有一日同朋友經過西灣河碼頭，發現咗一間隱世串燒小店！入到見到無敵大海景，所有平日積埋嘅煩惱都一掃而空。可能我同朋友一點半先去到walk-in，剩返吧枱位置，但都試試佢先！我同朋友一齊叫咗個串燒定食，然後再散嗌其他嘢share！串燒定食有燒牛肉-熟度啱啱好，調味唔錯。雞翼-個皮勁香脆，啲肉質仲係好嫩滑😋。豚肉蘆筍卷-無諗過會咁清爽，balance返豚肉嘅肥膩。日式京都絹豆腐-呢個真係無得輸，外脆內嫩！望住師傅將豆腐燒得好香脆，再點啲燒汁！太正！忍唔住同朋友encore多串。墨魚腸-呢個喜歡濃味嘅朋友必點！冬菇車厘茄-正正常常。蕃薯-以為佢係一口蕃薯，原來係一大條切開一片片嗰啲，呢個都好好食，應該係搽咗小小牛油係上面燒。豚大腸-我朋友堅持要叫😂，我仲以為好油膩，點知唔太油又燒到好香脆！出乎我以料之外！廣島蠔-呢個燒得勁juicy！爆哂汁😋。鴨舌-呢個都幾香脆。月見紫蘇葉免治雞肉棒-呢個一定要點啲蛋黃一齊食，雞肉棒帶有軟骨！個口感好正。雞尾-呢個又係朋友堅持要叫🙈，佢話好小見有雞尾食咁刁鑽，我一開始都唔敢試！覺得會好騷！但見朋友食完一粒又一粒咁滋味！我都忍唔住試下。一入口勁有雞油嘅香味，而且好香脆！真心送酒一流😭。流心鵪鶉蛋-真係流心🥹可惜影唔到佢流心嘅樣！呢間串燒店無論環境食物同服務都唔錯，下次要試下夜晚去睇下會唔會更有feel先！…查看更多
