lkenneth1012的个人专页

今晚約左朋友睇戲，套戲開7:15pm，吾夠時間食晚飯，咁不如食住輕食頂住先！宜家時下流行d 布丁pancakes ，我就覺得麻麻，反而傳統我喜愛d！今次叫左tiramisu 味pancake,pancake 有3層，中間最濃味，咖啡粉又夠多味道夠濃，pancake質地啱啱好，吾錯！另外叫左沙𣲙飲，平時好少飲凍咖啡飲品，不過天氣實在太熱，叫左一杯咖啡味沙𣲙，另一杯係桃味沙𣲙，咖啡沙𣲙咖啡味夠濃，另一個我欣賞係吾甜，我鍾意。而桃味都好有桃味，亦吾會太甜，可以試下！如果想食小小野又吾會太飽的話呢間可以試下！…查看更多

早前同朋友去尖沙咀睇戲，順便食飯，睇完戲都9點幾，就去海運上面睇下仲有咩好食！之前好幾次經過度小月，都要大量人排隊等位，今次竟然無人排，仲要即刻有位，那就不用他想了！今次叫左擔仔麵，炙烤胡椒肉，黃金蝦卷，平安鮮蚵湯，櫻花蝦高麗菜。擔仔麵-味道算ok，不過蝦有d實，勝在細細碗，可以叫多樣野食！炙烤胡椒肉-胡椒味多香，肉都算有味，佢有個醋比你點，點左好食左，可以一試！黃金蝦卷-呢個我自己覺得吾錯，有蝦味，炸得夠翠，推介！平安鮮蚵湯-湯好清，有蚵仔味，不過不失！櫻花蝦高麗菜-呢個係無期待之下有驚喜，櫻花蝦夠多，基本每一次夾都可以有櫻花蝦有菜，而且估吾到櫻花蝦同高麗菜一齊食都幾襯！總括來講，價錢不貴，食物質素都吾算差，今次仲有海景位，如果吾使等位我覺得可以一試，我都會再黎試下第二啲嘢食。…查看更多

鍾意食炒蛋嘅人一定聽過旺記冰室！筆者已經去過數唔到幾多次，今日終於的起心肝寫返篇食評！作為一個無蛋不歡既人，而且又耐吾耐就需要去灣仔做野，好自然午餐既時間就會諗起去旺記冰室食返個滑蛋义燒蛋飯！旺記既滑蛋叉燒飯同滑蛋蝦仁飯都整得好好味，但本人就比較喜歡食滑蛋叉燒飯，蛋炒得夠滑，义燒夠多，又唔會太燶，再加上佢哋用甜豉油，(我覺得係日本豉油)，加埋一齊食真係絕配。其實佢哋嘅滑蛋蝦仁飯都做得好出色，蝦夠多，又吾會炒得太耐，炒到霉晒，不過我真係覺得滑蛋叉燒飯整得比較好食！我今次仲叫左杯熱奶茶，真係一大享受！可惜佢哋嘅奶茶茶味唔夠，如果連杯奶茶都好好飲咁就真係贏晒！我真係覺得佢哋嘅滑蛋叉燒飯係百食不厭！不過佢地既缺點就係鋪頭吾大，坐得迫左小小！而且繁忙時間一定要等位，大家要注意！…查看更多

朋友之前講起邊間咕嚕肉好食，我即刻諗起高高酒家嘅冰鎮咕嚕肉，所以就約個晚餐一齊食！今次係第三次黎高高酒家，之前都係人小，試吾得多野食，今次有成11個人，可以試多d喇！今次食左：脆皮炸豬手 - 豬手夠入味，吾夠5分鐘就清晒！避風塘賴尿蝦 - 折晒肉夠方便，辣椒同炸蒜夠香，賴尿蝦炒到啱啱好！冰川無骨咕咾肉 - 黎得呢度食飯基本上就係為左食呢味餸，20枱有19枱都有叫！真係內軟外硬黑椒薯仔牛柳粒 - 牛柳夠入味，送飯一流椒鹽鮮尤- 不過不失避風塘桶蠔 - 之前未試過咁食法，本人覺得其他煮法會好味d入味d！椒鹽九肚魚 - 炸漿吾厚，炸得啱啱好！涼瓜肉鬆煎蛋角 - 涼瓜吾苦，吾錯啫啫蝦乾時令菜 - 我夠胆講呢個餸都係必叫！花甲浸菜苗 - 花甲吾算好大隻，煮得啱啱好！薑蔥炆桶蠔 - 吾知係咪d蠔吾夠靚，我覺得一般豉油王炒麵 - 本身炒麵已經炒得好好味，再配合避風塘嘅炸蒜粒食真係一流！綜合來講，依間酒家夠地道，價錢合理抵食！每人都係$170！下次再試其他餸！…查看更多

香港未有Shake shack burger的時候已經好想試，開幕之後一路都得多人，過左一段時間，始終都忍吾住去試！今次叫左shake burger double 同smoke shake double, cheese fries, milk tees shake & root beer. 先講招牌shake burger，牛肉吾會煎到太燶，有肉汁同肉味，加埋芝士真係好好食！而Smoke shake double就好有煙熏味，包入面仲有煙肉、芝士同辣味蕃茄粒，不過煙肉我覺得係炸既，有小小 over cook，一齊食又另一種味道，本人就較喜歡shake burger 多d！cheese fries無乜特別，不過都好食既！另特別要講就係milk teea shake同root beer, Mille teea shake係有奶茶味，不過我就覺得太甜，root beer應該=沙士，只可以講只會鍾意同吾鍾意，無中間！總括尼講以咁既價錢我覺得應該係一定要好食，佢亦做得到！下次再試下其他野！…查看更多

星期六晚上經過天天海南雞，因為來自新加坡，而且又米之蓮推薦，見不太多人排隊就等位試下！等了差不多15分鐘就已經有位。一入內見到室內裝修同環境，覺得下了不少功夫，即係應該食環境多過雞了⋯⋯今次叫左一份例牌海南雞，雞無乜味道，吾算特別滑，價錢要$148，有點貴，講真、香港很多店的雞做得比天天好同平，有點失望！飯就叫了2人份量，飯由石碢上，但份量相信不夠2名男士食，亦不夠香，有點貴！另叫了一碟河蝦，反而有點驚喜，不太油，夠味又夠香！菜就點了有花香味既芥菜，名字吾記得，幾特別，不過份量係得幾條！綜合來講，我覺得名大於實，價錢比較貴，份量比較少，有啲失望！相信喺香港吾會再幫襯。…查看更多

2位好朋友要同我食生日飯，我就揀左呢間意大利餐，一來吾想太嘈，二來食評又不差，就試下啦！餐廳位置好近地鐵站，十分方便。一入到餐廳，員工已很細心咁幫我掛起西裝，環境好舒服，好Relax! 因為我地係2女一男既關係，點左一個2人餐，之後再加個pasta! 而2人餐包括有麵包- 一般意大利餐廳都吾會難食！風乾火煺同腸- 火煺夠味吾太肥！蝦湯-夠濃蝦味、好正！大頭蝦意粉- 煮得夠乾身，味道啱啱好！雲呑-正正常常！Rip eye steak - 件扒本身夠牛味再加上炭燒5成熟，啱啱好，再連埋牛骨髓，真係好好味！之後再加左個青口闊條麵-都係好味！最後仲食左我至愛甜品-tiramisu!因為叫左支紅酒，埋品3個人要$1700，不過我覺得值，環境同食物都有水準，值得推介！…查看更多

有一天經過糖街，被這間餐廳的門口吸引了，所以決定有揾一日去試一試！今日早了收工，又有點餓，剛巧諗起呢間cafe就去試下！其實這cafe位子不多，像茶餐廳一樣，但賣的食物又很西化！我撰擇了bar抬位置坐下。因還未到晚飯時間，員工只有2人，我就自己拿了memu看，看了不久，一名員工拿了另外3份memu比我睇，最最終我揀了Parma ham sandwich,但員工說賣晒，之後我揀了chef burger同 cappuccino,我專登吾睇chef burger 有咩材料，因為想應該係牛肉吧⋯⋯到上菜時，看到竟然係軟殼蟹牛油果burger,賣相不錯呀！burger 我就覺得不夠味道,可能牛油果味太濃，返而薯條不太鹹，又夠脆，cappuccino 係我最欣賞，有驚喜，夠咖啡味！埋單$78，tea set不算太平，可以接受啦，下次再試下晚餐。…查看更多