msssfoodie的个人专页

今日放假同男朋友去咗D2 place 行街，行到餓餓地就決定搵嘢食。望到呢間叫Kool kitchen既餐廳好似幾得意就決定試下，原來佢係一間泰越西餐廳。水牛城辣汁雞翼 $68醬汁唔算太辣，係可以接受嘅程度。雞翼幾大隻，應該係用巴西雞翼，所以肉質比較多汁同嫩滑。炸雞翼 $58味道有啲似食緊脆香雞翼，不過炸粉少肉多呢點做得幾好。個人覺得炸雞翼好食過水牛城雞翼。泰式香辣蒜片欖油鮮蜆扁意粉 $135其實呢個無咩辣味，係得微辣既感覺，扁意粉吸收左橄欖油同蒜既香味都幾好食，又唔會好油，意粉亦都做得夠彈牙煙銀。紅棗茶 $28好少見到有單係紅棗茶飲，夠養生！…查看更多

水晶餚肉望落去已經覺得好足料，而且好厚切，應該有1.5-2cm厚。咬落去味道剛剛好，唔會太鹹，我之前試過另一間的水晶餚肉非常鹹，食一塊就要飲一杯水。不過而家係冬天，所以都係食返熱的食物開心一點。另外點左煎餃，有好多款口味可以選擇，每一隻都煎得好香好脆，表面係金黃色好靚。裡面餡料都好多好足料，又有肉汁。水餃皮厚度都可以接受，如果可以再薄一點會更好。鍾意食餃子的話仲可以買店家提供的生餃子俾買返屋企自己整。…查看更多

近呢幾日天氣開始涼返，秋天就黎啦～又係開始大量食火鍋，雞煲既最佳季節。今日同幾個好耐無見既中學同學聚會，有人提議食雞煲，大家都舉手贊成。今次揀呢間雞煲店係大角咀，奧運站行過去大概5分鐘左右，門口已經見到有好大張menu寫住有唔同既雞煲選擇。我地點左個麻辣雞煲同醉雞煲，口感真係完全唔同。麻辣雞煲係好香好惹味，有唔同辣度可以選擇，而且佢哋用既雞好嫩滑，就算煲得耐但係都唔會好快老。醉雞煲就真係好有驚喜，因為用左花雕酒去整，所以酒香味好濃郁撲鼻，所有雞塊都吸晒花雕酒的香味，特別係而家秋冬天開始就更加啱食，食完一定暖笠笠！食完醉雞之後再落其他配料都好正，不論係麻辣煲定醉雞煲都好match，火鍋料選擇都好多而且好新鮮！…查看更多

一直話想黎試下呢間日本過江龍Gram但係講左好耐都未有機會黎，身邊食過既朋友都讚不絕口，今日終於到我試下啦。一打開menu就好興奮，每款班戟望落都好好食，最後我揀左三文魚牛油果班戟配抹茶沙冰。雖然餐廳有好多客人，但係等左大概10分鐘就已經有得食啦😍見到已經忍唔住‘’嘩～‘’因為淨係擺盤已經好靚好夢幻，真係有一刻以為自己係日本分店既感覺～三文魚同牛油果我都好鍾意食，但係從來都無諗過可以同pancake配搭一齊食，pancake甜甜地，蛋香味好濃，配上口感好fresh的三文魚🐟同牛油果🥑，感覺好健康唔會有罪惡感，對於鍾意食甜點而又想食得健康d既人真係非常適合。一向我都好少飲凍飲，但係見到隔離枱既沙冰飲品好靚所以我都忍唔住叫左杯。抹茶味沙冰好好飲呀，有抹茶香味但係又唔會好苦👍🏻👍🏻…查看更多

大角咀最近新開左間cafe，環境望落幾幽靜，客人唔算多，可以坐得幾舒服。因為我岩岩先食完lunch所以我就只係叫左杯飲品。朋友仲未食午餐，老闆就推介BBQ原條豬肋骨話好好食，所以朋友就叫左呢個lunch set。個豬肋骨都幾大份，望落好似幾好食，肉質都OK，不過我覺得有少少乾唔夠juicy，同埋都幾濃味，食到我朋友要係咁飲水。個餐配埋個意粉，但係因為分開煮，所以完全無味，可能預左客人夾埋d豬肋骨一起食。…查看更多

陪朋友來睇E-max的二手車展，行到肚餓決定去food court醫肚，揀咗一間餐牌圖片望落唔錯的餐廳。我叫左板上雪花一口牛珍珠飯，牛肉唔會整得過熟，肉質依然嫩滑多汁，配埋珍珠飯好香，令到呢個$50左右的午餐顯得好抵食。朋友點左安格斯牛肉漢堡，份量都幾大，但係肉質就太實唔夠juicy。…查看更多

之前已經見到網上好多人介紹呢間餐廳，覺得個logo好得意，客人又要著住圍裙食，今日終於有機會試到啦。基本上張張枱都有個海鮮袋😆，可以喺指定海鮮中揀3/5/8樣，再配一個汁。店員會幫客人shake個海鮮袋，打開之前會問我哋需唔需要影相，相當細心👍🏻我哋揀咗長腳蟹腳、小龍蝦、扇貝、蝦、青口，加埋佢本身一定會有嘅粟米，腸仔，薯仔。醬汁就揀咗檸檬牛油汁，個汁同海鮮好夾，完全可以帶出海鮮嘅鮮甜味。成個海鮮袋嘅份量得其實都幾多，單單食完呢個都已經飽飽地🙈…查看更多

最近發現酥妃皇后係東港城新開左分店，不過經過幾次都好多人排隊所以就無買到，今日見到難得無人排隊，就決定試下。買左牛角酥同鮮奶蛋撻，鮮奶蛋撻要等15-20先有。男朋友太肚餓所以無影到個鮮奶蛋撻就已經食左😂，佢就覺得個酥皮係ge,夠鬆脆，但係上面既鮮奶蛋撻口感就好一般。我係一個極度鍾意食牛角酥既人，所以對牛角酥既要求都會好高。可能因為唔係新鮮出爐，所以唔算好脆，咬落去都有牛油香味，但係裡面的layers唔靚，就顯示到麵粉比例做得一般。…查看更多

位於石硤尾南山邨內的平台，大多數都係舊式大排檔，但仔細一看，這裏有一間別樹一格的甜品舖，裝潢簡單舒服。同朋友點左梳乎厘，份量都幾大個，空氣感好強，但係又唔會好似食緊空氣咁，最重要係唔會過份甜，味道剛剛好亦夠香。 上面舖左d玫瑰花瓣增添左一份浪漫既感覺但係店鋪service真係有待改善，示意想落order但係好耐都唔黎，重點係當時根本唔忙，店員們自己傾計但係都唔serve 左客人先，希望呢方面可以有所改善。…查看更多