ppkkpoon的个人专页

難得復活節假期，梗係同老公開開心心出去食餐飯啦！今日揀咗位於iSquare 28樓嘅「割烹 櫓杏 」我哋book咗12點食lunch , 入到餐廳𥚃面，環境十分清靜與優雅，枱與枱之間嘅距離分得好開，十分注重客人嘅私隱。而且餐廳安排左一個靠窗嘅梳化位俾我哋，可以望住個海景，視覺上十分享受! 欣賞完咁靚嘅海景之後，我再細看餐牌，原來選擇好多，最尾我選擇咗一個三色丼。大概等咗5分鐘就上菜了。三色丼，顧名思義就係有三碗飯，三碗飯分別係角切魚生飯、蔥吞拿魚腩飯同埋鰻魚飯。角切魚生飯裏面有油甘魚、金目鯛、三文魚子、吞拿魚、深海池魚五款魚生，十分豐富。魚生都好新鮮，加上切粒，撈埋D飯好有囗感吖蔥拿魚腩飯加入咗蔥白、黃蘿蔔碎，味道鮮甜爽囗，齒頰留香。鰻魚飯裏面的鰻魚燒得十分香脆，而且鰻魚夠晒肥美。再配上鰻魚汁，十分好送飯。而且服務態度10分好，值得再次光臨！ …查看更多

今日放假，難得撇甩個仔，梗係同老豆去撐枱腳喇。日本迷嘅我，放假第一首選當然係食日本菜喇。穴呢間日本菜已經唔係第一次嚟，所以嚟到沙田。梗係九秒九跑過去攞飛排隊先啦，大約等咗15分鐘，我地就有位了。餓到飛起嘅我，餐牌都唔使睇就直接點咗幾個送。登登登登⋯首先登場嘅係白身魚薄切沙律，白身魚係鱆紅魚薄切，魚肉晶瑩剔透，油份亦都幾多，加上淋咗d酸汁係上面，令本身淡味嘅鱆紅魚添加了不少鮮味！再黎就上咗個刺身盛合，𥚃面有魷魚包海膽，油甘魚，甜蝦，帶子同鱆紅魚厚切。油甘魚唔夠肥，同有筋。帶子還可以，爽口鮮甜。至於魷魚包海膽，海膽香濃甜美，同魷魚一齊食，係一個幾好嘅配搭!接住再上咗個納豆手卷，納豆撈埋咗d日本幼蔥，食落去好香同好粘囗，尤其係呢度嘅納豆係一粒粒,食落好有口感。服務方面，基於佢地太忙嘅原因，有時成杯茶飲曬都未有人加。環境一般，位與位之間好近!…查看更多

面對工作壓力，lunchtime 應該要對自己好d，食返d好嘢平衡返自己嘅心理。今日去咗福村食好西慰勞下自己可能好耐無嚟過食飯，連轉咗menu都唔知。既然有新野，當然要試下喇。我order咗一個北海道丼，頭盤上咗個野菜沙律，目測d菜同蕃茄都好新鮮，一啖食落去，有幾種唔同嘅沙律菜令到口感好豐富，個汁好特別，食落去酸酸甜甜，帶有好濃既蜜柑味等咗大概幾分鐘，個北海道丼已經做好咗，碗𥚃面有三文魚籽，海膽，牡丹蝦同蟹肉。三文魚籽食落去鮮甜多汁，粒粒都脹卜卜，撈埋d飯簡直係絕配吖再嚟試下d海膽先，海膽好大片，應該係加拿大膽，食落去有少少腥味，但都幾甜，同埋份量都算多。隻牡丹蝦十分大隻，咬落去好甜好黏口。最後仲有d蟹肉，蟹肉落咗d蟹膏入去，令到原本單調嘅甜味加曬分，撈咗蟹膏嘅蟹肉，食落去鮮甜多汁，而且蟹膏味甚濃，令人齒頰留香食完呢碗飯已經飽到上心口，點知仲有一碗烏冬同面豉湯未上，好在碗烏冬細細碗啫烏冬係粗新嘅讚岐烏冬，食落去好彈牙，湯底係木魚昆布湯，飲落去好清，再配咗少少炸蝦碎，咬落去脆卜卜都幾好味。好努力食完個烏冬同面豉湯，侍應姐姐話送杯咖啡比我飲oh my god ! 個餐實在太豐富喇，好多謝侍應姐姐嘅美意，咖啡真係飲唔落！唯有下次再試福村環境其實幾好，坐得舒服。而且服務態度親切。值得大家一試…查看更多

老公難得放假都出嚟陪我食lunch ,當然要同佢去食餐好喇。老公一早就嚟咗攞位先，結果等咗10分鐘就可以入座，都唔算好耐。一坐低，第一時間當然茶都未到就點菜先，order咗小籠包，青瓜，酸辣湯，醉雞。好欣賞鼎泰豐嘅上菜速度，唔使5分鐘，全部到曬！當然我每次嚟一定係食青瓜先，青瓜爽口甜美，令人停不住口。醉雞酒味香醇，冰凍冰凍咁，令人生津開胃。食完涷冰冰嘅醉雞，再飲返啖熱辣辣嘅酸辣湯，十分醒神，酸、辣、爽口。一個字（正）！最後，主角出場，美味小籠包，令人流曬口水，一啖咬落去d汁噴出嚟，肉汁香濃，食到停唔到口。唔使45分鐘，我地已經將所有食物倒曬落個肚，十分滿足！😋😋😋服務態度都幾好，起碼個茶杯常滿。價錢都大眾化，絕對借得一試一試！👍👍…查看更多

同事生日，一行4⃣️人去咗公司附近嘅沙嗲軒。純粹係貪近，同埋坐得舒服。order咗4道菜，海南雞嫰、滑👍👍👍沙嗲豬、牛、雞無乜特別，勝在個沙嗲醬夠濃味同多花生。牛筋香辣通菜d牛筋煮得好［淋］。仲有最驚喜嘅係咖喱牛腩，配埋個印度烤餅簡單係完美嘅配搭😋😋😋服務就一般，但都可以接受，始終lunch time人多，未必一一招呼得好周到。價錢亦都適中! …查看更多