MyFoodprint的个人专页

今日特登出黎食沾麵💛排左大概半個鐘，排到一半店員會俾紙落單。天氣熱，店員仲會主動派水俾等位既客，加分加分魚介豚骨沾麵 $83 + 半熟蛋 $15佢標榜麵量係平時其他鋪既1.5倍，我驚食唔哂所以揀左少麵。一黎先試左湯底，好夠熱，好濃既魚介香～再試埋麵，食到麵粉香，有咬口。原來叉燒係切粒，同筍一樣跟湯上，叉燒偏瘦同硬，而筍就唔錯，脆得黎又食到筍香。半熟蛋就咸左啲啲。沾麵汁始終相對濃味，加啲檸檬汁落個麵度食落會清爽啲，不過鐘意重口味既我食到一半就加左啲蒜蓉。食哂個麵再加清湯飲，好飽都忍唔住飲左大半碗。…查看更多

今日又去海濱搵好西。將軍澳既Burger店唔多，今次俾佢吸引左入去。🍔丹麥藍芝士漢堡 ＋ 蕃薯條漢堡扒超juicy，多到一路食一路滴落個盤，調味適中。Blue Cheese分量好足，每一啖都食到，好香啊。鐘意食Blue Cheese既話推薦一試。上面仲配左少少焦糖洋蔥。不過包既比例上就略嫌差啲，肉細過包唔少，夾埋之後就縮左入去，個邊位得返包同生菜。好在肉夠厚，應該係犧牲左個闊度，令到煎完面頭夠香入面唔會乾哂。蕃薯條係正常水平，有蕃薯香同甜，仲要脆既，咁點都好食啦。食完好滿足。PS 佢本身係有蕃茄睇下啲Blue Cheese🤤🤤…查看更多

近排呢頭越黎越多台灣菜，今日去開Donki經過就試下呢間。午市套餐 - 鹽酥雞排配滷肉飯一大塊雞排仲要熱辣辣炸起，食落口超脆，炸皮厚薄適中，係粗粒炸粉！！食鹽酥就係想食粗粒薯粉既炸皮。雞排本身好厚，炸完都仲好juicy。加上食落唔係好油膩，再配埋個千島醬酸酸地，食下食下就食哂成碟。滷肉飯就一般，始終鐘意食切粒既滷肉多啲，調味都唔係去到超啱口味既level。下次會試下刀削麵。另外仲試左鹽酥排骨，豬排更驚喜！平時啲鋪頭怕佢韌怕佢唔熟，跟住就死命咁揼薄佢，越炸就越乾... 今次呢間鋪頭既豬排係厚切，仲要好多肉汁，又夠腍，大推！…查看更多

一直都好想試下呢間cafe，但係成日都排長龍。咁啱今日放假，就早啲過去嘆個brunch。個環境真係好chill，地鋪但係唔怕隔離又車又人又逼，可惜而加疫情唔想坐露天位食飯，如果唔係就可以吹住海風嘆杯咖啡。威士忌木桶煙燻鮭魚忌廉芝士酸種麵包煙三文魚配Cream Cheese呢個配搭一啲都唔陌生。煙三文魚既煙燻味好香，唔係得個咸字，因為佢係碎上，加上本身啲魚比較油潤，入口好creamy。麵包烘得啱啱好，唔怕塊包越食越韌，但係又唔會太硬。睇落好似唔係好大份，食完發現好飽，brunch黎計份量足夠。Latte食完正餐之後飲就覺得唔太特別。好飲既，只係唔特別。呢個價位，如果唔係半自助就更好。…查看更多