haha0909的个人专页

去到長洲，喺碼頭附近見到呢一間street food餐廳，見到有窩夫熱狗，好似幾吸引，見個價錢$28都諗住照食，入去餐廳諗住買外賣俾錢嗰陣，見到有個sample，只係兩隻手指都冇嘅長度已經呆咗。咁入到去就硬住頭皮買，然後佢話要收$30，咁我問係咪價錢標錯咗，收銀叔好串話外賣加$2’呀嘛’，要？定唔要？’呀嘛’兩字嘅背後係我冇喺餐牌或佢口中睇到或聽過，感到莫名其妙。然後，熱狗出爐，都係唔好食，窩夫唔香，只有麵粉味，熱狗腸仲要有浸酸味，完全唔得。呢間餐廳真係冇下次。…查看更多

中午嚟咗呢間一直想去嘅cafe度試下佢啲咖啡，順便嗌咗個嫩煎干貝忌廉意粉配黑松露醬，三個字:勁好食佢嘅忌廉汁一啲都唔膩，帶子都真係如menu所講好嫩，加上黑松露醬好吊味，呢碟意粉都算係我食過嘅意粉入面數一數二好食。而咖啡都算係幾好飲，因為自己鍾意濃啲嘅咖啡，lagom嘅咖啡就幾啱我口味，我估佢哋用嘅豆都唔係cheap豆本身仲擔心份量唔夠飽，其實食完係啱啱好，唔會太飽都唔會太餓，飲埋杯iced latte就真係好滿足。聽聞晚市menu仲豐富，搵次一定要試吓！…查看更多

住鰂魚涌嘅友人推薦過呢間小店，事實係好細好細嘅一間店，地理上較少人會經過嗰邊，門口較不起眼，所以就算經過都極可能會睇過龍。全店都只可容納三枱客人，好彩黎到得一枱客(可能對於老闆黎講唔係好彩)，我同男朋友都好快落咗單，之後就見到師傅好努力咁整壽司。我哋都點咗頗多款壽司，三文魚、蔥花吞拿魚蓉、海膽花之戀、毛蟹肉、鰻魚、腐皮、蟹子沙律、蟹棒等等。其中，最最最好食係左口魚裙邊，入口即溶，搭埋蔥花嘅香味，簡直一流！另外厚燒鰻魚同海膽花之戀都好難忘，喺口腔滿足嘅感覺簡直令我哋眼冒心心令我哋更加感嘆嘅係一間細鋪得一位師傅，但竟然味道不輸蝕大型餐廳，更莫論價錢真係十分親民，食到飽一飽埋單落樓都只係二百幾。咁可愛嘅小店真係去邊度搵！…查看更多

午飯辛水辛汗行到黎熟食中心，同行飯腳推薦呢間好地道嘅餐廳，坐低咗先知道原來係小有名氣嘅拿督！首先，侍應們個個都頗大聲兼豪氣，風風火火咁落單再上菜，已經好地道茶記風格，再加上裝修擺設，令到餐廳更地道。唔講其他，就講野食，我嗌咗星加坡咖喱豬軟骨黑豉油乾撈麵，一上菜真係嚇親，因為真係好大碟！味道就真係偏咸，不過咖喱味都搶，所以總算係平衡到，結果都係食咗大半碟就已經飽。如果想試地道餐廳，又有信心挑戰大碟撈麵，拿督真係可以一試。…查看更多

見到廣告賣相好正，雖然貴就貴咗啲，但諗緊都係一次半次姐，就立即book枱同男朋友去試吓😍雖然男朋友一再強調我係一個俾雀籠tea set誘惑咗黎嘅女人，不過大家都一致認同食物質素確實係唔差。點餐時侍應同我哋講鬆餅數量唔夠，淨係得一個，所以叫我哋喺menu揀一樣佢哋整雙倍份量俾我哋。睇得出侍應們都好忙，因為全場幾乎坐滿，都係嗌同一個tea set🤣但態度都係好好，而且好快都上菜。不得不讚，全鹹點呢個idea確實係幾特別，因為我哋都唔太好太甜嘅甜品，而呢度嘅鹹點配搭都做得幾好，以少量蔬菜帶出食物鹹香，清新而不膩。咁多款當中，我哋覺得最好食係迷你蟹餅同巴馬火腿及蘆筍卷。較失色嘅係燒牛肉卷，味道可以話係奇怪，但其他食物都係好食嘅，所以都不足以扣分。飲品都係不過不失，冇特別驚喜。整體體驗黎講係幾好，食物好食，環境舒服，餐廳都有唔少打卡位，適合各位輕鬆tea一tea。…查看更多

中午時間book左枱所以一去就有得入，我哋一行五個人被安排喺最入面嗰兩張枱。長話短說，湯同沙律都OK，算係唔錯。水果茶一般發揮，不過多水果有得食吓咁。主菜叫咗溫泉蛋卡邦尼意粉同黑松露帶子意粉，卡邦尼意粉味道偏淡，建議大家可以食其他，反而黑松露幾香，同底嘅卡邦尼醬配合得啱啱好，強調到黑松露嘅味道。飯後仲有一球雪糕: 黑芝麻味或者荔枝味。荔枝味非常普通，黑芝麻味還好。總括黎講，普通行街經過可以一試，如果專登黎試就唔好抱住太大期望啦。…查看更多

揀咗平日中午較晏嘅時間同男朋友去食Kew Space，去到餐廳淨見到寥寥幾個人，連我哋在內餐廳都只有四枱客。環境同座位都幾舒服，加上人唔多，即刻冇咁大壓力要食完趕住走。我哋坐低後嗌咗兩個semi lunch buffet，跟set加咗主菜兩份，一個係fettuccine carbonara，而另一個係pan fried salmon。眼見lunch buffet都黎到尾聲，buffet枱上都淨返唔多選擇，量都得返好少，匆匆攞咗一碟嘅份量同一碗湯就準備開餐。坦白講，呢個價錢都冇預計係好豪華buffet，正所謂冇期望就冇失望，buffet質素不過不失啦。值得一讚係佢嘅南瓜湯同沙律配料入面嘅長通粉，係幾唔錯。食到一半，我哋叫嘅主菜都上咗，試埋個卡邦尼闊條麵，我覺得係幾驚為天人，當然男朋友就話我係誇張咗，不過都覺得係好食嘅。三文魚就一般，比buffet入面嘅三文魚好食。略為失望嘅係以為有movenpick雪糕，點知原來轉左另一個牌子，味道係:水加朱古力水。冇乜朱古力味又好稀嘅感覺，總之唔需要特別去試。總括而言，連加一每人約$220，都算一分錢一分貨。餐廳環境舒適，順路想喺灣仔搵間餐廳都可以一戰嘅，不過需要留意嘅係部分侍應主要講英文。…查看更多

偶然發現呢間cafe，就拉咗朋友去試下呢間個個都讚嘅bagel同咖啡。我哋嗌咗一個煙三文魚bagel，一個鰻魚滑蛋bagel，一杯latte，一杯cappuccino。上菜嗰下其實已經想放棄影相即刻食，因為賣相實在吸引。食落去都的確好食，尤其係薯條炸得好脆好香口，呢樣大大大加分！朋友略覺得bagel硬咗少少，我本人覺得還可以，始終坊間bagel都係類似呢種口感。同埋值得一讚係小店喺bagel口味上都花咗啲心思，唔同配菜會用唔同口味嘅bagel，務求令每一份bagel嘅味道再昇華。整體黎講係好食嘅，咖啡味道都係可以嘅，不過不失。搭上餐廳嘅情調，週末可以悠悠閒閒咁咬啖bagel都真係幾正。…查看更多

甜點太甜，鹹點無味，都算係我食過咁多個tea set入面排得較後嘅一個。無論酒店menu定實際賣相其實呢set幽香抹茶下午茶都唔差，都的確係有幽香。個樣睇落幾好食，實際放入口嘅就一係甜到似砂糖，一係就鹹點一舊粉。個鬆餅係稍有抹茶味嘅一舊粉餅，算係叫入得口，抹茶布甸算唔錯，係千層酥叫稍為好食，其他點心同酒店等級仲差一啲距離。野飲其實都唔係咩特飲，都係mocha同latte，但都係好淡。食完成set，都已經甜到膩唔想再食晚飯。除咗環境，單睇食物嘅話就可一不可再。唯一開心少少係跟set有護膚品送，不過呢樣係其次，食物行先嘅我都係失望而回。…查看更多

之前無意間見到餐牌幾吸引吓，就bookmark咗呢間元朗小店。志在優閒食個下午茶，就搵咗個星期日同男朋友一齊嚟。鋪位唔大，坐到三四枱，好彩等咗冇耐就有得入，店員都好親切咁招呼我哋，呢度加一加分先。落order上菜都好快，我哋叫咗一份bacon & egg pancake，一份benedict pancake，見到signature drink有杯叫the bomb，諗住試下有幾”爆炸”就嗌咗杯嚟試下。由於開放式廚房，店員由準備食材到擺盤到上菜其實都望得一清二楚。Benedict pancake先上，食第一啖就覺得pancake都幾硬吓，加上三文魚有陣怪味，似係唔太新鮮。一開始無咩留意店員點樣準備食物，係食緊第一份pancake嗰陣先望到原來啲pancake係冷藏pancake，凍冰冰喺雪櫃度拎出嚟加返熱。睇到呢度不禁有少少失望，始終一份價錢並唔平，值得由開pancake漿做起。而且，冷藏pancake始終口感差一大截，最多係配菜同擺盤搭救，但救唔到太多。Bacon & egg 尚算可以，都係敗北喺個pancake度。一份個量都算大，如果唔係呢個價錢真係唔太值。不過，the bomb係有少少驚喜嘅。一開始飲確係太酸，lime juice同咖啡mix的確唔係個個接受到，例如我男朋友飲咗一啖就擰哂頭，不過飲到後期係會有甘甘地嘅感覺，先酸後甘呢種層次係幾特別，令到我最後有加分俾呢一餐嘅。整體上嚟講，OK啦🤣食物就一般架啦，飲品雖然冇試到佢哋啲classic coffee，不過特飲係稍有特色。如果冇特別期望又係住附近，可以不妨一試。…查看更多

之前都食過幾次呢間光榮，覺得食物都唔錯，今次諗住同男朋友經過就入去食個飯，點知谷氣之餘都決定將呢間光榮列入黑名單我哋叫咗一份三蛋叉燒飯同一份西多士下午茶，跟餐嘢飲係一杯凍奶茶，另外叫多杯凍檸茶。等咗一陣，伙記略帶豪氣將碟三蛋叉燒飯擲上枱，嚇一嚇親我哋，更加嚇親我哋嘅係碟飯嘅叉燒真係少得可憐，擺碟肉酸都係其次，叉燒似係餸頭餸尾/有人食淨咗放上黎。我第一個反應係:我應該係嗌左一個55蚊嘅飯，而唔係廿幾三十蚊嘅下午茶餐㗎呵？我哋真係呆咗望住碟飯，決定同伙計講想換。首先有位稍為年輕嘅伙記收走碟飯話會跟進，隔咗一分鐘之後，有位稍為豪氣嘅伙記拎住碟飯走過黎，大聲反問我哋: 係！依家啲叉燒有咩問題？ 我哋就輕輕講咗一下啲叉燒似係餸頭餸尾，伙記就疑似黑面咁行走咗。之後換咗碟飯啲叉燒擺盤稍為好啲但就少一隻蛋，我哋都決定放棄同佢哋理論，諗住食完就走。全日食第一啖野嘅我咬咗一啖叉燒，真係花咗啲功夫先吞得到，啲叉燒又乾又硬又冇味，我自己喺屋企整都好食過嗰碟飯。之後西多士都上埋，味道都係一般唔係好食。我哋嘅結論係冇必要再黎，食物難食之餘，員工態度差，禮貌欠奉。認真，blacklisted.…查看更多