Kameng's Profile

早係一個月之前已經係Openrice留意到呢間餐廳，但係6月內2個星期六都好唔好彩遇到佢休息。終於係今日可以試下正宗四川菜啦。我地叫左酸菜魚、酸辣粉同夫妻肺片。夫妻肺片佢地既做法同出面好唔同，有d餐廳為左個賣相好睇，有將好多唔同既部份切左唔要，又整到好薄，但呢度會將被切除既部份一併煮埋，口感唔錯。而且呢度整既唔似其餐廳咁多油同只係得辣味，而係食得出好香同麻辣感覺。酸辣粉呢個酸辣粉同出面食既好唔同，香料應該係四川買返黎，而唔係係香港香料店買到果d就算，所以香味同食既味道好唔同。酸菜魚呢個酸菜魚入面既魚係老闆係我地落Order之後去隔離魚店買，絕對新鮮。佢地話唔鍾意買定d魚，所以宣傳單上寫住酸菜魚、水煮魚等等要預約既意思係要俾時間老闆去買魚先有，不過魚店係隔離街，我諗好似我地咁樣，去到先叫，老闆即去買魚，應該都無問題既。呢個酸菜魚同出面食既味道真係好大分別，老闆娘話佢間唔中會返四川老家買香料，因為有d香料係香港買唔到，或者個味道好唔同，始終都係唔夠四川買到既香。而且老闆娘係四川人，所以整出黎既菜式都比較正宗，同其他餐廳食到既好唔同。老闆娘話佢地有時有其他野做就會係星期六唔開，所以大家都係打個電話去確認下先。想食正宗四川菜，可以黎試下。…Read More

最近係石籬黎邊做野, 因為一年先黎一次,上黎Openrice搵下附近邊度有得食午餐,自己本身鍾意食豬扒, 係Openrice搵到呢間店係豬扒出名,於是就決定今日午餐係度食!間店唔係大街和宜合道, 係橫街入面,個門口仲要好細, 如果唔係特登上Openrice睇飯店,根本就唔會搵到佢, 不過, 佢間店叫金輝麵食, 但佢唔係將鋪頭名對住大街,而係 "無敵豬扒, 絕世牛扒" 八個大字對正和宜合道!第一眼見到呢八個大字, 心諗有無咁誇張行到埋去之後, 見到間鋪頭係鋪頭仔一間,非常之up dup, 絕對係遲d會比人加租趕走既特色小店如果唔係特登上Openrice睇飯店, 你係行過都唔會入去果種鋪頭我地2個人行入去, 係鋪頭入面只係有3-4張台, 但鋪頭外面就有5-6張台,因為我地早左去食Lunch, 所以一入到去就有位, 唔使等。我地叫左煎豬扒米同豬潤湯飯煎豬扒米塊豬扒好鬆軟, 睇落似係用人手搥仔自己dup到咁鬆軟, 唔係用粉"拿"到咁, 而且煎到好香, 即使浸係湯入面, 都唔會話無哂味同浸到好淋豬潤湯飯d湯就唔係好咸, 唔會飲完好渴果種, 而豬潤就其實一般般, 無咩特別,我就將所有飯倒哂入碗湯, 味道都算ok。豬扒果然係最出名, 真係好, 希望出年黎做野間野仲係度啦…Read More

係葵芳行過見到有間食日本咖哩飯既餐廳,有人推介話唔錯, 所以就決定入去食就咁係門口望入去, 裝修唔錯, 睇落去係幾舒服,燈光有d暗, 但就幾有氣氛, 不過餐廳位於新都會商場門口,人流比較多, 所以如果坐係近門口位置就會比較嘈d,不過總括黎講就唔錯!一入去到, 好快就有人帶位, 可能時間只係7點左右,唔算有好多客, 所以侍應都企哂係度等, 基本上一舉手, 或者望一望佢地, 就會有人埋黎打開Menu, 當然係睇咖哩飯啦本Menu好大本, 每頁都有一d推介, 上面既係有圖片, 而下頁既選擇就無圖可以睇, 所以我地都係睇圖選餐我地2個人食, 揀左奄列牛肉咖哩飯同自家製漢堡扒咖哩飯, 再加一個特選吉列豬扒,之後等左唔使10分鐘, 就出哂3樣野!呢個奄列牛肉咖哩飯上面隻奄列炒得幾滑, 不過美中不足既就係有蛋殼而牛肉就整到淋, 好香, 咖哩汁好夠, 唔會食到無, 總括黎講就唔錯呢個自家製漢堡扒咖哩飯上面塊漢堡扒好大塊, 但食落就唔算太實, 不過都要花少少力去分成細細塊咁食, 而d珍珠米只係出淋左咖哩汁,唔會搞到好似浸住哂d飯咁難食, 而咖哩汁就唔似其他好甜咁樣, 又唔算太杰不過呢個咖哩汁我就食到最後係清哂呢塊吉列豬扒夠哂厚, 出面好脆, 但咬到入面就好嫩好多汁,唔會炸到乾哂咁難啃, 佢有2款醬俾我地, 芥辣同豬扒醬(唔知係咪咁叫),我自己就覺得豬扒汁無咩特別, 但芥辣就唔錯塊豬扒就5分1位置都係肥油黎, 入口即溶, 好正, 而且成塊都外脆內嫩, 呢塊野值得食!最後, 呢間店價錢大約都係$85-$120左右,係呢個環境氣氛下, 食物味道又唔錯, 呢個價錢可以接受!…Read More

最近去左石籬 (香港人,唔知係咪叫石籬)做野,搭巴士去到打磚坪街落車, 之後要過對面馬會果邊,於是行去後面過馬路, 間"有口福"就係正交通燈前面果時朝早10點幾, 行過馬路去到中間就聞到一陣陣好香既牛什味,於時就搵下邊度發出啦, 原來就係呢間"有口福"食店,招牌寫住"牛什專家", 心諗呢間店睇落個門口好細, 望落去唔似有咁香既牛什食,不過趕住去做野, 所以無理佢...當日食午餐時, 就上openrice睇下附近有咩餐廳食野啦,因為都唔係成日過黎, 每年先黎一次, 無意中就發現,原來呢間"有口福"食評都唔錯, 都有幾多人話好食,不過個個都話最出名係越南河同走地雞飯,就決定第二日午餐去食啦!到第二日, 又係果度過馬路, 又係聞到好香既牛什味, 好想即刻去整串牛什做早餐不過既然決定左午餐去食, 就算啦, 忍!!!!12點半就落去食, 可能早左時間, 所以唔使等位就即刻坐低叫野食,原本好想試下佢地牛什係咪真係咁好食,但又有好多人話越南河同走雞飯好食喎,所以我地2個人, 一人叫左一樣, 再加2杯野飲同碟芥蘭等左5-6分鐘左右就黎齊哂, 真係好快!!d牛肉無幾耐浸多兩浸就熟左食得, 就算食到後期都仍然係咁嫩, 一d都唔"鞋"佢d雞睇到時我見到仲有少少紅色係骨入面, 所以應該整到岩岩好, 食左有幾塊雞胸肉, 好嫩同好多汁,係上面既蔥油好香, 而且唔算太咸, 阿姐仲特登俾左碗清湯我地,唔算多油, 而且又無味精叫左碟芥蘭, 阿姐問要蠔油定腩汁, 緊係要腩汁啦!黎到食左無咩特別, 但腩汁就好香!!最後幾張就係店內環境既相, 睇到d價錢其實唔算太貴,以一個午餐, 食碟飯30蚊, 食碗麵20幾蚊都算合理,而且係呢間睇落唔似會有好野食既店仔,質素唔錯, 希望出年黎仲見到佢做緊啦…Read More