kcheong的个人专页

近日想食日本野，見雜誌介紹元朗的鮨文唔錯，所以book左平安夜同老婆去試下個lunch 。地方唔難搵，就在公園跟垃圾收集站旁。餐廳地方唔大,我哋被安排入裏面嘅細枱。喺揀咗套餐之後,廚師就入裏面準備食材. 同其他日本餐廳唔同，呢度大部份海鮮已經預先切好，廚師只係作最後修飾就可以上碟了，所以想睇師傅刀功的機會就沒有了。海鮮部份整體都算新鮮,比較印象深刻嘅就係串燒吞拿魚臉頰，質感比較似食串燒牛仔肉。另外吞拿魚腦天壽司都很肥美.反而海膽杯嘅海膽就唔算很鮮美。…查看更多

Homu 喺愉景新城好受歡迎,成日都見好多人排隊等食飯。今日見唔多人，就入去試吓佢嘅咖啡同埋主食。甜薑肉桂咖啡有濃厚嘅薑味，同玉桂味好夾，冬天飲暖笠笠。賣相都好靚，用日式茶杯同木盒盛載。凍Mocha反而有點失色。一來賣相不討好，一個大杯裝只有半杯咖啡，半杯水的悲傷感覺…. …味道因為朱古力太濃，令到咖啡味失色了。這杯咖啡的平衡感被打破了。慢煮封門柳意式軟包，Panini 有淡淡的番茄味，配沒有調味的牛柳及紫菜，味道很清新。意式辣肉醬意粉，味道也不錯。整體餐廳食物及環境都不錯，會再光臨的。…查看更多

經過西環見到好多人排隊，所以就入咗呢間試食佢嘅台灣菜。餐廳環境很有台灣特色，擺設都是一些大排檔嘅擺設。招牌菜係阿元滷肉飯，飯上面用有五花肉，半舊滷蛋，白菜同醃蘿蔔,味道唔錯。另外叫咗個蚵仔麵線同一個蚵仔煎，味道比較偏淡，而且完全食唔到蚵仔嘅鮮味，感覺好似白烚咗好耐再放上去。還有一個甜不辣拼盤,味道也是淡淡的，沒有魚味，不是很鹹，也不是很香，沒有台灣夜市小食的味道。反而台灣珍珠奶茶味道就很正常了。如果好耐冇食台灣菜,都可以嚟試吓，但如果真係想正宗夜市嘅台灣風味，就未必來了。…查看更多

呢間咖啡店比較隱蔽，佢係喺垃圾房同車房旁邊，平時如果直行直過係留意唔到。今日經過，我見佢門面裝修幾靚，所以入咗去試吓。餐廳嘅Menu有啲特色咖啡，我哋叫咗兩杯唔同嘅咖啡。另外食物方面叫咗個日式丼飯同埋一個all day Breakfast.餐廳環境很舒服，可以慢慢享受一個寧靜嘅午餐.…查看更多

近日荃灣開左呢間近日荃灣開左呢間泰國餐廳，見裝修幾靚，所以間唔中都會走去食下。今日就去試下左個Tea set.叫左一份泰式豬扒肉丸船河，一份黃咖哩雞肉串燒撈脆麵，再加一份芝士火腿烤餅。一食個船河就能感受到正宗的曼谷船河味道，湯頭很鮮甜，又有香濃的肉湯味，加上軟滑的河粉及肉丸，及脆豬皮，回頭指數極高（雖然個豬扒就普通了一點）另一個黃咖哩雞肉串燒撈脆麵,也十分好食，咖哩不是太辣，有棷香及甜美，等脆麵浸濕咖哩，一半淋，一半脆,十分好味，也是返吃之選。反而芝士火腿烤餅就相對普通了。整體餐廳質數真的不錯.泰國餐廳，見裝修幾靚，所以間唔中都會走去食下。今日就去試下左個Tea set.叫左一份泰式豬扒肉丸船河，一份黃咖哩雞肉串燒撈脆麵，再加一份芝士火腿烤餅。一食個船河就能感受到正宗的曼谷船河味道，湯頭很鮮甜，又有香濃的肉湯味，加上軟滑的河粉及肉丸，及脆豬皮，回頭指數極高（雖然個豬扒就普通了一點）另一個黃咖哩雞肉串燒撈脆麵,也十分好食，咖哩不是太辣，有棷香及甜美，等脆麵浸濕咖哩，一半淋，一半脆,十分好味，也是返吃之選。反而芝士火腿烤餅就相對普通了。整體餐廳質數真的不錯.…查看更多

藝術館行吓行到有啲攰，走咗入嚟呢間咖啡店飲咖啡.藝術打印咖啡（可選咖啡或朱古力基底）我揀左杯咖啡基底 圖案有三個m+可以選,求其揀是但一個，諗住坐喺太陽傘下嘆咖啡，咖啡本身係凍嘅,本身預咗唔會太濃咖啡味。嚟到飲咗一半,全部都係牛奶,令人有點懷疑人生,難道我叫了一杯牛奶嗎?不相信再飲了一啖,再飲一啖,點解每一啖都是牛奶，返去問店員佢話咖啡好少係咁㗎喇喎。即係叫我比$88飲牛奶啦？最唔滿意店員態度,話杯咖啡就係咁㗎。明眼人一睇就知冇落到咖啡啦, 仲死都唔肯換俾我。算數放啲錢落垃圾桶。…查看更多

平日見食飯時間大排長龍。今晚九點到達，見沒有人在等，就決定試下。叫了一個shushi飯定食，shushi唔算多，味道都ok.老婆叫了一個焗牛肉飯，cheese味很突出，但油份比較多。小食就叫了一客雞翼，幾脆口，算唔錯。整體算水準之上。…查看更多

同老婆行街，見呢問食店外觀都幾靚，又是名人開的，所以決定一試。一入到餐廰，就知中伏了。座位很逼，同旁邊兩枱客距離都不過30cm... 整晚食飯都可以聽到旁邊客人的交談聲。我們到底是不是去了茶餐廰？？我地兩人，一個叫了baby 三食。一個叫了羊架。頭盤有一個沙津，另一個有湯。沙律味道不過不失。湯就是一般貨色的mushroom cream soap.好戲在後頭，baby三食有一件沙文魚扒，半件egg toast,同一小碟菠菜noodle. 整體味道ok,但個noodle完全沒有味道，老婆最後食了一口就把noodle放回原位了。我的羊架好一點，味道ok,但份量很小。要用這個價錢( average $150 per person)去食一個份量小，環境又嘈吵和逼的地方，我諗旺角還有很多choice.這裡是不是因為明星效應先會咁多人黎呢？食完一次，我地都應該不會再來了。無下次。…查看更多

今晚同老婆到旺角行街，經過瓊華，見到有間新開的台式cafe.店面裝俢很清新，就入內決定一試。我叫了一個台式肉臊面，老婆叫了一個魯肉飯，再叫了一個鹽酥雞。肉臊面有很多料，湯就分開上。啲湯有很的牛骨味，好正。鹽酥雞很脆，唔太咸，都ok.魯肉飯就有一整隻溫泉蛋，用料十足。整體環境同食物都很不錯，值得下之再試. ^^…查看更多