fine_porcelain的个人专页

小弟年輕時都好鍾意蒲旺角，家下人到中年都好少出嗰頭。上網見到旺角原來開咗間新嘢，見啲食物相幾吸引，我同屋企人又想打邊爐但又唔想淨係打邊爐(好麻煩)，見呢間好似好多小食又有刺身就遠征旺角！嗰晚係閒日，搭電梯上去餐廳要排一陣隊，我估星期六日應該要啲時間先上到去。坐低餐廳睇menu乜都想試，就叫咗勁多嘢，其實食前菜小菜巳經飽咗七成，下次真係唔好貪心，無錯係 有! 下 ! 次 ！ 因為我地個個對食物都有讚冇彈，不過屋企人叫午餐肉我就唔啱食🤪 我比較鍾意食新鮮嘢~入正題:前菜推介有生醃蝦，生醃蜆，滷水鵝片，滷水鵝腸, 潮式魚生👍🏻火鍋推介必試有滷水湯底！配封門柳牛肉，鵝肝，鴨血，雞件，豆腐 👍🏻甜品推介功夫茶啫喱👍🏻 屋企人話反沙芋好正，但我巳經吃不下，所以食個啫喱清清地為呢餐畫上一個完美句號😊…查看更多

難得平日攞咗假，又去深水逛吓。可能因為係平日，小房子嘅人流較少，可以自己揀位坐yeah! 環境: 自己覺得呢間cafe 有別於其他, 因為唔會有嗰種公式化嘅裝修。感覺自然，不隨波逐流。主食:主食選擇不算多，反而啱哂有選擇困難症嘅我今次揀咗桂花木魚湯素麵配兩款小食。個涼湯係另上的，方便我慢慢食，唔會淋哂。夏天食涼麵係最適合不過！甜品: 要大聲咁嗌出嚟！雪山多士好好味呀！當中入面有幾款水果，最impressive 係啲蘋果用紅酒特製過㗎！配埋啲蜜糖同雪糕係勁好味！廁所: 哈哈我本人覺得好重要嘅一環。佢地有自己嘅洗手間，好方便，而且好光猛又乾淨。總結: 其實都無乜缺點，係weekend幫襯要排吓隊囉。不過其實間間都要排㗎啦 ，無辦法…查看更多

50年代diner 風格裝修香港少見。幾有特色。我地三個人叫咗啲drinks ,1份skirt burger and 2份steak and egg。Burger 係不錯，係食得有點呢hea. 塊芝士好脆,岩哂鍾意芝士嘅朋友。薯條都可以。 份steak and egg 就勸大家唔好挑戰，扒好dry 好鞋。所謂嘅hash brown 係一堆無味白烚連皮薯碎, 我本身唔抗拒連皮食薯仔，但呢個真係不敢恭維。淨係兩隻蛋係無事，但如果隻蛋沒有request 要sunny side up, 就會係兩隻全熟嘅蛋，咁全份餐就dry上加dry了 (我朋友嗰份就係勁dry, 相都無影)…查看更多

上年東京食過回味無窮知道香港開咗分店已經好想搵機會來試吓，今晚終於一嘗所願。我地兩位一早訂定位，目標明確，準時到達。入正題，菜單分別有套餐或散叫。怕麻煩的人有三款套餐可以選擇 (248-508HKD) 。我地就選了散叫，因為計過條數其實差不多價錢，想選擇自己喜歡的配料，始終跟餐樣樣set死晒又唔可以轉。前菜: 推介辣味芝士湯底: 我們選了一個鰹魚湯另一個是壽喜燒。鰹魚湯望落好清澈但味道濃郁，壽喜燒就無咩特別，就係甜囉。肉類: 豁出去叫咗最貴的佐賀A5黑毛和牛西冷(每份168HKD 4塊) 牛肉味濃尚算入口即溶，但太大忽白色肥膏位。再叫咗M9牛 (每份89HKD 4塊) 牛肉味濃，仲有豚肉梅肉(59HKD) 薄切易熟不錯，蟹(79HKD 兩隻腳一隻蚶) 認真麻麻地。蔬菜：新鮮但份量好少，啡金菇好少見而且很爽脆配料：自製黑松露雞肉丸，幾好味 。芝士魚卷同吉野家嗰粒一樣。飲料: 白桃活酸燒酌梳打 Conclusion : 平均一位620HKD食到好飽但價錢偏貴。响日本食真係無得輸，平香港一半。諗住在香港食完可以一解對東京溫野菜嘅思念之情，點知食完仲更加掛住東京嗰間…查看更多

我地一行二人昨晚食了shabu shabu 作晚餐, 由於太回味在東京旅行的日子，所以今日lunch 想延續返個日本感覺就食sushi。上openrice見到佢地係新開就膽粗粗試吓。佢地set lunch 有十幾款，我地叫咗一份普通雜錦壽司午餐(148HKD)和一份特盛雜錦壽司午餐(260HKD)。首先上了三小碟前菜，酸酸地幾開胃。之後主菜登場，眼前一亮！先食致愛海膽，好鮮甜，魚生都好新鮮！set lunch仲有細細球抹茶雪糕跟埋，劃上完美句點。埋單發現午餐免收加一。…查看更多