venus811的个人专页

今日去咗試呢間新cafe, 店員後生又有禮貌，環境清新簡潔，好適合冇嘢做你嘆一嘆杯咖啡，咖啡同嘢食質素都好好食，另外店員都有解釋兩種咖啡豆嘅分別，帶貓狗都可以坐出面，價錢都相當合理！下次過嚟試吓剪下頭髮先成個裝修設計都好文青，令人好relax一杯係cappuccino一杯係latte, 奶泡都打得好幼細個多士唔知點解好好味好鬆脆😂呢款係泰式豬頸肉包，辣辣地有啲fusion嘅感覺，個包又係唔知點解好好食，另外上面呢杯係熱朱古力，朱古力味好濃手工意粉就唔使講啦，口感煙韌，想再食多一碟。另外想提一提呢一碟whisky味waffle, 唔同普通嘅窩夫，佢係有啲牛角酥先，食落又脆又煙韌，感覺新奇…查看更多

難得今日同同事一齊收工，梗係去銅鑼灣大喜屋食放題啦，好耐冇食啦！入到去，原來呢都冇乜人食，所以環境幾寧靜，好適合傾計。一開始梗係嗌魚生先呀，首先試咗三文魚，入口即溶，又凍又新鮮，繼續狂encore。之後就是紋甲魷魚，事關本人真係好鍾意食魷魚，佢呢隻魷魚雖然一條條好細條，但係真係好煙韌，嗌左好多條之後梗係試食海膽手卷啦，啲飯又小，海膽又新鮮，冇腥味入口即溶。之後就係海膽拖羅魚生塔，海膽甜蝦壽司，鵝肝伴帶子，細細粒嘅花之戀，同埋黑松露油金魚，呢個配搭真係好特別，黑松露醬係畫龍點睛。跟住就係食炙燒芝士玉子，同埋大喜黃金蟹棒燒，呢兩件都勁大件勁抵夾埋啲芝士真係一流。呢一疊係我成間餐廳最鍾意食嘅嘢，就係燒三文魚壽司，同埋海鹽燒左口魚邊壽司啦！兩舊都入口即溶，燒到溶左落d飯度，仲有好香既炭燒味！天婦羅都係重點項目之一，炸得好脆，矮瓜南瓜簡直係超好味唔使講個炸蝦啦，一流。每次放題必食的芝士年糕。最後甜品項目，有牛乳拉動，焦糖布甸， Tiramisu，伯爵朱古力杯，全部都不過不失。…查看更多

今日同朋友閒逛希慎，搵有tea menu既餐廳。見到kikusan有喎！呢個時段係自助形式，都唔錯丫！我嗌左豚肉炒公仔麵，配柚子檸蜜。賣相唔錯，公仔麵份量超多，好煙韌，配菜係辣辣地既蘿蔔絲，有d韓式既感覺，但又好match喎成件事。…查看更多

今日約左個好耐無見既朋友食飯，近近地就揀左呢間好近地鐵站既日本餐廳。見佢價錢都唔貴，就試試佢啦。 佢既餐牌好厚，好多圖，食物選擇係好多，仲有幾板甜品menu。首先嗌左既係溫泉玉子牛油果凱撒沙律，成碟沙律都幾fresh，第一次用溫泉玉子當沙律醬咁食，感覺幾健康。同埋個麵包乾同平時食個d唔同，幾好食。第二碟係雜錦刺身丼，八爪魚同蟹籽都幾彈牙幾脆，玉子印左和氣兩字感覺有誠意。第三樣係電擊雞翼配薯條，呢碟係有點surprise😂因爲原來個雞翼係凍食的，可以當佢係前菜，又甜又辣都幾開胃既，薯條正正常常咁好味。第四樣係蝦三味，有幾種唔同既生蝦，甜蝦生蝦玻璃蝦，一碟有晒三種感覺。第五樣係芝士厚燒玉子，我覺得呢碟係必嗌，真係好厚好juicy，加埋塊芝士邪惡又好味。第六樣係雙重芝士鰻魚卷，呢碟食完好飽，上下都有芝士，嗌左呢碟可以嗌少d其他野。第七樣係抹茶芭非，一句講晒，個雪糕同via tokyo有得揮，好濃抹茶味好creamy，同裡面d粟米片好match，但個糯米滋大粒左d😂最後嗌左凍檸茶，ok喎，有茶餐廳水準。Overall黎講，呢個價錢食到成枱都係食物，都唔錯，係一個幾適合成家人落街食晚飯既地方。…查看更多

我依家勁嬲，呢杯野真係好難飲。重點係，d珍珠係根本通唔過條飲管，可以點飲呢？仲要珍珠中間係硬，得d粉味，奶茶好似奶加水。仲要賣30蛟，貢茶都好過佢多多聲，唔明點解仲有人會幫襯！bye…查看更多

今日係銅鑼灣接男朋友收工，就食佢鐘意食既韓國雞減下壓啦。呢間係lee garden個度行入啲就到了。入面環境暗暗地，氣氛唔錯，幾適合情侶黎約會傾計的。都係半open kitchen design，可以係大玻璃入面見到裡面有個大焗爐，見到staff將啲雞搬出搬入。其實雞有好多味，有辣招，葱香，照燒汁等。。。我地揀左招牌燒雞，希望可以試真啲雞既味度。碟雞上得最快，未食已經聞到好香既雞味加少少香草味。餐廳亦有手套提供，好貼心。雞肉好嫩滑，唔洗點汁都好食喎！介紹番汁有chilli sauce, cream sauce, honey mustard。chilli sauce令雞有泰國味，honey sauce又甜又酸好開胃，cream sauce係再甜d。側邊都有個鐵筒擺雞骨。第二樣食物就係海鮮湯烏冬。呢個好扺食，裡面應該有七八隻青口同蜆，兩隻蝦，金菇同好多菜，湯底好鮮甜，而烏冬係唔係平烏冬，好滑的。野飲嗌左荔枝燒酒，男友話酒味不濃，不過荔枝味好味，應該幾啱女仔飲。同埋真係好大杯。另一杯係芒果凍茶，正正常常幾清新。Overall係抵食！有少少食唔晒，嗌左雞既話另一碟餸可以嗌少啲。…查看更多

其實同男朋友成日都去銅鑼灣食晚飯，次次都係食我地食慣既米線，今次試下食啲樓上鋪頭先。我地係登龍街咁多食市中揀左JK Kitchen黎試，都好耐無食過越式野lu。出面同裡面既裝修都好靚，感覺好乾淨。入到去，加分位係有個大電視🤓第一道餸係越式豬扒飯，賣相好野味，豬扒配炸蒜同葱真係無敵既組合，豬扒唔林唔硬，少脂肪得黎唔乾，啲白飯都好好味，perfect！第二道係越式春卷河粉，分左三碟咁咁上，好鐘意佢張青檸，辣椒，芽菜分開上，真係幾貼心，可以鍾意攞幾多就攞幾多，男朋友唔鍾意食芽菜就冇落過🧐春卷炸得好脆，食落又唔係好油，同埋好大條好足料呀！第三道菜係越式雞肉串燒，雞肉調味得幾好，好似唔洗點醬都好有味。甜品黎啦，呢杯係三色啫喱呀！真係有三隻包好有誠意，上面仲有椰果食，勁好味！到飲品啦，我覺得係今晚既重點，真係無嗌錯，就係越式三色冰啦！呢杯真係無敵大杯，由最底講起，有爽口既浪粉，之後有巨大既椰子冰，睇落好似一座雪山咁，最上有勁多紅豆，真係好正好抵飲！另一杯就係清浪既椰子水。整體黎講，上菜快，服務好，環境好，味道好，應該會再黎食。…查看更多

今日自己一個行東港城，想搵啲唔太貴又好味嘅嘢食，就見到呢間價錢中等嘅意粉就入去試啦。呢度嘅選擇真係幾多下，而且係下午茶時間，所以價錢再平啲。我就揀咗煙肉卡邦尼溫泉蛋腸通粉。通粉賣相都唔錯，一開始吉爆左個溫泉蛋，啲汁流晒出嚟，所以成疊通粉都好似有次小湯喺下面咁樣。通粉都幾有咬口，唔太林又唔太硬，配菜都幾多下有煙肉啦，翠玉瓜啦，紅椒啦，蘑菇啦。溫泉蛋同卡邦尼真係好夾，唔錯唔錯。嘢飲方面呢，我就帶咗一杯凍檸蜜，佢用嘅蜜糖就係菜蜜嗰隻蜜糖，都幾清新。如果想食啲平平哋嘅西餐，要求又唔會好高，都可以試吓呢間餐廳。…查看更多

我呢個珍珠奶茶迷，今日去APM行街，無啦啦就想飲一杯珍珠奶茶，發現商場裏面得一間Flash tea by happy lemeon。我嗌左杯珍珠茉莉奶茶，點知一試，珍珠係有鞋嘅感覺，一啲都唔滑，又唔煙人，竟然係我食過最唔好味嘅珍珠。而茉莉奶茶方面，茉莉味足夠，奶味都夠但係反而茶味就冇乜，整體來講都係失望而回，應該唔會再試佢哋其他產品。…查看更多

今日去金鐘搵男朋友食午餐，當然食我地最鐘意既米線。我去攞飛先，都排左15分鐘先入得去。我就嗌左濃茄金茹牛𦟌生菜米線，好多茄肉，但茄味唔濃，牛𦟌好爽口，米線都彈牙。男友嗌左辣茄肥牛魚腐米線，呢碗個湯底係麻辣，又幾唔錯喎！好開胃，配埋茄肉都好夾。野飲嗌左芒果鐵觀音，好味呀呢杯，真係成個茶包掟入黎，又有芒果肉，但記得要少甜。小食嗌左黑醋豬軟骨，呢樣係唔好味既，原來佢係冷盤，味道偏甜，有點肥。最尾食到勁飽，呢個價錢呢個地區都ok丫！…查看更多

一咁入黎見到咁多好評，真係難以置信。今日行經灣仔，想食魚生飯，見到呢間日本野就衝左入去，點知係無魚生架呢開野。都唔緊要，我就點左最穩穩陣陣既滑蛋鰻魚飯。88蚊，加18蚊有3隻餃子。凍檸茶黎到，左上個杯竟然係糖漿，成50ml咁多。檸茶得兩片檸檬，茶味又唔夠，不過佢係日本餐廳，我就算佢啦。重點！滑蛋鰻魚飯上到，賣相係差！點解d滑蛋可以出水，蛋唔夠，成pat好似芡汁咁，帶d油，見到都唔開胃。食落d飯係糊狀，懷疑比芡汁浸到林晒。鰻魚林batbat，又無鰻魚汁，未食過咁難食既鰻魚！…查看更多

閒經金鐘，見到呢間cupcake幾靚，(事關之前食過twelve cupcake覺得原來靚都可以好好味)，就諗住同朋友坐低試下。我地揀左mini cupcakes，$16-18/each，價錢都可以接受。味道有士多啤梨，雲尼拿，檸檬，綠茶，cookies n cream，賣相都幾靚架。點知。。。食落cream既質感係硬身，滿口油膩感，老實說，cupcake個cream唔好味，可以想像成個cupcake都會唔好味。重點係cookies n cream咁穩陣既味道都可以難食，實在太失望。雲尼拿味係藥水味添。蛋糕部分，口感膠膠地，好似係加左唔同色的素既蛋糕，街邊餅店既蛋糕仔仲好味。…查看更多

第一次去食鐵牛，佢係美麗華同the one 附近，十分方便。鐵牛環境好大，裝修都okay la，係要自己去櫃臺點餐的，係靚版大家樂。其實啲食物都好多選擇，好多嘢都好吸引。同價錢十分相宜。最後選了奮起湖燒雞腿扒便當。份糧好多，足夠兩人食。雞扒皮脆肉嫩，可惜雞肉不太入味，燒汁只流於表面。滷肉飯值得一讚，滷肉採用了瘦肉，佢亦加了乾蒜，十分惹味。而佢啲飯係用了珍珠米，加分加分。…查看更多

今日去左isquare六樓的上海婆婆吃午飯 剛了三道菜 第一道菜是336小籠包 外觀正常 味道尚可接受 第二道菜是香蕉高力豆沙 味道比較甜 不愛甜的我並不喜歡 但男朋喜歡甜的就很喜歡。第三道菜是上海粗炒 味道太咸 面質硬 狗都吃不下去總結而言 價錢貴 味道不好 不會再來。…查看更多

今日廢青去megabox搵朋友食，佢得一個鐘lunch，梗係搵間快靚正架啦！我就等左15分鐘就有位啦，比其它餐廳都算快。一入呢間佢都好似板長元氣咁用pad去點餐，個menu分類分得好仔細，而且啲圖畫都好得意。我揀左火炙刺身丼定食，$68，最左一陣食物就搭車送到了！賣相很好，火炙三文魚腩同帶子好新鮮，左口魚係入口即溶，難以形容，但個蟹棒我就覺得麻麻，爭鮮既帝皇蟹棒都好味啲。但整體黎講，$68包沙律同湯，同埋上餐速度，我都覺得可以！…查看更多