阿甘仔的个人专页

Bone marrow 配多士，唔夠多士可以再加，整體味道好好，海膽新鮮，但太多配料顯得牛骨髓失色咗少少個汁好鮮甜，但唔會好油，帶子生熟煮得好啱我，唔會覺得生，但又冇熟晒，中間仲好鮮甜好多汁職員好詳細咁介紹Menu，每一款肉都介紹，亦會了解客人需要去介紹，最後揀咗哩款係意大利嘅t-bone ，大概34oz，減去骨大概有28oz肉兩個人食都係有d多，但好少食意大利嘅扒就想試吓，肉係比美國澳洲牛實，幾有新鮮感，對於鍾意肉味重嘅我覺得都唔錯，而且骨分開兩邊嘅肉質都有分別，一邊會淋d，一邊實d，多重享受，哩到出名嘅木炭烤爐烤出嚟嘅味道真係好香，食完仲會有餘韻最後order多個Soufflé，面頭焦焦地，裏面係泡泡感，中間再有少少橙味，帶少少橙皮粒，又有少少咬口，整體口感豐富，甜甜酸酸…查看更多

18:50左右排隊搭𨋢，平日黎講等兩部𨋢唔算長龍，上到餐廳門口都有人，但好快就安排入座，話可以食到20:30我哋揀咗2號餐，點知職員落咗3號餐，落第二轉野食先發現，好彩佢肯改返，唔係就更加唔抵食初時冇為意，後來諗一諗食到20:30都唔夠120分鐘，就問吓職員，原來佢話要book枱先可以食120分鐘，嗰一下就覺得有啲取巧，同埋任食黎講真係有d趕急，如果我一早知道得90分鐘，我唔會入座，唔怪得人嘅自己冇睇清楚食物種類算多，但年青職員都冇乜禮貌，講嘢態度都唔太客氣，收碟嘅姐姐就有禮物d …查看更多

餐廳位置好近地鐵站，幾方便，地舖有窗邊位感覺幾舒服，門口都有位可以帶寵物職員介紹嘅兩款食物都好好味，飲品都唔錯呢一個芝士焗雜菜味道好濃，面頭有蛋同芝士一齊焗，蛋黃未熟晒，配麵包食好好味，職員好細心見我哋食晒啲麵包，問我哋需唔需要加多一份👍🏻黃金蟹肉意粉，好邪惡，扁意粉嘅硬度幾適合我，唔會太硬，蟹肉都好多職員都介紹咗柚子Espresso tonic, 柚子香唔太甜，咖啡味都突出👍🏻，夏天飲真係啱晒 …查看更多

我外賣叫左韭菜豬肉同芫荽豬肉湯餃，先講個湯，打開就聞到好香，即刻要飲兩啖，唔會好喊兩款菜餃都好夠大陣味，菜同肉嘅比例好好，唔會感覺偏向一邊，菜仲爽，有咬口，一隻餃份量都算大，皮唔算薄但淥得透同滑👍🏻整體好好，會再幫襯…查看更多

望到條魚柳勁幼，真係咁幼，真係得一條，仲要厚炸粉，個魚柳可能只有一隻外賣膠匙羹咁大🫠，而且魚柳口感都有d乾，又細又乾，味道係咸，雖然都預咗係雪藏魚，但有d炸魚柳係可以好juicy，但係我覺得自己食緊厚粉炸鹹魚粟米汁好多嘅，好似食緊粟米羹送飯咁，入面除咗粟米粒就只有大概三嚿紫洋蔥粒，陳皮魚蛋咁大粒，可能焗唔熟，又冇預先煮過，咬落去又硬，仲好辣，即刻吐出嚟條魚柳大概食咗三啖到左右，之後就覺得好空虛，我一定唔會再食呢個焗飯😩…查看更多

卜左1930早到左，去到見到爆場都係要等咖喇，好彩有幾枱走，好快安排入座比目魚黑松露意大利飯，魚皮好脆，魚肉好滑，飯裏面撈咗好多菇👍🏻意大利飯唔係傳統嘅口感，冇好硬，我鍾意😆豬肋骨，幾大份，數過有13條骨，肉淋，好易離骨，醬汁酸酸地嘅野味主菜配特飲半價，凍薄荷朱古力，唔會好水，唔會好甜，幾好水牛城雞翼，追加嘅小食蒜蓉焗蠔，都係追加嘅小食，可以揀兩隻或者四隻Book位嘅時候有提及過想要生日畫碟，餐廳都有準備好👍🏻tiramisu滑，咖啡味淡，酒味出d，有少少甜大部份職員都好友善，有禮貌整體味道都係好嘅，份量都唔小…查看更多

第二次食哩間嘅cake, 不進則退，個tiramisu 比之前更差，賣相係幾靚，份量都唔算少，外面係好滑，幾結實有口感，但入面真係唔得入面大概有兩條手指餅，9成都係乾，食落去係硬，會令我覺得有冇浸過咖啡同酒，一d味都冇，我冇乜衝動再俾機會佢哋海鹽焦糖卷蛋，卷蛋好實，幾有口感，但食唔出有咩特別嘅味道，似一般卷蛋，海鹽味喺d cream到，焦糖味就係旁邊嘅honey comb，有少少取巧，可能我自作多情覺得個蛋糕會有焦糖味餐廳環境都整潔，員工都有基本禮貌嘅…查看更多

星期六都唔算多人，可以靜靜地幾好，被安排坐餐廳入面，光線比較暗，幾有氣氛，侍應不時都會加水，態度都好好，有細心換碟上枱時，侍應都會細心提醒焗盤熱，肉質軟，牛油焗冇好油，薯蓉有咬口，唔係薯粉，會食到細碎嘅薯仔肉幾大粒，蟹味都突出，食到一絲絲蟹肉，覺得煎得燶咗少少唔會好甜，性價比唔算好高魚皮濕咗啲唔夠脆，帶子個汁煎出嚟幾夾，帶子同魚都鮮，冇雪味，伴碟都有幾款蔬菜法國蠔幾甜，西班牙比較海水味重肉幾嫩，有咬口，唔肥，冇乜筋，肉很厚，7成熟出到黎少少血水唔會過熟，邊位少少脆，仲有焦香，感覺煮得幾有技巧焗薯好大，有d實，可能幾道菜都有薯蓉，唔係好食到個薯仔😆價錢偏高，但係食物質素幾好，環境唔算好闊落，但係都坐得舒服，服務不錯…查看更多

龍蝦湯烏冬，好似好得意咁，自己倒湯，雖然唔知用意係咩，可能係有d儀式感😂牛油果同沙律菜都新鮮，大蝦d肉都彈牙爽口，係有一隻鹽重手左少少🤪到個烏冬，係幾Q彈，配個龍蝦湯都幾襯，龍蝦湯就唔算好龍蝦，似普通蝦湯，少少咸，整體都唔錯，不過其實烏冬都唔係好貴，份量好少，好似食咗幾啖就食完咁，我應該可以食兩個咖啡係 Hot Americano，應該係Single origin espresso, 帶少少果味，唔會太酸堂食空間感都有，唔會好迫總結哩個價錢，味道及格，份量一般，未必會再去…查看更多

見到哩張期間限定個特濃脆脆朱古力流心西多士就吸引到我西多士有飲品跟，揀左熱奶茶茶味一般，都算滑，都我鍾意濃茶多d，其實落單嘅時候係可以揀少d奶或濃d茶，但係第一次飲就試咗佢原本個味道先賣相已經吸引 我，我覺得可以再多啲朱古力醬，但係食到中間，佢有流心嘅脆脆朱古力醬，其實有啲似金莎嘅榛子醬，口感勁正，不過可能有啲人會覺得太漏，邊位啲餡就冇咁多，可能多少少朱古力醬可以搽會更好，個包好厚幾軟熟，炸得唔會燶我會想再食多個🤣職員俾我感覺都友善…查看更多

紅磡黃埔都好多餐廳，仲要有呢啲唔係連鎖店嘅餐廳，都會好想試下午3點幾冇乜客人，職員有禮貌👍🏻仲有午餐，一個價錢，包小食包飲品，都幾豐富蟲草花膠雞湯米線，雞滑，餸都多，湯夠味唔咸鯛魚片龍蝦湯脆米泡飯轉米線，龍蝦味重，魚片肉實，都算新鮮，脆米浸湯應該都幾正，不過當時好想食米線😆下次可以再試小食揀左炸魚皮同雞湯浸菜，炸魚皮幾脆，雞湯浸菜我就一般因為佢係椰子雞湯散叫咗小食桂花蜜糖脆雞翼，應該即叫即整，好脆，桂花味都好香，同個蜜糖好襯，仲有一款黃金雞翼我都好想試😋…查看更多

午市點心都幾吸引，就試下啦，環境都舒服，雖然佢係咁望住我開頭有啲唔舒服😆整體招呼都好好，員工有禮貌，自動加水唔洗叫，都乎合佢嘅價位湯汁同舊肉都好好味，皮唔厚，本身唔好小籠包嘅我都覺得唔錯，可以再食肉有d硬，重蜜汁香口唔油膩，蝦膠好厚啖啖肉，彈牙，上面隻蝦都好新鮮冇乜肉，皮厚，食唔出有咩和牛嘅感覺，汁少完全冇抹茶味，沈少少粉就改個咁嘅名，個餡都冇乜味，外層都鬆化唔太油整體都可以接受，可以再發掘下其他菜式…查看更多

本身想食pancake，店員話食到一半先點甜品，咁就先用手機點左蟹肉薯仔沙律同黑豚咖喱豬扒飯，等食嘅時候諗住揀下要咩pancake啦，望吓個app係冇pancake揀，再問店員，原來2:30之後先有🥲所以就叫左抺茶窩夫，窩夫中間都係抹茶嘅顏色，但係因為配料太豐富，有抹茶雪糕有紅豆又有cream，都食唔出窩夫中間係咩味😆不過窩夫上面嘅抹茶醬就茶味濃👍🏻窩夫口感都係外脆內軟蟹肉薯仔沙律，份量都唔少，薯仔蓉整得幾滑，整體感覺新鮮咖喱吉列黑豚飯 ，咖喱少少辣少少甜，豬扒唔算好肥…查看更多

好少食台灣嘢，60幾蚊有個飯都幾大碗，又多料，飲品都好多選擇雙腸滷肉飯，一條甜甜地一條黑椒味，好脆又多汁👍🏻，滷肉有少少肥，可以接受，汁撈飯正鹽酥雞扒飯，炸得好脆好香口，唔會覺得好油膩，雞皮脆又唔乾，雞肉好滑，但係就味道偏淡，又唔夠咸，唔夠鹽酥嘅感覺，爭少少兩個飯都好多配菜，燒玉子，炒粉絲食落好似炒麵，炒椰菜蘿蔔味道唔錯份量都唔少，幾適合鍾意食啲菜嘅人，仲有啲辣嘅唔知咩絲，咬落去爽爽地配飲品有跟餐免費，又有加錢嘅選擇…查看更多

下午茶時間黎食件蛋糕，坐下，傾吓計朱古力蛋糕，軟綿綿，有流心嘅朱古力醬👍🏻有少少心太軟嘅感覺，朱古力味好濃，又唔算好甜檸檬撻，檸檬味夠香，配牛油餅底仲有cream同檸檬絲…查看更多