Lonely was unfortunately far from enjoyable. Dining as a party of two, we were initially drawn in by the quirky name and intriguing concept, but what followed left much to be desired.Firstly, staff seemed disorganized and disengaged.As for the food, one dish even had a suspiciously stale aftertaste, raising concerns about freshness.This restaurant regrettably delivers neither value nor quality. With subpar food and underwhelming service, not a place I would recommend revisiting.Rating: ★☆☆☆☆…查看更多

天氣實在太熱，想食少少醒胃少少既野，所以就約一班朋友黎到佐敦試下尼泊爾菜啦~發現尼泊爾菜可能對於香港人黎講實在太冷門，所以幾乎我地4個人包場咁濟，同埋入到去都好認真地會量體溫，提供每檯一支搓手液，十分抵讚!今晚食左好多野，不過唔知係咪因為生意較淡，所以店面得一個Waiter哥哥，但整體都反應好，服務都幾好!前菜脆脆脆脆應該係前菜，送的。用黎點佢提供既辣汁味道唔錯，幾開胃喔!Samosa ChaatSamosa Chaat姐係haat姐係雜豆咖喱角，佢將豆類釀入咖哩角再炸，再淋上各種醬汁，味道好香好惹味，不過反而咖喱味唔強，但整體都好好食!乾炒辣牛肉好有趣地幾乎成張Menu都搵唔到牛肉的，唯獨係有呢個乾炒牛肉。由於同行友人堅持想試下，所以都叫左，其實就係辣炒牛肉乾先真，味道一般，十分乾身，牛肉味亦唔算好出好香，較其他食物失色~Mango Lassi & Plain Lassi咁岩佢飲品做緊買一送一優惠，咁梗係要試下啦! 其實佢個Base應該係Greek Yogurt，打埋其他果汁及果醬打出黎，味道開胃都唔錯，不過未必落左真芒果，或者果肉份量真係好少，但味道都好OK~勁辣雞真係好辣，同埋佢加左少少特別既香料關係，辣到同行友人都頂唔順，同埋有少少苦，變左反而欣賞唔到佢既味道，但雞肉幾滑，都OK!咖喱羊咖喱好好味，用黎配搭Naan Bread味道一流，羊肉有少少碎，但整體味道都好好食!Garlic Naan & Butter Naan可惜店冇提供Cheese Naan，但呢兩種Naan用黎配咖喱都好好食!整體黎講味道唔錯，價錢合理，下次可以再試!…查看更多

中午外出工作，因為天氣勁熱，而時間未到既關係唯有同同事去飲杯野傾埋公事~ 咁經開就是但搵左呢間瓜破菓子店行入去都有量體溫，同埋有酒精搓手液，唔錯!整體上店面都乾淨! 另外店員態度都唔錯!咁就叫左coffee tonic同埋氣泡荼Coffee tonic因為我要求左走糖，所以味道偏酸，雖然店員事先都有講明，不過同時反映左店鋪用既咖啡豆唔係好靚，可惜! 但整體黎講杯野都消暑解渴既，不過可能已經飲慣左一眾高質既Cafe，條脷已經寵壞左啦haha!氣泡荼茶味都幾出，同埋因為係有少少梳打水既關係都好解渴，不過如果奄尖地講，氣泡密度唔夠高，反映鋪頭用既梳打水唔係靚貨喔! 不過間野既蛋糕都幾靚，下次有機會再試!整體黎講，店員服務態度好，飲品質素尚可接受，期待改善用料!…查看更多

放工經過TST，口痕想搵個BAGEL食下，search下openrice搵到N1原來有賣Bagel，所以又再次入黎二探啦!咁首先N1既衛生揩施做得好足，探熱，提供酒精搓手液，而且店面細細都盡量做social distancing，加上用餐前都會送上酒精濕紙巾俾食客用，十分抵讚!煙三文魚cream cheese bagel本身係為Bagel而來，當然好有期望啦! 咁個Bagel一D都唔馬虎，Bagel本身口感夠煙韌，唔會咬落似麵包，值得一讚!另外Cream cheese加上煙三文魚亦都好夾，令到成個Bagel既口感好豐富! 每次食Bagel明明都只係一個包類，但個種口感總會令人好有飽到感，反而可以令人食少左野，加埋三文魚同少少cream cheese同沙律菜，令成個餐都好健康，營養均衡!Americano味道唔錯，酸度苦度同咖啡香好配合到，所以都唔錯!…查看更多

同朋友經過TST，見到光榮冰室，係一間充滿港式味道既茶記，而且係TST好難得，而且係疫情下膠板亦隔得好足，安全又放心，所以更加值得幫襯啦!叉燒滑蛋飯($45)本身叉燒滑蛋飯係好基本既一款快餐，所以期望真係唔會太高。不過食落發現原來光榮冰室既炒蛋係用高質雞蛋，蛋味好夠同埋顏色都好靚，食落亦好有蛋香，而叉燒係就係瘦叉燒，但味道亦唔錯，加埋豉油汁都調較得好好，令到成件事係基本得黎反而好有驚喜!另外值得一讚既係份量好大份，一個大男人去食都好飽，食唔哂，性價比極高!開心浩園餐 ($49)雖然唔知點解個名咁得意，好似M記咁樣，但係食落又真係好開心! 皆因佢用左三隻大太陽蛋，蛋黃顏色好靚好靚，生熟程度亦都岩岩好! 加上豉油汁係面，由於豉油汁唔會太咸，所以食落亦冇搶哂雞蛋既鮮味! 值得一讚! 雞蛋蛋汁同豉油汁撈落白飯都亦都好好味! 即使個飯既份量好大份亦都令人食得哂! 另外仲有塊蔥油雞扒，雞扒都幾滑，而且都大塊! 蔥油亦都好夠香，果然係招牌菜!另外樓面服務態度都唔錯，反應都好快，比起一般茶記更加有禮貌，值得一讚。總體黎講性價比十分高，值得下次再黎! 支持!…查看更多

因為工作行經開牛頭角，突然口痕想搵少少野食，打開Openrice望下有咩小店啦，咁就見到Coffee Slave入到去裝修就幾大，樓底好高好舒服，職員都友善咁介紹番食物，不過由於我未去到Lunch時間未肚餓，所以叫一個Bagel黎食，加杯野飲啦 Coffee Tonic Coffee Tonic有少少甜味(如果我知會叫走甜)，成杯清爽感好出，咖啡同Tonic之間平衡得幾好，唔會冇哂咖啡味，亦唔會過份地多冰，凍過頭之餘搞到飲兩啖就哂，good!Cinnamon Raisin Bagel由於本人係Bagel fan~ 所以可能對於Bagel要求會有少少高! 可惜佢Bagel只能一個個咁賣，冇出Set。Cinnamon Raisin Bagel加熱完之後配果醬上，反而令人有少少失望，首先Bagel個形狀唔靚仔，另外以Bagel黎講應該要實淨少少，Chewy多少少。另外作為Cinnamon Raisin Bagel，佢既肉桂味未夠突出，未夠香。同埋食得出佢個Dough未夠濕潤，所以Bagel中間乾身左少少。如果由配果醬改為配Cream cheese，應該會比較理想(當然成本會貴左啦)整體而言野飲好飲, Bagel可以加強。下次再黎食Lunch支持…查看更多

咁岩行過佐敦肚餓，又口痕想食少少新口味既野，見到一間好平民既小店Chulo Nepalese Home Cooking，所以就行入去試下啦。咁入到去都好地道，都係尼泊爾同南亞朋友為主，望下餐牌見到個從來未食過既食物叫Dhido，google一下發現Dhido/Dhindo係尼泊爾茶其中一項staple food~ 雖然以前既人會覺得Dhido係低下階屠既食物，但隨時間改變大家應該都學習下理解新既事物丫~ 其實Dhido姐係熟粉團，將各類麵粉加入清水煮熟(或者加少少油)就係啦，咁得意梗係要試下啦! 所以叫左個Dhido veg set~$55 Dhido口感其實好似糯米池，但冇甜味，有麥香同穀物味。佢主要食法係用手搣出黎點湯或者咖喱汁食，但我當然用叉啦，乾淨少少。Dhido配番咖喱汁你唔會好大期望，主要姐係等於咖哩汁撈飯咁，不過其實幾新奇，味道OK，可惜今次既Dhido Set既咖哩份量偏少，CP值扣左少少分! 另外Dhido好飽味頂胃，如果消化唔好既朋友未必一次過食好多呀。其實仲想飲芒果沙冰同試下Samosa架，不過食完Dhido已經好飽，所以就留待下次啦。…查看更多

在附近工作完，跟同事黎一齊飲茶，首先就係地點係大學入面黎講都叫方便，近住火車站行10分鐘就到，都算OK~而服務亦都唔錯，唔需要等位，斟茶斟水都算快手，值得一讚!食物方面不過不失，食左米網腸，叉燒腸、貴妃雞、干燒伊麵、蝦餃、糯米雞、野菌蕃茄雜菜煲、馬蹄糕，汁燒茄子簡單描述幾款較為深刻既食物:米網腸香脆得黎唔會好似油浸咁樣，可惜既係腸粉皮唔夠薄，而且米香唔太出，可以有多少少改善。不過新鮮炸起，夠熱夠脆唔油饐，已經合格有突!蝦餃，蝦都叫爽口有蝦味，當年呢口價錢你唔會期望係新鮮大蝦質素，不過難得地冇雪味，已經好唔錯啦!反而蝦餃皮整得唔錯，幾通透!貴妃雞，雞肉夠滑唔粗鞋，有分加! 食落都好香，值得有回頭! 可惜既係上碟既時侯碟底有一大擔類似水同雞油既混合，賣相變左咁冇好睇，而家D雞油會痴番上D雞肉到，令人感覺有少少Heavy。可以改進既係師傅斬好雞肉上碟前隔番一隔水同油，令雞件乾身番少少，唔會好似油浸咁樣，就90分啦! 可惜蔥油唔夠香，醬料選擇亦可以多花心機，咁就100分啦!野菌蕃茄雜菜煲，意外地好食，大份，清淡又健康，平衡番點心既油膩感，值得叫!…查看更多

同朋友係天后約食飯，揀左坐忘呢間餐廳，地點都好方便，雖然鋪位唔算大，但都叫做坐得舒服，環境都靚，值得一讚!豬軟骨丼豬軟骨真係好軟熟好滑，食得出係花左時間去製成，而且充滿膠質，食完好滿足!唯一要挑剔就係豬軟骨份量小左DD，另外白飯方面都可以改善下，例如加番少少飯醋，可以減輕番豬軟骨既油膩感! 另外比較奇怪既係配沙律菜，而且唔係另外用碟上而係放係飯上面，有少少格格不入! 建議用番熟既野菜，或者沙律另上! 不過都係小建議，主體係豬軟骨，仍值得一試!豬軟骨野菜咖喱飯豬軟骨同樣地係超入味之餘，一樣係好鬆軟好滑!而且配日式咖喱及多款野菜，味道好夾，唔錯! 加$5 仲可以配番蘋果汁，提高CP值!雖然店舖座位之間空間比較緊密，但但下面有位俾你放袋，都好貼心！而且位置同位置間有膠片相隔確保衛生，食得安心！…查看更多

早上要到北角開會工作，開會前要搵間Cafe坐下準備，早上9點幾唔算好多Cafe有開，加上唔想幫襯難飲既大集團coffee shop，所以搵到呢間Cafe Gen la~咁Cafe入面裝修都幾靚，地方尚算闊落，坐得都幾舒服。另外店員服務幾好，幾友善。其實今次係第二次黎到啦，咖啡未試過好多，因為早上次次都係飲Flat white with oat milk，質素都係一貫地穩定，唔會令人失望，可以為早上醒一醒神!另外今次叫左個牛油果Bagel!本身我好鐘意食Bagel，因為好鐘意咬口又煙韌既口感。咁Cafe Gen呢個牛油果Bagel味道都好唔錯，牛油果份量都好新鮮同足料，食完去到Lunch既時間都仲未餓，所以都抵食，haha。CP值OK la，下次會再支持!…查看更多

經Openrice book左夜晚黎食飯，係一間值得香港人大力懲罰既店黎! 一入門口裝修好舒服，貼滿令人順眼既海報同Memo紙之餘，冷氣夠凍，檯與檯之間既分隔都唔錯! 黃金蟹肉軟殼蟹意粉味道OK! 意粉唔會令你好驚喜，但都叫做可以接受，軟殼蟹香脆乾淨，意粉份量都夠大!手撕烤豬肉沙律好食! CP值高，烤豬肉唔會太老，味道岩岩好，建議可以一試!果醬奶油窩夫配鮮果（玫瑰蘋果果醬）(Full)窩夫反而好好食，佢上檯之際仲係熱熱的! 雲尼拿雪糕有雲尼拿籽，又幾香，配窩夫一流! 我個人都都幾鐘意雪糕X果醬X窩夫呢個組合，感覺新鮮又好夾! 可惜因為叫左Fullll冇機會試埋鬆餅，下次再試!  另外仲叫左個玫瑰蘋果果醬熱飲，味道少少酸酸甜甜，都係呢間店值得試既classic drink!…查看更多

同朋友係旺食食完晚飯，要搵一個地方休息hea下同吹水，所以打開地圖搵下附近有冇黃店，好快就搵到小念頭! 鋪頭係一生懸麵隔離，要禁鐘仔上一層樓梯，叫做方便但有少少少少難搵。上到去已經見到好靚既裝修同有意義既海報，值得支持! 今次食左件咖啡芝士蛋糕，而朋友就像伯爵鮮奶茶。另外今晚上去人流唔係太多，雖然坐得十分舒服，店員亦好好服務，但反面證明大家要出力懲罰啦!咖啡芝士蛋糕($42)好好食，有好既芝士味，奶味同少少少少咖啡味，怕咖啡因既朋友相信夜晚食都唔會擔心訓唔到，餅底亦好脆，係高質之選!伯爵鮮奶茶(~$45)由於朋友唔食甜野所以叫奶茶，佢同伯爵茶雪凍成一粒粒類似粒粒雪糕咁既冰，然後俾杯熱鮮奶你撞落去，出黎效果奇佳，咀刁既朋友亦大讚好飲! 值得一試整體小念頭CP值好高，已經係第三次幫襯啦，繼續支持!…查看更多

自從上次黎到食完Bagel同飲完啡之後，好想再黎試下佢地其他既野食，所以特登再黎幫襯多次啦! 今次因為比較飽既關係冇叫到Bagel，改為叫左件千層蛋糕，Fuji Green同埋一杯手沖咖啡。再提一提限聚令之下，大家入到外賣或者堂食都要量體溫，檯定檯之間亦有多於1.5米既距離，因此有機會等侯時間可能會較以往長架，另外呢間係一間黃店黎，享受美食之餘又添加一重意義!千層蛋糕上次食過佢地既柚子蛋糕，十分出色。可惜既係今次千層蛋糕相對失色，Cream既香味唔突出，淨係食到甜味，餅皮既味道亦一般! (可能因為我食開LadyM，有對比啦)Fuji Green難得地係香港搵到有抹茶味既抹茶飲品，佢落左好少好少糖，基本上係唔甜架，但取而代之既係抹茶香味同埋奶香味，如果大家唔慣，可以請Barista加番少少朱古力漿或者糖。但係好飲既!手沖咖啡今次試左隻Ethiopia既豆，佢地手沖既製作認真，不過相比佢地既Latte類飲品既水準，手沖咖啡既香味同層次都相對唔突出! 不過每一間Cafe都係佢地擅長既範疇，大家仍然一定要黎試佢地既Latte呀!真係好好飲!…查看更多

限聚令之下，都唔敢出市區用餐，但又口痕想搵個就腳地方飲杯咖啡同食件餅，所以就黎到#Coffee啦。BTW，重要的是，#Coffee是一間值得香港人支持的黃店黎架。 首先如果要Google的話，大家留意要search Hashtag Coffee先會搵到間Cafe(可能因為#Coffee出唔到)，另外限聚令之下大家入到外賣或者堂食都要量體溫，檯定檯之間亦有多於1.5米既距離，同埋客人都係直線坐成一行，背對背坐，防疫措施叫做得好足，值得一讚! 牛油果Bagel由於三文魚Bagel賣哂，咁就叫左一個牛油果Bagel，非常之用心既製作，Bagel好香好有口感，牛油果肉同牛油果醬都好多，一D都唔孤寒! 而且牛油果肉都好靚好新鮮，另外食到有好少好少黑椒粒，橄欖油，黑醋同薄荷葉既香味，好有驚喜，可以Encore!Magic拉花好靚，咖啡既質素高，奶係用明治Premium奶，非常抵讚。柚子蛋糕(Seasonal)柚子香味好清新，蛋糕亦唔會太甜太Heavy，非常值得食。整體黎講好滿意, GOOD!…查看更多

路過新蒲崗工作，經過一間黃色小店，地方都尚算方便，雖然店面唔大，但比起樓下P記咖啡一式一樣既裝修，我更prefer ampersand呢類用心經營既小店，入面既風格同裝修都係黃色色系，比人一種好舒服同温暖既感覺，值得支持。咁就order一杯latte, 仲可以加錢轉oatmilk, 更健康既選擇。另外由於疫情關係，而家要量體温先可以入店，店長好好，仲提供信封比我去存放口罩，非常窩心體貼！Latte就幾好飲，咖啡同oat milk既比較剛剛好，不過我會prefer更濃既咖啡味，整體都抵飲既，希望可以下次試埋其他口味既咖啡啦！…查看更多