chingemily的个人专页

叫咗碗牛魔王蕃茄湯米線，上菜非常之熱辣辣，份量都唔少牛魔王包括有牛丸牛舌牛腩等材料。蕃茄湯亦都好順口唔會太鹹或太甜，呢度嘅米線係可以免費追加，應該適合唔少男士。米線就口感一般般，腍咗啲。但60幾蚊嚟講性價比相當唔錯，幾足料而且味道唔差，算係灣仔返工唔錯嘅選擇。另外叫咗份新疆雞翼，炸到非常之香脆，熱辣辣真係啱啱炸起，仲食到生痱滋。但雞翼本身冇好入味，只係有啲辣粉喺面。…查看更多

嚟到將軍澳嘅美食廣場，諗住簡簡單單快快脆脆食啲嘢。依間小店意粉即叫即整，叫咗個招牌嘅卡邦尼意粉，都等咗10至15分鐘。意粉有少少擺盤，份量都唔少，醬汁唔會好稀，唔會只係得白汁味，整體來講係好食！意粉價錢$50-60嚟講，真係唔錯，會推介朋友嚟食！…查看更多

Lunch time一個人想快快脆食個午餐揀咗嚟呢間越南小店，因為店面非常細位置坐得都相當擠迫。手機自助落單俾埋錢，叫咗一份越式香茅豬扒法包配兩隻牛油雞翼小食，連越式咖啡$85。越式法包烘得香脆，香茅豬扒調味鹹咗少少，整體配埋各式配料，幾好食嘅法包。不過之後食完就有啲口渴可能調味重手咗啲。牛油雞翼就一般冇乜特別，冇特別香。…查看更多

喜歡同朋友去居酒屋食飯，可以叫多幾款小食或者串燒一邊傾偈一邊食。依間居酒屋嘅食物質素幾有驚喜。叫咗酒盗芝士，牛油果蟹肉沙律，炸雞翼，明太子冷烏冬同埋蒜香牛柳粒炒飯仲有個炸豆腐，明太子玉子燒。炒飯炒得好香，不過牛柳粒份量可以多少少。牛油果沙律creamy好食。雞翼嘅調味亦都好好。亦都好鍾意食明太子玉子燒加埋明太子喺上面嘅鹹香非常之好食。居酒屋坐得迫少少，但係服務好好。價錢都唔平，食物份量亦唔算大，但整體都值得同朋友嚟試吓。值得一提餐廳有好多款嘅sake選擇。…查看更多

同屋企人去家上海晚飯，印象比較出色嘅係鐵板生煎包以及蒸小籠包，兩樣都Juicy而且熱辣辣所以係好食嘅。另外叫咗個東坡肉因為自己比較難整，但味道比較一般沒有特別出色。鍋貼嘅皮亦都比較厚，趁熱食還好攤凍咗就更加硬。當日叫嘅糖醋魚上菜時亦都唔熱，又唔脆。晚市服務比較一般，整體感覺食得好急，想吹你埋單交枱。…查看更多

喺將軍澳區已經食過好幾次嘅西餐，咁多次嘅水準依然係穩定地高，每次嚟都會嗌套餐，包括有前菜嘅沙律份量都好多又新鮮，雞翼配上惹味嘅辣醬亦都好開胃。每次都覺得好好食焗龍蝦，炸豬手亦都係非常之皮脆肉嫩，牛扒大件得來煎得恰到好處，而且肉味香濃。墨汁意粉食落會有啲膩，但味道都係相當唔錯嘅，同朋友share食會比較好。最後跟餐會送一杯玫瑰接骨木花茶。當日晚飯仲有得玩夾公仔機，夾中會有餐廳嘅優惠券。整體嚟講呢間餐廳環境唔錯，坐得相當舒服，值得同屋企人同朋友再嚟幫襯。…查看更多

呢間燒雞已經食咗好多好多次，但係依然食唔厭同埋水準依然係好穩定每次嚟都係非常之熱辣辣，皮脆雞肉又唔會乾。燒雞本身調味都都好入味，每次嚟都係咁多人食一定有佢嘅原因。燒雞可以揀配飯意粉或者薯條，雖然已經加價到$88但間唔中都係會想嚟食。另外呢度嘅炒粉麵亦都係幾唔錯，星洲炒米非常大碟而且炒得好香，配料雖然唔算得上係好多，但整體嚟講都係好食嘅。…查看更多

位於銅鑼灣相對寧靜嘅小巷，行過門口都唔容易發現呢間舖頭。今日食咗日式嘅午餐揀咗三款餸，當中有唔少素食選擇。舖頭裝修係日式和風簡約，播住一啲日式嘅復古音樂。叫咗三款餸包括牛肉卷，炸秋葵以及蕃茄奶油雞。份量唔少，擺盤亦都精緻。味道唔錯，但奶油雞就可以滑啲。總括嚟講$88，喺銅鑼灣區嘅日式餐廳嚟講的確係一個唔錯嘅選擇會推薦朋友嚟試吓。尤其是係素食嘅朋友，有菜式好多選擇。…查看更多

今日同朋友食咗兩個午市定食，我哋都選擇咗慢煮豬軟骨定食$88，午市亦有唔少一人火鍋選擇。特別要提嘅係服務很好，講解餐牌清晰又主動。定食嘅擺盤好有心機，亦都包咗沙律西京味噌湯刺身一預碟同埋主食，仲有甜品黃豆粉蕨餅。慢煮豬軟骨相當軟腍亦都入味好好送飯，相當唔錯，魷魚刺身有驚喜非常爽同鮮味，亦都配咗一啲三文魚子。唯一比較失望嘅係兩件蕨餅，欠缺口感。總括而言，環境舒適地方安靜，店員服務好食物都唔錯，會再光顧。…查看更多

海旁餐廳環境好好食物水準都唔錯，假日去到將軍澳南食午餐，餐廳裝潢以紅色為主調，望落好有活力，亦有一種去咗泰國曼谷嘅感覺。餐廳主打東南亞菜主要係馬來西亞食物，泰式都有。今日叫咗午餐set，頭盤有柚子大蝦沙律份量一啲都唔少，柚子甜，有三隻蝦，作為前菜好開胃唔錯。主菜就叫咗蜆肉大蝦雞蛋炒河粉配新加坡黑醬油，重口味之選。醬油濃而且甜，炒得幾有鑊氣，整體都幾好食，不過就偏濃味咗啲。最後甜品有一份芒果糯米飯作結，同樣地份量十足，一啲都唔似跟餐甜品。芒果甜，而且糯米飯仲熱！總括而言，食物質質素唔錯，服務好，而且坐得好舒服，有驚喜，值得推薦朋友再嚟呀。…查看更多

今日同朋友晏晝去咗食午餐，發現而家餐廳多咗好多特價選擇，不論係定食定係鐵板燒都有優惠。同朋友簡單叫咗一份親子丼$50，一份帶子炒飯$60，仲有咖喱吉列魚柳吉列蝦定食$68。喺鐵板燒餐廳食炒飯，特別有鑊氣，可惜胡椒味太重口味。但整體份量同味道都唔差，食得到一粒粒帶子👍朋友叫嘅滑雞親子丼就啱啱相反，味道偏淡，可以唔叫。咖喱吉列蝦吉列魚柳都係新鮮炸脆卜卜，咖喱味道唔錯， 擺盤細心確保炸物脆。呢個價位，位處銅鑼灣地點方便，包埋麵豉湯沙律同茶碗蒸，真係非常實惠，會再次幫襯試吓其他款式。…查看更多

週末嚟到牧羊少年喺將軍澳單車館嘅分店，同其他商場嘅分店唔同，感覺呢度更加悠閒舒適有空間感，新裝修有大量自然光座位亦唔太迫。假日午市，亦都有午市套餐，價錢由$98起，叫咗一份漢堡配番薯條同一份巴黎牛油汁魚配飯，兩款質素都唔錯。漢堡包牛肉質素唔錯， Juicy番薯薯條份量超級多，食都食唔晒，而巴黎牛油汁調味剛好唔會過鹹，都好適合配飯，即場下載會員app亦都送咗一份八爪魚丸。特別欣賞跟餐嘅咖啡唔會好求其，好飲，有果香味。…查看更多

同朋友午市嚟到呢度食午餐，叫咗一份沙嗲牛頸脊烏冬同埋榨菜蒸鯇魚腩。牛頸脊肉質好嫩滑亦都有牛味，烏冬好滑，份量都唔少沙嗲唔算過鹹，會想再嚟食嘅款式。鯇魚腩勁大份，配上大量蔥，好好送飯。餐廳座位都算闊落，而且乾淨衛生。裝修佈置充滿懷舊氣氛，係銅鑼灣灣仔打工仔食晏之選。午餐價位都係60幾至70幾蚊不等，價錢算合理包熱飲，凍飲加$5。…查看更多

🏮旺角日式居酒屋 食物種類超多🍲🍣 ⭐️令和關東煮($88)關東煮高湯幾香濃，材料有蘿蔔、竹輪、魚蛋、魚餅等，尚算入味，只係部份魚餅有啲未解凍完嘅感覺。 ⭐️渣滓牛腸鍋($128)好掛住依個福岡名物，牛腸份量超多，韭菜椰菜吸收咗啲湯汁好惹味。但係依個嘢食真係比較肥膩好邪惡，同一大班朋友叫你送酒比較好。⭐️鹽燒雞翼($28)⭐️鹽燒牛舌($48)牛舌唔錯，大細剛好，食落有肉汁。雞翼反而偏乾，味道普通。⭐️鮮檸檬威士忌梳打($48)坐低叫杯夏日檸檬威士忌梳打 勁誇張嘅檸檬串🍋 賣相有趣， 適合打卡，燒酎味道不算濃， 檸檬味清新。 ⭐️梅酒($68,買一送一）好抵嘅優惠！梅子味道不太突出，整體偏淡。餐廳嘅環境同食物質素唔錯，細細間得來幾有氣氛。餐單種類真係非常多，有串燒、鍋物、刺身、炸物… 想食乜都會有。鍾意飲酒嘅朋友，依度好啱你，大部份價錢都相宜，很推薦檸檬威士忌梳打。去開旺角想食日本嘢，呢度係唔錯嘅選擇！ 令和居酒屋 Reiwa Izakaya 
📍旺角洗衣街111-127號建煌華廈2期地舖…查看更多

📍將軍澳康城 新開日式定食餐廳🔶極上牛舌芯丼定食 $88🔶溫泉蛋豚肉生薑燒丼定食 $68🔶叉燒湯烏冬 $78 近排康城換咗唔少新餐廳，包括今次試嘅瀛樂 。比較推薦極上牛舌芯丼定食和溫泉蛋豚肉生薑燒丼定食。牛舌口感幾嫩，豚肉片唔會太肥，米飯吸收咗肉汁好好味。豚肉生薑燒附上溫泉蛋流心，整體冇咁油膩。反而叉燒湯烏冬湯底好鹹，叉燒尚可，烏冬面質太淋身，比較失色。值得提餐廳服務幾好，店員都好熱心💛…查看更多