nananaangela的个人专页

聽日同另一半去天水圍做嘢，做完嘢之後就喺呢邊搵嘢食， OpenRice度搵到呢間新開嘅西餐廳，所以決定嚟呢間食，喺濕地公園附近，流浮山消防局斜對面，想睇單價可以再睇餐牌店員見我地2個人好惆悵咁諗緊食咩好，就主動推介我哋食二人套餐 $298我哋揀咗餐湯，餐湯有2客，係雜菜湯水牛城雞翼4隻雞翼炸得好香脆，面頭淋上混合咗白醋嘅辣椒醬，酸甜且有辣度，好惹味而辣度係後勁慢慢build up🤤煙熏燒烤醬燒西班牙黑毛豬肋骨一個出色嘅黑毛豬肋骨，秘訣在於烤焗過程中加入醬汁，將濃厚醬汁焗乾，鎖係肋骨之上，而呢個正正做到🤤豬肋骨保留到原有肉汁，做到唔乾，十分加分墨汁海鮮意粉味道微微鹹鮮，同平時唔同嘅係用咗闊條麵掛汁能力會比較好。二配料有蜆、大蝦同埋帶子。小編就比較鍾意食大蝦。因為佢個大蝦爽口彈牙冇雪藏味！口感超好！帶子都好食，不過夾埋麥汁味道就冇咁突出！跟set提拉米蘇咖啡有可可粉同手指餅，估唔到凍飲都咁濃郁曲奇沙冰…查看更多

每次黎食都係食藥膳湯😝#藥膳農場醉雞新竹米粉 $68可以揀多芫茜，實在係芫荽愛好者福音，紅棗味勁香甜，配埋藥膳味道即刻覺得個人暖笠笠超級滋補，雞肉好嫩滑 又大件，性價比幾高重點係食過幾次水準都冇跌walk ，一直keep住都係咁多人食，午市好晚市又好 鍾意食新竹米粉 口感好細滑，同湯好夾每次食啲湯都會俾我飲晒，超滿足#柑桔檸檬特飲Order咗少冰少甜，酸酸甜甜，超級解油膩感台灣鹽酥雞 $30鹽酥雞炸到超香脆，入面都仲係嫩滑嘅唔會鞋出面鹹香有少少胡椒粉味，簡單調味已經好好食…查看更多

胡椒豬骨湯米線配 蘿蔔+豬潤黎到呢度小編都會想食胡椒湯！唔洗特別加錢又非常好飲！同埋依家開始入冬，不時黎飲下暖身都非常好！一如既往，湯頭非常重嘅胡椒味！胡椒控最愛！所以小編都一定要配埋蘿蔔吸下汁！佢地嘅蘿蔔處理好好唔會有渣同埋汁水飽滿，記住唔好咁快就食，一定要比佢吸下汁先！豬潤爽口彈牙唔會有味！都係水準之上！所以小編真係好中意黎呢度食！酸辣炸醬撈紅薯細粉，少少辣，味道適合平時吃10小辣的朋友加了3個配菜：螺旋藻：口感似海帶，但係比海帶再柔軟啲，有豐富嘅蛋白質，另外女士食嘅話可以抗氧化㗎QQ鱆魚餅；口感幾爽口彈牙，口感都似食魚蛋雞絲：睇得出真係用手撕出嚟，唔係用刀切🤓餐配 惹味豬頸肉（四川麻辣）$18豬頸肉小編除左梅子粉係最推薦之外，中意食辣嘅人都要試埋呢個四川麻辣！辣味會將油膩感減低同時辣度油香並存！好好食！套餐加配雞扒 $22 好juicy 唔柴 必飲推介🧃檸檬桂花蜂蜜金橘乳酸…查看更多

早幾日係天水圍新北江搵野食，最鍾意捐窿捐La搵餐廳食，搵到呢間上海野，睇佢餐牌d野食都好抵食花雕雞酸辣湯麵$57宜家天氣好熱 個人食野都冇咩胃口，所以叫咗呢樣開下胃，味道很夠酸，辣度都係剛剛好，味道balance，另外都有d材料係入面，冬菇，木耳絲，紅蘿蔔，肉碎等等上海小籠包 $34/4隻小籠包就真係超水準，用皮薄餡靚嚟形容都唔過分！入邊嘅湯亦都唔算油膩。食多一兩隻都可以！價錢亦都係坊間水平。非常經濟實惠。手拍小黃瓜 $21 口感爽脆 微微的醋酸香味 仲有濃郁的蒜香味 紅油韭菜水餃 $33 因為水餃皮比雲吞皮厚，冇想像中嘅辣！比起抄手，份量會比較滿足，同埋韭菜味都幾濃郁！小編都幾鍾意呢個配搭！口水雞翼 $39/4件呢個口水汁應該係今日食嘅最辣！雞翼幾大隻！切開比較入味，同事食起嚟亦都好方便！…查看更多

好耐之前喺其他分店都有食過，估唔到依家開喺屋企附近，做gym嘅朋友仔食呢間都幾好，健康又飽肚，味道唔會太鹹幾推介，係真正家的味道招牌二人套餐 $145入面有半隻招牌手撕雞，仲可以揀兩款小食招牌手撕雞手撕雞份量都幾多，芝麻滿滿地撒係面，雞肉口感幾滑，有些少鹽調味，另外附上蔥油 香味再升級小食雙拼鳳爪可以揀辣或者唔辣，鳳爪口感爽彈，味道唔會過鹹，勁似我媽咪整嘅口味，另外佢係斬開兩件，所以都比較容易入口唔會食得太辛苦麻辣豬耳份量多 豬耳爽 涼拌夏天一流不過小編唔算食得好辣 佢嘅辣度大概係五小辣左右，大家可以參考一下上湯魚腐娃娃菜娃娃菜好鮮甜，魚腐吸收咗上湯同娃娃菜嘅甜味同鮮味仲有兩碗住家靚湯紅蘿蔔粟米豬骨，個人覺得出街食，最緊要就係一碗靚湯，因為真係唔係度度都有。小編覺得呢度最大嘅優勢就係不論食物定係湯品都非常住家！…查看更多

最近係元朗搵朋友，係openrrice見到呢間新開嘅Cafe 就同朋友講不如試吓呢間，呢間仲要係小店，朋友話星期六日既日子都好多人排隊，平日黎食會好d唔洗等咁耐😆我哋一人叫全日早餐，一人叫意粉超級全日早餐 $138Super All Day Breakfast有超多野食😍明治牛乳炒蛋、煙三文魚、水果、煙肉、牛油啡菇、日式豬肉腸、三角薯餅、茄汁焗豆、蒜香多士辣肉醬蝦仁意粉 $88味道比見到嘅更好食 ，小編最中意食佢嘅蝦，好大隻好彈牙，食落有蝦味，本身蝦嘅質素都好好！意粉嘅配料豐富亦非常有層次感有蕃茄、洋蔥、肉醬黑椒等等辣椒粉嘅調味唔太重，簡單令到蝦非常有鮮味！口味微辣亦非常有食慾梅子可樂 $35話就話梅子可樂，但係其實入邊仲有青檸所以入口除咗有梅子味之外，仲有少少清爽類似檸樂口味！凍桂花拿鐵 $48面頭有撒桂花，唔單止係視覺效果，飲個陣要攪拌均勻就會飲到桂花味☺️…查看更多

好耐之前都幫襯過佢哋，今次見到又有新嘢推出胡椒豬肚雞腳湯米粉$56佢嘅胡椒豬肚幾抵讚，會加少少紅蘿蔔。對於如果怕胡椒味太重覺得辣嘅各位，可以試下搞碎撈湯一齊飲，會多左種清甜減輕辛辣味道，非常有特色！雞腳非常香胡椒香味，但唔會淋曬仲有口感！另色豬肚份量都算多！食落亦都唔會覺得靭。天氣凍嘅時候飲番碗胡椒湯一流！酥炸雞扒 魯肉飯 $65雞扒超級大塊，炸粉上得啱啱好 唔好太厚，最緊要係夠juicy同滑，雞扒下面仲有d滷肉 ，大大碗 好滿足呢個係餐廳嘅招牌，雞扒炸皮好薄外皮調味適中香脆。雞扒嫩滑！滷肉有肥有瘦油香十足，非常下飯！飯嘅份量亦都非常多，成年人，絕對夠飽！食左幾塊雞扒先見到仲有半隻糖心蛋，可見份量真係超級多又好味！推介！熱冬瓜 $5冬天一定要飲返杯 甜度剛剛好芋泥肉鬆蛋餅 $45終於食到呢款人氣蛋餅了，蛋餅皮薄 內餡好多 原隻蛋、肉鬆同加咗小量蠔油調味 酥炸杏鮑菇 $35熱辣辣 勁脆的口感…查看更多

佢哋最吸引我嘅地方就係佢哋會有四個自家製嘅醬，有薑蓉 沙薑 百搭同埋泰式醬，所有醬點咩材料都好好食泰式豬頸肉拼海南雞飯 $63佢嘅泰式豬頸肉分量非常多，外皮烤得焦香豬頸肉保持有水份配埋砂薑醬百搭醬真係冇得輸！海南雞飯，一如以往保持水準，皮爽肉嫩完全零死角！不過小編食呢一間嘅海南雞都係鍾意配百搭醬！重口味人士😂！台式肉燥拼醬油雞飯$58 反而小編食醬油雞就鍾意配蔥油，因為佢嘅醬油雞真係夠晒味，蔥油撈飯就真係一流。佢嘅肉燥會有少少肥肉，食落口口感幾好幾Juicy！泰式煎肉餅 $48/ 5件泰式煎肉餅外層煎得超香脆，我個人最鍾意嘅食法就係點百搭醬，另外肉餅嘅厚度都都算幾厚，超有口感 完全唔乾新鮮沙薑豬手粒 $50份豬手粒嘅豬皮，超級爽脆 沙薑味都醃得好入味 完全冇雪藏味…查看更多

超鍾意呢間韓燒店，因為佢可以免費追加 韓式小菜，泡菜、醃蘿蔔、青瓜、海帶絲、仲有爐邊蛋🤓同埋芝士粟米鹽蔥牛舌旨味套餐 $598呢個套餐主要有以下嘅食物薯仔牛骨湯 呢個湯非常好飲，薯仔煲到半熔令到個湯薯仔甜味非常重。牛骨煲到個湯好香，飲落都有牛骨髓味！而且煲到牛肉軟淋輕輕都咬得開！鹽蔥牛舌呢個係套餐嘅頭牌，都係小編最鍾意食嘅！牛舌顏色好靚！厚薄適中，燒完微微有入口即溶！牛胸腹肉肥瘦均勻，肉唔算厚燒得焦香入口非常好食！蔥蒜牛五花牛五花比較厚切，配上蔥蒜增添風味。入口有嚼勁，肉味油脂甘香都非常突出！秘製醬油豬五花韓國燒烤豬五花，簡直必備！好大塊而且有返咁上下厚度！燒完切開配泡菜生菜食！油香爆炸簡直大滿足！梨汁雞腿肉你執味道好清新 雞肉味道又唔腥 juicy芝士生蠔生蠔脹卜卜燒完之後都唔會縮水得太勁，啲芝士超多如果鍾意食芝士生蠔嘅一定要食呢樣石頭鍋飯 $108韓式紫菜飯薑橙 熱飲 $25冬天特登叫咗個薑橙熱飲！薑味非常重，加埋橙嘅果甜！冬天飲一流！玫瑰佛手柑 熱飲 $25…查看更多

開心果而家真係超級大熱，去到邊都見到開心果製品嘅蹤影，我又唔執輸同朋友嚟試吓先 🤣🤣🥹 下次有機會一定會試埋佢其他開心果製品開心果奶蓋麻糬奶茶 $56開心果奶蓋味超濃郁 鹹香味道適中，個底仲有啲麻糬溝埋一齊 成件事好邪惡，茶味都好香濃桂花龍井手打檸檬茶 $30本身香水檸檬香味都好濃郁，又唔會有苦澀味！加上桂花烏龍嘅茶底再多一種芬芳嘅花香，檸檬香甜微酸配都幾濃郁嘅茶底！飲落香甜順口！另外依家都好少餐廳，有位可以坐 呢度買完飲品，又可以坐低慢慢飲…查看更多

飯團君 (旺角)旺角彌敦道688號旺角中心第一座1樓F88A號舖早前去旺中行街 行到去一樓嘅位置就有幾個舖位係賣嘢食嘅，食住嘢行街都幾開心 又慳時間🤣🤣🤟🏻🤟🏻同朋友share咗兩款飯團嚟食芝麻八爪魚 $38最主要材料有八爪魚、青瓜絲、肉鬆、蛋絲、油條脆脆等，佢嘅紫米含量都幾高 營養幾好 味道好豐富 好有層次黑椒雞扒 $38宜呢款主要材料有黑椒雞扒、青瓜絲、肉鬆、油條脆脆等，雞扒味道適中，唔會太鹹 黑椒味適中奶蓋開心果豆乳 ＄28奶蓋味好濃郁，甜度適中，最緊要嘅係開心果味都好夠 又唔會蓋過豆乳嘅香味完全係好邪惡嘅飲品😚黑芝麻豆乳 $25黑芝麻味道超濃郁 同豆乳係好夾鍾意健康嘅朋友仔可以嘗試呢杯…查看更多

呢間應該會取代其他品牌廢水飲品牛油果碎蛋吐司 $48吐司薄脆，最脆係邊邊🤤偏向清新口味的吐司，推介比鍾意食清淡口味既朋友仔，牛油果好夠熟，同碎蛋好夾白玉紅豆燒仙草 $44呢個係誇張地大桶🙈啱曬我呢d鍾意食煙韌野既人，大量白玉，白玉即係小丸子 味道唔會太甜，燒仙草又切開咗，方便進食🫶🏻食完之後又可以keep返個桶，用黎裝其他糖水🤤樽裝木瓜雪耳雪梨豆乳500ml $36滋陰養顏真係一定要食呢款，木瓜熟曬，個底有好多木瓜粒，味道同豆漿都好夾奶蓋芋泥小丸子（凍） 500ml $38一打開就即刻飲奶蓋 好邪惡🤓個底有超級多芋泥，而且唔甜 啱曬鍾意飲低糖飲品既人 小丸子都一樣好多🙈overall黎講 佢地飲品真係好方便進食，而且份量又多，以一間專門賣豆漿飲品的店來說都幾多元化，而且好識將d煙韌野食放賣一齊 飲豆漿之後仲有得食…查看更多

泰印蝦膏海鮮炒飯 $88蝦膏味唔算重，食落有微微嘅鹹同埋令海鮮提鮮！配料好豐富，有蠔、魷魚筒、蝦！同埋都好大隻！性價比幾高！炒飯都幾有鑊氣！夠乾身亦有微微嘅焦香！半隻烤雞$98 小編認為呢間鋪嘅燒烤做得非常出色！烤雞價錢算中等！但質素好高！雞皮烤到香脆走油好似薯片咁！雞腿嫩滑爆汁！雞胸都唔會乾！雞本身都唔細隻，份量ok!細冬陰功湯$68 每間餐廳冬陰功都各有特色！呢度嘅冬陰功辣度會比較低，酸味比較突出！小編覺得餐前小品開胃/食食下解膩都好適合！燒羊架$78燒羊架性價比就好高！$78有3支骨就算平時街市買價錢都唔會差得遠，羊架肥瘦分明！肉質嫩滑彈牙，醬料仲有一個酸辣汁用黎解解膩！幾有特色！泰式綠奶茶$22蜂蜜青檸金橘$25…查看更多

早前同朋友在樓上體育館做運動，運動前去了呢間食，最吸引我的係鹽焗雞飯，隻碟上送檯面的時候都係熱的，呢個幾抵讚，因為平時好少見到有呢樣，可以令食物保溫更好，雞油冇咁快瓊#盐焗雞飯 $48盐焗雞味道香濃，鹹味不會太強烈，調味適中，配白飯一流，雞皮也是爽的，雞肉部分也做得挺嫩的 ，補充蛋白質 不錯👍🏻#雲吞 $40皮薄 餡料大顆 蝦肉好爽口 湯都喝光了食店環境坐得舒服，而且都算多檯，通常商場內的餐廳都比較小，呢間就不會細 多人都坐得舒服…查看更多

尖椒炒豬頸肉 $108通常呢個川菜店出現比較多，咁岩見到有仲轉左做豬頸肉就試試佢。呢個味道好豐富，因為佢仲加左洋蔥所以食落除左辣仲會帶少少甜味！口感層次都豐富左好多！辣味就唔洗講，大概係小辣至中辣之間，但唔會keep住辣！配埋豬頸肉爽口層次係一個超級白飯殺手！🥰醬油小炒皇 $108小炒王嚟講呢個都算幾新穎，係我第一次食呢一類嘅小炒王，因為呢碟小炒王有燒肉另外蝦乾、韭菜同腰果都好多，食起上黎好有口感例牌燒鵝$138小編中意食燒鵝，但係又冇話特定咩部位比較中意，整得好食就冇問題！叫個例牌仲可以抽下獎比少少期待感！平時都係上庄比較多，冇咁多肥！平時keepfit開嘅小編矛盾感會冇咁大！🤣今次抽到下庄，絕係中左大獎，又夠肥又有皮，趁熱食絕對係金石良言！之前都食過聚豐！佢地嘅燒鵝絕對係元朗頭三！所以小編黎到點叫都冇問題！佢地燒鵝皮脆肉嫩！真係食薄脆咁！加埋鵝油香都算係天花板！…查看更多