cho.colate.9484的个人专页

呢個之前成日睇人地社交媒體介紹,甘岩去左深水埗買電話卡去旅行,就順便去左試下個盒都幾大,就甘望外表,唔覺佢比好多料,但打開黎食個陣.真係好多料好足,味道都好好食每件配料又多又大粒,芒果同柚子都好甜,西米露同外面食ge偏大粒d,好有口感,椰奶唔似係用椰漿粉/椰奶精,真心推薦!!!佢係間好細ge鋪,冇堂食,我地去個陣都好多人企左係門口度食.我地係去咐近公園坐係食ge,有機會可以去試下!!!…查看更多

真心地推薦呀~~~已經係第三次去食啦,每次去都要排隊,好在人流都轉得快.環境偏小坐位都唔多,基本上都係要搭枱食,人同人之間距離都比較貼近,要有心理準備.雖然每次去食都會叫雞湯系列,好少試到佢ge小食,但每次見人叫,都好似好好食甘.主要我地一人一鍋ge雞湯米線,我都食唔曬,量太多,每次都食到好飽.呢次我叫左鮑魚砂鍋雞湯翅,有兩隻鮑魚,好新鮮,有鮑魚味,魚翅都比得好多,口感一流,個雞湯好濃好鮮,雞肉好鮮嫩,真係人生雞湯!!不過食到後面就有點偏咸,不過可以接受到.…查看更多

去左尖沙咀行街,見好多人食呢間野.所以去左食,價錢唔算貴,野食水準中上,個牛舌好好食,個火山卷係有火的,但佢整得唔係好多火,整體外靚都好睇.2-3道壽司卷,配料蓋左主菜的味道,因本人很喜歡用蟹柳作配料,整體味幾好食,但太多,食唔壽司卷主要味道,已唔記得佢入面係咩料啦,鰻魚燒都幾新鮮,但味道就淡左d,冇咩特別,個露筍係用豚肉包住,食落有豬味(本人每次發文都有講過,對豬肉接受程度非常非常低),口感好奇怪.…查看更多

係我耳中聽得最多就係天后有咩好食,天后出名野食多,又好食~呢間都係人地介紹話好食~所以就去左試下啦~環境係好睇卜,重點佢有一排ge棒球簽名!!真係好型!!餐具都幾型令下~我對一間餐廳ge要求係~1:味覺ge追求2:視覺享受3:服務態度,都好重要,好影響食欲~而呢個滿足左我呢3樣野~所以佢做得好好!!真心地覺得佢野食係好食ge!雖然到後面拉麵食淨左...甘係因為太飽..食唔落,另外本人對熱ge香蕉有d反感..所以甜品方面吸引唔到我其他水準都偏高,沙津都幾有特色,有個人店舖特色菜,整體印合格,但對一個九龍人來講,就就唔會經常走去天后食啦…查看更多

主要係見到新聞講全港首間日本梅酒專門BAR正式進駐香港,所以就去左襯熱鬧~~見識見識下一入去個設計已經好特別,地方雖唔大,但燈光擺放都令人好舒服,好有酒BAR感覺,叫野飲之前,職員都好細心甘講解左用梅酒調出黎的cocktail有咩唔同,由淺到濃的分類有咩特式.叫左4杯佢地介紹的cocktail,由淺到濃的飲法去嘗試梅酒不同的味道,好順口,對唔係好飲酒的人來說,都好容易接受到,酒味唔會太重,淡淡花香帶有梅酒的酸甜感,令人整體口感都好舒服本以為只有酒出色,估唔到配酒的食物都好好食,試過甘多間餐廳,佢的食物都真係幾出色了,外觀已經一流了,味道都好有驚喜,配合著佢配的醬料一齊食,更好食!!最後上埋用梅酒配的黑糖醬&焦糖醬混合香草雪糕一齊食,都好特別!!真係全新體驗,最起碼係有滿足感!!…查看更多

佢垃圾既地方唔係野食或環境係服務!!!!真係好差...完全係睇人服務,叫得多野食ge客就當貴賓甘服務,又親手幫人煮又講解係d咩野食,點煮好食d.到我地就只係問個套要揀邊樣,之後就上哂野後,咩都冇講,由我地自己煮,連煮幾耐都冇講過.....真係好狗眼看人低.估唔到今時今日仲有甘ge服務.冇解既~鬼叫我地係99.9%窮人咩~如果你係有錢人可以去個度食下架~完全係上級服務,貴客只要拎一拎野煮咋,個老闆9秒9衝過黎"哎呀~呢d野我黎做啦~比我服務下你".講真如果你ge態度一視同人,感覺唔會甘差,同埋我地食個價錢真心唔係平囉,重點佢比ge野食都唔係好新鮮,個套餐冇咩特別,個湯又唔好飲,因為一開始入去個陣個境都幾令,但因為服務,令我成餐飯食到好反胃~嘔心!!…查看更多

收工約左人食飯,落勁大雨,甘岩見到呢間陳儀興飯店,之前有食過佢另一間分店(打邊爐店),都幾好食,見佢有打冷店,就入左去食,意外地都好好食卜,最正係佢個小炒皇味道係鮮香惹味，炒得夠鑊氣，口感鹹香帶鮮,牛柳粒肉質嫩滑多汁,好爽口又香口,加上鑊氣特別惹味,當日食個陣真係好多,入左陳儀興飯店話冇位,轉左角有另一間叫陳儀興米線,佢真係好多分鋪,但佢米線鋪都爆哂位甘滯,雖然人多,但服務都好好!!…查看更多

呢間朋友介紹我去食~所以收工約左同事去食,主要係揀set再蒸黎食,再用湯黎煮粥或麵,海鮮整體都好新鮮好好食,蒸牛肉就第一次試,但感覺意外唔差,但一定要點汁食,如果唔係會好乾柴~牛味好重,個粥幾好食~都唔錯GE體驗,唯一唔好係唔包野飲~食完要去買返杯"廢水先搞得惦!!…查看更多

同家姐去左書展,順便係灣仔食晚飯,見呢間分左好多分店,都多人食,見佢外面環境都好靚,所以入左去試下,整體環境合格,因本人對麵真心一舨,所以揀左細麵,因佢個套餐揀麵/飯,但夜晚唔想食飯(會肥><),牛肉好食,雞都好滑,湯底都好好飲,其實都合水準,不過最後我地都剩哂d麵冇食佢個甜品係好食ge,鹽酥雞同個甜品我都地食哂,其他食哂d料就冇再食,料係好食,但麵太軟,唔岩我食…查看更多

經過山林道個陣,甘岩見到間野好有特式,所以入左去試下,職員好細心甘介紹左佢地既野飲,稱全都以健康ge荼為主,有各種唔同ge豆整出黎ge野飲,令人飲得健康,買左決明子茶同紅棗茶黎飲,口感很好,有咬口,茶飲落好舒服,有解渴,很好飲,唔會太甜,真係有種好健康ge感覺,大推!!!有機會可以試試…查看更多

因為7月是本人生日月,所以去左食生日飯,揀左呢個高級中餐,一直都好想去試架啦,不過聽閒價錢真係貴,人均消費$1000,但食物係真係好好食~一年食一次還可接受每一道菜都好出色好好食,最特別係個龍蝦湯米通泡飯!!個湯好濃龍蝦,又鮮甜.個避風塘蝦好大隻,D肉又厚又堅韌,好似食緊龍蝦肉甘,其實食完避風塘蝦後,已經好飽,我地叫1人set,有得揀6道/4道,另外兩道係點心類&拌麵(本人對呢D一般般),所以揀左4道+燈籠高高掛(炸軟殼蟹)再+龍蝦湯米通泡飯,已飽到不醒人事,買單約$2700,仲有360度圍港景色!!如果係特別日子,可以試下去!!…查看更多

之前都有試過幾間馬來西亞菜,都好食,呢間食新試ge,環境同茶餐廳相似,但野食真係好好食~特別係個椰子雞鍋,真係冇得頂,鮮甜又香,雞一點都唔柴,個馬拉炒菜苗都好好食,佢叫主飯可以另加小食,會平好多,但佢原本價錢好親民,牛肉串VERY GOOD~~,雞肉有d失水準(咬到後面有d酸),但呢間整體食完會想再返兜,佢最出名ge海南雞都未試,但見每個枱客都必叫,應該好好食~~…查看更多

聽人講左好耐呢間野食~一直都冇試過,甘岩約左人食飯,就揀左呢間食,氣氛偏暗,野食唔錯,特別好食ge係個海鮮煎餅~其他水準一般,但唔會再返食,價錢都偏貴,但份量係多ge,多人食會開心d~因為我地2人食,飽到嘔,都淨左好多,好彩可以帶走(要加外賣盒錢)…查看更多

見新開左間西式餐廳,所以收工去左試,裝修一般，價格都偏貴,野食外觀係幾令,但味道比正常水準偏低,冇樣覺得好食,有點偏咸,反正係食完唔想再食一次,個價錢同野食唔成對比,小食每款要$44,但事實上得5-6粒炸魷魚 &4隻雞翼(切半,全偏咸),白汁火腿意粉，個PIZZA除左有黑松露油外,冇菌味。…查看更多

今日係520~冇男朋友,但好彩仲有個家姐陪食飯>口<去左間好有特色ge日本料理居酒屋,小食一般水準,最好食係海鮮卷,配左三文魚子&和牛&吞拿魚&三文魚,全部都係魚生(唔食得生野ge可以唔需要叫),口感嫩滑.另外鰈魚邊,入口即溶,好有口感!!環境裝修好有以前日本時代感,氛圍十足~~一班人傾傾計,食下野都好…查看更多