NG KIT HAN's Profile

可能已經有兩三年冇黎呢度食，今日剛好經過，諗住黎懷緬一下，一樣係要排小小長龍，冇問題，入到去一樣係坐得好迫，都可以，連孭袋都要放在地下。一如既住叫咗一碗爽腩，一碗净伊，放低咗，首先飲一啖湯，比較咸，跟住食牛腩，冇乜鮮味，口感亦唔豐富，小小一個飯碗Side，要200元，錢只是衡量一吓勝價比，最重要是失望。遇到好吃的食物，會令人快樂，但今天吃完出來，良久，感到很失落。甚麽排隊，迫夾，服務，未必令我不可接受，但首要還是食物本質，可能上深圳食得多，對食物的本質鮮味等，都更有識別和要求了。…Read More

而家哩個情況之下，黎呢間食野，係要預多啲時間去籌備，例如喺網上面攞定籌，又預啲時間去到餐廳附近行下去等候，咁我終於第三次就食到(頭果2次係現場冇籌，或者係網上攞咗又沒有及時到店)。食物質素係唔錯，醬汁嗰啲都好好，我都食得好順心和舒適，對於網上有好多負評，我就覺得，如果我真係接受唔倒要等咁耐，咁係可以唔去食，同埋正正常常我一小時之內已經食完個餐，又唔需要同鋪頭去爭持去到盡75分鐘先至走，所以對於我黎講，呢度食野就唔喺好大問題，感覺亦都OK(我都係住喺區內貪近近地)。…Read More

放工已經很晚，超過8:00pm幾，諗住過去金巴倫道果邊，去找一間麵店買外賣(因為我喜歡到處去揾野食)，途中見到呢間糖水舖，門口玻璃上寫住"星級合桃露"，我直覺上認為有好野，就入去買一碗外賣試吓，不以為意，店員話盛惠64.00，當堂打咗個突，嘩，咁貴嘅，但算啦，都照買了，好快就取到外賣，是用一個好美觀嘅保温環保袋袋住。回到家，吃了正餐，就好期待地打開保温袋，拿出來，打開碗蓋，見到有一層油在上面(我想是堅果油？) 一口飲落去，發覺合桃露不太像我一般飲開嘅合桃露味，但係我會比較接受我喺佐敦飲開果間網紅甜品店嘅合桃露，係好好味。都係廿幾蚊一碗，以今次我飲左幾口就放棄了 (當我唔識欣賞啦)我見到佢嘅餐單上面，有一個遠年陳皮紅豆沙係88蚊，不過我諗我都唔夠膽再去嘗試，我上返去哩個網站，睇番有好多都係正評，於是我就會懷疑，可能係我自己唔識得欣賞啦………Read More

我以前食開，真係好食，不過可能都係大半年前嘅事，最近一次去，舖面裝飾唔同左，亦都設定左要食套餐，其實冇問題，但係最大嘅問題，係食物品質唔同左(尤其是係嗰啲主角 : 燒味)，今日我又專程喺公司搭幾個站地鐵過去，再食一次，結果係更加清楚，真係差左，可能冇左以前啲話事人喺度監場，啲出品維持唔到以前水準，對唔起呢個老子號招牌，平均100蚊套餐，樣樣都好似執齊俾你地，但我去，心目中係食以前質素嘅燒肉飯，咁就覺得失望(义燒係更差)，職員方面都有禮貌招呼我，但係食飯都係以食物質素為主導嘅，呢餐我就覺得好失望，如果佢地真係新一代接手，如果真係想做呢門生意，就要放多啲心機，否則不如轉型做佢地自己鍾意做嘅生意啦。…Read More

今日放工，上咗巴士，因為公司附近冇乜嘢啱食，就諗住不如架巴士經過太子嘅時候落車買盒飯食。啱啱落車，就對正呢間燒臘店，我見到佢個玻璃窗掛住啲叉燒我見到佢個玻璃窗掛住啲叉燒，目測好似都唔錯，所以就決定幫佢買盒飯。肥叉燒飯加粉葛赤小豆例湯，總共46.00，對我來講都算係親民價，因為喺我公司果頭食飯，閒閒地100.00。我買外賣，重要攞翻上巴士搭車返屋企，咁我就開openrice 黎睇吓，見到大多數都係負評，我個心諗弊喇，但都要返屋企自己試下先，如果唔係真係咁差，我就幫佢寫番一個食評。返到黎，首先打開碗湯先，都對辦，好多粉葛，足料，冇味精，跟住再打開盒飯，都好OK，叉燒有一種孜然味(或者係香料啦)，唔咸，冇過多嘅醃料，好林，唯一美中不足就係，我想食肥叉，但係呢舊唔肥，同埋盒飯裡面有一督酸菜，比較開胃，下次問佢攞多啲。我上星期寫左一個食評，食左158蚊嘅飯，喺好hea，好唔滿足，今次就唔同，起碼踏踏實實食左個飯。…Read More

我諗起碼有大半年冇黎過，心血來潮，想過黎食壽司。舖頭比較細，十零個位，啱啱坐滿咗，喺門口等咗2,3個字都冇所謂，仍然會有D期望，我記得以前黎食，質素唔錯，所以有一牌經常黎食。入坐，點少少野，試下先，有員工在開心吹水，都冇所謂嘅，最緊要黎果D野好食。我入坐之後，人開始少咗，但都係等咗一陣，可能師傅地要做外賣。終於食物來了，看來只是中規中矩，細細件，味追正常嘅，但發現D壽司飯嘅飯粒比較細粒，而且較硬，影響咗口感。最後黎一個手卷，D紫菜係包住舊飯，好似春卷形狀，反而咁樣D飯比較"軟熟"，呢個有少少海膽嘅手卷，係我最滿意。同埋我坐喺度寫食評，佢地冇趕我走，因為呢一浸，堂食客少了。普普通通嘅一頓飯，可能只係成自己期望高咗，又或者真係礙於成本上漲，好似冇特別加過價，咁只有喺食材嘅質量方面將就一下。…Read More

每次去食野感到失望，我都會想去寫食評，已經好耐冇寫過，今日又觸發咗我去寫。因為肚餓，放工時候行到去戲曲中心，想去食餐飯，因為平時夜晚我未必食(斷食)。我諗起遊園有一味煎藕餅，肚餓嘅時候諗起，當堂流口水，一個人坐低，就叫左一碟(128蚊)有六件，另外再叫咗一碗白飯。落左單，轉個頭，即刻有一碟藕餅放喺我面前，咁快嘅，因為如果要煎，當然冇咁快，就算擺落油爐度炸，都要時間㗎。我發現，藕餅嘅表面喺深色，但係裡面夾住啲魚肉就只係僅僅熟，好似係臨急臨忙，急就章，魚肉冇煎透，口味冇咁好(係我有要求)。白飯一碗(15蚊)，唔熱，亦沒有飯香味(可能是我要求太高)。除左肚餓起上嚟我食左幾啖，跟住開始已經冇心機，淨係食咗面頭果塊蓮藕，同埋扒咗半碗白飯，便埋單走了(158蚊)。我明白而家嘅經營成本喺好貴，鋪租人工雜費，158蚊呢個價錢，放喺食材同埋心機上面嘅，都只係會佔好少部份，但係對於一個追求食物味道和性價比嘅人(我)來講，我覺得呢個體驗就係差咗D。香港人成日返去深圳食野，除咗因為價錢平過香港，食物材料嘅質素，服務態度，烹調技巧等，我付出同一個價錢，都會比較容易找到比香港好的(性價比高)。我放假都會返去食，但係平日開工冇辦法，只有留港消費(食飯)，今次呢餐係比較失望。…Read More

今晚咁啱唔同朋友食晚飯，落左金鐘搵嘢食，但係冇做資料搜集，隨意咁入左去呢間日本野食放題，佢話折實咗330幾蚊，感覺都可以試下。但係點知坐低叫左啲嘢食返嚟，就發覺係好慳皮，大部份質素係冇乜，我都明白香港地租金人工成本高，就算佢收哩個價錢都只可以係啲"行"野，但係可能我食野都係要求高，所以見到啲食物都無曬心機，食左冇幾耐都投降，都係止蝕離場，實在冇乜嘢好食，唔想再浪費時間。唔怪得而家咁多人都係北上去搵嘢食，性價比真係高，交通又比以前方便左，咁係香港做食肆真係比較難生存，我只係夠膽去搵啲簡單款式或者穩打穩紮嗰啲仲好，如果食放題真係要做清楚資料搜集，避免自己覺得太失望。…Read More

今日放假，去圍方行吓，行完所有餐廳，見呢間最多人排隊，又見係日本手打烏冬(百年老店)，幾吸引，就排隊試吓。今日係間日，都幾快，入門前派定點餐紙，剔好咗，入去坐底，等吓等吓，等咗好耐，店員話，烏冬要專誠煑20分鐘。冇所謂啦，我放假，同時亦都充滿期望，專誠煑，應該好好食。等咗差不多半個鐘，第一個烏冬到……表面睇，冇咩配菜，一個麵豉湯底，好似漿糊咁，食吓啲材料：烏冬(硬而無味)牛肉(好細塊，冇乜味)腐皮(冇質感，冇味)湯底(冇麵鼓香味，亦冇其他味，合成感覺)雞蛋： 呢個係唯一好食(用靚蛋)一碗烏東，百多元，其實唔係貴，喺大商場，舖租成本都貴，只係我一時間唔記得咗，一心諗住百年老店，一心諗住以為是手打，期望過高，所以失望(但比起一般日式店，還是有很大差距，不會再來)。我通常都係，唔啱食，伏咗，就即刻停手(叫屋企人都停)，止蝕離場，結果出咗去大圍火車站果邊，食個茶餐，算了。…Read More