or#tm66897118的个人专页

叫左個香菇粟米雞肉餃拼菠菜湯餃🥟🥟個餃子其實都用心製作，好味既特別係個香菇粟米，好香，好juicy 💦💦💦食湯餃點少得個湯🫕🫕係粉葛煲赤小豆，相對無咩味，唔算好出色個菜圃都一般般😗😗😗咁岩等到開心果芝士蛋糕送到🍰🍰🍰立即試一試😋😋😋Creamy 到呢～～～～ 有啲巴斯克芝士蛋糕整到好乾身第一次食到濕潤，重開心果味，又唔係好甜～～～🥰🥰🥰絕對值得買返屋企慢慢嘆😌😌😌😌Ps. 次次都係食食下先記得影相🤣🤣🤣…查看更多

成日都唔知旺角有咩好食🤡誤打誤撞之下，搵到呢間餐廳👻立即點我最鐘意既肉醬飯🥹🥹🥹超好味！個飯底好有心！係蛋蔥粒炒飯，粒粒飯都好香🥚🍚仲要加隻蘭王蛋🍳🍳🍳🍳🍳肉醬既酸度剛好，再加有啲洋蔥粒，無咁寡🥹🥹🥹另外我地仲叫左一個咸蛋黃肉餅飯，都係好出色🥹🥹🥹只係六七十蚊，係旺角區黎講，真係算係咁🥹🥹要好好守住🥹🥹🥹🥹繼續用心做好啲食物會繼續幫襯的，加油💪🏻💪🏻💪🏻…查看更多

好多年無黎，但水準依然咁高🥺叫咗一個芥蘭薑汁鮮肉水餃+雞湯蝦子麵雞湯甜，薑汁辣，鮮肉鮮個辣椒油都好好味😝配埋杯烏龍茶，好寫意😛😛😛個價錢仲要唔貴🥺🥺五十幾蚊但咁舒適既環境，實在好有良心😊❤️…查看更多

👀叫左個牛腩蘿白車仔麵🍜價錢都唔算平，兩餸$44 一餸大約十零蚊，份量唔算多🤑麵底ok la ，都係個啲🤐黎到啲牛腩，我揾唔到啲腩，舊舊都肥膏同個員工講，佢話係咁架啵個老細都話係咁，係半肥瘦，但我揾唔到瘦既部分，所以無野食...但老細話係咁，係我地食唔慣新鮮牛腩....咁你都咁講🥱是但啦，可能係我唔識野，肥膏都係牛腩一部分....蘿白我個人覺得個味調得太甜，雖然無渣，但個味好一般加上我怕好辣，又想試下啲，所以想叫分開上啲辣，但原來要加$5 🤑🤑🤑…查看更多

😅😅😅一開頭有豬手、雞煲、牛尾骨任食個味係唔錯既但開始打邊爐就....我地首先揀左A餐，啲肥牛都幾薄同無味咁算啦，升級啦，比多幾廿蚊，以為會好啲😂😂原來只係無咁差.. 啲牛薄過紙，一拎起爛哂但最唔得既係出面個凍櫃，第一次見飲品唔吸引，唔知哂牌子黎其他配料好似雪左好凍咁，啲菜又好似無洗咁連條芝士腸都唔係金妹，so sad 點解前面啲評論講到咁抵咁好食...係咪我問題？咁就一人$300 埋單了…查看更多

雖然漢堡包睇落做法好簡單，但用心製作既漢堡包，客人係會食得出😀我哋叫咗一個牛，一個豬，再加套餐，轉杯奶昔🥛個包係好出色，似係牛角包製法而且食到裏面啲食材係非常新鮮，仲要有個告示板貼住啲食材係由邊度進口，好細心如果個醬汁都係自己製作，而且多番少少，就會更好😙😙但好在新鮮嘅食材搭救個奶昔仲要係燕麥奶，但味道有啲單調，如果可以搵多幾款食材，層次可能更豐富一定會再幫襯🥰繼續用心製作，帶更多好嘅食物俾大家🔥…查看更多

話說，訂左個vegan 蛋糕，都食過唔少素食蛋糕，無蛋奶仲好味過普通蛋糕 訂左齋啡個素食蛋糕，睇落簡簡單單咁，希望食落會有多啲驚喜 但係有啲可惜，個蛋糕都真係蛋糕夾住啲cream，味道都夠為平淡🥹 Ps, 個接單既職員都回覆得我比較hea，無介紹過個蛋糕🥲問有咩味道，佢回覆：matcha / earl grey 🥲🥲…查看更多

平時食啲蟹肉意粉，搵都搵唔到啲蟹肉😂但呢個蟹肉意粉，一黎到啲蟹肉份量多到嚇親😂雖然個cream 底調得相對單調但係石門呢個沙漠既地方，有間cafe 仲要質素唔差已經好難得😄店員感覺好親切，令人好舒服上菜速度亦好快😌😌😌要再黎的😙…查看更多

一定唔會再食嘅糖水舖....🙈🙈🙈🙈叫咗芋頭金磚，金磚喺其他糖水舖係麵包加雪糕砌成嘅甜品，但佢一個賣相極差又唔知佢乜嘢嘅冰...再加咗求其嗰啲椰果呀珍珠呀...個楊枝甘露有冇西柚肉，啲芒果係無咁好食個種泰國芒果...仲要極少，而且塊金箔唔知做乜，成張錫紙咁...過龍眼冰，相對好少少，但都係甜到爆既冰，粒龍眼係全場最好食嘅物體，但一粒龍眼都唔值$60啦😂😂最衰係，全部都係用外賣兜，賣相極差無下次，完…查看更多

餐廳燈光比較暗，影相唔太靚但啲海鮮係新鮮，煮都煮得好好味廚師亦係無咁忙既時候同客人傾下計好溫馨既感覺☺️☺️☺️唔只海鮮，啲串燒同乳鴿都好好味😛😛蠔仔粥又粒粒新鮮，同埋大大粒蒸蟶子極好味 😂老實說，唯一係個豉椒炒蜆咸左少少同有沙但都一定會再返轉頭！😂…查看更多

👎🏻👎🏻叫左四道菜，全部都係太辣，辣到唔知自己食緊咩，特別係生菜包🥬👎🏻👎🏻最重要想講嘅係檸檬燒牛肉，之前食過九龍城另一間係極好食，我哋以為其他都唔會差得去邊👎🏻👎🏻我哋錯啦，一嚟到，我哋以為自己嗌左生牛肉，然後問佢可唔可以熟多少少，佢哋攞咗去微波爐度叮，都唔緊要，因為我哋要求熟少少。👎🏻👎🏻一食落口，同街市買BBQ燒牛扒嘅牛肉一樣，無咬口，冇牛肉味，食得出係好低質嘅牛肉，只係落咗泰式嘅汁，咁點解我唔去BBQ燒低質牛扒…查看更多

💰價錢$88 一客咖哩豬扒飯，細食既，兩個人都夠但呢度設最低消費$72/人，所以你都係要叫兩樣野😬😬飲品再散叫$18 凍飲食個lunch 都盛惠$106.🍛味道合格，但不至於超班到值得貴平時茶記一倍.🧍🏻‍♂️輪侯時間🧍🏿🧍🏽‍♀️星期六過左食飯時間都要排半個鐘以上，更得閒下次都唔會再排.💧衛生情況啲豬扒一大堆流哂血水放係廁所出面.... 成地都血水，去廁所個陣覺得有啲臭味.💬結論試一次就夠，又要排隊又要貴，CP值低…查看更多

我同友人20:00到去攞位，餐廳同事A同我地講第三張到我地，因我地怕會等得耐，已經問定同事A，用餐時間幾耐，A答我地90分鐘，咁我地就決定係出面等，等到20:45，我地再問同事A仲有幾多張檯，A話有兩枱就快走，第一二個waiting list 既客已經入左去，就快到到21:15，我地再入去問到我地張檯未，同事B話：「我諗你地今日都好渺茫」我地呆左，（😂請注意，當時同事B係目無表情，毫無歉意）然後我地立即搵仲有無餐廳開，因為我地等到啲鋪頭就黎關，而結果係我地附近啲鋪都唔再做新客我地再問同事B：「頭先你地同事A同我地講每檯用餐90分鐘」，同事B話：「係喎，我地無限用餐時間架啵，咁今日啲客唔走我地都無辦法，你地都要體諒我地政府限聚令，又多警察巡查。」我地著哂火，我話：「咁叫你地經理出黎丫」，同事B話：「我係」，我話：「如果你係經理，咁你對客既態度都幾差，你地同事答既野，同你對客人既回應都好差，好唔負責任」佢話：「係呀，我地同同事有communication breakdown，但今日都真係比唔到檯你，如果你地要guarantee有位，你地可以book 定下星期」真係佛都有火，無檯唔緊要，但都唔係用呢啲態度去對個客，亦都唔係叫我地等，然後話幫你唔到，然後餓住個肚叫我book 下星期諗都唔洗諗，一定無下次，講完！…查看更多

喺附近隨意搵間餐廳叫外賣食，見到呢間日本餐廳，見佢係小店，看似都幾好食，叫咗一個三文魚冷麵套餐，店員態度同禮貌都幾好，但惡夢即將來臨......個三文魚冷麵味道好一般，冷麵用料亦唔太好，係啲平價麵，本來食食吓都冇乜嘢，直到夜晚，肚痛到好似腸胃炎咁樣，想嘔又想屙，痛左一個鐘，屙到人都虛脫（由於我下午係屋企到食午餐，所以我都幾肯定唔關個午餐時，而係個晚餐出事......）我以後都唔會亂咁食日本嘢了.....…查看更多