Po0h的个人专页

本身生日飯見到隔離x壽司排晒長龍咁就諗住呀呢間餐廳望落好似己有氣氛咁就諗住試吓啦 叫咗佢嗰個厚雞湯拉麵 蟹肉蛋 黑松露元貝 仲有食到我成肚氣嘅超豪華卷咁由入座開始到落單職員都好有禮貌一開波就嚟咗厚雞湯拉麵 見到賣相已經不吸引 嗰隻雞脾啲肉勁老 真係完全係湯渣咁樣我同另一半都覺得嘩好伏咁其餘蟹肉蛋 黑松露元貝都唔錯嘅好啦最後上超豪華卷 因為我貪佢有海膽所以先叫佢 一上到枱見到吓點解冇海膽嘅？咁就即刻問職員啦佢就話係呀北海道嗰邊冇貨啊我哋控制唔到 乜落單嘅時候冇同你講咩 咁我咪話係我落單嗰陣時冇同我講喎 佢就話係呀咁都冇辦法啊因為嗰邊冇貨….咁我就同佢講我係想食海膽所以先叫呢個姐 落單嗰陣時又冇講 咁我換其他嘢得唔得 佢就話但係我哋放咗其他嘢頂替上去 嘩真係多謝你呀 海膽變飛魚子 跟住呢個時候後邊另一個同事聽到就上前 係咁講冇辦法啊冇貨啊 跟住就走咗去-_-嘩大佬你哋冇海膽又唔預先講落單嘅時候又唔出聲 仲好意思話搵咗其他嘢頂替上去 坦白講我真係睇唔出因為實在太嬲真係冇影相 最後好似唔情願之下先退返俾我哋-_-嬲到即刻買單去隔離鼎泰x再食過…..真係極度後悔…查看更多

當見到元朗Yoho開養心殿真係興奮到不得了開張當日我都即刻去餐廳問營業時間訂枱須知，之後發現菜單係唔同咗，咁我就問職員，你哋同普通嘅養心殿有咩分別，職員答我冇分別，只不過今次用咗新嘅玩法轉用一人一鍋套餐，用料全部都係同養心殿一樣，咁我就諗住試吓，因為食過荃灣嗰間分店覺得好好食。安排超級唔好，設計亦好差，我哋一行五人，如果大家要去食嘅話建議四個人去食好啦，因為佢哋嘅設計非常搞笑，一張枱有四個已經安裝好嘅電磁爐，咁我哋問第五個人點算？因為當時話一定要一人一鍋，職員竟然話，一係另外一個自己坐喺第二度打，一係就幫我地煮熟個鍋再比我地食，呢兩個方法完全令人難以置信，其實如果係咁做法應該入座嘅時候就要同我地講清楚，當時已經大概2210，我地2130其實已經到達，可能當時佢地趕收工，就俾我哋五個人食四個套餐，因為職員話十點last order，十二點就閂門，我地啲野食黎左之後就埋左張單先，其實我哋已經將啲錢放咗係枱面，個職員喺遠處同我地講「你地搞掂未？」，我地話搞掂啦你可以收，佢竟然揮一揮佢隻手示意叫我地拎過去比佢，真係完全唔知呢間野咩事，雖然我哋覺得服務態度唔好，但係我哋有共識2330就好走人，唔好阻人收工，因為我訂枱個陣個職員同我講收12點我哋臨入鋪頭嘅時候都有問過職員收幾點，佢都話12點，點知2315個職員走過黎話你地係時候架啦喎」我地：放心一定唔會阻到你2345一定走到。職員：咩2345呀 我地收2300 你哋熄左啲火未，最重要係熄火當時我地仲差菜未食，諗住煮埋佢，佢係咁叫我地熄火，話要走其實都幾無奈，問咁多次都話收12點，到到入咗去食嘢比完錢就話收11點，真係完全唔知咩玩法，入座起計食90分鐘，如果真係要我哋11點就走，其實一早講明啦，唔想做生意可以講，我哋可以去其他地方食，唯一得一個做廚房嘅後生男仔有啲笑容，有禮貌嘢食方面真係不予置評，我哋食韓牛套餐238有六片牛肉、一粒花枝丸、一粒貢丸、兩粒水餃、一個面、一碟菜，無論係配料同埋湯底完全唔及養生鍋，唯一好嘅地方係啱啱裝修鋪頭乾淨，未有太多人食唔會好似其他分店咁好嘈，夠清靜，不過下次唔會再幫襯，唯有等西菁街既養生鍋開再試啦其實我哋都喺度諗到底呢一間會唔會係特許經營或者係一啲唔同集團既餐廳，事後我哋有打去其他分店問過，竟然真係屬於佢哋嘅公司，今次涮涮鍋真係影衰左養心殿。…查看更多