alicefoodieaa的个人专页

第一次食呢間野係叫網上外賣平台,大坑渠送到合益都係$5運費，好抵。陸陸續續叫過好幾次外賣，紅燒牛肉麵、魯肉飯等等，偶爾想食健康啲叫份生菜都好抵，其實台式食店一般都有得比人叫淨菜，不過黎到香港就唔見哂，呢度有而且都係廿幾蚊份好抵，仲有淋肉燥汁。食過呢間啲紅燒牛肉麵，好正份量大，另外肉燥同魯肉飯，啲味道同係台灣食既好似，好正宗既台灣味，加上價錢又唔貴，份量又大，令我翻食再翻食，叫主食仲可以優惠價加雞排、鹽酥雞等小食，一定要試鹽酥雞，好食！…查看更多

夜晚時間過嚟都好多人，同朋友一齊叫咗個椰皇清心同埋薑汁小丸子，人多都係要夾硬喺室內嘅走廊位加兩張二人枱，好逼，椰皇系列都唔算貴，不過要等好耐，見佢廚房似係得一個人出餐，啲店員都好忙，不過嗰日係星期六所以大家遷就下都接受到，店員係nice既。個薑汁小丸子不過不失，啲芋圓都係普通，不過薑汁味就好重，適合鍾意食薑嘅人。全店淨係收現金，卡同八達通都冇，要特別注意，下次都會過嚟食，畢竟佢個椰皇清心都幾好食。…查看更多

叫咗個豬肉船面，啲料幾多但個湯比較淡，跟左佢個建議，加辣粉會好食啲。我哋兩個人食，所以分別試左玫瑰奶茶同埋泰式奶茶，一開始諗住嗌少甜，但係佢哋話唔會太甜又調校過，所以最後都冇嗌少甜，出到嚟兩杯都唔會太甜，個人喜好玫瑰奶茶多啲，玫瑰味好出，又真係唔會太甜，唔似一般喺泰國飲嘅泰式奶茶。之後仲有個雞翼拼盤都好食，有三種唔同嘅口味，兩款熱一款凍，但其實紅咖喱同埋魚露香茅雞翼唔係好分得出，不過雞翼唔乾，總體幾好的。一定會再訪，不過一點半去到都仲係好多客，下次應該會訂定位再去，附近都無乜店，都係由元朗千色行過去。…查看更多