上星期去左呢間新糖水舖食，開左唔夠一個月喺銅鑼灣市中心地段，驟眼睇有一個樓面服務員，一黎就好熱情打招呼講解餐牌。等五分鐘左右店員帶位入坐。自助式要去cashier落單，取餐要聽實店員喺bar枱大叫單number去拎。一行人嗌左五個野食，逐份逐份出，店員要嗌足五次。店面都幾大，日日咁嗌真係要好好中氣先得。😮💨價錢預期之中，中上價位 成本去哂鋪租裝修。份量味道都正正常常，但餐具要洗乾淨啲，以及未抹乾嘅餐具，少許影響觀感。店間有少少亂，因為自助式 會有比較多人走動。好彩枱與枱都有一定距離，光線充足，唔會有壓迫感。整體係合格 唯獨希望改善下取餐方式 愛護下店員嘅聲帶。🫢…查看更多
