兵來將擋的个人专页

今日特登揸車落西營盤試下蛇王海，有時見到網民讚好食， 就落去試下，本人都試過北角、中環、 及西灣河， 呢間西營盤蛇王海真係不得了！ 好食到我影唔切相😅😅我叫咗個淨糯米飯， 一個細蛇羹， 另外一個大蛇湯，以及支竹羊腩飯； 呢個糯米飯對於我嚟講非常好食！ 佢唔太乾身， 係比較淋身juice，好似我小學食過一個糯米飯，所以今日係特別開心♥️ 蛇羹好多料， 蛇肉、木耳絲、冬菇絲非常多！ 好香！蛇湯真係不得了！ 係好濃烈嘅藥材湯，但係唔會令人接受唔到嘅藥材，好好飲嘅蛇湯🤤🤤 支竹羊腩飯，羊腩炆得好冧，唔錯！…查看更多

無論食材、質素、專業都係無需擔心！ 因為你好似返咗日本食緊拉麵！ 位置不多，只有十零個座位，地方比較狹窄，但氣氛好好！係典型一般日本拉麵店，食完就可以起身走。日本老闆好細心， 雖然佢已經不停走嚟走去招呼客人，但見你杯水只有一半，會立即過嚟加水🤭叫咗個章魚燒同埋雞皮餃子，質素好高！送到面前係好熱！另外有個牛筋沾麵， 麵底好夠熱，但係湯始終都係爭啲。…查看更多

夜晚洗完架車已經八點半！好肚餓😵‍💫😵‍💫，拿拿林搵下邊度有好嘢食，見咁耐都冇食過大排檔畀我搵到柴灣四喜大排檔， 好有細個食大牌排檔嘅風味😊 一食唔得了！ 質素水準一流！ 夠鑊氣！淨係講個椒鹽九肚魚外脆內軟！滑捋捋！夠曬熱！芥蘭炒牛肉 又係冇得輸！牛肉軟淋淋、重牛味； 啫啫雞煲最驚喜係有埋豬潤！超好食！ 又係鑊氣十足！辣酒煮花螺同平時食嘅有啲唔同，佢真係好重酒味！而且唔散～請教咗師傅佢哋做法有另一套，好特別！ 鍾意烈酒嘅朋友，可以一試！多寶魚好大條！又滑！ 啖啖肉！真係食唔曬！ 時價今日＄180，超抵！兩個人食五個餸，一碗白飯埋單＄654＊＊ 咁當然講叫得大排檔就喺街邊， 通常都比較熱鬧…查看更多

呢件事係千真萬確 ! 唔想街坊食咗啲垃圾落肚! 之前都幫襯過幾次，係真心覺得佢好食又平，之後記得當時仲係covid嘅時候， 入去諗住幫襯下， 點知… 睇到啲唔應該睇嘅嘢! 我親眼見住個老闆將客人食淨嘅牛丸，用手拎起，擺返落個湯煲度，扮冇事問我要乜嘢， 我嗰下即刻呆咗! 咁唔衛生嘅野做得出! 咁我之前究竟食咗幾多唔衛生嘅嘢？？ 佢都唔少人幫襯呀😡點解咁嘅嘢都做得出😡我嗰下真係好想鬧佢! 但係得我一個人見到! 我又係一個女仔， 跟住就好灰地離開咗😭…查看更多